news

వివేక కేసులో పెద్ద డెవలప్మెంట్ చోటు చేసుకుంది. నిన్న రాత్రి వివేక కేసు విచారణాదికారి సుధా సింగ్ ను బదిలీ చేసింది సిబిఐ. అయితే ఇప్పుడు మరో సంచలన విషయం బయట పడింది. ఈ కేసులో ఎన్నాళ్లుగానో, ఒక్క చోటే కేసు ఆగిపోయింది. బాత్రూమ్ లో చనిపోయారు, హార్ట్ అటాక్ అని చెప్పటం, తరువాత అసలు నిజం బయటకు రావటం తెలిసిందే. అంతే, ఇంతకు మించి ఒక్క అడుగు కూడా ఈ కేసులో ముందుకు పడలేదు. అయితే ఈ రోజు టీవీ చానల్స్ లో , ఈ కేసులో కీలక పురోగతి గురించి బ్రేకింగ్ న్యూస్ లో వస్తున్నాయి. ఈ కేసు పై అమితంగా ఆసక్తి ఉన్న ప్రజలు, ఈ పరిణామాన్ని గమనిస్తున్నారు. గత 44 రోజులుగా సిబిఐ చేస్తున్న విచారణలో పురోగతి కనిపించింది. ముఖ్యంగా వివేక వాచ్ మన్ రంగయ్య , జమ్మలమడుగు మెజిస్ట్రేట్ ఎదుట మొత్తం విషయం చెప్పెసినట్టు వ్వార్తలు వస్తున్నాయి. అయితే పేర్లు బయటకు చెప్పటం లేదు కానీ, జరిగిన తీరు మాత్రం, ఆ వాంగ్మూలంలో ఏమి చెప్పింది బయటకు వచ్చింది. వివేక హ-త్య కోసం మొత్తం రూ.8 కోట్లకు డీల్ మాట్లాడుకున్నారని వాంగ్మూలంలో చెప్పినట్టు తెలుస్తుంది. ఈ విషయం వాచ్ మన్ రంగయ్య స్వయంగా జమ్మలమడుగు మెజిస్ట్రేట్ ముందు చెప్పారని ఆ వార్త సారంశం. అలాగే ఈ డీల్ లో మొత్తం తొమ్మిది మంది ప్రమేయం ఉన్నట్టు చెప్పాడు.

మొత్తం ఇద్దరు ప్రముఖులు ఈ వ్యవహారం నడిపించారని కూడా జమ్మలమడుగు మెజిస్ట్రేట్ ముందు చెప్పాడు. అయితే ఆ ఇద్దరు ఎవరూ అనేది మాత్రం ఇంకా బయటకు రాలేదు. ఆ పేర్లు కడు జమ్మలమడుగు మెజిస్ట్రేట్ ముందు చెప్పినట్టు తెలుస్తుంది. వివేక పోయిన రోజున, ఆయన ఇంట్లోకి మొత్తం అయుదుగురు కొత్త వాళ్ళు వచ్చారని ఆయన చెప్పారు. అయితే వాళ్ళు తనని కూడా చం-ప బోయరాని, అందులో ఒక వ్యక్తి వదిలేయమనటంతో తనని వదిలేసారని చెప్పాడు. అయితే సిబిఐ ఇక్కడ వ్యూహాత్మకంగా వ్యవహరించింది. పులివెందుల మెజిస్ట్రేట్ ముందు కాకుండా, జమ్మలమడుగు మెజిస్ట్రేట్ ముందు స్టేట్మెంట్ ఇప్పించింది. ఇది కూడా ఎవరికీ తెలియకుండా, సైలెంట్ గా పని కానిచ్చేసింది. అయితే ఇప్పుడు సుపారీ ఇచ్చింది ఎవరు ? ఎందుకు ఈ హ-త్య చేపించారు అనే వివరాలు బయటకు రావాల్సి ఉంది. మరీ ముఖ్యంగా ఆ ఇద్దరు ప్రముఖులు ఎవరు అనేది కూడా తెలియాల్సి ఉంది. అయితే నిన్న సాయంత్రం, సిబిఐ ఆఫీసర్ సుధా సింగ్ ను ఉన్నట్టు ఉండి బదిలీ చేసి, కొత్త ఆఫీసర్ ని రప్పించటం వెనుక కారణాలు తెలియాల్సి ఉంది.

