news

అనంతపురం జల్లాలోని ఎస్.ఎస్.బి.ఎన్ కళాశాల వద్ద తీవ్ర ఉద్రిక్తత నెలకొంది. ఎయిడెడ్ విద్యా సంస్థల పై రాష్ట్ర ప్రభుత్వం తీసుకున్న నిర్ణయాన్ని వ్యతిరేకిస్తూ విద్యార్ధులు ఉద్యమ బాట పాట్టారు. ప్రైవేటీకరణకు వ్యతిరేకిస్తూ విద్యార్ధులు పెద్ద ఎత్తున ఆందోళనకు దిగారు. కళాశాలలో చదవుతున్న విద్యార్ధినీ విద్యార్ధులు అందరూ కూడా ప్రభుత్వానికి వ్యతిరేకంగా పెద్ద ఎత్తున ఆందోళన చేస్తూ, నినాదాలు చేసారు. ప్రభుత్వం ఎట్టి పరిస్థితిలోనూ ఎయిడెడ్ కు వ్యతిరేకంగా, ప్రైవేటీకరణ చేయటానికి వీలు లేదు అంటూ, శాంతియుతంగా నిరసన తెలిపారు. ఎయిడెడ్ కాలేజీలు ప్రైవేటీకరణ చేసినట్టు అయితే, వేలకు వేలు ఫీజులు వసూలు చేస్తారని, అంత ఆర్ధిక స్థోమత తమకు ఉండదు అంటూ, పెద్ద ఎత్తున ఆందోళన చేసారు. ఈ సమాచారం తెలుసుకున్న పోలీసులు, కాలేజి గేట్లు మూసేసి ఆందోళన చేస్తున్న విద్యార్ధుల పై విచక్షణ లేకుండా లాఠీ చార్జ్ చేసారు. దొరికిన విద్యార్ధులను దొరికినట్టు చితక బాదారు. విద్యార్ధి సంఘాల నేతలను ఈడ్చి పడేసారు. ఈ లాఠీ చార్జ్ లో పలువురు విద్యార్ధులకు తీవ్ర గా-యా-లు అయ్యాయి. విద్యార్థినులపై మగ పోలీసులు దా-డి చేసారు. ఈ సంఘర్షణలో ఒక విద్యార్ధిని తల పగిలింది. మీడియా కవరేజ్ ని కూడా పోలీసులు అడ్డుకోవటంతో, ఒక్కసారిగా ఆందోళన నెలకొంది.

విచక్షణ లేకుండా పోలీసులు విద్యార్ధుల పై చేసిన లాఠీ చార్జ్ పై విద్యార్ధులు, మండి పడుతున్నారు. విద్యార్ధి తల్లిదండ్రులు కూడా ఆందోళన వ్యక్తం చేసారు. పోలీసులు తీరుని తప్పు బట్టారు. చివరకు విద్యార్ధుల పై కూడా జగన్ మోహన్ రెడ్డి తంటా కర్కసం చూపిస్తున్నారు అంటూ, టిడిపి విమర్శిస్తుంది. టీడీపీ జాతీయ ప్రధాన కార్యదర్శి నారా లోకేశ్ విద్యార్థులపై లాఠీఛార్జ్ ను ఖండించారు. ప్రభుత్వ వ్యతిరేక నిర్ణయం పై నిరసన తెలపటం కూడా నేరమా అంటూ, ఇది మీ రాజ్యాంగంలో రాసి ఉందా అంటూ ప్రశ్నించారు. ఇది జగన్ రెడ్డి అహంకార ధోరణికి నిదర్శనం అని లోకేష్ అన్నారు. గాయపడిన విద్యార్థులకు మెరుగైన వైద్యం అందించాలని లోకేష్ అన్నారు. విద్యార్థులపై లాఠీఛార్జ్ చేసిన పోలీసుల పై కఠిన చర్యలు తీసుకోవాలని డిమాండ్ చేసారు. ఎయిడెడ్ విద్యా వ్యవస్థను ధ్వంసం చేసే నిర్ణయాలు వెంటనే వైసీపీ ప్రభుత్వం వెనక్కి తీసుకోవాలని లోకేష్ డిమాండ్ చేసారు. ఈ ఘటన పై జగన్ మోహన్ రెడ్డి ప్రభుత్వం ఎలా స్పందిస్తుందో చూడాలి.

