news

రాష్ట్రంలో అమరావతిని మూడు ముక్కలు చేయటం, మూడు ముక్కల రాజధాని బిల్లు ఇప్పటికే కోర్టు పరిధిలో ఉన్న అంశం తెలిసిందే. రాజధాని అమరావతి రైతులు హైకోర్టులో ఈ అంశం పై కేసు వేయటంతో, దీని పైన తీర్పు వచ్చే వరకు ముందుకు వెళ్ళవద్దు అంటూ, ప్రభుత్వం మూడు ముక్కల బిల్లు పైన స్టే విధించింది. అప్పటి నుంచి కూడా మూడు రాజధానుల అంశం పై వైఎస్ఆర్ కాంగ్రెస పార్టీ నేతలు ఎంత చెప్పుకున్నా కూడా, హైకోర్టులో స్టే ఉండటంతో, ఈ అంశం ఇంకా కోర్టు పరిధిలోనే ఉండటంతో, ఇప్పటికీ ఆంధ్రప్రదేశ్ రాజధానిగా అమరావతే కొనసాగుతుంది. అయితే గతంలో కేంద్రం ఇలాగే మూడు రాజధానులు అంటూ పిల్లి మొగ్గలు వేయగా, కోర్టులో ఉన్న అంశం అని చెప్పటంతో, అమరావతి అనే చెప్పారు. అయితే ఈ నేపధ్యంలోనే ఇప్పుడు విశాఖ నేవీ అధికారులు, విశాఖపట్నంను పరిపాలనా రాజధానిగా పేర్కుంటూ చేసిన ప్రెస్ నోట్ పై, తీవ్ర అభ్యంతరాలు వ్యక్తం అవుతున్నాయి. హైకోర్టులో న్యాయ పరమైన వివాదాలు, అదే విధంగా కేసు వాయిదా ఇంకా కోర్టులో ఉన్న తరుణం, ఈ నెలలోనే విచారణ ఉండటం, ఇవన్నీ ఉండగా నేవీ అధికారులు ఎక్జిక్యూటివ్ క్యాపిటల్ గా పేర్కొనటం, తాము గుర్తించినట్టు, ఇన్విటేషన్ లో పేర్కొనటంతో, న్యాయ నిపుణులు, కూడా అభ్యంతరం వ్యక్తం చేస్తున్నారు.

మాజీ మంత్రి కేఎస్ జవహర్ ఈ విషయం పై తీవ్ర అభ్యంతరం వ్యక్తం చేసారు. నేవీ అధికారులు విశాఖను ఎక్జిక్యూటివ్ క్యాపిటల్ గా గుర్తించే ముందు వారికి న్యాయ పరమైన వివాదాలు గుర్తుకు రాలేదని ఆయన ప్రశ్నించారు. న్యాయ పరమైన వివాదాలు, హైకోర్టులో స్టేటస్ కో ఉన్న నేపధ్యంలో, నేవీ అధికారులు ఈ విధమైన ప్రకటన చేయటం అర్ధ రహితం అని కూడా ఆయన ఆగ్రహం వ్యక్తం చేసారు. అయితే రాష్ట్ర రాజధాని రైతులు ఒక వైపు పాదయాత్ర చేయటం, ఆ పాదయత్రకు అపూర్వ స్పందన వస్తున్న తరుణంలో, ఇప్పుడు నేవీ అధికారులు చేసిన ప్రకటనతో తీవ్ర అభ్యంతరాలు వ్యక్తం అవుతున్నాయి. నవంబర్ 15వ తేదీ నుంచి రాష్ట్ర హైకోర్టులో, ఈ అంశం పై విచారణ మొదలవ్వనుంది. దీని పై రెగ్యులర్ విచారణ ఆ రోజు నుంచి ప్రారంభం కానుంది. దీంతో నేవీ అధికారులు తీరు పైన విమర్శలు వస్తున్నాయి. వాళ్ళకు తెలియక చేసారా ? లేదా ఎవరైనా కావాలని చేసారా అనే అంశం పై చర్చ జరుగుతుంది. కేంద్రం లాగా, వీరు కూడా తప్పు దిద్దుకుంటారేమో చూడాలి.

