news

తిరుపతి పార్లమెంట్ ఉప ఎన్నికల్లో, ఏమైతే అరాచకాలు జరిగాయో, దాన్ని ఇంకొంతగా మెరుగులు దిద్ది, కుప్పంలో అమలు పరచటానికి, అన్ని వ్యూహాలను వైఎస్ఆర్ కాంగ్రెస్ పార్టీ సిద్ధం చేసింది అంటూ మీడియాలో కధనాలు వస్తున్నాయి. ముఖ్యంగా మీడియాలో వస్తున్న సమాచారం ప్రకారం, గతంలో తిరుపతి పార్లమెంట్ ఉప ఎన్నికల్లో, బస్సుల్లో వచ్చి దొంగ ఓట్లు వేసారు. అయితే ఇప్పుడు అలా కాకుండా, ఫోర్ వీలర్స్ వాడాలని నిర్ణయం తీసుకున్నారు. వివిధ కార్పొరేటర్లు, డైరెక్టర్లు, చైర్మెన్లు, ఇలా రకరకాల హోదాలతో ఉండే వైఎస్ఆర్ కాంగ్రెస్ పార్టీకు చెందిన నామినేటడ్ పోస్టుల్లో ఉండే వారి కార్లలో, కుప్పంలో దొంగ ఓట్ల కోసం తరలించబోతున్నట్టు సమాచారం ఉంది అంటూ మీడియాలో కధనాలు వస్తున్నాయి. దీంతో పాటుగా, ప్రతి వార్డులోను 150 దొంగ ఓట్లు వేయటానికి, పక్కా ప్రణాళిక సిద్ధం చేసుకున్నట్టు కధనాలు వస్తున్నాయి. ఈ ప్రతి వార్డులో 150 దొంగ ఓట్ల కోసం ముందు నుంచే కసరత్తు చేసారు. కొత్తగా ప్రతి వాడులో 150 దొంగ ఓట్లు నమోదు అయినట్టు తెలుస్తుంది. వీరిని ఎలా ఓటు వేయించాలి అనే దాని పై పక్కాగా స్కెచ్ వేసారు. ఒకటి అక్కడ కుప్పంలో ఉండే ఖాళీ ఇళ్ళను ఇప్పటికే అద్దెకు తీసుకున్నారు. కేవలం 5 రోజుల కోసం రూ.20 వేల వరకు అద్దెలు చెల్లించి, ఈ దొంగ ఓట్ల కోసం బయట నుంచి వచ్చిన జనాలను ఇక్కడ దింపినట్టు తెలుస్తుంది.

ఎక్కడ ఖాళీ ఇళ్లు ఉన్నా, ఈ దొంగ ఓటర్లను ఇక్కడ డంప్ చేసారు. వారికి సకల సౌకర్యాలు కల్పిస్తున్నారు. ఒక పక్క తెలుగుదేశం పార్టీ నేతలను ఇక్కడ ప్రచారం చేసుకోనివ్వని పోలీసులు, ఇక్కడ మాత్రం ఇలాంటి వారిని పట్టించుకోవటం లేదు. ఇక రెండో వ్యూహంగా కుప్పంలో ఉన్న వైసిపీ వారే, రెండు మూడు ఓట్లు వేసే విధంగా కూడా ప్లాన్ చేస్తున్నారు. ఉదయమే వచ్చి దొంగ ఓట్లు, తరువాత వచ్చి తమ సొంత ఓటు వేసే విధంగా కూడా ప్లాన్ చేసినట్టు ఆ కధనం చెప్తుంది. మొత్తం మూడు అంచెల్లో ఈ దొంగ ఓట్లు వేయటానికి ప్లాన్ చేసారు. ఎలాగైనా 3 నుంచి 5 వేల వరకు దొంగ ఓట్లు వెయాలని ప్లాన్ చేసుకున్నారు. ఇప్పటికే టిడిపి క్యాడర్ చాలా పటిష్టంగా ఈ వ్యవహారాలు అన్నీ గమనిస్తున్నారు. టిడిపి క్యాడర్ కు దొరక్కుండా చూడాలని పక్కాగా ప్లాన్ చేస్తున్నారు. మరో పక్క టిడిపి నేతలు, ఈ వ్యూహాన్ని భగ్నం చేయటానికి టిడిపి కూడా సన్నద్ధం అయ్యింది. తిరుపతి ఉప ఎన్నికల్లో జరిగిన అనుభవంతో, టిడిపి కూడా కౌంటర్ ప్లాన్ రెడీ చేసింది. అయితే పోలీసులు, అధికారులు ఈ విషయంలో ఎలా వ్యవహరిస్తారో చూడాలి.

