news

మాన్సాస్ ట్రస్ట్ లో రోజుకి ఒక వివాదం జరుగుతూనే ఉంది. కొన్ని దశాబ్దాలుగా ప్రశాంతంగా ఉన్న మాన్సాస్ ట్రస్ట్ లో, వైసిపీ వచ్చిన తరువాత అలజడి రేగింది. ఎంతో మంది ముఖ్యమంత్రులు మారినా, చివరకు రాజశేఖర్ రెడ్డి కూడా, ఎప్పుడు మాన్సాస్ ట్రస్ట్ జోలికి పోలేదు. అక్కడ ఆ రాజ కుటుంబం చేసిన త్యాగాన్ని గుర్తించిన గత పాలకులు ఎప్పుడూ వివాదం చేయటానికి ప్రయత్నం చేయలేదు. అయితే టిడిపి నేతలు ఆరోపిస్తున్నట్టు, జగన్ మోహన్ రెడ్డి అవినీతి కేసులో ముందుగా కోర్టులో కేసు వేసింది అశోక్ గజపతి రాజు గారు కాబట్టి , ఆయన పై కక్ష కట్టారో, లేదా ఇంకా ఏమైనా కారణాలు ఉన్నాయో తెలియదు కానీ, వైసీపీ అధికారంలోకి వచ్చిన తరువాత నుంచి అశోక్ గజపతి రాజు గారిని టార్గెట్ చేసారు. అధికారంలోకి వచ్చిన వెంటనే సింహాచలం సహా, మాన్సాస్ చైర్మెన్ గా అశోక్ గజపతి రాజు గారిని తొలగించి, సంచయితను నియమించారు. అప్పటి నుంచి ఏదో ఒక విధంగా అశోక్ గజపతి రాజు గారిని టార్గెట్ చేస్తున్నారు. చివరకు కోర్టులో సంచయిత నియామకం చెల్లదు అని తీర్పు వచ్చినా, మరో రకంగా ఇబ్బంది పెడుతున్నారు. అయితే ఇప్పుడు మాన్సాస్ చైర్మెన్ గా ఉన్న అశోక్ గజపతి రాజు గారు, ఇప్పుడు మరోసారి హైకోర్టులో పిటీషన్ దాఖలు చేసారు. గత వారం రోజులగా జరుగుతున్న పరిణామాల పై ఆయన హైకోర్టు వద్దకు వెళ్లారు.

మాన్సాస్ ట్రస్ట్ ఈవోగా ఉన్నటు వంటి వెంకటేశ్వరరావు అనే వ్యక్తి ఉద్యోగస్తులకు జీతాలు ఇవ్వకుండా ఆయన వేధిస్తున్నారు అంటూ పిటీషన్ లో పేర్కొన్నారు. అలగే మాన్సాస్ ట్రస్ట్ చైర్మెన్ గా తనకు కూడా అతను సహకరించటం లేదని పిటీషన్ లో తెలిపారు. ఈవో నుంచి చాలా సమాచారం కోరానని, అయినా చైర్మెన్ అయిన తనకు ఆ సమాచారం ఇవ్వలేదని, సహకరించటం లేదని తెలిపారు. అయితే ఈ పిటీషన్ ను హైకోర్టు కూడా స్వీకరించింది. ఏ బెంచ్ కు విచారణకు వస్తుంది, ఎప్పుడు విచారణకు వస్తుంది అనేది తెలియాల్సి ఉంది. చీఫ్ జస్టిస్ బెంచ్ మీదకు సోమవారం ఈ కేసు విచారణ వచ్చే అవకాసం ఉందని తెలుస్తుంది. మూడు రోజుల క్రితం తమకు జీతాలు ఇవ్వాలి అంటూ ఉద్యోగులు, ఈవో ముందు నిరసనకు దిగారు. అయితే దీన్ని కూడా వివాదస్పదం చేస్తూ, నిరసన తెలిపిన ఉద్యోగులతో పాటుగా, చైర్మెన్ అశోక్ గజపతి రాజు పై కూడా కేసు నమోదు చేయటం జరిగింది. అయితే ఇప్పుడు అశోక్ గజపతి రాజు గారు హైకోర్టుకు వెళ్ళటంతో, ఏమి జరుగుతుందో చూడాలి.

