news

ఆంధ్రప్రదేశ్ లో రైతుల పరిస్థితి ఎంత దారుణంగా ఉందొ చూస్తున్నాం. దేశంలోనే రైతులు ఆ-త్మ-హ-త్య-ల్లో మనం మూడో స్థానంలో ఉన్నాం. ఒక పక్క ప్రకృతి విపత్తులు, మరో పక్క పాలకుల అశ్రద్ధ. గిట్టుబాటు ధరలు ఉండవు, మార్కెటింగ్ సౌకర్యం ఉండదు, విపత్తుల పరిహారం ఉండదు, చివరకు ధాన్యం అమ్మితే, చెరకు అమ్మితే కూడా బకాయలు కోసం రైతులు రోడ్డు ఎక్కాల్సిన పరిస్థితి. పరిస్థితి ఇలా ఉంటే, ప్రభుత్వం మాత్రం, తామది రైతు ప్రభుత్వం అని చెప్తుంది. రైతు ఉత్సవాలు చేస్తుంది. మేము రైతులకు ఇచ్చే సంక్షేమం ఇంకా ఎవరూ ఇవ్వటం లేదని చెప్తుంది. తన తండ్రి పుట్టిన రోజుని, రైతు దినోత్సవం అని ప్రకటించారు. ఇలా ప్రభుత్వం ఇంత డబ్బా కొడుతుంటే, అసలు రైతులు పరిస్థితి రాష్ట్రంలో ఎలా ఉంది ? ఏమి జరుగుతుంది అనే విషయాల పై ఆత్మసాక్షి అనే సంస్థ ఒక సర్వే చేసింది. ఈ సర్వేలో సంచలన విషయాలు అన్నీ బయట పడ్డాయి. దాదపుగా 30 వేల మంది రైతుల నుంచి ఈ సర్వే సాంపుల్స్ తీసుకున్నారు. మొత్తం 12 ప్రశ్నలు అడిగారు. మొత్తంగా కేవలం 44.5 శాతం మంది రైతులు మాత్రమే సంతృప్తి వ్యక్తం చేసారు. ముఖ్యంగా విద్యుత్ మోటార్లకే మీటర్ల వ్యవహారం పై, ఎక్కువ శాతం మంది రైతులు వ్యతిరేకించారు. ఇప్పటికే కొన్ని చోట్ల మీటర్లు పెడుతున్న సంగతి తెలిసిందే.

ఇక ప్రభుత్వం పూర్తిగా నిర్ల్యక్షం చేసిన పంట కాలువల నిర్వహణపై కూడా ఆగ్రహంగా ఉన్నారు. కూలీలకు ఎక్కువ ఖర్చు అవుతుందని వాపోయారు. అలాగే కనీస మద్దతు ధర రావటం లేదని, తమ దగ్గర కొన్న పంట విషయంలో, ప్రభుత్వం వెంటనే డబ్బులు ఇవ్వటం లేదని అసంతృప్తి వ్యక్తం చేసారు. ఇక కౌలు రైతులు పరిస్థితి అయితే మరీ దారుణంగా ఉందని సర్వేలో తేలింది. ఇలా అనేక అంశాల పై ప్రభుత్వం పై వ్యతిరేకత వ్యక్తం అవుతుంది. చాలా కొన్ని అంశాల్లో మత్రమే, 50 శాతం పైగా సంతృప్తితో రైతులు ఉన్నారు. ఆత్మ సాక్షి సర్వే అనేది కొంత వైసీపీకి అనుకూలంగా ఉంటుంది అనే ప్రచారం ఉంది. ఆ సర్వేలోనే ఇంత వ్యతిరేకత ఉంది అంటే, వాస్తవంలో పరిస్థితి ఎలా ఉందో చెప్పనక్కర్లేదు. ఇది ఇలా ఉంటే, ఈ సర్వే వివరాలు గురించి తెలుసుకున్న ప్రభుత్వం కూడా అలెర్ట్ అయ్యింది. వెంటనే ఈ సర్వే పూర్తి వివరాలు ఇవ్వాలని, ఆ వివరాలు అన్నీ తెప్పించుకున్నట్టు తెలుస్తుంది. మరి ప్రభుత్వం, ఇప్పటికైనా రైతుల విషయంలో సరైన నిర్ణయం తీసుకుంటుందో లేదో చూడాలి.

కుప్పంలో వైసీపీ అరాచకానికి తెర లేపింది. నామినేషన్ల సందర్భంగా అక్కడ తీవ్ర ఉద్రిక్తత పరిస్థితి నెలకొంది. తెలుగుదేశం అభ్యర్థి నామినేషన్ ను గుర్తుతెలియని వ్యక్తులు లాక్కెళ్ళారు. 14వ వార్డుకు నామినేషన్ వేసేందుకు వెంకటేశ్ అనే వ్యక్తి రాగా, అతని వద్ద నుంచి నామినేషన్ పత్రాలు లాక్కెళ్ళారు. దీంతో విషయం తెలుసుకుని పెద్ద ఎత్తున టిడిపి శ్రేణులు అక్కడకు చేరుకున్నాయి. ఇక ఈ అంశం పై, రాష్ట్ర ఎన్నికల కమిషనర్‍కు టీడీపీ అధినేత చంద్రబాబు లేఖ రాసారు. కుప్పం మున్సిపల్ ఎన్నికల్లో అక్రమాలు జరుగుతున్నాయిని లేఖలో తెలిపారు. 14వ వార్డు టీడీపీ అభ్యర్థి వెంకటేశ్‍పై వైసీపీ నేతలు దా-డి చేశారని ఆ లేఖలో తెలిపారు. నామినేషన్ దాఖలు చేసే కేంద్రం వద్దే దా-డి జరిగింది, మధ్యాహ్నం జరిగిన దా-డి-లో వెంకటేశ్ తీవ్రంగా గాయపడ్డారు, దా-డి-లో 30 మంది వరకు పాల్గొని వెంకటేశ్‍ను కొట్టి నామపత్రాలు చించివేశారు అంటూ, దాడికి సంబంధించిన ఫోటోలను చంద్రబాబు లేఖకు జతపరిచారు. హైకోర్టు ఆదేశాల మేరకు అభ్యర్థులకు భద్రత కల్పించాలని, చంద్రబాబు లేఖలో తెలిపారు.

