news

ఆంధ్రప్రదేశ్ రాష్ట్ర ప్రభుత్వానికి కోర్టుల్లో మొట్టికాయలు సర్వ సాధారణం అయిపోయాయి. ప్రతి రోజు కోర్టులు మొట్టికాయలు వేయటం అటు ప్రభుత్వానికి, ఇటు ప్రజలకు కూడా అలవాటు అయిపొయింది. గత ప్రభుత్వాలు, కోర్టుల్లో ఏమైనా రిమార్క్స్ వస్తే అవమానంగా భావించే, అవి మళ్ళీ జరగకుండా కరెక్ట్ చేసుకునే వారు. ఇప్పటి ప్రభుత్వం మాత్రం చేసిన తప్పులే మళ్ళీ మళ్ళీ చేస్తూ, కోర్టుల చేత మొట్టికాయలు తింటుంది. తాజాగా జరిగిన ఒక కేసులో, ఏపి ప్రభుత్వానికి షాక్ ఇచ్చింది సుప్రీం కోర్టు. ఏకంగా లక్ష రూపాయల జరిమానా విధించారు. ఒక ప్రభుత్వానికి, సుప్రీం కోర్టులో ఇలా జరిమానా పడటం అరుదు అనే చెప్పాలి. ఇక కేసు విషయానికి వస్తే, గతంలో ఒక కేసు విషయంలో, హైకోర్టులో ఉమ్మడి అంగీకారంతో తీర్పు ఇవ్వగా, ఆ తీర్పుని పట్టుకుని, సుప్రీం కోర్టుకు ఏపి ప్రభుత్వం వెళ్ళటం పై, సుప్రీం కోర్టు తీవ్ర ఆగ్రహం వ్యక్తం చేసింది. ఒక పక్క హైకోర్టు ఇచ్చిన తీర్పుని అమలు పరచకుండా, ఆలస్యం చేయటం , మరో పక్క ఉమ్మడి అంగీకారంతో హైకోర్టు ఇచ్చిన తీర్పుని, మళ్ళీ అపీల్ పేరుతో సుప్రీం కోర్టుకు రావటం, అనవసరంగా సుప్రీం కోర్టు సమయాన్ని వృధా చేయటం పై, సుప్రీం కోర్టు తీవ్ర ఆగ్రహం వ్యక్తం చేసింది. కోర్టు సమయాన్ని వృధా చేసినందుకు ప్రభుత్వానికి లక్ష జరిమానా విధించింది.

ఏవో పార్టీలు ఇలా కోర్టు సమయాన్ని వృధా చేసాయి అంటే అనుకోవచ్చు, ఇక్కడ ఏకంగా ప్రభుత్వమే ఇలా చేయటం పై, పలువురు ఆశ్చర్య పోయారు. ఈ మేరకు సుప్రీం కోర్టు త్రిసభ్య ధర్మాసనం, ఏపి ప్రభుత్వం పై ఆగ్రహం వ్యక్తం చేస్తూ తీర్పు ఇచ్చింది. దేవీసీఫుడ్స్‌ అనే సంస్థ సర్ఫేసీ యాక్ట్‌ కింద, కొన్ని బ్యాంకులు కొన్ని స్థలాలను వేలం వేయగా, వాటి ఆస్తులు కొనుగోలు చేసింది. అయితే రిజిస్టర్ వేల్యూ కాకుండా, మార్కెట్ ధర ప్రకారం చెల్లింపులు చేయాలని ప్రభుత్వం మెలిక పెట్టింది. తరువాత ఇది సింగల్ బెంచ్ కు వెళ్ళటం, ప్రభుత్వానికి వ్యతిరేకంగా తీర్పు రావటం, తరువాత మళ్ళీ డివిజినల్ బెంచ్ కు వెళ్ళటం, అక్కడ కూడా ప్రభుత్వ పిటీషన్ ను డిస్మిస్ చేసారు. అయితే గతంలోనే దీని పై స్పష్టత ఉండటం, ప్రభుత్వ సమ్మత ఉండటం, ఇప్పుడు మళ్ళీ ఇదే విషయం పై సుప్రీం కోర్టుకు ప్రభుత్వం వెళ్ళటంతో, సుప్రీం కోర్టు ఆగ్రహం వ్యక్తం చేసింది. కోర్టు సమయాన్ని వృధా చేసినందుకు, లక్ష రూపాయల జరిమానాను, ఏపి ప్రభుత్వానికి విధించింది.