అది జగన్ మోహన్ రెడ్డి ప్రభుత్వానికి ఎంతో ముఖ్యమైన అమరావతి కేసు. గతంలో ఇదే అమరావతిలో బురద చల్లి, రాజకీయంగా లబ్ది పొంది అధికారంలోకి రావటానికి, ఈ అంశం కూడా బాగా ఉపయోగపడింది అనే విశ్లేషణ కూడా ఉంది. అందుకే ఈ అమరావతిని ఇంకా బూచిగా ప్రజల ముందు పెట్టటానికి అనేక ప్రయత్నాలు చేస్తున్నారు. అయితే అన్నీ పటాపంచలు అవుతూ, ఒక్కోటి పోయి, అమరావతి పునీతమై బయటకు వస్తుంది. అయినా ఏదో ఒక బురద వేస్తూనే ఉన్నారు. ఇదే కోవలో ఇప్పుడు అమరావతి కేసు ఒకటి సుప్రీం కోర్టులో ఉంది. గతంలో మాజీ అడ్వొకేట్ జనరల్ దమ్మాలపాటి శ్రీనివాస్ తో పాటుగా, కొంత మంది జడ్జిల పిల్లల పై కూడా ఆరోపణలు మోపి, ప్రభుత్వం ఒక ఎఫ్ఐఆర్ నమోదు చేసింది. ముఖ్యంగా ఒక జడ్జికి మంచి పదవి రాకుండా చేయకుండా ఉండేందుకే, ఈ ఆరోపణలు చేస్తున్నారు అనే విమర్శలు కూడా వచ్చాయి. ఇది చాలా పెద్ద రచ్చ అయ్యి, చివరకు ఏ జడ్జిని అయితే పదోన్నతి రాకుండా చేద్దామని అనుకున్నారో, ఆ జడ్జికి ఆ పదవి కూడా వచ్చింది. అయితే ఈ ఎఫ్ఐఆర్ వేయటం, వారి పేర్లు చెప్పి అల్లరి చేస్తూ ఉండటంతో, వెంటనే దీని పై హైకోర్టుకు వెళ్ళగా, హైకోర్టు స్టే ఇవ్వటమే కాకుండా, ఎఫ్ఐఆర్ ని కూడా కొట్టేసింది. అయితే దీని పై రాష్ట్ర ప్రభుత్వం సుప్రీం కోర్టుకు వెళ్ళింది.

ఈ కేసు సుప్రీం కోర్టులో దాదాపుగా ఏడు నెలల నుంచి ఉంది. కొన్ని వాయిదాలు కూడా జరిగాయి. అయితే ఏపి ప్రభుత్వం వైపు నుంచి మాత్రం ఎలాంటి కౌంటర్ ఈ పిటీషన్ మీద పడలేదు. నిన్న ఉన్నట్టు ఉండి, ఈ కేసుని మేము హైకోర్టులోనే తేల్చుకుంటాం, ఈ పిటీషన్ ఉపసంహరణకు అనుమతి ఇవ్వండి అంటూ రాష్ట్ర ప్రభుత్వం సుప్రీం కోర్టుని కోరింది. ఈ సందర్భంగా రాష్ట్ర ప్రభుత్వం ఏడు నెలలుగా ఎందుకు కౌంటర్ వేయలేదు, ఇప్పుడు ఎందుకు ఉపసంహరించుకుంటున్నారు అని, సుప్రీం కోర్టు ప్రశ్నించగా, తమకు ఇప్పుడే జ్ఞానోదయమైంది అంటూ రాష్ట్ర ప్రభుత్వం తరుపు న్యాయవాది కోర్టుకు సమాధానం చెప్పారు. అయితే ఇదే సందర్భంలో, వైరి పక్షం లాయర్ మాట్లాడుతూ, కౌంటర్ త్వరగా వేసేలా రాష్ట్ర ప్రభుత్వాన్ని ఆదేశించాలని కోరగా, ఎందుకు చేయరు, ఆరేడు నెలల తర్వాత వారికి జ్ఞానోదయమైంది అంటూ న్యాయమూర్తి చమత్కరించారు. అయితే అసలు ఈ అమరావతి కేసులో ఏమని జ్ఞానోదయమైందో ఏంటో, మరి హైకోర్టులో ప్రభుత్వం ఎలాంటి వ్యూహం అమలు చేస్తుందో చూడాలి మరి.

