news

రమ్య ఉదంతంలో, జగన్ ప్రభుత్వం, ఆ కుటుంబానికి పది లక్షలు ఇచ్చింది అంటూ, వైసీపీ ప్రభుత్వం, పెద్ద ఎత్తున ప్రచారం చేసుకున్న సంగతి తెలిసిందే. అయితే అసలు విషయం బయట పెట్టింది టిడిపి. ఆ పది లక్షలు, జగన్ మోహన్ రెడ్డి ప్రేమతో ఇచ్చింది ఏమి కాదని, దళిత చట్టాల ప్రకారం, చట్టం ప్రకారం ఆ పది లక్షలు ఇచ్చారు అంటూ అసలు విషయం చెప్పారు. దిశా చట్టం ప్రకారమే కేసులు, శిక్షలు అమలవుతున్నాయని వైసీపీ ప్రభుత్వం ప్రజలను భ్రమల్లో ముంచి తేలుస్తోందని, నిజంగా ఆ చట్టం రాష్ట్రంలో అమల్లో ఉంటే, దాని విధివిధానా లు, నిబంధనలు, సెక్షన్లు, శిక్షలేమిటో చెప్పాలని టీడీపీ అధికార ప్రతినిధి పిల్లి మాణిక్యరావు డిమాండ్ చేశారు. శనివారం ఆయన విలేకరుల తో మాట్లాడారు. ఆ వివరాలు ఆయన మాటల్లోనే క్లుప్తంగా మీకోసం...! కేంద్ర ప్రభుత్వం ఒక పక్కన దిశా చట్టమే లేదని చెబుతుంటే, జగన్ ప్రభుత్వం ప్రజలను ఎలా మోసగిస్తుంది ? దళితులకు అట్రాసిటీ చట్టమున్నట్లే, రాష్ట్రంలో ఆడ పిల్లలను వే-ధిం-చే-వా-రి-కి, వారిని హిం-సిం-చే వారికి, అ-త్యా-చా-రా-లు చేసే వారికి, చం-పే-సే వారికి ఈ చట్టం వర్తిస్తుందని ఎక్కడుంది? అలాంటి విధివిధానాలు ఎక్కడున్నాయి? దిశా చట్టం ప్రకారం ముగ్గురికి ఉ-రి శిక్షలు, 20 మందికి యావజ్జీవ శిక్షలు వేశామని హోంమంత్రి చెబుతుంటే, ప్రజలంతా నవ్వుకుంటున్నారు. ఆడబిడ్డలపై ఆకృ-త్యా-లు, అ-ఘా-యి-త్యా-ల-కు పాల్పడేవారిపై ఎలాంటి సెక్షన్లు పెడుతున్నారు... ఏ విధంగా శిక్షిస్తున్నారనే వివరాలను పోలీసులు ఎందుకు చెప్పడంలేదు? దిశా చట్టమనేది పచ్చి బూటకం. ప్రభుత్వం కావాలనే లేని చట్టాన్ని తన స్వలాభం, ప్రతిష్ట కోసం వాడుకుంటోంది. దిశా చట్టముందని, దానిపేరుతో యాప్ ఏర్పాటు చేశామని చెప్పడం అంతా కేవలం సాక్షి పత్రికల్లో ప్రకటనల కోసమే. అంతేగానీ ఆడ బిడ్డల రక్షణ కోసం ప్రభుత్వం దాన్ని తీసుకు రాలేదు. ఆడ బిడ్డల జోలికొస్తే, ఇదిగో ఈ చట్టం ద్వారా కఠినంగా శిక్షిస్తామని, దాని విధివిధానాలు ఇవీ అని ప్రభుత్వం బాహాటం గా ఎందుకు చెప్పలేకపోతోంది?