ఏపి ప్రభుత్వ పెద్దలే కాదు, అధికారులు కూడా కోర్టులను లెక్క చేయని సంఘటనలు, ఈ మధ్య కాలంలో ఎక్కువ అవుతున్నాయి. వారానికి రెండు మూడు సార్లు, ఈ ధిక్కార పిటీషన్లలో అధికారుల పై హైకోర్టు చర్యలు తీసుకుంటుంది. ఈ మధ్య కాలంలో, పెద్ద హోదాలో ఉన్న ఐఏఎస్ ఆఫీసర్లు కూడా హైకోర్టు ఆగ్రహానికి గురయ్యారు. చీఫ్ సెక్రటరీ, డీజీపీ, ప్రధాన కార్యదర్శులు, కార్యదర్శులు, ఇలా పెద్ద స్థాయిలో ఉన్న అధికారులు కూడా ఎందుకు ఇలా కోర్టు ధిక్కరణకు పాల్పడుతున్నారో అర్ధం కాని పరిస్థితి. తాజాగా ఈ రోజు ఏపి హైకోర్టులో, ఆర్థిక శాఖ కార్యదర్శి సత్యనారాయణకు జైలు శిక్షతో పాటుగా, 50 వేల రూపాయల జరిమానా విధించేందుకు కూడా హైకోర్టు సిద్ధం అయ్యింది. ఈ కేసు వివరాల్లోకి వెళ్తే, కృష్ణా జిల్లా కలిదిండి గ్రామ పంచాయతీ కార్యదర్శి శ్రీమన్నారాయణ తనకు జీతబత్యాలు కావలి అని చెప్పి హైకోర్టులో పిటీషన్ వేసారు. అయితే అతనికి వెంటనే జీతబత్యాలు చెల్లించాలని హైకోర్టు ఆదేశించింది. గత వారం దీనికి సంబంధించి, ఆర్ధిక శాఖ కార్యదర్శి సత్యనారాయణను హైకోర్టుకు హాజరుకావలి అంటూ హైకోర్టు ఆదేశించింది. అయితే అప్పటికే ఆర్ధిక శాఖ కార్యదర్శి, జీత బత్యాలు చెల్లించారు. అయితే కోర్టు ఆదేశాలు ప్రకారం, కోర్టుకు రావాటంలో జాప్యం జరిగింది. కోర్టు చెప్పిన సమయానికి ఆయన కోర్టుకు రాలేదు.

మధ్యానం మూడు గంటలకు ఆయన కోర్టుకు వచ్చారు. ఈ లోపు కోర్టు సమయం ముగిసింది. అయితే కావాలనే కోర్టును లెక్క చేయకుండా నిర్ల్యక్షంగా వ్యవహించారని గత వారం రాష్ట్ర హైకోర్టు ఆయనకు నాన్ బెయిలబుల్ వారెంట్ జారీ చేసింది. ఈ రోజు కోర్టుకు హాజరు అయిన సత్యన్నారాయణ తన పై వేసిన నాన్ బెయిలబుల్ వారెంట్ రీకాల్ చేయాలఐ పిటీషన్ వేసారు. అయితే ఈ పిటీషన్ ను హైకోర్టు తిరస్కరించింది. అంతే కాకుండా తీవ్ర ఆగహ్రం వ్యక్తం చేసింది. ఆయనకు 50 వేల రూపాయల జరిమానాతో పాటుగా శిక్ష విదిస్తున్నాం అని, వెంటనే ఆయన్ను అదుపులోకి తీసుకోవాలని ఆదేశాలు జారీ చేసింది. అయితే తాము 50 వేల రూపాయలు చెల్లించలేమని సత్యన్నారాయణ తరుపు న్యాయవాది చెప్పటంతో, హైకోర్టు మాత్రం మీరు కావాలనే నిర్ల్యక్ష్యం చేసారు కాబట్టి, జైలు శిక్ష విధిస్తూ, జరిమానాను 10 వేలకు తగ్గించింది. అయితే సింగిల్ జడ్జి ఇచ్చిన తీర్పు పై, హైకోర్టు ధర్మాసనం ముందు సత్యన్నారాయణ న్యాయవాదులు ప్రస్తావించగా, లంచ్ తరువాత దీన్ని పరిశీలిస్తామని హైకోర్టు చెప్పింది.

