news

రెండు రోజుల క్రితం, కడప జిల్లాలోని మామిళ్లపల్లె ముగ్గురాళ్ల గనిలో ఘోర ప్రమాదం జరిగిన విషయం తెలిసిందే. ఆ ప్రమాదంలో దాదాపుగా పది మంది కూలీలు చనిపోయిన విషయం తెలిసిందే. అయితే ఇప్పుడు ఈ కేసులో అనూహ్యంగా ఒక కీలక వ్యక్తని పోలీసులు అరెస్ట్ చేయటం సంచలనం కలిగిస్తుంది. ఆ వ్యక్తి ఎవరో కాదు, కడప ఎంపీ వైఎస్‌ అవినాష్‌రెడ్డికి పెదనాన్న అయిన ప్రతాప్‌రెడ్డి. వైఎస్ కుటుంబానికి చెందిన ప్రతాప్ రెడ్డి ఈ కేసులో అడ్డంగా దొరికిపోవటంతో, తప్పించుకునే అవకాసం దక్క లేదు. దీంతో, ఆయన్ను పోలీసులు ఈ రోజు అరెస్ట్ చేసారు. వైఎస్‌ అవినాష్‌రెడ్డికి పెదనాన్న , వైఎస్ ప్రతాప్‌రెడ్డిని అరెస్ట్ చేసి, పోలీసులు కోర్టులో హాజరు పరిచారు. అయితే ఈయన అరెస్ట్ కు ప్రధాన కారణం, జిలెటన్‌ స్టిక్స్‌ సప్లయ్ చేయటం. మామిళ్లపల్లె ముగ్గురాళ్ల గనిలో ఉపయోగించిన, జిలెటన్‌ స్టిక్స్‌ ని పులివెందుల నుంచి, వైఎస్ ప్రాతప్ రెడ్డి తీసుకుని వెళ్లినట్టు, ఆధారాలు దొరకటంతో, పోలీసులు ఆయన్ను అరెస్ట్ చేయక తప్ప లేదు. వైఎస్ ప్రతాప్ రెడ్డికి పులివెందులలో మ్యాగజైన్‌ లైసెన్స్‌ నుంచి, ముగ్గురాళ్ల గనికి జిలెటన్‌ స్టిక్స్‌ ని తరలించారు. ఈ జిలెటన్‌ స్టిక్స్‌ తరలించే సమయంలో నిబంధనలు తుంగలోకి తొక్కి, ఎలాంటి భద్రతాపరమైన చర్యలు చేపట్టలేదు.

చివరకు పది మంది చనిపోవటానికి కారణం అయ్యారు. ఈ అభియోగంతోనే, ఆయన్ను అరెస్ట్ చేసారు. కడప ఎంపీ వైఎస్ అవినాష్ రెడ్డికి, పెదనాన్న అయిన వైఎస్ ప్రతాప్ రెడ్డిని అరెస్ట్ చేయటంతో, ఈ అంశం మరోసారి వార్తల్లోకి ఎక్కింది. వైఎస్ ప్రతాప రెడ్డికి, కడపలోని అనేక ప్రాంతాల్లో గనులు ఉన్నాయని. అక్కడ ఉపయోగించే జిలెటన్‌ స్టిక్స్‌ను, ఆయనకు ఉన్న మ్యాగజైన్‌ లైసెన్స్‌ ఉపయోగించి, ఈ జిలెటన్‌ స్టిక్స్‌ను మామిళ్లపల్లె గనులకు తరలించారు. అయితే ఈ క్రమంలోనే, అక్కడ సరైన ఏర్పాట్లు చేయక పోవటం, ఇష్టం వచ్చినట్టు అన్ లోడ్ చేసే క్రమంలో, పెద్ద పే-లు-డు సంభవించింది. ఈ క్రమంలోనే అక్కడ ఉన్న కూలీలు పది మందికి పైగా చనిపోయారు. ఇక్కడ గని యజమాని అయిన నాగేశ్వర్‌రెడ్డిని కూడా ఇప్పటికే పోలీసులు అదుపులోకి తీసుకున్నారు. మరొక వ్యక్తిని కూడా పోలీసులు అదుపులోకి తీసుకున్నారు. మొత్తంగా, పది మందికి పైగా ప్రాణాలు కోల్పోవటం, ఇది రాష్ట్ర వ్యాప్తంగా వార్త అవ్వటం, ప్రతిపక్షాలు ఆందోళన చేయటంతో, అరెస్ట్ చేయక తప్పలేదు.