దళితుల రక్షణార్థం ఎస్సీ ఎస్టీ అట్రాసిటీ చట్టమున్నట్టే, రాష్ట్రంలో ఆడబిడ్డల రక్షణార్థం వారికి న్యాయం చేయడంకోసం పలానా చట్టముందని జగన్మో హన్ రెడ్డి ప్రభుత్వం ఎందుకు చెప్పడంలేదు? 141 మంది దళిత మహిళలు, యువతులు, చిన్నారులపై దారుణాలు జరిగాయి. ఆయా సంఘటనల్లో గన్ కంటే ముందు జగన్ వచ్చాడా? 141 మందిలో ఈ ముఖ్యమంత్రి, ప్రభుత్వం ఎందరిని కాపాడి, నిందితుల్లో ఎందరిని శిక్షించింది? రమ్యశ్రీ చ-ని-పో-యా-క, ఆమె కుటుంబానికి ప్రభుత్వమిచ్చిన సాయం కూడా దళితులకు చట్టప్రకారం చేసేదే తప్ప, జగన్మో హన్ రెడ్డేమీ మానవత్వంతో స్పందించి, తనకు తానుగా ఇచ్చింది కాదు. ఎస్సీ,ఎస్టీ చట్టం కింద కేసు నమోదు కాబట్టే, రమ్యశ్రీ కుటుంబానికి ప్రభుత్వం రూ.10లక్షల సాయం చేసింది . లేని అబద్దపు చట్టాన్ని ప్రభుత్వం ప్రచారం చేసుకుంటోంది తప్ప, వాస్తవంలో ఎక్కడా అది అమల్లో లేదు. హోంమంత్రి చెప్పినట్టుగా నిజంగా దిశా చట్టం కిందే ముగ్గురికి ఉ-రి శిక్షలు, 20 మందికి యావజ్జీవ శిక్షలు వేస్తే, తక్షణమే ఆమె, నిందితుల పూర్తి వివరాలతో, ఎప్పుడెప్పుడు వారికి ఎక్కడ శిక్షలు వేశారో తెలియ చేస్తూ తక్షణమే శ్వేతపత్రం విడుదల చేయాలని డిమాండ్ చేస్తున్నాను. దిశా చట్టమే లేనప్పుడు హోంమంత్రి శ్వేతపత్రం ఎలా విడుదల చేస్తారు? 141 రోజుల్లో దళిత ఆడబిడ్డలపై అరాచకానికి పాల్పడిన వారిలో ఈ ముఖ్యమంత్రి ఎందరిని శిక్షించాడు? రమ్యను హత్య చేసిన నిందితుడిని 20 రోజుల్లో ముఖ్యమంత్రి శిక్షించాలి. లేకుంటే నారాలోకేశ్ నాయకత్వంలో రమ్యశ్రీ కుటుంబంతో పాటు, ఆడబిడ్డలను పోగోట్టుకున్న ప్రతి కుటుంబానికి, ప్రభుత్వం న్యాయం చేసే వరకు టీడీపీ పోరాడుతుంది.

వివేక కేసులో అదిరిపోయే ట్విస్ట్ ఇచ్చింది సిబిఐ. గత కొన్ని రోజులుగా సిబిఐ మంచి దూకుడు మీద ఉంది. ఈ స్పీడ్ చూసిన వాళ్ళు, అసలు దొంగలకు పట్టుకుంటారని అనుకున్నారు. వాచ్మెన్ రంగన్న దగ్గర నుంచి, సునీల్ యాదవ్, అలాగే అవినాష్ రెడ్డి తండ్రి భాస్కర్ రెడ్డి, ఇతర వైఎస్ ఫ్యామిలీ వారిని కూడా విచారణ చేయటంతో, ఇక దొంగలు దొరికి పోతారని అందరూ అనుకున్నారు. సిబిఐ కూడా నిరంతరాయంగా ఈ కేఎస్ విచారణ చేస్తుంది. దాదాపుగా 75 రోజులుగా ఈ విచారణ కొనసాగుతూనే ఉంది. దీంతో ఈ కేసు తేలే వరకు వదిలిపెట్టం అనే విధంగా సిబిఐ తీరు ఉండటంతో, ఈ కేసు ఒక కొలిక్కి వచ్చేస్తుందని అందరూ భావించారు. వివేక కూతురు సునీత కూడా అక్కడే ఉండటంతో, అందరికీ ఆస్తికి నెలకొంది. ఈ తరుణంలోనే సిబిఐ ఈ రోజు అందరికీ షాక్ ఇచ్చింది. ఈ రోజు సిబిఐ ఒక పత్రికా ప్రకటన విడుదల చేసింది. అన్ని పత్రికల్లో కూడా ఈ ప్రకటన ఇచ్చింది సిబిఐ. అందులో వివేక ఫోటో, ఆయన వివరాలు వేసి, ఈ కేసు గురించి వివరాలు, సాక్ష్యాలు చెప్పిన వారికి, అయుదు లక్షల రూపాయాల బహుమతి ఇస్తాం అంటూ, వివేక కేసు గురించి వివరాలు చెప్పాలి అంటూ, సిబిఐ పత్రికా ప్రకటన ఇచ్చింది. కేవలం పత్రికా ప్రకటన మాత్రమే కాదు, అందులో సిబిఐ అధికారుల ఫోన్ నెంబర్లు కూడా ఇచ్చారు.

ఎవరైనా సరే వివరాలు తెలిస్తే ముందుకు రావాలని కోరారు. కచ్చితమైన, నమ్మదగిన సమాచారం ఉంటే కనుక, తమ ఫోన్ నెంబర్లు ఫోన్ చేసి చెప్తే, ఆ వివరాలు సరైనవి అయితే, అయుదు లక్షలు బహుమతి ఇస్తాం అంటూ సిబిఐ చెప్పింది. అయితే ఇక్కడే సిబిఐ వైఖరి పై అందరూ ఆశ్చర్య పోయారు. ముఖ్యంగా సిబిఐ అధికారులు, మొన్నటి వరకు ఈ కేసు ముందుకు వెళ్ళిపోతుందని, అందరినీ పట్టుకుంటాం అనే విధంగా ప్రవర్తించి, ఇప్పుడు మాకు ఏమి దొరకలేదు, మీరే వివరాలు చెప్పండి అనే విధంగా ప్రజలను కోరటం పై అందరూ ఆశ్చర్య పోతున్నారు. ఇక్కడ ఇంకో విషయం కూడా ఉంది. మాజీ ఇంటలిజెన్స్ చీఫ్ ఏబి వెంకటేశ్వర రావు, తన వద్ద ఈ కేసు గురించి సమాచారం ఉందని, మీకు మొత్తం ఇస్తాను అంటూ సిబిఐ అధికారులకు ఫోన్ చేసినా సరే, ఎందుకు మాజీ ఇంటలిజెన్స్ చీఫ్ ఏబి వెంకటేశ్వర రావుని సిబిఐ పిలవలేదు, ఆయన నుంచి సమాచారం తీసుకోలేదు అనేది కూడా చూడాలి. ఇది ఇలా ఉంటే, ఇప్పుడు ప్రకటన ఇవ్వటం పై, సిబిఐ వైఖరి పై ఆశ్చర్యం వ్యక్తం చేస్తున్నారు.