గత నాలుగు రోజలుగా ఆంధ్రప్రదేశ్ రాష్ట్రాన్ని హెరాయిన్ కేసు కుదిపేస్తుంది. తాలిబన్ల నుంచి వచ్చిన హెరాయిన్ ని గుజరాత్ పోర్టులో పట్టుకున్నారు. అయితే అది విజయవాడకు చెందిన కన్జైంట్మెంట్ కావటంతో, ఒక్కసారిగా ఏపి ఉలిక్కి పడింది. దీంతో సహజంగానే రాజకీయ విమర్శలు వచ్చాయి. ఈ విషయంలో అధికార పార్టీ వ్యవహరించిన తీరు పై టిడిపి ప్రశ్నించింది. అయితే దీని పై క్లారిఫికేషన్ ఇవ్వాల్సిన ప్రభుత్వం మాత్రం, ఎదురు దాడికి దిగింది. మంత్రి పేర్ని నాని ప్రెస్ మీట్ పెట్టి, ఇదంతా అబద్ధం అని, అసలు ఈ అలవాటు టిడిపి వారికే ఉందని పెద్ద లిస్టు చదివారు. అందులో హెరిటేజ్ వ్యానుల్లో జపాన్ కు ఎర్రచందనం తీసుకుని వెళ్లారు అంటూ విమర్శలు చేసారు. హెరిటేజ్ వ్యానుల్లో ఎర్ర చందనం తీసుకుని జపాన్ వెళ్ళటం ఏమిటో ఎవరికీ అర్ధం కాలేదు. దీని పై సోషల్ మీడియాలో కూడా ట్రాలింగ్ జరిగింది. ఇది ఇలా ఉంటే హెరిటేజ్ లాంటి లిస్టెడ్ కంపెనీ పై మంత్రి ఇష్టం వచ్చినట్టు విమర్శలు చేయటంతో, ఇన్వెస్టర్స్ ఒత్తిడితో, మంత్రి పై హెరిటేజ్ సంస్థ సీరియస్ అయ్యింది. ఆ సంస్థకు చెందిన ప్రెసిడెంట్, సాంబశివ రావు, మంత్రి నానికి లీగల్ నోటీస్ పంపించారు. సెప్టెంబర్ 22 న మంత్రి పేర్ని నాని, తమ సంస్థ పై చేసిన విమర్సలకు సమాధానం చెప్తున్నాం అంటూ ప్రకటన విడుదల చేసారు.

హెరిటేజ్ వ్యానుల్లో ఎర్రచందనం తరలిస్తున్నారు అంటూ మంత్రి చేసిన వ్యాఖ్యలు సోషల్ మీడియాలో చూసామని, ఇది తప్పుడు ప్రకటన అని అన్నారు. గతంలో 2017లో సాక్షి పత్రికలో తప్పుడు వార్త ప్రకటించారని, దీని పై ఆ రోజే తాము ఖండించామని, తమ ఖండన అన్ని పత్రికల్లో వచ్చింది కానీ, సాక్షిలో రాలేదని అన్నారు. దేని పై అప్పుడే సాక్షికి లీగల్ నోటీస్ కూడా పంపించామని అన్నరు. ఆ కేసులో హెరిటేజ్ పేరుని వాడుకుని, గంగిరెడ్డి ముఖ్య అనుచురడు ఇది చేసినట్టు అప్పుడే పత్రికల్లో కూడా వచ్చింది. అయితే ఇప్పటికె సాక్షి ఆరోపణల పై వేసిన కేసు పెండింగ్ లో ఉందని, మంత్రి మళ్ళీ అవే ఆరోపణలు చేసారని, ఏడు రోజుల్లో మీరు చేసిన ఆరోపణలు వెనక్కు తీసుకోవాలని, వెనక్కు తీసుకోక పోతే మీ మీద కూడా కేసు వేస్తాం అంటూ హెరిటేజ్ సంస్థ తమ నోటీసులో మంత్రికి తెలిపింది. ఇలాంటి రాజకీయ అంశాల్లోకి, వేల మంది ఉద్యోగులు, ఇన్వెస్టర్లు నమ్మకాన్ని పోగేట్టేలా, రాజకీయ విమర్శలు చేయటం హేయం అంటూ, హెరిటేజ్ పేర్కొంది.