రెండు నెలల క్రితం ప్రశాంత్ కిషోర్ వస్తున్నారు, మనం రోడ్డు మీదకు వెళ్ళాలి, నేను కూడా ప్రజల మధ్య తిరుగుతాను, ఇక ఎన్నికల మూడ్ లోకి వెళ్లిపోవాలి అంటూ జగన్ మోహన్ రెడ్డి చెప్పినట్టు అన్ని పత్రికల్లో ప్రముఖంగా వచ్చాయి. ఇక అప్పటి నుంచి సోషల్ మీడియాలో ఫేక్ రాతలు మొదలయ్యాయి అంటూ తెలుగుదేశం పార్టీ ఆరోపిస్తుంది. ఇటీవల తెలుగుదేశం పార్టీ అఫిషియల్ సోషల్ మీడియా పేజిలో, ఇలాంటి ఫేక్ రాతలకు చెందిన వాటి గురించి అలెర్ట్ చేస్తూ, నేరుగా ప్రశాంత్ కిషోర్ , జగన్ పై అభియోగాలు వేస్తూ పోస్ట్ లు పెట్టారు. అటు వైపు నుంచి కనీస ఖండన లేదు, కనీస సమాధానం కూడా లేదు. మరి వాళ్ళు తామే చేసామని ఒప్పుకున్నట్టా, లేదా ఎందుకు ఖండించలేదో వారికే తెలియాలి. ఈ మధ్య కాలంలో ఇలాంటి ఫేక్ లు అధికం అయిపోయాయి. తెలుగుదేశం పార్టీ వ్యక్తిలా సోషల్ మీడియా ఎకౌంటు పెట్టటం, బాలకృష్ణ ఫోటో పెట్టుకుని పవన్ కళ్యాణ్ ని తిట్టటం, అలాగే జనసేన పార్టీ అంటూ, పవన్ బొమ్మ పెట్టుకుని చంద్రబాబుని తిట్టటం, ఈ మధ్యలో కులాన్ని కించపరచటం, ఆ మసుగులో మిగతా వారు మా కులాన్ని అంటారా అంటూ రెచ్చిపోవటం, ఇలాంటివి చూస్తున్నాం. ఇప్పుడు ఇలాంటి ఆరోపణే ఇప్పుడు ఆధారాలతో సహా, తెలుగుదేశం పార్టీ మరొకటి చేసింది.

ట్విట్టర్ లో టిడిపి సీనియర్ నాయకుడు అయ్యన్నపాత్రుడి పేరుతో ఒక మెసేజ్ తిరుగుతుంది. ముఖ్యంగా వైసీపీ ముసుగులో ఉన్న కొన్ని అకౌంట్లు ఈ మెసేజ్ తిప్పుతున్నాయి. అందులో జనసేన పార్టీతో పొత్తు విషయంలో, పవన్ కళ్యాణ్ ని, జనసేన పార్టీని కించపరుచుతున్నట్టు, తాము ఎన్ని సీట్లు ఇస్తే అన్ని సీట్లు కావాలని అయ్యన్న అన్నట్టు వార్తలు వచ్చాయి. నిజానికి అయ్యన్న ఆ మాటలు అనలేదు. అంటే టిడిపి, జనసేన కలిస్తే ఏమి అవుతుందో వీళ్ళకు ముందే తెలుసు కాబట్టి, ఇలా ఫేక్ చేసి రెండు పార్టీల మధ్య గ్యాప్ తెచ్చే ప్రయత్నం చేస్తున్నారు. అయితే ఈ మెసేజ్ కాస్తా వైరల్ అవ్వటంతో, టిడిపి స్పందించింది. తమ అఫిషియల్ పేజిలో, అయ్యన్న అ వ్యాఖ్యలు చేయలేదని, ఇది జగన్, ప్రశాంత్ కిషోర్ కలిసి ఆడుతున్న ఫేక్ ప్రచారం అని, ఈ ఫేక్ ప్రచారం చేసే వారితో జాగ్రత్తగా ఉండాలి అంటూ, ప్రశాంత్ కిషోర్ కి డైరెక్ట్ గా కౌంటర్ ఇచ్చింది తెలుగుదేశం పార్టీ. మరి ఇప్పుడైనా ఈ అంశం పై ప్రశాంత్ కిషోర్ టీం స్పందిస్తుందా ? వివరణ ఇస్తుందా ?