news

కేంద్ర జలశక్తి విభాగం విడుదల చేసిన నోటిఫికేషన్ (గెజిట్) పరిశీలిస్తే, 05-12-2015వ తేదీన ఇరు రాష్ట్రాల మధ్య కుదిరిన ఉమ్మడి ఒప్పందం, 27-05-2016న జరిగిన డ్రాఫ్ట్ నోటి ఫికేషన్ ఏదైతే ఉందో, వాటిని అతిక్రమించేలా సదరు నోటిఫికే షన్ ఉందని, టీడీపీ పొలిట్ బ్యూరోసభ్యులు, శాసనసభ్యులు నిమ్మల రామానాయుడు ఆక్షేపించారు. శనివారం ఆయన తన నివాసం నుంచి జూమ్ ద్వారా విలేకరులతో మాట్లాడారు . ఆ వివరాలు ఆయన మాటల్లోనేక్లుప్తంగా మీకోసం...! "గతంలో నీటి వాటాలకు సంబంధించి ఇరు రాష్ట్రాల మధ్యన ఉన్న డ్రాఫ్ట్ నోటిఫికేషన్, ఉమ్మడి ఒప్పందాలు ఏవైతే ఉన్నాయో వాటిని రద్దు చేసి, తాజాగా నీటి కేటాయింపులు జరపాలని కేసీఆర్ 2016లో కేంద్రాన్ని కోరారు. ఆనాడు కేంద్ర జలశక్తి మంత్రిగా ఉన్న ఉమాభారతిగారు విషయాన్ని ఏపీ ముఖ్యమంత్రైన చంద్రబాబునాయుడి గారి దృష్టికి తీసు కొచ్చారు. ఆనాడే చంద్రబాబు నాయుడు, కేసీఆర్ లేఖను తీవ్రంగా తప్పు పట్టారు. ఆనాటి నుంచీ పెద్దగా వివాదాలు లేకుండానే కేసీఆర్, చంద్రబాబులు వ్యవహరించారు. కానీ జగన్మోహన్ రెడ్డి అధికారంలోకి రాగానే కేసీఆర్ తన ఇష్టానుసారం ప్రవర్తిస్తూ, తనకు నచ్చినట్లుగా నీటిని వాడుకోవడం మొదలెట్టాడు. ఇరురాష్ట్రాల నీటి కేటాయింపులు, వాడకం వివరాలు, ఇతరత్రా అంశాలు, నదీ బోర్డుల పరిధిలోనూ, కేంద్రం పరిధిలోనూ ఉంటాయి. ఆ ప్రకారంగా నడుచుకోకుండా గోదావరి జిల్లాల రైతాంగం ప్రయోజనాలను, రాయలసీమ రైతుల ప్రయోజనాలను తుంగలో తొక్కేలా పొరుగు ముఖ్యమంత్రి వ్యవహరిస్తున్నాడు. సాగునీటి రంగ నిపుణులు కూడా కేసీఆర్ వైఖరిపై తీవ్ర అసహనం వ్యక్తం చేస్తున్నారు. కేసీఆర్ రెచ్చిపోవడానికి ఏపీ ముఖ్యమంత్రి అసమర్థతే కారణం. ఈ ముఖ్యమంత్రికి ఉన్న అవగాహన లోపమే ఏపీ రైతాంగానికి శాపంగా మారిందనడంలో ఎలాంటి అతిశయోక్తి లేదు. జగన్మో హన్ రెడ్డి తన స్వార్థంకోసం, తన ఆస్తులను కాపాడుకోవడం కోసమే ఏపీ నీటి కేటాయింపులను కూడా కేసీఆర్ పరం చేయడానికి సిద్ధమయ్యాడు. రాష్ట్ర రైతాంగం ప్రయోజనాలను పొరుగు రాష్ట్రానికి తాకట్టుపెట్టేలా ఈముఖ్యమంత్రి ప్రవర్తించడం నిజంగా చాలా బాధాకరం. నిన్నకేంద్ర జలశక్తి శాఖ ఇచ్చిన నోటిఫికేషన్లో ఏపీకి సంబంధించిన ఎలాంటి వివాదాలు లేని ప్రాజెక్టులను కూడా ప్రస్తావించారు.