జగన్ మోహన్ రెడ్డి అధికారంలోకి వచ్చిన వెంటనే అమరావతి రాజధానిని, మూడు ముక్కలు చేసిన సంగతి తెలిసిందే. ఎన్నో ఆశలతో కొత్త రాజధాని వస్తుంది, దేశంలో మనకు కూడా ఒక గొప్ప సిటీ స్థానం దక్కుతుంది, అనుకున్న ఆంధ్రులకు మూడు ముక్కల రాజధానితో, భంగపాటు ఎదురైంది. రెండున్న ఏళ్ళు అయ్యింది, ఏ రాజధాని లేకుండా పోయింది. అమరావతి లేదు, వైజాగ్ లేదు, కర్నూల్ లేదు. ఎక్కడా ఏమి లేదు. కూల్చివేతలు అయితే జరుగుతున్నాయి కానీ, అక్కడా నిర్మాణాలు అయితే జరగటం లేదు. ఆంధ్రుల అడ్రస్ ఎక్కడో ఇప్పటికీ తెలియకుండా పోయింది. చెన్నై నుంచి, కర్నూల్ నుంచి, హైదరాబాద్ నుంచి, అమరావతి నుంచి, ఇప్పటికీ అడ్డ్రెస్ వెతుకుతూనే ఉన్నాం. ఇది పక్కన పెడితే, విభజనతో రోడ్డున పడ్డ ఆంధ్రప్రదేశ్ రాజధాని కోసం, అప్పటి ప్రభుత్వం పిలుపు మేరకు, పొలాలు ఇచ్చిన రైతన్నలు, అక్కడ ఒక అద్భుతమైన రాజధాని వస్తుందని, రాష్ట్రంతో పాటుగా, తాము కూడా బాగుపడతాం అని అనుకున్నారు. అయితే , అమరావతిని మూడు ముక్కలు చేయటంతో, వారి కలలు చెదిరిపోయాయి. భూములు ఇచ్చి నష్టపోయిన రైతులు, ప్రజాస్వామ్య పోరాటం చేయటమే కాకుండా, న్యాయ పోరాటం వైపు కూడా అడుగులు వేసిన సంగతి అందరికీ తెలిసిందే.

హైకోర్టులో అనేక పిటీషన్లు దాఖలు అయ్యాయి. అయితే గతంలో చీఫ్ జస్టిస్ గా ఉన్న మహేశ్వరి నేతృత్వంలో, ఈ పిటీషన్ల పై విచారణ జరిగింది. కేసు చివరి దశలో ఉండగా, ఆయన బదిలీ కావటంతో, కేసు మళ్ళీ మొదటికి వచ్చింది. కొత్త చీఫ్ జస్టిస్ గోస్వామి రావటంతో, ఈ కేసులు విషయం పై, ఆయన ఏమి నిర్ణయం తీసుకుంటారా అని అందరూ భావించారు. అయితే ఆయన ఈ కేసులు విషయం పై మొదటి నుంచి మళ్ళీ వాదనలు వింటాం అని చెప్పారు. తరువాత క-రో-నా సెకండ్ వేవ్ రావటంతో, ఈ కేసులు విచారణ ఆగష్టు 23కి వాయిదా పడింది. సోమవారం నుంచి ఈ కేసులు విచారణ ప్రారంభం అవుతాయి. దీంతో ఫుల్ బెంచ్ ఏర్పాటు చేసారు చీఫ్ జస్టిస్. సోమవారం నుంచి ప్రతి రోజు విచారణ జరగనుంది. ఇది ఇలా ఉంటే, విశాఖకు వెళ్ళిపోతాం, ముఖ్యమంత్రి ఎక్కడ నుంచి అయిన పని చేయవచ్చు అంటూ చెప్తున్న ప్రభుత్వం, ఇప్పటి వరకు తరలించ లేదు. మరో పక్క ఇప్పుడున్న ఆర్ధిక పరిస్థితి చూస్తే, ప్రభుత్వానికి విశాఖ తరలించే సీన్ లేదనే అర్ధం అవుతుంది. ఇక అమరాటి కేసుల విషయం సోమవారం నుంచి ఏమి అవుతుందో చూడాలి.