జగన్ మోహన్ రెడ్డి ప్రభుత్వం సైలెంట్ గా, ఎవరికీ తెలియకుండా చేసే అక్రమాలు అన్నీ తనదైన శైలిలో బయట పడుతూ, ప్రభుత్వాన్ని ఇరుకున పెడుతున్న టిడిపి ఎమ్మెల్యే పయ్యావుల కేశవ్ ఇప్పుడు మరో సంచలనంతో బయటకు వచ్చారు. ఇప్పటికే ప్రభుత్వం దాచి చేస్తున్న అప్పు, అప్పు పక్కదారి పట్టటం, మద్యం ఆదాయం తాకట్టు పెట్టి అప్పులు తేవటం, కేంద్రం పెడుతున్న చీవాట్లు, ఇలా అనేక విషయాలు పయ్యావుల కేశవ్ బయటకు తెచ్చిన సంగతి తెలిసిందే. నిన్న పయ్యావుల విద్యుత్ కొనుగోళ్ళలో జరుగుతున్న అక్రమాలను బయట పెట్టి మరో సంచలనానికి దారి తీసారు. కేవలం 24 గంటల్లోనే రూ.30 వేల కోట్ల ప్రతిపాదనలను, క్యాబినెట్ మీటింగ్ పెట్టి మరీ ఆమోదించారని, దీని వెనుక ఏమి జరిగిందో చెప్పలని అన్నారు. సోలార్ విద్యుత్ కొనుగోళ్ళలలో భారీ అక్రమాలు జరిగాయని పయ్యావుల ఆరోపించారు. ఇతర రాష్ట్రాలు యూనిట్ సోలార్ విద్యుత్ ని రూ.2 కు కొనుగోలు చేస్తుంటే, ఆంధ్రప్రదేశ్ ప్రభుత్వం మాత్రం అదానీ సంస్థ రూ.2.90పైసలకు కొన్నారని, ఇంత ఎక్కువ రేటుకి ఎందుకు కొన్నారో చెప్పాలని డిమాండ్ చేసారు. సెప్టెంబర్ 15న సెకీ నుంచి తమకు టెండర్ వేసిన అదానీ సంస్థ రూ.2.49 పైసలకే ఇవ్వాలని లేఖ రాస్తే, ఆ తరువాత రోజే సెప్టెంబర్ 16న క్యాబినెట్ మీట్ పెట్టి ఆమోదించారని పయ్యావుల అన్నారు.

సాయంత్రం ప్రతిపాదన వస్తే, తరువాత రోజు ఉదయమే క్యాబినెట్ ఆమోదం కూడా చేసేసారని, రూ.30 వేల కోట్ల విషయంలో ఇంత ఆఘమేఘాల మీద ఏమి ఆలోచించకుండా, ప్రభుత్వం ఏ ప్రయోజనాలు ఆశించి ఇలా చేసిందో చెప్పాలని పయ్యావుల అన్నారు. ప్రభుత్వం ఇది చాలా తక్కువ రేటు అంటుందని, మరి ఇతర ఏ రాష్ట్రాలు కూడా అదానీ నుంచి ఎందుకు కొనుగోలు చేయలేదో చెప్పాలని డిమాండ్ చేసారు. గతంలో చంద్రబాబు గారు విద్యుత్ కొనుగోలు చేస్తే, ఆరోపణలు చేసేని వారి, ఇప్పుడు చేస్తున్న దానికి సమాధానం చెప్పాలని డిమాండ్ చేసారు. కోర్టుకు కూడా వీళ్ళు అబద్ధాలు చెప్తున్నారని అన్నారు. ఈ సంస్థ రాజస్తాన్ నుంచి మనకు సోలార్ విద్యుత్ ఇస్తుందని అంటున్నారని, అక్కడ నుంచి ఏపి డిస్కంలకు చేరేసరికి తడిసి మోపెడు అవుతుందని, ఈ అంశం పై పూర్తి వాస్తవిక సమాచారం ప్రజల ముందు ఉంచాలని అన్నారు. అయితే పయ్యావుల ఆరోపణల పై స్పందించిన మంత్రి బాలినేని, ఈ ఆరోపణలు కొట్టి పారేసారు, అంతా సక్రమంగా జరుగుతుందని అన్నారు.