ఏవైనా వివాదాలున్న ప్రాజెక్టుల గురించి ప్రస్తావిస్తే, వాటిపై మాట్లాడొచ్చు. కానీ ఎలాంటి వివాదాలులేని, పొరుగు రాష్ట్రానికి ఎలాంటి నష్టం కలిగించన ప్రాజెక్టులను కేంద్ర జలశక్తి విభాగం నోటిఫికేషన్లో ఎందుకు ప్రస్తావించిందో తెలియడం లేదు. సదరు నోటిఫికేషన్ ఈ ముఖ్యమంత్రికి, ప్రభుత్వ సలహాదారు సజ్జలకు ఎలా ఆమోదనీయమో వారే సమాధానం చెప్పాలి. తెలంగాణలో నిర్మాణంలో ఉన్న పాలమూరు రంగారెడ్డి ఎత్తిపోతల పథకం, డిండి ఎత్తిపోతల పథకాలకు ఎలాంటి అనుమతులు లేకపోయినా కూడా కేంద్ర జలశక్తి విభాగం వారు నోటిఫికేషన్లో పొందు పరిచారు. రాష్ట్రంలో నిర్మాణంలో ఉన్న రాయలసీమ ఎత్తిపోతల పథకం, వెలిగొండప్రాజెక్ట్ లకు అనుమతులున్నా, వాటి ప్రస్తావన నోటిఫికేషన్లో ఎందుకుచేయలేదు? ఆ విధంగా చేయకపోవడం ముఖ్యమంత్రికి, వైసీపీ నేతలకు ఎలా సమ్మ తమైందో వారే చెప్పాలి. సదరు నోటిఫకేషన్ ను ముఖ్యమంత్రి, సజ్జల ఎలా స్వాగతిస్తున్నారో వారే చెప్పాలి. విభజన చట్టంలో చాలా స్పష్టంగా ఏపీలో నిర్మాణంలో ఉన్న ప్రాజెక్టుల వివరాలను కూడా పొందుపరిచారు. వాటన్నింటినీ విభజన చట్టంలోని 11వషెడ్యూల్లో పొందుపరిచారు. ఆ ప్రాజెక్టులను ఏపీ ప్రభుత్వం నిర్మించుకోవచ్చని కూడా విభజన చట్టంలో చెప్పారు. అలాంటి ప్రాజెక్టులకు అనుమతులు లేవని చెప్పిన కేంద్ర నోటిఫికేషన్ ముఖ్యమంత్రికి ఎలా సమ్మతమైంది? సీలేరు విద్యుత్ ఉత్పత్తి కేంద్రంలో ఉత్పత్తయ్యే విద్యుత్ తో తెలంగాణకు ఎలాంటి నష్టం లేకపోయినా కూడా, ఆ రాష్ట్రానికి ఎలాంటి సంబంధం లేక పోయినా దాన్ని గోదావరి బోర్డు పరిధిలోకి ఎలా చేర్చారో కూడా కేంద్ర జలశక్తి విభాగం వారు సమాధానం చెప్పాలి. తుంగభద్ర బోర్డు పరిధిలోని హెచ్ ఎల్సీ, ఎల్ ఎల్సీ కాలువలను కృష్ణా బోర్డు పరిధిలోకి తీసుకొస్తే, వాటికెలా విలువ ఉంటుందో ప్రభుత్వపెద్దలే సమాధానం చెప్పాలి.

