news

రాష్ట్ర ప్రభుత్వం కర్నూలు జిల్లాలో అంతర్జాతీయ స్థాయి విత్తన పరిశోధన కేంద్రాన్ని ఏర్పాటు చేయడానికి అన్ని ఏర్పాట్లు పూర్తి చేసింది. ఇందుకోసం కర్నూలు జిల్లాలోని జూపాడు బంగ్లా మండలం, తంగెడంచ గ్రామంలో దాదాపు 650 ఎకరాల విస్తీర్ణంలో రూ.670 కోట్లతో అంతర్జాతీయ స్థాయి విత్తన పరిశోధన కేంద్రానికి రేపు (సోమవారం) మధ్యాహ్నం 3 గంటలకు ముఖ్యమంత్రి చంద్రబాబు నాయుడు శంకుస్థాపన చేయనున్నారు.

రాయలసీమ ప్రాంతాన్ని అభివృద్ధి పథంలో నడిపిస్తానన్న ముఖ్యమంత్రి వాగ్దానానికి కట్టుబడి ఈ మెగా సీడ్ పార్కుకు ప్రభుత్వం నాంది పలికింది. అదే రోజు అమెరికాకు చెందిన ఐయోవా యూనివర్సిటీతో ఒప్పందాన్నికూడా రాష్ట్ర ప్రభుత్వం చేసుకోనుంది. రూ.150 కోట్లు రాష్ట్ర ప్రభుత్వం ఖర్చు చేస్తుండగా, మరో రూ.500 కోట్ల రూపాయల నిధులను కేంద్ర ప్రభుత్వం నుండి రాబట్టుకోవాలని రాష్ట్ర వ్యవసాయశాఖ కేంద్రానికి ప్రతిపాదనలు పంపనుంది. రాష్ట్ర విభజన నేపథ్యంలో తెలంగాణ రాష్ట్రానికి పలు కేంద్ర ప్రభుత్వ సంస్థలు కేటాయించడంతో తాజాగా కర్నూలు జిల్లాలో ఏర్పాటు చేయనున్న మెగా సీడ్ పార్కుకు అయ్యే ఖర్చులో కేంద్ర వాటా కోరాలని భావిస్తున్నారు.

పట్టిసీమ ప్రాజెక్టుతో రాయలసీమ ప్రాంతంలోని కర్నూలు, నంద్యాల వ్యవసాయదారులు నీరు అందిచటంలో ప్రభుత్వం అనుకున్నదాన్ని సాధించిన నేపథ్యంలో అదే ప్రాంతంలో విత్తనాభివృద్ధి కేంద్రంతో పాటు, అత్యాధునిక పరిశోధన కేంద్రాన్ని ఏర్పాటు చేయాలని సీఎం చంద్రబాబు ప్రణాళికలు రూపొందించారు.

ఈ పార్కుల అత్యున్నత సాంకేతిక పరిజ్ఞానంతో కూడిన ప్రయోగశాలలు, సీడ్ ప్రాసెసింగ్ సదుపాయాలు, విత్తన పరిశోధన, అభివృద్ధి కేంద్రంతో పాటు విత్తన ఎగుమతికి అవసరమైన నాణ్యతా ప్రమాణాలతో కూడి అన్ని ఏర్పాట్లు చేయనున్నారు. విత్తన పరిశోధన, నవ్య ఆవిష్కరణలు చేపట్టడం, వ్యాపారాభివృద్ధితో పాటు విత్తన వ్యాపారానికి ఇంక్యూబేటర్గా ఉండటం, మానవ వనరుల అభివృద్ధి, ప్రపంచ విత్తన కార్యక్రవూలు చేపట్టడం, ప్రభుత్వ విత్తన విధి విధానా లకు చేయూత నివ్వడం, రైతులకు వ్యవసాయ పరిజ్ఞానాన్ని అందివ్వడం వంటి కార్యక్రమాలకు "మెగాసీడ్ పార్క్ వేదిక కానుంది. ఇక్కడకు 100 పైగా అంతర్జాతీయ విత్తన సంస్థలు వస్తున్నాయి. దీనికి అయోవా విశ్వవిద్యాలయం సాంకేతిక సహకారం అందిస్తోంది.

అలాగే దేశంలోని ప్రముఖ విత్తన కంపెనీలతో పాటు, చిన్న కంపెనీలకూ ఈ పార్కులో భూములు కేటాయించనున్నారు. ప్రస్తుతం తమిళనాడులో ఉన్న సీడ్ పార్క్ దేశంలో ఉత్తమమైనదిగా పేరుంది. దాని కంటే మిరంత అత్యాధునికంగా కర్నూలు జిల్లాలో ఏర్పాటు చేయబోయే 'మెగా సీడ్ పార్కు ఆవిష్కరణ కార్యక్రమంలో రైతు సంఘాలతో పాటు రాష్ట్ర జాతీయ విత్తన సంస్థలు కూడా పాల్గొంటున్నాయి.