గత రెండేళ్లుగా కొనసాగుతున్న అమరావతి రైతుల ఉద్యమం, ఇప్పుడు ప్రభుత్వం పై మరింత ఒత్తిడి పెట్టే విధంగా సాగుతుంది. ఇన్నాళ్ళు రైతులు శాంతియుతంగా ఆందోళనలు చేసారు. వివిధ రకాలుగా తమ ఆందోళనలు తెలిపారు. ఎన్ని రకాలుగా ఆందోళనలు చేసినా, ప్రభుత్వం వారి వైపు కన్నెత్తి కూడా చూడలేదు. కనీసం మీ సమస్య ఏమిటి అని అడిగేవారు లేరు. ఇవి చేయకపోగా, వారి పై దెప్పిపొడుపు మాటలు, హేళనలు నిత్య కృత్యం అయిపోయాయి. వాళ్ళని పైడ్ ఆర్టిస్ట్ లు అని, రియల్ ఎస్టేట్ బ్రోకర్లు అని, ఇలా అనేక విధాలుగా హేళనలు చేసారు. వారి పై విష ప్రచారం చేసారు. ఎన్ని చేసినా, ఎంత చేసినా అమరావతి రైతులు మాత్రం ఎక్కడా కట్టు తప్పలేదు. తమ శాంతియుత పోరాట మార్గాన్ని వీడలేదు. తమని రక్షించేది ఈ దేశ చట్టాలు, ఆ దేవుడి అని నమ్మారు. అందుకే న్యాయస్థానం నుంచి దేవస్థానం అంటూ మహాపాదయాత్రకు శ్రీకారం చుట్టారు. అమరావతిలో ఉన్న హైకోర్టు దగ్గర నుంచి తిరుమల వెంకన్న సన్నిధి వరకు, పాదయాత్ర చేస్తున్నారు. ఈ పాదయాత్ర ద్వారా తమ బాధను, ఈ రాష్ట్ర ప్రజలకు, పాలకులకు చెప్పాలనేది వారి ఉద్దేశం. ఇందులో భాగంగానే, 47 రోజుల మహా పాదయాత్రకు శ్రీకారం చుట్టారు. గత ఏడు రోజులుగా పాదయాత్ర అద్భుతంగా జరుగుతుంది.

ఈ పాదయాత్రకు కూడా ప్రభుత్వం అనుమతి ఇవ్వకపోవటంతో, హైకోర్టుకు వెళ్లి మరీ అనుమతి తీసుకోవాల్సిన పరిస్థితి. అయితే ఈ పాదయాత్రకు ప్రజల నుంచి విపరీతమైన స్పందన వస్తుంది. అనుకున్న దాని కంటే ప్రజల నుంచి మద్దతు లభించింది. దీంతో అమరావతి రైతులు, తమకు ప్రజల నుంచి వస్తున్న మద్దతు చూసి రెట్టించిన ఉత్సాహంతో కదులుతున్నారు. చివరకు జాతీయ మీడియా కూడా రైతులు పాదయత్రను కవర్ చేస్తుంది. అయితే మన తెలుగు మీడియాలోని ఒక వర్గం మాత్రం, రైతుల పాదయాత్రను చూపించటానికే ఇస్తా పడటం లేదు. సాక్షి అంటే జగన్ ఛానెల్ కాబట్టి చూపించారు. ఎవరూ చూపించమని కోరుకోరు కూడా. అయితే రెండు ప్రముఖ చానెల్స్ మాత్రం, అమరావతి రైతుల పాదయాత్రకు కనీసం గుర్తించటం లేదు. వారికి అమరావతి రైతులు అంటే కోపమా ? లేక దీని వెనుక రాజకీయ ఒత్తిడులు ఉన్నాయా ? ఏది ఏమైనా ప్రముఖ చానెల్స్ అని చెప్పుకుంటూ, 30 వేల కుటుంబాలు చేస్తున్న ఈ పోరాటానికి, కనీస మద్దతు కూడా ఇవ్వని వెళ్ళి ఏమనాలి ?