జగన్ మోహన్ రెడ్డి చెల్లి వైఎస్ షర్మిల తెలంగాణలో పార్టీ పెట్టిన విషయం అందరికీ తెలిసిందే. వైఎస్ఆర్టిపి పేరిట, ఆమె తెలంగాణాలో పార్టీ పెట్టారు. అయితే ఇక్కడ వరకు బాగానే ఉన్నా, మొన్న ఎన్నికల్లో ఆంధ్రప్రదేశ్ లో ఊరు ఊరు తిరిగి, జగన్ మోహన్ రెడ్డిని గెలిపించమని కోరారు. ఏమైందో ఏమో కానీ, జగన్ మోహన్ రెడ్డి గెలిచిన తరువాత, షర్మిలను దూరం పెట్టారనే ప్రచారం ఉంది. రోజులు గడిచే కొద్దీ ఇద్దరికీ గ్యాప్ పెరిగింది. తల్లి విజయలక్ష్మి కూడా షర్మిల వైపే ఉన్నారు. షర్మిల సభల్లో కూడా పాల్గుంటున్నారు. అయితే విజయమ్మ ఒక ఒక్క జగన్ పార్టీకి అధ్యక్షురాలు హోదాలో ఉండి, మరో పార్టీ సభల్లో పాల్గునటం పై కూడా విమర్శలు వస్తున్నాయి. షర్మిలకు, జగన్ కు మధ్య ఏమి లేదని, అంతా బాగానే ఉందని, ఇదంతా రాజకీయ లబ్ది కోసం ఆడే నాటకం అని అనే వారు ఉన్నారు. షర్మిలకు జగన్ పై కోపం ఉంటే, ఆంధ్రప్రదేశ్ లో పార్టీ పెట్టాలి కానీ, తెలంగాణలో ఎందుకు పెడుతుంది అనే ప్రశ్నలు వస్తున్నాయి. అయితే బయటకు మాత్రం, ఇద్దరి మధ్య తేడా కొట్టినట్టే తెలుస్తుంది. పార్టీ పెట్టిన కొత్తలో, జగన్ గురించి అడగగా, అదే ఆయన్నే అడగండి అంటూ షర్మిల సమాధానం చెప్పారు. అలాగే సజ్జల కూడా, తాము పార్టీ పెట్ట వద్దు అని చెప్పినా, ఆమె పార్టీ పెట్టారని, తమ పార్టీకి ఎటువంటి సంబంధం లేదని అన్నారు.

అలాగే షర్మిల సభలో, సాక్షి పై బహిరంగంగానే విమర్శలు చేసారు. సాక్షి తమకు కవరేజ్ ఇవ్వదు కదా పక్కకు తప్పుకోండి అని బహిరంగంగా చెప్పటం సంచలనం అయ్యింది. వైఎస్ఆర్ వర్ధంతి , జయంతి రోజున కానీ, జగన్, షర్మిల మాట్లాడుకోలేదు. వైఎస్ఆర్ సంస్మరణ సభకు కూడా జగన్ వెళ్ళలేదు. ఇప్పటి వరకు షర్మిలకు జగన్ ఎలాంటి సహాయం రాజకీయం అందించలేదు. ఈ తరుణంలోనే షర్మిల తాజాగా ఒక టీవీ ఇంటర్వ్యూ లో చేసిన వ్యాఖ్యలు సంచలనంగా మారాయి. సాక్షిని తెలంగాణలో మీరు టెక్ అప్ చేస్తారా అని అడగగా, టెక్ అప్ ఏంటి, నేను కూడా సాక్షిలో ఒక ఓనర్ ని అంటూ షర్మిల సమాధానం చెప్పారు. అంటే ఆమె సాక్షిని తెలంగాణలో టెక్ అప్ చేస్తున్నట్టు ఒప్పుకున్నారు. అంటే సాక్షి మీడియా, పేపర్ ఇప్పుడు ఆంధ్రప్రదేశ్ లో జగన్ చేతిలో, తెలంగాణాలో షర్మిల చేతిలో ఉండే అవకాశాలు కనిపిస్తున్నాయి. సాక్షి రెండుగా చీలిపోతుందా ? లేదా ఒకే మ్యానేజ్మెంట్ లో ఇద్దరూ పని చేస్తారా అనేది భవిష్యత్తులో తెలుస్తుంది.