ఆంధ్రప్రదేశ్ లో, మరో ప్రతిష్టాత్మకమైన భారీ ప్రాజెక్టు బీజం పడనుంది... విశాఖలో భూగర్భ విద్యుద్దీకరణ ప్రాజెక్ట్ పనులకు ముహూర్తం ఖరారైంది. ఈ నెల 9న మధ్యాహ్నం 12.10 గంటలకు విశాఖ నగరంలో పాండురంగాపురం 33/11కెవి విద్యుత్ సబ్‌స్టేషన్ వద్ద ప్రాజెక్టు నిర్మాణ పనులకు ముఖ్యమంత్రి చంద్రబాబు శంకుస్థాపన చేస్తారు. 2014 అక్టోబర్ 12న ఇక్కడ సంభవించిన హుదూద్ తుపాను ఓ గుణపాఠం నేర్పింది. దీంతో అప్రమత్తమైన సంస్థ తక్షణ కర్తవ్యాన్ని చేపట్టింది.

విశాఖ వంటి మహానగరంలో హుదూద్ వంటి భారీ తుపాన్లను సమర్థవంతంగా ఎదుర్కొనేందుకు, పర్యావరణ పరిరక్షణ, విద్యుత్ స్తంభాలు, విద్యుత్ తీగలతో ఎదురయ్యే ప్రమాదాలను నివారించేందుకు భూగర్భ విద్యుద్దీకరణ తప్పనిసరిగా భావించి ప్రణాళికలు రూపొందించింది. వీటిని ప్రభుత్వం దృష్టికి తీసుకువెళ్ళడం, తరువాత ప్రపంచ బ్యాంకుకు సిఫారసు చేయడం, దీనికి సంబంధించిన బృందం ఈపిడిసిఎల్ ఆధ్వర్యంలో అధ్యయనం చేయడం వేగంగా జరిగిపోయాయి.

నగరంలో నాలుగు ప్యాకేజీల కింద 276 కిలోమీటర్ల మార్గంలో ఈ భారీ ప్రాజెక్టును నిర్మించేందుకు రూ.760 కోట్లకు పైగానే ఖర్చవుతుందని అంచనాతో ప్రతిపాదనలు పంపగా, దీనికి ఆమోదం తెలిపింది. దీని తరువాత ఉన్నతాధికారుల బృందం ప్రాజెక్టు నిర్మాణానికి సంబంధించి కోల్‌కతాకు వెళ్ళి శిక్షణ పోందడం, నిధులు మంజూరైన తరువాత తొలి మూడు ప్యాకేజీల ప్రాజెక్టుకుగాను టెండర్లు ఖరారు చేయడం కూడా పూర్తయ్యింది. వీటన్నింటికీ చెంనిన కార్యక్రమాలు పూర్తిచేయడానికి ఏకంగా మూడేళ్ళకాలం పట్టింది. మొత్తం మీద ఈ ప్రాజెక్టు నిర్మాణ పనులకు ఈనెల 9న సిఎం శంకుస్థాపన చేస్తారు.

18 మాసాల్లో ఈ ప్రాజెక్టు నిర్మాణం ప్రభుత్వం పూర్తి చేయ్యనుంది. ఇది అందుబాటులోకి వస్తే ప్రకృతి వైపరీత్యాలు, హుదూద్ వంటి తుపాన్లను సమర్ధవంతంగా ఎదుర్కోవడం, విద్యుత్ సరఫరాలో అంతరాయాలను అధిగమించడం, విద్యుత్ వ్యవస్థ పునరుద్ధరణకు కోట్లాది రూపాయల మేర వెచ్చించాల్సిన అవసరం ఉండదు. అలాగే విశాఖ నగరాన్ని స్మార్ట్‌సిటీగా ప్రకటించినందున ఆర్థిక వృద్ధికి ఈ ప్రాజెక్టు ఎంతో తోడ్పడుతుంది.

చాలా రోజులు తరువాత చంద్రబాబు హైదరాబాద్ వెళ్లారు... తన ఇంట్లో, ఇవాళ తెలంగాణా టీడీపీ నేతలతో మీటింగ్ పెట్టుకున్నారు... భవిష్యత్తు కార్యాచరణ, పొత్తుల పై తలా ఒక మాటా మాట్లాడటం, కెసిఆర్ ఎత్తులు ఇవన్నీ చర్చించుకుంటున్న టైంలో అనుకోని డిస్టర్బన్స్...

తెలుగుదేశం పార్టీ నుంచి, తెరాసలో చేరిన తలసాని శ్రీనివాస్ యాదవ్, చంద్రబాబు ఇంటికి వచ్చారు... అయితే, అక్కడ మీడియాను చూసి, కంగారు పడి అక్కడ నుంచి వెళ్ళిపోవటానికి ప్రయత్నిచారు... మీడియా ఎందుకు వచ్చారు అని అడగటంతో, వేరే రూట్ లో రాబోయి , ఇటు వచ్చాను అని, చంద్రబాబు హైదరాబాద్ లోనే ఉన్నారని తెలీక ఇటు వైపు వచ్చానని అక్కడ మీడియా వాళ్ళతో చెప్పారు...

కాని ఇది అంతా ఒక కట్టు కధ అని ఇట్టే అర్ధమై పోతుంది... చంద్రబాబుని అత్యంత హీనంగా తిట్టిన వాళ్ళలో తలసాని ముందు వరసులో ఉంటారు.... అలాంటి తలసాని చంద్రబాబుని కలవటానికి ఎందుకు వచ్చారు ? మీడియాను చూసి ఎందుకు పారిపోయారు అనేది ఇప్పుడు హాట్ టాపిక్ గా ఉంది...