news

ఆంధ్రప్రదేశ్ రాజధాని ఏమిటి అంటే, ఎవరైనా అమరావతి అనే చెప్తారు. కేంద్రం ఇచ్చే లేఖల్లో కానీ, అధికారిక ఉత్తరాల్లో కానీ, అమరావతి అనే ఉంటుంది. ఎందుకు అంటే, కేంద్రం అమరావతి రాజధానిగా గెజెట్ ఇచ్చింది కాబట్టి, అమరావాతే రాజధాని. జగన్ మోహన్ రెడ్డి వచ్చిన తరువాత అమరావతిని మూడు ముక్కలు చేసినా, ఏ ముక్క రాజధాని అనేది చెప్పటానికి లేదు. అదీ కాక ఈ విషయం కోర్టు పరిధిలో ఉంది, కోర్టు స్టేటస్ కో ఇచ్చింది. అంటే ఇప్పటికీ అమరావాతే రాజధాని. అయితే కేంద్ర ప్రభుత్వం అత్యుత్సాహంతో, ప్రతి సారి ఈ విషయం పై కన్ఫ్యూషన్ వస్తుంది. మొదటగా సర్వే అఫ్ ఇండియా మ్యాప్ లో ఆంధ్రప్రదేశ్ రాజధానిని అమరావతిగా చూపించ లేదు. దీంతో టిడిపి ఎంపీ గల్లా పోరాడి, కేంద్రం చేత మళ్ళీ అమరావతి రాజధానిగా కొత్త మ్యాప్ తెప్పించారు. తరువాత మొన్నీ మధ్య ఒక ఆర్టిఐ రిప్లై లో, ఏపికి మూడు రాజధానులు అంటూ కేంద్ర హోం శాఖ చెప్పింది. దీని పై పెద్ద ఎత్తున పోరాటం చేయటంతో, మళ్ళీ ఇంకో ఆర్టిఐ రిప్లై ఇస్తూ, అమరావతి రాజధాని అని, ఇది కోర్టు పరిధిలో ఉన్న అంశం అని చెప్పంది. ఇప్పుడు తాజాగా పార్లమెంట్ వేదికగా, పెట్రోల్, డీజిల్ రెట్ల పై ప్రశ్నకు సమాధానం ఇస్తూ, ఆంధ్రప్రదేశ్ దగ్గర, అమరావతి బదులు విశాఖ రాజధాని అంటూ పెట్టటంతో, పెద్ద వివాదం రేగింది.

ఇంకేముంది, అమరావతి రాజధాని కాదు, విశాఖ రాజధాని అంటూ కేంద్రం గుర్తించింది అంటూ వైసీపీ సోషల్ మీడియా, కొన్ని బ్లూ చానల్స్ చేయని హడావిడి లేదు. అయినా వైసీపీ లాజిక్ ప్రకారం మూడు రాజధానులు గుర్తించాలి కానీ, ఇలా ఒక రాజధాని ఏమిటో అర్ధం కాలేదు. అయినా వీళ్ళ హడావిడి, పాపం మూడు గంటలు కూడా మిగల లేదు. పెద్ద ఎత్తున విమర్శలు రావటంతో, ఆదివారం అయినా సరే, రాత్రి పది గంటల ప్రాతంలో కేంద్రం ఒక అధికారిక ప్రకటన విడుదల చేసింది. విశాఖ ఏపి రాజధాని అని చెప్పటం తమ ఉద్దేశం కాదని చెప్పింది. ఆయా రాష్ట్రాల రాజధానులు లేదా, ప్రముఖ నగరాల్లో పెట్రోల్ రేట్లు చెప్పే ఉద్దేశంలోనే, ఏపిలో ప్రముఖ నగరంగా ఉన్న విశాఖలో పెట్రోల్ రేట్లు గురించి చెప్పమని, ఇది హెడ్డింగ్ పొరపాటు మాత్రమే అని, ఇప్పుడు క్యాపిటల్ అని కాకుండా, నగరం అని సవరించి పెడతామని చెప్పింది. ఇదే విషయాన్ని లోక సభకు కూడా తెలియ చేస్తామని చెప్పింది. దీంతో వైసీపీకి, బులుగు మీడియాకి లేట్ నైట్ షాక్ తగిలింది.

టిడిపి ఎమ్మెల్యేలు తెలంగాణా ముఖ్యమంత్రి కేసీఆర్ కు లేఖ రాసారు. ఉప్పు నిప్పుగా ఉండే కేసీఆర్ కు టిడిపి ఎమ్మెల్యేలు లేఖలు రాయటం పై అందరూ ఆశ్చర్య పోయినా, ఇదేమి సొంత విషయమో,లేక రాజకీయం కోసమో కాదు. తమ ప్రాంత రైతాంగం కోసం వారు కేసీఆర్ కు లేఖ రాసారు. వెలుగొండ ప్రాజెక్ట్ విషయంలో కేంద్రానికి కేసీఆర్ లేఖ రాయటం పై, ప్రకాశం జిల్లా టిడిపి ఎమ్మెల్యేలు గొట్టిపాటి రవికుమార్, ఏలూరి సాంబశివరావు, డోలా బాల వీరాంజనేయ స్వామి, కేసీఆర్ కు లేఖ రాసారు. వెలుగొండ ప్రాజెక్ట్ కు అనుమతి లేదు అంటూ, ఆ ప్రాజెక్ట్ అక్రమం అంటూ, తెలంగాణా ప్రభుత్వం ఆగష్టు 23న కృష్ణా నదీ యాజమాన్య బోర్డుకి ఒక లేఖ రాసింది. దీని పై టిడిపి ఎమ్మెల్యేలు అభ్యంతరం హ్సుప్పారు. వెలుగొండ ప్రాజెక్ట్ కు అనుమతి లేదని, మీకు ఎవరు చెప్పారు అంటూ ప్రశ్నించారు. కేంద్ర గెజిట్ లో వెలుగొండ ప్రాజెక్ట్ చేర్చక పోవటం, మా ప్రభుత్వం అసమర్ధత తప్ప, దానికి అనుమతులు లేక కాదని లేఖలో తెలిపారు. 2014 పునర్విభజన చట్టంలోనే వెలుగొండ ప్రాజెక్ట్, సహా తెలంగాణా రాష్ట్రంలో ఉన్న నెట్టంపాడు, కల్వకుర్తి ఉన్న ఉన విషయాన్నీ గుర్తు చేసారు. ఇప్పటికే ఈ విషయం పై తమ రాష్ట్ర ప్రభుత్వానికి కూడా గుర్తు చేస్తూ లేఖ రాసి, కేంద్రం పై ఒత్తిడి తేవాలని కోరినట్టు వారు కేసీఆర్ కు రాసిన లేఖలో తెలిపారు.

