news

ఆంధ్రప్రదేశ్ గవర్నర్‌ విశ్వభూషణ్‌ హరిచందన్‌ కూల్ గా ఉంటారు. సహజంగా గవర్నర్లు అందరూ తమ పరిధిలో తాము పని చేసుకుంటూ, రోజు వారీ రాజకీయ విషయాల్లో తల దూర్చరు. అయితే మనకు గత పది ఏళ్ళలో అప్పటి గవర్నర్ నరసింహన్ చాలా ఆక్టివ్ గా ఉండే వారు కాబట్టి, ప్రస్తుత గవర్నర్ కూడా అలా దూకుడుగా ఉంటారని భావించినా, ఇప్పటి గవర్నర్ శైలి అందుకు భిన్నం. అందరి గవర్నర్ లు లాగే, విషయాలు కేంద్రానికి రిపోర్ట్ చేయటమే కానీ, నేరుగా ఆయన స్పందించిన దాఖలాలు లేవు. చంద్రబాబు ఇంటి మీద కాని, ప్రతిపక్ష టిడిపి కార్యాలయం మీదకు వెళ్ళినా కూడా గవర్నర్ తన పరిధిలోనే వ్యవహరించారు. అయితే ఇప్పుడు ఇంత కూల్ గా ఉండే గవర్నర్ కూడా ఆగ్రహం తెప్పించింది ప్రస్తుత ప్రభుత్వం. ఆయన అనుమతి లేకుండా, ఆయన పేరు వాడుకోవటం ఇప్పుడు దేశ వ్యాప్తంగా చర్చకు దారి తీయటంతో, గవర్నర్ కూడా సీరియస్ అయ్యారు. మన రాష్ట్ర ప్రభుత్వం, అప్పులు చేస్తున్న తీరు ఒక రికార్డ్. ఆ అప్పులు కూడా వింత వింతగా తెస్తున్నారు. ఆర్బిఐ లిమిట్ దాటిపోయినా, లెక్కలు దాచి, అప్పులు తెస్తున్నారని టిడిపి ఆరోపిస్తుంది. ఇక వచ్చే 25 ఏళ్ళ మద్యం ఆదాయం చూపించి, అప్పు తేవటం మరో హైలైట్. అలాగే ఆస్తులు తాకట్టు పెట్టి అప్పులు తెస్తున్నారు.

అప్పులు కోసం ఒక ప్రత్యేక కార్పోరేషన్ ఏర్పాటు చేసారు. స్టేట్ డెవలప్మెంట్ కార్పోరేషన్ పేరిట ఒక కొత్త కార్పోరేషన్ ఏర్పాటు అయ్యింది. దాన్ని ఉపయోగించి రూ.25వేల కోట్లు అప్పు తెచ్చింది రాష్ట్ర ప్రభుత్వం. అయితే బ్యాంకులతో చేసుకున్న ఒప్పందంలో, గవర్నర్‌ ష్యూరిటీ ఇచ్చినట్టు ఒప్పంద పాత్రల్లో రాసారు. దీని పై ఇప్పటికే పెద్ద రాద్దాంతం అయ్యింది. టిడిపి ఈ విషయం బయట పెట్టటంతో, ఈ విషయం కోర్టుల వరకు వెళ్ళింది. కేంద్ర ప్రభుత్వం కూడా అభ్యంతరం తెలిపింది. ఏకంగా గవర్నర్‌ సార్వభౌమాధికారాన్ని తాకట్టు పెట్టటం పై దేశమే నివ్వెర పోయింది. ఇప్పుడు ఇదే విషయం పై గవర్నర్‌ విశ్వభూషణ్‌ హరిచందన్‌ కూడా సీరియస్ అయ్యారు. ఈ మొత్తం వ్యవహారం పై వివరణ ఇవ్వాలి అంటూ, ప్రభుత్వ చీఫ్ సెక్రటరీ సమీర్‌ శర్మకు లేఖ రాసారు అంటూ ప్రముఖంగా పత్రికల్లో వచ్చింది. ఎందుకు ఇలా చేసారో వివరణ ఇవ్వాలి అంటూ, గవర్నర్ కోరినట్టు తెలుస్తుంది. అయితే ఇప్పటికే ఈ తప్పు తెలుసుకున్న ప్రభుత్వం, ఒప్పందం నుంచి గవర్నర్ పేరు తొలగించే ప్రక్రియ చేపట్టినట్టు తెలుస్తుంది. మరి ప్రభుత్వం, గవర్నర్ కు ఏమి సమాధానం ఇస్తుందో చూడాలి మరి.