కృష్ణానదికి చివరన ఉన్న ప్రకాశం బ్యారేజీ, గోదావరి నదికి చివరన ఉన్న ధవళేశ్వరం బ్యారేజీలను కూడా కేంద్ర ప్రభుత్వ అధీనంలోకి తీసుకోవడాన్ని ఈ ప్రభుత్వం ఎలా స్వాగతిస్తుందో తెలియడం లేదు. గోదావరి, కృష్ణా నదులకు చిట్టచివరన ఉన్న ఏపీ, రెండు నదుల ద్వారా వచ్చే వరద నీటిని కూడా వాడుకోవడానికి వీల్లేకుండా కేంద్ర ప్రభుత్వమిచ్చిన నోటిఫికేషన్ ఈ ముఖ్యమంత్రికి ఎలా ఆమోదయోగ్యమైందో ఆయనే చెప్పాలి. ఏపీ, తెలంగాణకు సంబంధించి ఉమ్మడి ప్రాజెక్టులై న శ్రీశైలం, నాగార్జునసాగర్, పులిచింతల ప్రాజెక్టులను వివాదాల జాబితాలో చేరిస్తే, ఒక అర్థం పర్థం ఉంటుందిగానీ, ఎలాంటి వివాదాలు లేని, వెలిగొండ, హంద్రీనీవా ప్రాజెక్టులను బోర్డు పరిధిలోకి చేర్చడం చాలా విచిత్రంగా ఉంది. ఈ విధంగా కేంద్రం తీసుకున్ననిర్ణయాలన్నీ ఏపీ జుట్టుని తన అధీనంలో కి తీసుకున్నట్లుగా ఉన్నాయి. రాష్ట్ర ప్రభుత్వ, పాలకుల అసమర్థత, అనుభవరాహిత్యమే, రాష్ట్ర రైతాంగానికి ముప్పుగా పరిణమించింది. జగన్మోహన్ రెడ్డి తన పుట్టిన గడ్డకే తీవ్ర అన్యాయం చేస్తూ, రాయలసీమకు తీరని ద్రోహం చేస్తున్నాడు. కేంద్ర గెజిట్ ను ఆమోదిస్తున్నామ ని, స్వాగతిస్తున్నామని, సమ్మతిస్తున్నామని ఏపీ ప్రభుత్వం చెప్పడం ముమ్మాటికీ రాష్ట్రానికి తీరని అన్యాయం చేయడమే .

జగన్ రెడ్డి అవినీతి మురికి కూపంలో నుంచి మరో మురికి ఒప్పందం తాలూకా వాస్తవాలు వెలుగులోకి వస్తున్నాయని, వై.ఎస్.కుటుంబానికి అత్యంత సన్నిహితుడు, జగన్ రెడ్డికి అత్యంత ఆప్తుడు, వైసీపీ ఎంపీ వల్లభనేని బాలశౌరికి సంబంధించిన అక్రమ డీల్ కు చట్టబద్ధత కల్పించేలా జగన్ రెడ్డి ప్రభుత్వం అధికార ముద్ర వేసిందని, టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ తెలిపారు. శుక్రవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే యథాతథంగా మీకోసం... "15-07-2021న అంటే నిన్న జగన్ ప్రభుత్వం నిన్న జీవో (నం-54) ఇచ్చింది. నెల్లూరు జిల్లాలోని తమ్మినపట్నం, చిలుకూరులోని 860 ఎకరాల భూమిని జిందాల్ స్టీల్స్ వారికి, స్టీల్ ప్లాంట్ ఏర్పాటు నిమిత్తం కేటాయిస్తున్నట్లు ఆ జీవోలో ప్రభుత్వం చెప్పింది. 860 ఎకరాల భూమికి సంబంధించిన వ్యవహారం లోతుల్లోకి వెళితే, జగన్మోహన్ రెడ్డి , బాలశౌరీలు గతంలో చేసుకున్న చీకటి ఒప్పందం తాలూకా వివరాలు బయటకు వస్తాయి. బాలశౌరి వారి శ్రీమతి భానుమతిలు కలిసి 01-02-2006న కిన్నెటా పవర్ ప్రైవేట్ లిమిటెడ్ అనే కంపెనీని, కేవలం లక్ష రూపాయల మూలధనంతో ఏర్పాటు చేశారు. 