వై.ఎస్.ఆర్ కాంగ్రెస్ అధికారంలోకి వస్తే జరిగే దారుణాలు ఎలా ఉంటాయో తెలిపే సంఘటన ఈరోజు గన్నవరం పట్టణంలో జరిగింది. వివరాలలోకి వెళితే ... ఈరోజు వై.ఎస్.ఆర్ కాంగ్రెస్ పార్టీ అధ్యక్షుడు జగన్మోహన్ రెడ్డి పుట్టినరోజు సందర్భంగా ఆపార్టీ నాయకులు మోటార్ సైకిల్ ర్యాలీ నిర్వహించాలని నిర్ణయించుకున్నారు. గన్నవరం నియోజకవర్గంలో ఆపార్టీపై అభిమానంతో స్వచ్ఛందంగా వచ్చే కార్యకర్తల సంఖ్య చాలా తక్కువగా ఉండడంతో ఆపార్టీ నాయకులు పలువురు విద్యార్ధులను సంప్రదించి ర్యాలీకి మోటార్ సైకిళ్ళు పంపాల్సిందిగా కోరడం ప్రారంభించారు.
ఆ క్రమంలో బాజీ అనే యువకుడిని వారు సంప్రదించగా తాను తెలుగునాడు విద్యార్ధి సంఘం లో పనిచేస్తున్నానని, తెలుగుదేశం పార్టీ కార్యక్రమాలకు మినహా ఏ ఇతర పార్టీకి తాను సహకరించబోనని సమాధానం ఇచ్చాడు. ర్యాలీ అనంతరం వై.ఎస్.ఆర్ కాంగ్రెస్ పార్టీకి చెందిన 30 మంది కార్యకర్తలు మద్యం సేవించి బాజీ ఆచూకీ కొరకు ఆరా తీయసాగారు. సెయింట్ జాన్స్ స్కూల్ ప్రక్కన మరో ఇద్దరు టీ.ఎన్.ఎస్.ఎఫ్ నాయకులతో కలిసి కూర్చుని ఉన్నారు అని తెలుసుకున్నారు..
ఆ 30 మంది వై.ఎస్.ఆర్.సి.పి కార్యకర్తలు కర్రలు, సరుగుడు బాదులతో వారి దగ్గరకు వెళ్లి, పై దాడికి దిగి నిర్దాక్షిణ్యంగా కొట్టడంతోపాటు ఎన్టీఆర్ ఫోటో ఉన్న మోటార్ సైకిల్ ను క్రిందపడేసి ఫోటో పై మూత్రం పోశారు. బంగారం గొలుసును దౌర్జన్యంగా లాక్కుని తీసుకెళ్ళిపోయారు. ఈ దాడిలో టీడీపీ కార్యకర్తలు బుట్టు రుషి, నార్ల సురేష్, అరుణ్‌కు తీవ్రగాయాలయ్యాయి. ఒకరికి చెయ్యి విరగగా మరొకరికి వేళ్ళు విరిగి ఆసుపత్రిలో చికిత్స పొందుతున్నారు. వై.ఎస్.ఆర్.సీ.పీ దౌర్జన్యకాండను దగ్గరలోని ఇంటిలో నివసించే వ్యక్తి వీడియో తీశారు. పోలీసులు కేసు పెట్టి, వారిని అరెస్ట్ చెయ్యాలి అని, గన్నవరం ఎమ్మల్యే వంశీ కోరుతున్నారు...