తెలుగుదేశం పార్టీ అధినేత చంద్రబాబు కుప్పంలో రెండో రోజు పర్యటన చేసారు. అయితే చంద్రబాబు ఇప్పటికే రాష్ట్ర వ్యాప్తంగా చేసే పోరాటం కుప్పం నుంచే మొదలు పెడుతున్నా అంటూ ఇప్పటికే ప్రకటించిన సంగతి తెలిసిందే. ఇప్పుడు చంద్రబాబు వచ్చే ఎన్నికల కోసం, ఇప్పటి నుంచి రంగంలోకి దిగుతున్నారు. ఎన్నికలు ముందస్తుగా వస్తాయి అనే సమాచారమో ఏమో కానీ, చంద్రబాబు ఎన్నికల మూడ్ లోకి వెళ్ళిపోయారు. ఈ రోజు చంద్రబాబు మొట్టమొదటి ఎన్నికల హామీని ఇచ్చారు. ప్రభుత్వం ఇచ్చిన స్థలంలో ఇళ్లను నిర్మించొద్దు అని, తెలుగుదేశం పార్టీ అధికారంలోకి వచ్చాక ఉచితంగా ఇళ్లు నిర్మిస్తాం అంటూ చంద్రబాబు మొట్టమొదటి ఎన్నికల హామీని ఇచ్చారు. 1983 నుండి అలాట్ చేసిన వాటికి, రూ.10 వేలు కడితే, ఇళ్ల స్థలాలు రెగ్యులరైజ్ చేస్తాం అంటున్నారని, అవి కట్టక్కర్లేదు అంటూ చంద్రబాబు చేసిన ప్రకటన ఇప్పుడు హాట్ టాపిక్ అయ్యింది. వచ్చే ఎన్నికల కోసం చంద్రబాబు ఇచ్చిన మొదటి ఎన్నికల హామీ ఇదే అని అనుకోవాలి. ఇళ్ల స్థలాలు ఇళ్ల విషయంలో ఇప్పటికే జగన్ మోసం చేసారనే భావన ప్రజల్లో ఉంది. చంద్రబాబు హాయాంలో కట్టిన ఇళ్లు ఇప్పటి వరకు జగన్ మోహన్ రెడ్డి లబ్ది దారులకు ఇవ్వక పోవటంతో, వారు ఇప్పటికే గుర్రుగా ఉన్నారు.

ఇక చంద్రబాబు మాట్లాడుతూ, "ఢిల్లీలో రాష్ట్రపతిని కలిసి రాష్ట్ర పరిస్థితులు వివరించా. రాష్ట్రంలో ప్రభుత్వ ఉగ్రవాదం ఉందని రాష్ట్రపతికి తెలిపా. రాష్ట్రాన్ని పాలించే అర్హత వైసీపీ ప్రభుత్వానికి లేదు. టీడీపీ కార్యకర్తలపై పోలీసులు కేసులు పెడుతున్నారు. పేదల కోసం ధర్మపోరాటం చేస్తుంటే ప్రజలే కాపాడుకుంటారు. రాష్ట్రంలో 25 వేల ఎకరాల్లో గంజాయి సాగు. రూ.8 వేల కోట్ల విలువైన గంజాయి సరఫరా చేస్తున్నారు. రాష్ట్రంలో వింత వింత మద్యం బ్రాండ్లు తెచ్చారు. ఎన్నికలకు ముందు మద్యపాన నిషేధం హామీ ఇచ్చారు. నాసిరకం బ్రాండ్లతో ప్రజల ఆరోగ్యంతో చెలగాటం. డీజీపీ ఆఫీసు పక్కనే ఉన్న టీడీపీ ఆఫీస్‌పై దా-డి చేశారు. కుప్పం వస్తే నాపై బాంబులేస్తారట.. మీ బాంబులకు నేను భయపడతానా?. నాపై 23 క్లెమోర్ బాంబులేశారు.. ఆ వెంకన్నే కాపాడారు. నన్ను ప్రజాదేవుళ్లే కాపాడుకుంటారు. జగన్ రెడ్డి వచ్చారు.. కొత్త బ్రాండ్లు తెచ్చారు. స్పెషల్ స్టేటస్ తేలేదు కానీ.. స్పెషల్ స్టేటస్‌పై కొత్త బ్రాండ్ తెచ్చారు. నాసిరకం బ్రాండ్లపై మూడు రెట్లు ధరలు పెంచారు. సగం డబ్బులు జగన్ రెడ్డికి.. కొంత ట్రెజరీకి వెళ్తున్నాయి. పెట్రోల్, డీజిల్, గ్యాస్ తో పాటు మద్యం ధరలు కూడా పెరిగాయి "

