news

ప్రభుత్వ కార్యాలయాలు ఆధునీకరించ బడ్డాయి అంటే ప్రజా సేవలు సులభతరం కాబడ్డాయి అని అర్ధం...

రాజమహేంద్రవరం నగర పాలక సంస్థ నూతన భవనాన్ని ముఖ్యమంత్రి చంద్రబాబునాయుడు ప్రారంభించారు. 150 ఏళ్లకు గుర్తుగా భవనం ఆవరణంలో ఏర్పాటు చేసిన స్మారక చిహ్నాన్ని ఆయన ఆవిష్కరించారు.

పక్కన ఏర్పాటు చేసిన నూతన భవన శిలాఫలకం, మున్సిపల్ ఆవరణం బయట ఉన్న విద్యుత్తు ఉప కేంద్రం మార్పు చేసేందుకు ఏర్పాటు చేసిన శిలాఫలకాన్ని ముఖ్యమంత్రి ఆవిష్కరించారు. అక్కడ నుంచి నేరుగా నూతన భవనంలోకి ప్రవేశించారు.

వేదపండితుల మంత్రోచ్ఛరణల మధ్య ముఖ్యమంత్రిని నగరపాలక సంస్థ పాలకవర్గం, అధికారులు స్వాగతం పలికారు. లోపలకు వెళ్లగానే నేరుగా పై అంతస్తుకు చేరుకున్నారు. అక్కడ ఏర్పాటు చేసిన కమాండ్ కంట్రోల్రూంను పరిశీలించారు. కమాండ్ కంట్రోల్ రూం ఆవశ్యకతను కమిషనర్ విజయ్రామరాజు వివరించారు.

నగరంలో ఏర్పాటు చేసిన సీసీ కెమెరాల ఫుటేజీతోపాటు, పురపాలకసంస్థ చేపట్టే పనులు, చెత్త సేకరణ, ఇతర అభివృద్ధి పనులు ఎప్పటికప్పుడు పరిశీలించేందుకు వీలుగా దీనిని ఏర్పాటు చేసినట్లు చెప్పారు. అలాగే మేయర్ ఛాంబర్ను పరిశీలించారు. చివరిగా కింది అంతస్తులో ఏర్పాటు చేసిన బుధుడి విగ్రహాన్ని చంద్రబాబు ఆవిష్కరించారు.

రాజమహేంద్రవరం నగర పాలక సంస్థ నూతన భవనాన్ని విద్యుత్తు దీపాలతో సుందరంగా తీర్చి దిద్దారు. దారిపొడవునా విద్యుత్తు దీపాలు ప్రత్యేక ఆకర్షణగా నిలిచాయి.

అలాగే నగర జిల్లా పోలీస్ నూతన కార్యాలయ భవన సముదాయాన్ని , సిఐడి ప్రాంతీయ నూతన భవనాన్ని కూడా ముఖ్యమంత్రి ప్రారంభించారు.

A2 విజయసాయి రెడ్డి బాటలోనే, A1 జగన్ పయనిస్తున్నారు... మొన్న A2 విజయసాయి రెడ్డి, నాకు జగన్ కేసులతో సంబంధం లేదు అని డిశ్చార్జ్‌ పిటిషన్‌ వేస్తే, నిన్న A1 జగన్ కూడా నాకు నా అక్రమాస్తులతో సంబంధం లేదు అని కేసులు నుంచి తప్పించమని A1 జగన్ కూడా డిశ్చార్జ్‌ పిటిషన్‌ వేశారు...

అయితే, దీనికి గెట్టి కౌంటర్ ఇచ్చింది సిబిఐ... జగన్ ముమ్మాటకి పెద్ద మోసగాడే అనే కోర్ట్ కి తేల్చి చెప్పింది... జగతిలో పెట్టుబడులు కోసం, తన పెట్టుబడిదారులను మోసం చేశారని సీబీఐ పేర్కొంది. పత్రిక ప్రారంభించిన ఐదారేళ్లు నష్టాలు తప్పవన్న సంగతి తెలిసి కూడా.. జగన్ ఆ విషయాన్ని పెట్టుబడిదారులకు చెప్పకుండ మోసం చేశాడు అని కోర్ట్ కి చెప్పింది.