ఆంధ్రప్రదేశ్ రాష్ట్రంలో స్థానిక సంస్థల ఎన్నికలు జరిగిన తీరు చూస్తే, అసలు ఇది ప్రజా స్వామ్యమేనా అనిపిస్తుంది. ఎన్నికల్లో గెలుపు, ఓటములు సహజం. రాజకీయ క్రీడా అడతారు, అనేక వర్గాలను దగ్గర చేసుకుంటారు. హామీలు ఇస్తారు. ఏమి చేస్తామో చెప్తారు. ప్రత్యర్ధి కంటే తాను ఎలా బాగా చేస్తాడో చెప్తారు. ప్రజల ముందుకు వెళ్తారు. తరువాత, ప్రజలే తాము ఎవరికీ ఓటు వేయాలో నిర్ణయం తీసుకుంటారు. తరువాత ఎన్నికలు జరుగుతాయి, ఫలితాలు వస్తాయి, ఎవరు గెలిస్తే వారు ప్రజా సేవలో ఉంటారు. అయితే జగన్ మోహన్ రెడ్డి వచ్చిన తరువాత ఎన్నికల ప్రక్రియనే మార్చేసారు. ఇది వరకు ఎన్నికల్లో అక్రమాలు అంటే రిగ్గింగ్ ఒక్కటే మనకు తెలుసు. ఇప్పుడు అలా కాదు, అసలు అభ్యర్ధి నామినేషన్ వేయాలి అంటేనే భయపడే స్థితికి తీసుకుని వచ్చారు. సామ దాన భేద దండోపాయాలు ఉపయోగిస్తున్నారు. అధికార ఒత్తిడి చేస్తున్నారు. సాహసించి ఎవరైనా నామినేషన్ వేయటానికి ముందుకు వస్తే, నామినేషన్ కాగితాలు లాక్కుపోతారు. అది దాటి ముందుకు వెళ్తే, నామినేషన్ పరిశీలన స్థాయిలోనే ఏదో ఒక కారణం చెప్పి తిరస్కరిస్తారు. ఎన్నికల ప్రచారంలో దా-డు-లు చేస్తారు. కిడ్నాప్ లు చేస్తారు. అక్రమ అరెస్ట్ లు చేస్తారు. ఇన్ని దాటుకుని ముందుకు వెళ్తే, ప్రజలను ప్రలోభాలు పెడతారు.

ప్రజలు కూడా వ్యతిరేకంగా ఉన్నారని తెలిస్తే, ఓట్లు తీసి వేస్తారు. బస్సులు ఏసుకుని వచ్చి, దొంగ ఓట్లు వేయిస్తారు. ఇక్కడ కూడా తేడా కొడితే, ఎన్నికల ఫలితాల రోజు లైట్ ఆపేసి, తాము చెప్పిన అభ్యర్ధిని ప్రకటించమని చెప్తారు. నామినేషన్ వేసే దగ్గర నుంచి, ఇవన్నీ తట్టుకోవాలి అంటే, ఊళ్ళలో ఉండే వారికి అయ్యే పనేనా ? అందుకే ఏదో ఒక స్థాయిలో రాజీ పడిపోతారు. కానీ ఎదురోడ్డి పోరాడే వాళ్ళు కూడా ఉంటారు. అయితే ఈ సారి 12 మునిసిపాలాటీలకు ఎన్నికలు జరుగుతున్నాయి. ఈ సారి మాత్రం టిడిపి ఊరికే వదిలి పెట్టలేదు. 328 స్థానాలు ఉంటే 322 నామినేషన్లు వేయించింది. అంతే కాదు, నామినేషన్లు పరిశీలన టైంలో, కాగితాలు సరిగా లేవని చెప్పి, నామినేషన్ తిరస్కరిస్తారని సమాచారం రావటంతో, ఆ నామినేషన్ పత్రాలు అన్నీ, కలక్టర్, ఈసీ, ఆర్ఓ కి మెయిల్ చేయటమే కాకుండా, అవన్నీ సోషల్ మీడియాలో కూడా అప్లోడ్ చేసారు. ఇక పోటీ ఒక్కటే మిగిలింది. ఎప్పుడూ లేని విధంగా ఎన్నికల్లో నామినేషన్ వేయటానికి కూడా ఒక రాజకీయ పార్టీ ఇంతలా ఇబ్బందులు పడాల్సి వస్తుంది. ఇంతగా పోరాటం చేసి ఎన్నికల వరకు వెళ్ళిన టిడిపి, ఎన్నికల్లో ఎలా పోరాడుతుందో చూడాలి.