సీబీఐ మాజీ జేడీ లక్ష్మీ నారాయణ అంటే తెలియని వారు ఉండరు. జగన్ మోహన్ రెడ్డి అక్రమఆస్తులు కేసు విచారణలో ఆయన ఒక సెన్సేషన్. తరువాత కొన్నాళ్ళకు పదవీ విరమణ చేసారు. పోయిన సారి 2019 ఎన్నికల్లో ఆయన జనసేన పార్టీలో చేరారు. విశాఖపట్నం ఎంపీగా పోటీ చేసారు. ఆ ఎన్నికల్లో ఆయన ఓడిపోయారు. తరువాత క్రమంలో కొన్నాళ్ళకు ఆయన జనసేన పార్టీకి దూరం అయ్యారు. పవన్ కళ్యాణ్ సీరియస్ గా రాజకీయం చేయటం లేదు అనేది ఆయన ఆరోపణ. జనసేన పార్టీ నుంచి బయటకు వచ్చిన తరువాత, ఆయన ఏ పార్టీలో చేరలేదు. స్వతంత్రంగా ఉంటూ సమకాలిక రాజకీయాల పై స్పందిస్తూ ఉంటున్నారు. గోదావరి జిల్లాలో పొలం కౌలకు తీసుకుని, వ్యవసాయంలో ఆధునిక సాగు పై ప్రయోగాలు చేస్తున్నారు. ఆయన రైతుల కోసం ఏదో చేయాలి అనే ఆశయంతో ఉన్నారు. ఇది ఇలా ఉంటే, ఈ మధ్య ఆయన తరుచూ వార్తల్లో ఉంటున్నారు. మొన్న అమరావతి వచ్చి అమరావతి రైతులకు మద్దతు పలికి, ప్రభుత్వానికి చురకలు అంటించారు. ఇప్పుడు ఆయన పవన్ కళ్యాణ్ ని ఉద్దేశిస్తూ, స్టీల్ ప్లాన్ పై చేసిన ట్వీట్ ఆసక్తి రేపుతుంది. పవన్ కళ్యాణ్ రేపు విశాఖ వస్తున్నారు. స్టీల్ ప్లాంట్ ప్రైవేటీకరణకు వ్యతిరేకంగా ఆయన రేపు ఉద్యమం చేస్తున్నారు.

బీజేపీతో పొత్తు పెట్టుకుంటూనే ఆయన ఇప్పుడు అదే కేంద్ర ప్రభుత్వ నిర్ణయానికి వ్యతిరేకంగా ఉద్యమం చేయటం చర్చనీయాంశం అయ్యింది. అయితే ఇప్పటికే జేడీ లక్ష్మీ నారాయణ స్టీల్ ప్లాంట్ ప్రైవేటీకరణకు వ్యతిరేకంగా ఉద్యమం చేస్తున్నారు. కోర్ట్ లో కేసు కూడా వేసి, న్యాయ పరంగా కూడా పోరాడుతున్నారు. ఈ క్రమంలో పవన్ కళ్యాణ్ మద్దతు తెలుపుతూ ఉండటంతో, ఆయన ట్వీట్ చేసారు. వైజాగ్ స్టీల్ ప్లాంట్ ప్రైవేటీకరణకు వ్యతిరేకంగా పోరాడుతున్న ప్రజలకు పవన్ కళ్యాణ్ గారు సంఘీభావం తెలియజేస్తున్నందుకు సంతోషం వ్యక్తం చేసారు. కేంద్ర ప్రభుత్వం తమ నిర్ణయాన్ని మార్చుకునేలా ఖచ్చితంగా ప్రభావితం చేస్తుందని ఆశిస్తున్నాను అంటూ ఆయన ట్వీట్ చేసరు. అయితే ప్రత్యేకంగా పవన్ కళ్యాణ్ ని పొగుడుతూ ట్వీట్ చేయటం పై చర్చ జరుగుతుంది. లక్ష్మీ నారయణ మళ్ళీ జనసేనలో చేరే ఉద్దేశం ఉందా అనే చర్చ జరుగుతుంది. ఇవన్నీ పక్కన పెడితే, అందరూ ఒక తాటి పైకి వచ్చి, స్టీల్ ప్లాంట్ ప్రైవేటీకరణ జరగకుండా చూస్తారని, ప్రజలు కూడా సహకరిస్తారని ఆశిద్దాం.