శాంతియుతంగా చేస్తున్న అమరావతి రైతుల మహాపాదయాత్ర విచ్చిన్నం చేసే కుట్రలు జరుగుతున్నాయా ? మహాపాదయాత్రకు వస్తున్న విశేష ఆదరణ చూసి, ప్రభుత్వానికి వణుకు మొదలయ్యిందా ? ఏ అమరావతి ప్రజలను అయితే ఇన్నాళ్ళు బూచిగా చూపి, వివిధ ప్రాంతాల్లో వైషమ్యాలు రెచ్చగొట్టారో, ఇప్పుడు అదే ప్రాంత ప్రజలు అమరావతి రైతులకు మద్దతు తెలుపుతూ ఉండటాన్ని ప్రభుత్వ పెద్దలు జీర్ణించుకోలేక పోతున్నారా ? వీటి అన్నిటి పై అవును అనే సమాధానం చెప్తున్నారు అమరావతి రైతులు. మొదటి రెండు మూడు రోజులు పాదయాత్ర ఎటువంటి ఆటంకాలు లేకుండా సాగింది. పోలీసులు కూడా ఎక్కడా కలుగచేసుకోలేదు. ప్రశాంత వాతవరణంలో ఎవరికీ ఇబ్బంది లేకుండా ఈ మహాపాదయాత్ర సాగింది. ఎప్పుడైతే ప్రకాశం జిల్లాలోకి పాదయాత్ర అడుగు పెట్టిందో, అప్పటి నుంచి పోలీసులు అడ్డు తగలటం మొదలు పెట్టారు. నిబంధనలు సాకుగా చూపి, హైకోర్టు ఆర్డర్ కు వ్యతిరేకంగా పాదయాత్ర చేస్తున్నారు అంటూ, పోలీసులు అడ్డు తగులుతున్నారు. గత రెండు మూడు రోజులుగా, ప్రకాశం జిల్లాలో ఇదే పరిస్థితి కొనసాగింది. ప్రకాశం పోలీసులు, ఇప్పటికే అమరావతి పరిరక్షణ సమితి జేఏసి నాయకులకు నోటీసులు కూడా ఇచ్చారు. వారం రోజుల్లోగా సమాధానం కూడా చెప్పాలని కోరారు.

ట్రాఫ్ఫిక్ కు ఇబ్బందులు పెడుతున్నారని, మాస్కులు పెట్టుకోవటం లేదని, 157 మందికి కంటే ఎక్కువ మంది ఉన్నారని, ఇలా అనేక కారణాలు పోలీసులు చెప్తున్నారు. తామేమి అడ్డు తగలటం లేదని, ఎక్కడైనా నిబంధనలు పాటించటం లేదని తెలుస్తుందో, అప్పుడు వచ్చి నోటీసులు ఇస్తున్నాం అని పోలీసులు అంటున్నారు. అయితే అమరావతి రైతులు, మహిళలు మాత్రం, పాదయాత్ర విచ్ఛిన్నం చేసే కుట్ర జరుగుతుందని అనుమానం వ్యక్తం చేస్తుంది. ప్రభుత్వం ఏదో కుట్ర చేస్తుందని, దాని కోసమే లేని ఉద్రిక్త పరిస్థితులు కలిగిస్తూ పోలీసులను రంగంలోకి దింపారని అంటున్నారు. ఏమైనా చిన్న చిన్న పొరపాట్లు ఉంటే వారిని సరి చేసుకుంటాం అని, అంతే కాని ఎన్ని కుట్రలు పన్నినా పాదయాత్ర మాత్రం ఆపం అని అంటున్నారు. పోలీసులు సివిల్ డ్రెస్ లో వచ్చి, వివరాలు అడుగుతున్నారని, మద్దతుగా వస్తున్న వారి ఫోటోలు తీసి భయబ్రాంతులకు గురి చేస్తున్నారని అమరావతి రైతులు ఆరోపిస్తున్నారు. పాదయాత్రలో జరిగే చిన్న చిన్న విషయాలు కూడా పెద్దవిగా చేసి చూపిస్తున్నారని ఆరోపిస్తున్నారు. ఏది ఏమైనా తాము మాత్రం, ఎక్కడా తగ్గేది లేదని అంటున్నారు.