నిన్నటి నుంచి వివేక కేసు విషయంలో జరుగుతున్న పరిణామాలు ట్విస్ట్ లు మీద ట్విస్ట్ లతో నడుస్తున్నాయి. ప్రజలు కూడా జరుగుతున్న పరిణామాలను గమనిస్తున్నారు. నిన్న వాచ్మెన్ రంగయ్య సుపారీ ఇచ్చారని, తొమ్మిది మంది ఉన్నారని, ఇద్దరు ప్రముఖులు ఉన్నారని చెప్పారంటూ వార్తలు రావాటంతో, ఇప్పుడు ఆ సుపారీ ఇచ్చిన ఆ ఇద్దరు ప్రముఖులు ఎవరు అనే విషయం పై చర్చ జరుగుతుంది. అయితే ఇప్పుడు ఈ కేసులో మరో పరిణామం చోటు చేసుకుని. వివేక కేసులో విచారణలో భగంగా, సిబిఐ అధికారులు సునీల్ యాదవ్ అనే పులివెందుల చెందిన వ్యక్తిని కూడా విచారణ చేస్తున్నారు. అయితే ఇప్పుడు ఈ సునీల్ యాదవ్ అనే వ్యక్తి హైకోర్టు మెట్లు ఎక్కారు. ఇందులో ప్రధానంగా చూస్తే, ఇటీవల సిబిఐ అధికారులు పదే పదే చాలా సార్లు, కడప సెంట్రల్ జైలు కేంద్రంగా జరుగుతున్న విచారణను అతన్ని పిలిపించారు. అతనితో పాటుగా, అతని కుటుంబ సభ్యులని కూడా విచారణకు పిలిపించారు. ఈ నేపధ్యంలో సిబిఐ అధికారులు విచారణ పేరుతో తమ పై థర్డ్ డిగ్రీ ఉపయోగించారని, అలాగే పదే పదే సిబిఐ అధికారులు తమని వేధిస్తున్నారని, అందుకే తాము హైకోర్టుని ఆశ్రయించాల్సి వస్తుంది అంటూ, అతను హైకోర్టు ముందు ఉంచిన పిటీషన్ లో తెలిపారు.

ఆ పిటీషన్ లో హైకోర్టుని విజ్ఞప్తి చేస్తూ, తమ పై థర్డ్ డిగ్రీ ప్రయోగించారు కాబట్టి, తమని న్యాయవాది సమక్షంలో, విచారణ చేపించాలని కోరారు. తమ దగ్గర నుంచి ఖాళీ కాయితాల పై సంతకాలు కూడా తీసుకున్నారని కోర్టు దృష్టికి తెచ్చారు. అలాగే అవసరం అయితే లై డిటెక్టర్ పరీక్షలకు కూడా సిద్ధం అని అన్నారు. సిబిఐ అధికారులు తమని వేదించకుండా, తమను న్యాయవాది సమక్షంలో విచారణ చేసేలా ఆదేశాలు ఇవ్వాలి అంటూ, సునీల్ యాదవ్ తో పాటుగా, ఆయన కుటుంబ సభ్యులు కూడా హైకోర్టుని ఆశ్రయించారు. సిబిఐ ఎలాంటి దుందుడుకు చర్యలకు పాల్పడకుండా, తమను అరెస్ట్ చేయకుండా ఆదేశాలు ఇవ్వాలని ఆ పిటీషన్ లో కోరారు. ఈ పిటీషన్ లో సిబిఐ డైరెక్టర్ ను కూడా ప్రతివాదిగా చేర్చారు. పులివెందులకు చెందిన సునీల్ యాదవ్ తో పాటుగా, అతని కుటుంబ సభ్యులు అయిదుగురిని, సిబిఐ అధికారులు వివేక కేసులో విచారణకు పలు మార్లు పిలిచారు. అయితే నిన్నటి నుంచి ఈ కేసులో అనేక పరిణామాలు చోటు చేసుకుంటున్నాయి.