జగన్‌ ప్రోద్బలంతో ఆడిటర్‌ విజయసాయిరెడ్డి పాత తేదీలతో జగతి పబ్లికేషన్‌ విలువను పెంచి డెలాయిట్‌ సంస్థ నుంచి నివేదిక తెప్పించారని తెలిపింది. జగన్ చైర్మన్ గా ఉన్న సమయంలో.. కంపెనీతో సంబంధం లేని వ్యక్తుల నుంచి పెట్టుబడులు స్వీకరించారన్న ఆరోపణలున్నాయి. నిబంధనలకు విరుద్దంగా జగతి పబ్లికేషన్స్ షేర్ ధరను ఆయన పెంచారని సీబీఐ చెప్పింది.

జగన్ దాఖలు చేసిన డిశ్చార్జ్ పిటిషన్ కొట్టివేయాలని సీబీఐ తన పిటిషన్ లో పేర్కొంది. ఈ పిటిషన్ శుక్రవారం ప్రత్యేక కోర్టు ద్వారా విచారణ జరగనుంది.

అదో బృహత్తర ప్రాజెక్టు. సీమను సస్యశ్యామలం చేసి నాలుగు జిల్లాల ప్రజల దాహర్తిని తీర్చేందుకు ఉద్దేశించిన పథకం. 33 ఏళ్ల క్రితం ఎన్టీఆర్‌ చేతుల మీదుగా శంకుస్థాపన జరుపుకుంది ఈ ప్రాజెక్టే హంద్రీనీవా. కర్నూల్ జిల్లాలోని ముచ్చమర్రి గ్రామం వద్ద హంద్రీ నీవా సుజల స్రవంతి మొదటి దశ రెండవ ప్యాకేజీలో భాగంగా ఈ పథకాన్ని ప్రారంభించున్నారు. ముఖ్యమంత్రి చంద్రబాబు శుక్రవారం జాతికి ఆంకితం చేయనున్నారు.

దీనివల్ల రాయలసీమలోని కర్నూల్, కడప, చిత్తూరు, అనంతపూర్ జిల్లాల్లోని 6.025 లక్షల ఎకరాలకు సాగునీరు, 33 లక్షల ప్రజలకు మంచినీరు అందుతుంది. ముచ్చుమర్రి నుంచి హంద్రీ-నీవా కాల్వకు 4 పంపుల ద్వారా 1320 క్యూసెక్కులు, కేసీ కెనాల్‌కు 3 పంపుల నుంచి 750 క్యూసెక్కులు శుక్రవారం నుంచి ఎత్తిపోయనున్నారు.

రాయలసీమకు పట్టిసీమగా భావించే ముచ్చుమర్రి ఎత్తిపోతల పథకాన్ని రూ.326 కోట్లతో చేపట్టారు. శ్రీశైలం జలాశయం 790 అడుగుల మట్టం నుంచి నీటిని ఎత్తిపోయడం ఈ ప్రాజెక్టు ప్రధాన లక్ష్యం. అప్రోచ్‌ కెనాల్‌ నిర్మాణం పూర్తికాకపోవడంతో 809 అడుగుల వద్ద నీటిని తీసుకోవలసి ఉంటుంది. కేసీ కాల్వకు 4 పంపుల ద్వారా 1,000 క్యూసెక్కులు, హంద్రీ-నీవాకు 12 పంపుల ద్వారా 3,960 క్యూసెక్కులు తీసుకుంటారు..

మేఘా సంస్థ ప్రభుత్వం ఇచ్చిన ఎత్తిపోతలను సవాల్ గా తీసుకుని నిర్దేశించిన గడువుకన్నా ముందే పూర్తిచేసి రికారుల్లోకి ఎక్కింది.