గత కొంత కాలంగా ప్రజలు, ముఖ్యంగా విద్యార్ధులు, విద్యార్ధి సంఘాలు చేసిన ఆందోళనకు జగన్ మోహన్ రెడ్డి ప్రభుత్వం దిగి వచ్చింది. ఎయిడెడ్ విద్యా సంస్థలను స్వాధీనం చేసుకోవాలని మొండి పట్టుదలతో ఉన్న జగన్ మోహన్ రెడ్డి, మంకు వీడారు. ఇటీవల కాలంలో జరుగుతున్న వరుస ఉద్యమాలతో, రాష్ట్ర ప్రభుత్వంలో చలనం కలిగింది. విద్యార్ధులు కూడా పోలీసులకు ఎదురు తిరుగుతూ ఉండటం, లాఠీ చార్జ్ లు చేసినా లెక్క చేయకపోవటంతో, ఈ అంశాన్ని ఇంతకు మించి లాగితే, అసలకే మోసం వస్తుందని అర్ధం చేసుకుంది. ఎయిడెడ్ విద్యా సంస్థల పై వెనక్కు వెళ్తూ, నిన్న ఉత్తర్వులు ఇచ్చింది. గతంలో కేవలం రెండు ఆప్షన్లకు మాత్రమే పరిమితం అయిన రాష్ట్ర ప్రభుత్వం, ఇప్పుడు నాలుగు ఆప్షన్లు ఇస్తూ, ఈ అంశం పై వెనక్కు తగ్గింది. గతంలో కేవలం రెండు ఆప్షన్లు ఇచ్చింది. ఒకటి ఎయిడెడ్ విద్యా సంస్థలను ప్రభుత్వంలో విలీనం చేయటం, రెండు ఉపాధ్యాయులను అప్పగించి వెనక్కు తగ్గటం, అటువంటి విద్యాసంస్థలకు ఎయిడ్ ఇవ్వం అంటూ, రాష్ట్ర ప్రభుత్వం తేల్చి చెప్పింది. వీటి పైన గతంలో హైకోర్టు కూడా మొట్టికాయలు వేసింది. మీరు ఎయిడ్ ఇవ్వం అని చెప్తే, ఆ విద్యా సంస్థలు ఎలా మనుగడ సాగిస్తాయని, ప్రభుత్వాన్ని హైకోర్టు ప్రశ్నించింది.

ఎయిడెడ్ విద్యా సంస్థలు, తమ సంస్థలను, టీచర్లను అప్పగించక పోయినప్పటికీ, ఎయిడ్ కొనసాగిస్తామని, విద్యా శాఖ ప్రిన్సిపల్ సెక్రటరీ చేత స్టేట్మెంట్ రికార్డు చేయింది హైకోర్టు. ఈ నేపధ్యంలో పెద్ద ఎత్తున జరుగుతున్న ఉద్యమాలకు, రాష్ట్ర ప్రభుత్వం దిగి వచ్చింది. నిన్న నాలుగు ఆప్షన్లు ఇస్తూ, మడమ తిప్పింది. మొదటిది, ఆస్తులు, టీచర్లను ప్రభుత్వానికి ఇవ్వటం, రెండోది ఎయిడ్ ఇవ్వకుండా, ఆస్తులు మినహా సిబ్బందిని ఇవ్వటం, మూడో ఆప్షన్, ఏ రకమైన విలీనం చేయకుండా ప్రైవేట్ ఎయిడెడ్ గా కొనసాగటం, నాలుగోది గతంలో విలీనానికి అనుమతి ఇచ్చిన విద్యా సంస్థలు వద్దు అనుకుంటే, వారికి కూడా ఎయిడ్ కొనసాగిస్తామని చెప్పింది. రాత్రి ఈ అంశం పై ఉత్తర్వులు ఇచ్చింది. ఒక వేళ విద్యా సంస్థలు అంగీకరించకపోయినా, ఆ విద్యా సంస్థలకు ఎయిడ్ ఇస్తామని అంగీకరించింది. అయితే ఇప్పటికే సిబ్బందిని సరండర్ చేసిన వారిని ఏమి చేస్తారు అనేది తెలియాల్సి ఉంది. మొత్తానికి విద్యార్ధుల ఒత్తిడితో, జగన్ మడమ తిప్పేలా చేసారు.

