news

చంద్రబాబు కుప్పం పర్యటన తీవ్ర ఉద్రిక్త పరిస్థితులు మధ్య కొనసాగుతుంది. ఉదయం నుంచి చంద్రబాబు పర్యటనను అడ్డుకోవటానికి వైసీపీ చేయని ప్రయత్నం లేదు. పెద్ద ఎత్తున ప్రజలు రావటంతో, వైసీపీ మరింతగా రెచ్చిపోయింది. బ్యానర్లు చింపటం, కరెంటు ఆపటం, టిడిపి శ్రేణులను అడ్డుకోవటం, ఇలా అన్నీ చేసారు. అయినా ఎక్కడా వెనక్కు తగ్గలేదు. కొద్ది సేపటి క్రితం కుప్పం బస్టాండ్‌ వద్ద నిర్వహించిన సభలో చంద్రబాబు ప్రసంగించారు. అయితే ఈ సభ మొదలై చంద్రబాబు ప్రసంగం మొదలు పెట్టిన తరువాత కొంత మంది హాల్ చల్ చేసారు. అతని దగ్గర బాంబు ఉందని, అనుమానం రావటంతో ఒక్కసారి గా ఉలిక్కి పడ్డారు. చంద్రబాబుకు సెక్యూరిటీగా ఉన్న ఎన్ఎస్జీ కమండాలో పొజిషన్ తీసుకున్నారు. బులిట్ ప్రూఫ్ జాకెట్లు తీసారు. చంద్రబాబుతో మాట్లాడి వివరాలు తెలుసుకున్నారు. చంద్రబాబు చుట్టూ వచ్చేసారు. ఈ లోపు టిడిపి శ్రేణులు ఆ వ్యక్తులను పట్టుకుని పోలీసులకు అప్పగించారు. అతని వద్ద డమ్మీ బాంబు ఉందని, మరొకరి దగ్గర రాళ్ళు, కర్రలు ఉన్నట్టు గుర్తించారు. ఈ సమయంలో ఏమి జరుగుతుందో చంద్రబాబుకు కూడా అర్ధం కాలేదు. స్టేజ్ పై నుంచే రాళ్ళూ ఉన్నాయా, బాంబులు తెచ్చారా అని వాకబు చేసారు. పోలీసులకు అప్పగించటంతో, అందరూ ఊపిరి పీల్చుకున్నారు.

ఈ సందర్భంగా చంద్రబాబు అక్కడ ఉన్న పోలీసులను వాళ్ళు ఎలా వచ్చారు అని ప్రశ్నించారు. పోలీసులు ఇలాగే చూసి చూడనట్టు వదిలేస్తే మంచిగా ఉండదని అన్నారు. తప్పుడు పనులు చేసే వారి పై ఎంక్వయిరీ కమిషన్ వేస్తాం అని, వారిని వదిలిపెట్టే సమస్యే లేదని చంద్రబాబు అన్నారు. న్యాయంగా ఉంటే తలొగ్గి ఉంటాం అని, దుర్మార్గాలు చేస్తే మాత్రం చూస్తూ ఊరుకునే ప్రసక్తే లేదని అన్నారు. ఆర్ధికంగా, శారీరకంగా, మానసికంగా క్షోభ పెడుతున్నారని , దీని కోసం పోలీసులను వాడుకుంటున్నారని, పోలీసులు కూడా ఇటువంటివి మానేస్తే మంచిది అని అన్నారు. కుప్పంలో లేని సంస్కృతీన తీసుకుని వచ్చారని అన్నారు. రాష్ట్రాన్ని అన్ని విధాలుగా నాశనం చేసి వదిలి పెడుతున్నారని అన్నారు. చంద్రబాబు కుప్పం వస్తే బాంబులు వేస్తాం అంటూ ఇటీవల వైసీపీ నేతలు చెప్పటంతో, ఈ సంఘటనతో ఒక్కసారిగా అందరూ షాక్ తిన్నారు. టిడిపి కార్యకర్తలు అతన్ని పట్టుకోవటంతో, ప్రమాదం తప్పింది. లేకపోతే ఏమి జరిగేదో మరి.