వివేక కేసు సిబిఐ విచారణలో కీలక పరిణామం చోటుచేసుకుంది. వివేక కేసు ఎంత సంచలనమో, విచారణ జరుగుతున్న పరిణామాలు కూడా అంతే సంచలనంగా మారాయి. ఈ కేసు ముందుగా జగన్ మోహన్ రెడ్డి సిబిఐ విచారణ కావాలి అన్నారు. తరువాత అధికారంలోకి వచ్చి సిబిఐ విచారణ వద్దని కోర్టుకు తెలిపారు. కుటుంబలో చెల్లి మాత్రం, మాకు నమ్మకం లేదు సిబిఐ విచారణ కావాలి అన్నారు. చివరకు హైకోర్టు ఈ కేసుని సిబిఐకి ఇచ్చింది. తరువాత ఢిల్లీ నుంచి వచ్చిన సిబిఐ, ఈ కేసు విషయంలో నాలుగు విడతలుగా విచారణ చేసింది. అయితే మొదటి మూడు సార్లు ఏదో ఫార్మాలటీగా విచారణ చేసినట్టు కనిపించినా, నాలుగో సారి మాత్రం గట్టిగా విచారణ చేస్తుంది. ఏకంగా 44 రోజులుగా సిబిఐ విచారణ చేస్తుంది. అయితే ఈ కేసులో విచారణా అధికారిగా, డిఐజి ర్యాంక్ అధికారి సుధా సింగ్ ను ఈ సారి సిబిఐ నియమించింది. ఆమె చాలా స్ట్రిక్ట్ ఆఫీసర్ అనే పేరు ఉంది. ఆమె ట్రాక్ రికార్డు కూడా, ఎన్నో కేసులు సమర్ధవంతంగా పూర్తి చేస్తారనే పేరు ఉంది. దీనికి తగ్గట్టే ఆమె, ఈ సారి గట్టిగా రంగంలోకి దిగారు. దాదపుగా 25 మంది సిబిఐ ఆఫీసుర్లు, నాలుగు బృందాలుగా ఏర్పడి, గత 44 రోజలుగా విచారణ చేస్తున్నారు. పలు మార్లు పులివెందులలో వివేక ఇంటికి వెళ్లి అక్కడ కూడా విచారణ చేసారు.

ఈ సారి కేసు తేలే వరకు ఇక్కడ నుంచి వెళ్ళేది లేదని డిఐజి ర్యాంక్ అధికారి సుధా సింగ్ చెప్పటంతో, కొంత మంది నాయకులకు గుండెల్లో రైళ్ళు పరిగెత్తాయి. ఎక్కడ తమ బండారం ఆధారాలతో సహా బయట పడుతుందో అని దోషులు భయపడుతూ ఉన్న సమయంలో, వారికి మంచి వార్త ఒకటి వినిపించింది. నిన్న ఉన్నట్టు ఉండి డిఐజి ర్యాంక్ అధికారి సుధా సింగ్ ని బదిలీ చేస్తూ కేంద్రం నిర్ణయం తీసుకుంది. ఆమె స్థానంలో ఎస్పీ స్థాయిలో ఉన్న అధికారి రామ్ కుమార్ రంగలోకి దిగారు. డిఐజి స్థాయి అధికారి నుంచి, ఈ కేసుని ఎస్పీ స్థాయి అధికారికి సిబిఐ ఎందుకు బదిలీ చేసిందో అర్ధం కావటం లేదు. సిబిఐ కేంద్ర హోం శాఖ కంట్రోల్ లో ఉంటుంది, ఇది హైప్రొఫైల్ కేసు కావటంతో, కేంద్రం వైపు నుంచి ఏమైనా ఒత్తిడి తెచ్చి, ఈ బదిలీ చేసారా అని రాజకీయ విమర్శలు కూడా వస్తున్నాయి. ఇన్నాళ్ళు ఇక్కడ విచారణ చేసి, కేసు ఒక కొలిక్కి వస్తున్న సందర్భంలో, డిఐజి ర్యాంక్ అధికారి సుధా సింగ్ ను సిబిఐ బదిలీ చేయటం, ఇప్పుడు చర్చకు దారి తీసింది. ఈ నిర్ణయం సహజంగా జరిగెదా, లేక ఏమిటి అనేది సిబిఐ వివరణ ఇవ్వాల్సిన అవసరం ఉంది.