కేంద్ర హోం మంత్రి అమిత్ షా ఈ రోజు ఆంధ్రప్రదేశ్ రాష్ట్రానికి రానున్నారు. అమిత్ షా మూడు రోజుల పాటు, ఆంధ్రప్రదేశ్ రాష్ట్రంలో పర్యటించనున్నారు. రేపు దక్షిణాది జోనల్ కౌన్సిల్ సమావేశం జరగనుంది. ఈ సమావేశానికి కేంద్ర హోం మంత్రి అమిత్ షా అధ్యకత వహిస్తారు. ఈ సమావేశానికి దక్షిణాది రాష్ట్రాలతో పాటుగా, పలు రాష్ట్రాల సియంలు తిరుపతి వచ్చి హాజరు కానున్నారు. మొత్తం ఎనిమిది రాష్ట్రాల సియంలు హాజరు అయ్యి, 48 అంశాలపై సమావేశంలో చర్చించనున్నారు. రాష్ట్రాల మధ్య సహకారంతో పాటుగా, రాష్ట్రాల మధ్య ఉండే విబేధాలు కూడా చర్చించనున్నారు. ఈ సమావేశంలో పాల్గునటానికి కేంద్ర హోం మంత్రి అమిత్ షా ఏపి రానున్నారు. ఇందులో భాగంగా ఆయన మూడు రోజుల పటు ఏపిలో ఉంటారు. ఈ రోజు సాయంత్రం అమిత్ షా రేణిగుంట ఎయిర్ పోర్ట్ కు చేరుకుంటారు. జగన్ మోహన్ రెడ్డి ఈ రోజు సాయంత్రం ఎయిర్ పోర్ట్ లో, అమిత్ షా కు స్వాగతం పలకనున్నారు. అక్కడ నుంచి రాత్రి రాత్రి 7.40 గంటలకు అమిత్ షా తిరుపతి చేరుకుంటారు. తిరుమల శ్రీవారి దర్శనం ఎల్లుండి ఉండే అవకాసం ఉంది. రేపు నెల్లూరు జిల్లా పర్యటనకు అమిత్ షా వెళ్తారు. వెంకటాచలంలో ఆయన పర్యటిస్తారు. స్వర్ణభారత్ ట్రస్టు 20వ వార్షికోత్సవ కార్యక్రమంలో అమిత్ షా పాల్గుంటారు.

ఇప్పటికే ఉప రాష్ట్రపతి వెంకయ్య కూడా వచ్చారు. ముప్పవరపు ఫౌండేషన్ కార్యక్రమంలో అమిత్ షా పాల్గుంటారు. రేపు సాయంత్రం దక్షిణాది జోనల్ కౌన్సిల్ భేటీ ఉంది. సోమవారం శ్రీవారి దర్శనం చేసుకుని, ఢిల్లీ వెళ్లనున్నారు. అయితే ఆతిధ్య రాష్ట్రం కావటంతో జగన్ మోహన్ రెడ్డి, అమిత్ షా కు ఈ రోజు స్వాగతం పలుకుతారు. స్వాగతం అనంతరం జగన్ ఒక్కరే శ్రీవారి దర్శనం చేసుకుంటారనే, ఈ రోజు రాత్రి 11.30 గంటలకు బయలు దేరి, అర్ధరాత్రి ఒంటి గంటకు గన్నవరం రానున్నారు. మళ్ళీ రేపు మధ్యానం ఒంటి గంటకు తిరుపతి వెళ్లనున్నారు. అయితే జగన్ మోహన్ రెడ్డి అర్ధరాత్రి ఒంటి గంటకు ఆదరాబాదరాగా వచ్చి, మళ్ళీ రేపు మధ్యనమే తిరుపతి వెళ్ళటం పై పలువురు ఆశ్చర్యం వ్యక్తం చేస్తున్నారు. కేవలం పది గంటల టైం ఉంటుంది, ఇలా తిరుపతికి రెండు సార్లు, వెళ్ళటం రావటం ఎందుకని, అనవసరమైన ప్రజా ధనం వృధా తప్ప, ఏమి ఉపయోగం అని ప్రశ్నిస్తున్నారు. ఎలాగూ పడుకునే టైం కదా, ఎందుకు అంత అర్జెంట్ గా, అర్ధరాత్రి ఒంటి గంటకు రావటం మళ్ళీ పది గంటల్లోనే తిరిగి తిరుపతి ప్రయాణం అని ప్రశ్నిస్తున్నారు.
పడేలా చేద్దాం