చంద్రబాబు కుప్పం పర్యటన ఉద్రిక్త పరిస్థితుల మధ్యే కొనసాగుతుంది. ఉదయం నుంచి కూడా చంద్రబాబు పర్యటన కోసం టిడిపి శ్రేణులు కట్టుకున్న ఫ్లేక్సీలను ఎక్కడికక్కడ గుర్తు తెలియని వ్యక్తులు ధ్వంసం చేస్తున్నారు. ఇది వైసీపీ వారి పనే అని టిడిపి ఆరోపిస్తుంది. దీంతో భారీ సంఖ్యలో అక్కడకు చేరుకున్న టిడిపి కార్యకర్తలు, నాయకులు ఆందోళన వ్యక్తం చేసారు. అయినా ఇంకా సంఘటనలు ఆగక పోవటంతో, టిడిపి శ్రేణులు కూడా వైసీపీ ఫ్లెక్సీలు చించివేసారు. కుప్పం ఆర్ అండ్ బీ గెస్ట్ హౌస్ వద్ద ఉన్న వైసిపీ బ్యానర్లను టిడిపి చించి వేసే ప్రయత్నం చేయగా, వైసీపీ శ్రేణులు అడ్డుకున్నారు. దీంతో ఇరు వర్గాల మధ్య తోపులాట జరిగింది. దీంతో పోలీసులు రంగ ప్రవేశం చేసి, ఇరు వర్గాలను చెదరగొట్టారు. భారీ సంఖ్యలో చంద్రబాబు పర్యటన కోసం వచ్చిన టిడిపి శ్రేణులు, తమ అధినేత ఫ్లేక్స్ లు చించివేయటం పై ఆగ్రహం వ్యక్తం చేసాయి. దీంతో వీరు కూడా వైసిపీ ఫ్లెక్సీలను కూడా డ్యామేజ్ చేసే ప్రయత్నం చేసారు. అయితే పోలీసులు వెంటనే రంగ ప్రవేశం చేసి ఇరు వర్గాలను చెదరగొట్టారు. ప్రస్తుతం చంద్రబాబు ఆర్ అండ్ బి అతిధి గృహంలో విశ్రాంతి తీసుకుంటున్నారు. ప్రస్తుతం కుప్పంలో భారీ వర్షం పడుతూ ఉండటంతో, చంద్రబాబు గెస్ట్ హౌస్ కే పరిమితం అయ్యారు.

వాస్తవానికి ఈ పాటికే చంద్రబాబు బహిరంగ సభ ప్రారంభం కావాల్సి ఉంది. పెద్ద ఎత్తున ప్రజలు రావటంతో, ఆయన బెంగుళూరు ఎయిర్ పోర్ట్ నుంచి కుప్పం రావటానికి చాలా సమయం పట్టింది. అక్కడకు చేరుకోగానే వర్షం కూడా మొదలు కావటంతో, కార్యక్రమం ఆలస్యం అయ్యింది. వర్షం ఆగిన తరువాత, ఆయన రోడ్ షో మొదలు పెట్టి, భారీ బహిరంగ సభలో పాల్గుననున్నారు. తరువాత ముగ్గురు నేతల ఇళ్ళకు కూడా చంద్రబాబు వెళ్లనున్నారు. ఇప్పటికే పెద్ద ఎత్తున కార్యకర్తలు అక్కడకు చేరుకున్నారు. పోలీసులు కూడా కార్యకర్తలను ఎక్కడికక్కడ అడ్డుకుంటున్నారు. చంద్రబాబు కుప్పం పర్యటనలో ఎప్పుడూ ఇలాంటి వాతావరణం కనిపించ లేదని, వైసిపీ అధికార బలంతో, తమను ఇబ్బందులు పెడుతున్న నేపధ్యంలో, కార్యకర్తల్లో ఎమోషన్ పెరిగిపోయిందని, బదులు తీర్చుకోవటానికి కార్యకర్తలు సిద్ధంగా ఉన్నట్టు తెలుస్తుంది. చంద్రబాబు పర్యటనకు అనేక ఇబ్బందులు కల్పిస్తున్న వేళ, భారీగా వచ్చిన టిడిపి శ్రేణులతో, ఏ నిమిషాన ఏమి జరుగుతుందో అనే టెన్షన్ నెలకొంది.