వ్యాక్సిన్, వ్యాక్సిన్, వ్యాక్సిన్... ప్రస్తుతం, క-రో-నా విపక్తర పరిస్థితి నుంచి మనల్ని కాపాడేది, కేవలం వ్యాక్సిన్ మాత్రమే అని అందరికీ తెలిసిందే. ప్రాణాపాయం నుంచి 99.99 శాతం వ్యాక్సిన్లు గట్టేక్కిస్తాయని పరిశోధనలు చెప్పటంతో, ఇప్పుడు ప్రజలు అందరూ వ్యాక్సిన్ ల కోసం ఎదురు చూస్తున్నారు. 15 రోజులు క్రితం వరకు కేంద్రమే వ్యాక్సిన్లను రాష్ట్రాలకు పంపించేది. ఇప్పుడు 50 శాతం వరకు రాష్ట్రాలు ఆయా సంస్థల నుంచి డైరెక్ట్ గా కొనుక్కోవచ్చని చెప్పింది. ఇక్కడ వరకు బాగనే ఉంది. అయితే ఇక్కడ వివిధ రాష్ట్రాలు, ఇప్పటికే సీరమ్, భారత్ బయోటెక్ సంస్థల నుంచి వ్యాక్సిన్ల ఆర్డర్ ఇచ్చాయి. మన ఆంధ్రప్రదేశ్ ప్రభుత్వం మాత్రం, ఇప్పటి వరకు ఎలాంటి ఆర్డర్ కానీ, అడ్వాన్స్ కానీ ఇవ్వలేదు. కేవలం మాకు 4 కోట్లు ఇవ్వండి అంటూ ఒక లేఖ రాసారు. అన్ని రాష్ట్రాలు కోటి, 50 లక్షలు ఇలా ఇప్పటికే ఆర్డర్ ఇచ్చాయి. ఇదే విషయం ప్రతిపక్షాలు ప్రశ్నించాయి. ఎందుకు వ్యాక్సిన్ లు తెప్పించటం లేదు అని అడిగారు. చంద్రబాబు నాయుడు కూడా ఇదే జగన్ మోహన్ రెడ్డి ని ప్రశ్నించారు. సీరమ్ ఇన్ స్టిట్యూట్ వారి కోవిషీల్డ్, భారత్ బయోటెక్ వారి కోవాగ్జిన్ వ్యాక్సిన్లు ఈ దేశమంతా వేసుకుంటుంటే, మనం ఎందుకు ఇంకా డబ్బులు కట్టి, ఆర్డర్ పెట్టలేదు అంటూ ప్రశ్నించారు. అయితే దీనికి వైసీపీ వైపు నుంచి వచ్చిన సమాధానం ఆశ్చర్యం కలిగించింది.

మంత్రులు మీడియా ముందుకు వచ్చి, మీకు డబ్బులు ఇస్తాం, ఎకౌంటు నెంబర్ చెప్పండి వేస్తాం, మీరే వ్యాక్సిన్ లు తీసుకు రండి అంటూ, ఎగతాళిగా వ్యాఖ్యలు చేసారు. ప్రభుత్వం చేయాల్సిన పని, ప్రతిపక్షాన్ని చేయమని అడుగుతున్నారు. ఇదంతా ఒక ఎత్తు అయితే, వ్యాక్సిన్ల పై వస్తున్న విమర్శల పై, ఈ రోజు జగన్ మోహన్ రెడ్డి స్పందించారు. వ్యాక్సిన్ ల పై అనవసర రాద్ధాంతం చేస్తున్నారని అన్నారు. చంద్రబాబు బంధువు అయిన భారత్ బయోటెక్ లో ఏమి జరుగుతుందో చంద్రబాబుకి తెలియదా అని అడిగారు. రామోజీ వియ్యంకుడిదే కదా అంటూ జగన్ దెప్పి పొడిచారు. దేశంలో ఎంత మందికి వ్యాక్సిన్ కావలి, ఎంత ఇప్పటి వరకు వేసారు, ఇవేమీ చూసుకోకుండా, విమర్శలు చేస్తున్నారని అన్నారు. అయితే ముఖ్యమంత్రి హోదాలో ఉన్న వ్యక్తీ, ఇంత చీప్ గా, చంద్రబాబు బంధువు అంటూ, తప్పించుకునే ప్రయత్నం చేయటం ఆశ్చర్యపరుస్తుంది. పక్క రాష్ట్రాలు ఆర్డర్ ఇస్తున్నట్టు, ఇప్పటి వరకు మనం ఎందుకు ఆర్డర్ ఇవ్వలేదు అనే దానికి మాత్రం సమాధానం రాలేదు. మొత్తానికి ఇది కూడా చంద్రబాబు పాపం అంటూ, ఆయన ఖాతాలో వేసి, చేతులు దులుపుకున్నారు.

తెలుగుదేశం పార్టీ అధినేత చంద్రబాబుపై గుంటూరులో మరో కేసు నమోదు అయ్యింది. గుంటూరుకు చెందిన న్యాయవాది పచ్చల అనిల్ కుమార్ గుంటూరు అరండల్‌పేట పోలీసులు స్టేషన్ లో, చంద్రబాబుతో పాటు, కొంత మంది తెలుగుదేశం నేతల పైన కూడా ఆయన ఫిర్యాదు చేసారు. తెలుగుదేశం పార్టీ నేతలతో పాటు, కొంత మంది టిడిపి నేతలు మీడియా సమావేశాల్లో పదే పదే  N440K వైరస్ ప్రమాదకరంగా ఉందని, ఆంధ్రప్రదేశ్ ప్రజలను పదే పదే  చెప్తూ ప్రజలను భయబ్రాంతులకు గురి చేస్తున్నారు, దీంతో ఇతర రాష్ట్రాలు కూడా మన ప్రజలను కట్టడి చేస్తున్నాయని, ఇదంతా చంద్రబాబు, టిడిపి నేతలు చేసిన తప్పుడు ప్రచారం అంటూ ఆయన ఫిర్యాదులో తెలిపారు. పచ్చల అనిల్ కుమార్ ఇచ్చిన ఫిర్యాదు పై పోలీసులు, కొద్ది సేపటి క్రితం కేసు కూడా నమోదు చేసారు. కేసు నమోదు చేసినట్టు పోలీసులు చెప్తున్నారు. 188, 505(1)b, 505(2) సెక్షన్ల కింద కేసు నమోదు చేసారు. ఇప్పటికే ఇదే అంశం పై, కర్నూల్ లో కేసు పెట్టించారు. ఇప్పుడు తాజాగా గుంటూరులో కూడా మరో కేసు పెట్టించారు. ఇప్పటికే కర్నూల్ పోలీసులు చంద్రబాబుకు నోటీసులు ఇస్తారని పెద్ద ఎత్తున ప్రచారం జరిగినా, ఎందుకో వెనక్కు తగ్గారు. ఇప్పుడు వ్యూహం మార్చి, గుంటూరులో ఎందుకు కేసు పెట్టించారో చూడాలి...