ఇప్పుడు కేంద్రం ఇచ్చిన గెజిట్ లో మీ నెట్టంపాడు, కల్వకుర్తిని చేర్చిందని, ప్రకాశం జిల్లాలో వెలుగొండ ప్రాజెక్ట్ ను చేర్చ లేదని తెలిపారు. అది తమ తప్పు కాదని, తమ జిల్లా రైతాంగం తప్పు కదాని, కరువు జిల్లాగా ఉన్న మా రైతులు తప్పు కాదని అన్నారు. ఇది కచ్చితంగా తమ ప్రభుత్వం తప్పు, తమ ముఖ్యమంత్రి అసమర్ధత అంటూ లేఖలో తెలిపారు. మా ప్రభుత్వం, ముఖ్యమంత్రి అసమర్ధతతో చేసే తప్పులు సాకుగా చూపించి, మీ ప్రభుత్వం, తమ జిల్లాకు మంచి చేసే వెలుగొండ ప్రాజెక్ట్ పై, కేంద్రానికి ఫిర్యాదు చేయటం, మీ హోదాకు తగదు అంటూ లేఖలో తెలిపారు. తమ జిల్లాకు నష్టం చేకూరే నిర్ణయాలు తీసుకోవద్దని, మా ప్రకాశం జిల్లా ప్రజానీకం తరుపున మిమ్మల్ని కోరుతున్నామని అన్నారు. తమ జిల్లా అత్యంత వెనుకబడిన జిల్లా అని, వలసులు ఎక్కువ ఉన్నాయని, వెలుగొండ ప్రాజెక్ట్ పూర్తయితే అందరికీ మంచి జరుగుతుందని లేఖలో తెలిపారు. తమ ప్రాజెక్ట్ అయిన వెలుగొండకు అన్ని అనుమతులు ఉన్నాయని, చట్టబద్దత కూడా ఉందని, తమ ప్రభుత్వ అసమర్ధత సాకుగా చూపి, అన్యాయం చేయవద్దు అని కోరారు.

ప్రజాస్వామ్య దేశంలో నిరసనలు తెలపటం కుడా పాపంగా ఉంది, ఆంధ్రప్రదేశ్ లో. సహజంగా ఈ మధ్య ఆంధ్రప్రదేశ్ పోలీసులు, టిడిపి నేతలు ఏదైనా నిరసన అంటే హౌస్ అరెస్ట్ లు చేయటం చూస్తూ ఉన్నాం. నిన్న పెట్రోల్, డీజిల్ రెట్ల పెరుగుదల, రాష్ట్ర ప్రభుత్వం దేశంలోనే అధికంగా వసూలు చేస్తున్న పన్నుల గురించి, టిడిపి రాష్ట్ర వ్యాప్తంగా నిరసనలు తెలిపింది. అయితే హౌస్ అరెస్ట్ లు చేయటం మర్చిపోయారో ఏమో కానీ, నిరసన అయిపోయిన తరువాత, ఇప్పుడు అరెస్ట్ లు మొదలు పెట్టారు పోలీసులు. మాజీ ఎమెల్యే చింతమనేని ప్రభాకర్ ను విశాఖ వెళ్లి మరీ అరెస్ట్ చేసారు. ఏదైనా పెద్ద కేసులో అరెస్ట్ చేసారేమో అని అందరూ అనుకున్నారు. విశాఖ వెళ్లి మరీ అరెస్ట్ చేయటంతో, ఏదో పెద్ద కేసు అనుకుంటే, చివరకు నిన్న జరిపిన నిరసనలో, పోలీసుల విధులకు చింతమనేని ఆటంకం కలిగించారు అని అభియోగం. దీని పై దెందులూరు పోలీసులు కేసు నమోదు చేసారు. విశాఖ జిల్లా నర్సీపట్నంలో జరుగుతున్న ఒక వివాహానికి చింతమనేని వెళ్ళారు. వివాహనికి వెళ్ళిన చింతమనేని అక్కడకు వెళ్లి మరీ పోలీసులు అరెస్ట్ చేసారు. నిన్న పెట్రోల్ ధరల పెంపు పై ఎమ్మార్వో ఆఫీసుకు వినతి పత్రం ఇవ్వటానికి వెళ్ళగా, అక్కడ పోలీసులు అడ్డుకున్నారు. అక్కడ పోలీస్ విధులకు ఆటంకం కలిగించారని అరెస్ట్ చేసారు.