అమరావతి రైతులు తలపెట్టిన మహా పాదయాత్రకు రాష్ట్ర హైకోర్టు అనుమతి ఇచ్చింది. కొద్ది సేపటి క్రితం లంచ్ మోషన్ పిటీషన్ పై విచారణ చేసింది. అయితే ఇంకా లిఖిత పూర్వ ఉత్తర్వులు హైకోర్టు నుంచి రావలసి ఉంది. నిన్న అమరావతి రైతులు తలపెట్టిన మహా పాదయాత్రకు డీజీపీ అనుమతి నిరాకరించారు. నవంబర్ ఒకటి నుంచి, డిసెంబర్ 17 వరకు, 40 రోజుల పాటు చేయి తలపెట్టిన న్యాయస్థానం టు దేవస్థానం, మహా పాదయాత్రకు అనుమతి నిరాకరిస్తూ రాష్ట్ర డీజీపీ నిన్న ఉత్తర్వులు జారీ చేసారు. అమరావతిలోని హైకోర్టు దగ్గర నుంచి తిరుపతి వెంకన్న గుడి వరకు ఈ పాదయాత్ర ఉండాల్సి ఉంది. దీనికి సంబంధించిన రూట్ మ్యాప్ తో పాటు, ఏర్పాట్లు అన్నీ చేసుకున్నారు. అయితే డీజీపీ మాత్రం అనుమతి నిరాకరించారు. దీంతో రైతులు నిన్న లంచ్ మోషన్ పిటీషన్ వేసారు. న్యాయవాది వీవీ లక్ష్మీనారాయణ లంచ్ మోషన్ పిటీషన్ దాఖలు చేసారు. హైకోర్టు ఈ లంచ్ మోషన్ పిటీషన్ కు అనుమతి ఇచ్చి, ఈ రోజు మధ్యానం 2.15 నిమిషాలకు దీని పైన విచారణ మొదలు పెట్టింది. అటు ప్రభుత్వం వైపు నుంచి, రైతులు వైపు నుంచి పూర్తీ స్థాయిలో వాదనలు జరిగాయి. డీజీపీ అనుమతి నిరాకరిస్తూ పేర్కొన్న అంశాలు సహేతుకమైన కారణాలు కావని, న్యాయవాది లక్ష్మీ నారాయణ వాదించారు.

నేలపాడులో ఉన్న హైకోర్టు దగ్గర నుంచి, తిరుపతిలో ఉన్న వెంకన్న ఆలయం వారకు పాదయాత్ర చేయాలని నిర్ణయం తీసుకున్నారని, దీనికి సంబంధించిన రూట్ మ్యాప్ కూడా ఇప్పటికే రైతులు పోలీసులుకు ఇచ్చారని, అటువంటి అప్పుడు సిల్లీ కారణాలతో ఈ అనుమతి నిరాకరించటం అనేది సమంజసం కాదని న్యాయవాది వాదించారు. మరో పక్క ప్రభుత్వం మాత్రం కేవలం శాంతి భద్రతల అంశం సాకుగా చూపిస్తూ పాదయాత్రకు అనుమతి ఇవ్వలేమని చెప్తుంది. ఇప్పటికే మూడు రాజధానుల నిర్ణయం తీసుకున్నామని, ఈ నేపధ్యంలో అమరావతి రైతులు మూడు రాజధానులకు వ్యతిరేకంగా వెళ్తే, ఇతర ప్రాంతాలకు వెళ్తే ఇబ్బంది అవుతుందని వాదిస్తుంది. ఇరు పక్షాల వాదనలు విన్న హైకోర్టు, పాదయాత్రకు అనుమతి ఇస్తూ ఆదేశాలు జారీ చేసింది. కొన్ని షరతులతో అనుమతి ఇస్తామాని కోర్టు చెప్పింది. దీనికి సంబంధించి షరతులు ఏమిటి అనే దాని పై హైకోర్టు పూర్తి ఆర్డర్ కాపీలో పొందుపరిచే అవకాసం ఉంది. మరి కొద్ది సేపట్లో ఉత్తర్వులు రానున్నాయి.