08-10-2007 న ఆంధ్రప్రదేశ్ ఇండస్ట్రియల్ ఇన్ ఫ్రాస్ట్రక్చర్ (ఏపీఐఐసీ) వారికి 1980 మెగావాట్లకు సంబంధంచి థర్మల్ విద్యుత్ ప్లాంట్ ఏర్పాటు చేయబోతున్నట్లు కిన్నెటా పవర్ వారు దరఖాస్తు చేశారు. ఎలాంటి అనుభవం లేకపోయినా థర్మల్ విద్యుత్ తయారు చేస్తామని దరఖాస్తు పెట్టుకున్నారు. తరువాతి కాలంలో దివంగత రాజశేఖర్ రెడ్డి ముఖ్యమంత్రిగా ఉండటంతో కిన్నెటా పవర్ వారికి కావాల్సిన అనుమతులన్నీ చకచకా వచ్చేశాయి. కిన్నెటా పవర్ అనేది కిన్నెటా గ్రూపులో ఒకభాగం. కిన్నెటా గ్రూప్ లోనే కిన్నెటా మినరల్స్ అండ్ మెటల్స్ అనే సంస్థ కూడా ఉంది. కిన్నెటా మినరల్స్ అండ్ మెటల్స్ ద్వారా ఓబుళాపురం మైనింగ్ మెటీరియల్ కు సంబంధించి, కిన్నెటా ఇంటర్నేషనల్ అని సింగపూర్లో మరో కంపెనీని రిజిస్టర్ చేయించారు. కిన్నెటా గ్రూప్ అనేది ఓబుళాపురం మైనింగ్ లో తవ్విన ఖనిజాన్ని ఇతర దేశాలకు తరలించి డబ్బు కొల్లగొట్టడానికి ఏర్పాటు చేసిందే. ఆ గ్రూప్ కు చెందినదే కిన్నెటా పవర్ సంస్థ కూడా. దుబాయ్ లోని మార్స్ రిసోర్సెస్ అనే కంపెనీ కిన్నెటా పవర్ లోకి 16-09-2008న షేర్ హోల్డర్ గా జాయిన్ అయ్యి, దాదాపుగా రూ.10ల విలువతో కూడిన కోటి 50 లక్షలషేర్లను ఇన్వెస్ట్ చేసింది. మార్స్ రీసోర్సెస్ అనే కంపెనీ కూడా బాలశౌరి, బినామీలకు చెందిన కంపెనీనే.

ఎఫ్ డీఐ నిబంధనలకు వ్యతిరేకంగానే మార్స్ రీసోర్సెస్ షేర్లను కిన్నెటా పవర్ లో పెట్టుబడి పెట్టారు. అదలా ఉంటే, తరువాతి కాలంలో నెల్లూరు జిల్లాలోని 814.17 ఎకరాల భూమిని ఎకరం రూ.80 వేలకు మాత్రమే బాలశౌరి కిన్నెటా పవర్ కు నాటి రాజశేఖర్ రెడ్డి ప్రభుత్వం కట్టబెట్టింది. ఆనాడు ఏపీఐఐసీ వారు నిర్ణయించిన కనీస ధర రూ.2లక్షలైతే, కేవలం రూ.80వేలకే కిన్నెటాకు నాటి ప్రభుత్వం భూమిని కట్టబెట్టిం ది. అందుకోసం ప్రత్యేక మెమోను (మెమోనెం-6359) కూడా జారీచేసింది. ఈ వ్యవహారమంతా పూర్తయ్యాక కిన్నెటా పవర్ లోకి కృష్ణపట్నం పోర్టు కంపెనీ వారు ఎంటరయ్యారు. దాదాపు రూ.90షేర్ ధరతో, దాదాపు రూ.90 కోట్లను కృష్ణపట్నం పోర్టు కంపెనీ కిన్నెటా పవర్ లో ఇన్వెస్ట్ చేయడం జరిగింది. అలా వచ్చిన సొమ్ములో నుంచే ఎకరం రూ.80వేల చొప్పున ఏపీఐఐసీ వారికి కిన్నెటా పవర్ చెల్లింపులు చేసింది. తరువాత కృష్ణపట్నం పోర్టు వారు రూ.31 కోట్లు ఒకసారి, రూ.4 కోట్ల 65లక్షలు ఇంకోసారి, మొత్తంగా మూడుసార్లు అధిక ధరలు చెల్లించిమరీ షేర్లు కొని కిన్నెటా పవర్ లోకి నిధులు మళ్లించారు. ఇదంతా జరుగుతున్న క్రమంలోనే గతంలో ఇచ్చిన 814 ఎకరాలకు తోడు, మరలా ఇంకో26 ఎకరాలను కిన్నెటా పవర్ వారికి ప్రభుత్వం కట్టబెట్టింది. ఆ విధంగా దాదాపు 840 ఎకరాల భూమి కిన్నెటా పవర్ పరమైంది. కృష్ణపట్నం పోర్టువారు కిన్నెటా పవర్ లో పెట్టిన షేర్లు, మార్స్ రీసోర్సెస్ కంపెనీవారి షేర్లు తరువాతి క్రమంలో జిందాల్ పవర్ కు బదలాయించడం జరిగింది. ఇక్కడే అసలు క్విడ్ ప్రోకో మొదలైంది. తద్వారా వచ్చిన సొమ్ముతో మార్స్ రీసో ర్సెస్ అనే దుబాయ్ కంపెనీ ఏదైతే ఉందో, అది బెంగుళూరుకి చెందిన పురుషోత్తం నాయుడు అనే అతనికి చెందిన స్వగృహ ఎస్టేట్స్ అండ్ కన్ స్ట్రక్షన్స్, స్వగృహ హోటల్స్ అనే రెండు కంపెనీల్లో డబ్బులు ఇన్వెస్ట్ చేయడం జరిగింది.

ఏ మార్స్ రీసోర్సెస్ అయితే కిన్నెటా పవర్ లో పెట్టుబడి పెట్టిందో, ఏ మార్స్ రీసోర్సెస్ అయితే జిందాల్ పవర్ కి తన వాటాలు అమ్మేసిందో, అదే మార్స్ రీసోర్సెస్ కంపెనీ బెంగుళూరుకు చెందిన స్వగృహ ఎస్టేట్స్ అండ్ కనస్ట్రక్షన్స్ లో డబ్బులు ఇన్వెస్ట్ చేసింది. ఆ డబ్బులు వచ్చాక వెంటనే పురుషోత్తం నాయుడు మొత్తం తీసుకెళ్లి జగతి పబ్లికేషన్స్ లో ఇన్వెస్ట్ చేసేశారు. అదీ కథ... నిధుల దారిమళ్లింపు కథ. జగతి పబ్లికేషన్స్ జగన్మోహన్ రెడ్డి కంపెనీ. థర్మల్ పవర్ ప్లాంట్ నిమిత్తం వైసీపీ ఎంపీ వల్లభనేని బాలశౌరి ఏర్పాటు చేసిన కిన్నెటా పవర్ కంపెనీ, దానిలోని రకరకాలుగా ముందుగా డబ్బులు మళ్లించారు. ముందేమో బాలశౌరి బినామీ కంపెనీ అయిన దుబాయ్ కిచెందిన మార్స్ రీసోర్సెస్ ద్వారా కొంతసొమ్ము, తరువాతేమో కృష్ణపట్నంపోర్టు కంపెనీ వారి ద్వారా మరికొంత డబ్బు పెట్టుబడి పెట్టించారు. ఆ డబ్బుతోనే ప్రభుత్వ నుంచి రూ.2లక్షల ఖరీదు చేసే భూమిని రూ.80వేలకు కొన్నారు. తరువాత అదే భూమని జిందాల్ పవర్ వారికి బదలాయిస్తారు. ఆ వెంటనే మార్స్ రీసోర్సెస్ కంపెనీ షేర్లు, కృష్ణపట్నం పోర్టు కంపెనీ షేర్లు జిందాల్ పవర్ లోకి వెళ్లిపోతాయి. ఆరకంగా వెళ్లిపోయాక మార్స్ కంపెనీ వారు ఆశ్చర్యకరంగా బెంగుళూరులోని స్వగృహ ఎస్టేట్స్ అండ్ కన్ స్ట్రక్షన్స్ కంపెనీలో డబ్బులు పెట్టుబడి పెడితే, దాదాపు రూ.145 కోట్ల సొమ్ము, పురుషోత్తంనాయుడి ద్వారా తిరిగి జగతి పబ్లికేషన్స్ లోకి వచ్చి పడింది. ఇది జగనన్నకు బాగా ఇష్టమైన క్విడ్ ప్రోకో కథల్లో ఒక కథ. ఆ రకంగా అటూఇటూ తిరిగి తన కంపెనీలోకి సొమ్మలు వచ్చేలా చేసిన వ్యవహారానికి, భూములప్పగించే వ్యవహారానికి ఈముఖ్యమంత్రి ఇప్పుడు రాజముద్ర వేశారు.

వైఎస్ఆర్ కాంగ్రెస్ పార్టీ నిన్నటి నుంచి హడావిడి చేస్తుంది. 137 కార్పొరేషన్లకు పదవులు ఇచ్చామని, ఇందులో సామాజిక న్యాయం చేసాం అని, ఎస్సీ, ఎస్టీ, బీసి, మైనారిటీలకు 56శాతం పోస్టులు ఇచ్చామని, మహిళలకు 50 శాతం పోస్టులు ఇచ్చామని ఆర్భాటంగా ప్రకటించారు. అయితే అసలు ఈ లెక్కలు చూస్తూ, ఈ పదవులు ఎందుకు ఇచ్చారో కూడా అర్ధం కాని పరిస్థితి ఏర్పడింది. ముఖ్యంగా పెద్ద పెద్ద కార్పొరేషన్లు అయిన ఏపీఎస్‌ఆర్టీసీ, ఏపీఐఐసీ, పెద్ద దేవస్థానాలు, పర్యాటకం, స్పోర్ట్స్, మార్క్‌ఫెడ్‌, మారిటైం బోర్డ్‌, సివిల్‌ సప్లైస్‌, పోలీస్‌ హౌసింగ్‌, APCOB, రాష్ట్ర నైపుణ్య అభివృద్ధి లాంటి పెద్ద పెద్ద కార్పొరేషన్లు అన్నీ ఒకే సామజికవర్గం చేతిలోకి వెళ్ళాయి. ఈ పోస్టులు భర్తీ పై వైసీపీలో కూడా తీవ్ర అసంతృప్తి ప్రారంభం అయ్యింది. విజయవాడ పశ్చిమ నియోజకవర్గం, గుంటూరు జిల్లా నర్సారావుపేటలో కూడా వైసీపీ అసంతృప్తులు మొదలయ్యాయి. షేక్ కార్పొరేషన్ ఇచ్చిన వ్యక్తి, ఈ పదవి మాకు అవసరం లేదని ఇప్పటికే ప్రకటించారు. ఇక విజయవాడలో రాష్ట్ర వక్ఫ్ బోర్డు చైర్మెన్ పలానా వ్యక్తి వస్తుంది అంటూ లీకులు ఇచ్చారు. అతను ఫ్లెక్సీలు కూడా వేయించారు. అయితే ఆ పదవి వేరే వారికీ రావటంతో, తీవ్ర అసంతృప్తి వ్యక్తం చేసారు. ఈ విధంగా పోస్టులు ప్రకటించిన తరువాత, అనేక చోట్ల అసంతృప్తులు మొదలయ్యాయి.

అయితే ఇక మరో పక్క ఈ 137 పోస్టుల్లో, గిరిజనులకు ఒక్క పోస్టు కూడా ఇవ్వకపోవటంతో, గిరిజన సంఘం తీవ్ర అసంతృప్తి వ్యక్తం చేయటంతో, నిన్న సాయంత్రానికి గిరిజనులకు మరో రెండు పోస్టులు సృష్టించి, ముందుగా ప్రకటించిన 135 కాకుండా, దాన్ని 137 పోస్టులకు మార్చారు. ఇక వివిధ అకాడమీలు, సంగీత, సాహిత్య, నృత్య, జానపద అకాడమీ అనే దాన్ని, అయుదు విభాగాలుగా మార్చి పదవులు ఇచ్చారు. అసలు ఎక్కడ ఉందో తెలియని హిస్టరీ అకాడమీ అనే దాన్ని సృష్టించారు. సోషల్ జస్టిస్ అనే ఒక కొత్త కార్పోరేషన్ ను సృష్టించారు. అలానే స్మార్ట్ సిటీ కాని రాజమండ్రిని, రాజమండ్రి స్మార్ట్ సిటీ చైర్మన్ అని పదవి సృష్టించారు. ఏలేశ్వరం అనే నగర పంచాయతీకి డెవలప్మెంట్ బోర్డ్ చైర్మన్ పదవి ఇచ్చారు. అయితే స్మార్ట్ సిటీ చైర్మెన్లుగా అధికార యంత్రాంగం ఉంటుందని కేంద్రం చట్టంలో చెప్పింది, దాన్ని కూడా తుంగలోకి తొక్కారు. ఈ విధంగా అసలు ఎందుకు ఇవి ప్రకటించారో, దేని కోసం ప్రకటించారో, వీరికి ఆఫీస్ లు, నిధులు అయినా ఇస్తారో లేదో అనే చర్చ జరుగుతుంది. మొత్తానికి, ఇది కూడా వైసీపీ చేస్తున్నట్టే, హడావిడి తప్ప విషయం లేదు.