news

ఏడుకొండలస్వామి కొలవైన తిరుపతి పార్లమెంటు ఉప ఎన్నిక ప్రచారానికి ఏడు జాతిరత్నాలు దిగబడ్డాయి. పేకాడితే ఎవడమ్మ మొగుడు వచ్చి పీకుతాడు అనే మంత్రి, క్రికెట్ బెట్టింగ్ లో ఆరితేరిన ఒక నీటిపారుదల శాఖ మంత్రి , ఎర్ర చందనం స్మగ్లింగ్ -అక్రమ నోట్ల దొంగ రవాణాలో అడ్డంగా దొరికిపోయిన మంత్రి, రబీకి-ఖరీఫ్ కి తేడా తెలీని మంత్రి , అతనికి శ్రమ లేదు రాష్ట్రానికి ఒక పరిశ్రమ లేదు, పరిశ్రమ తీసుకొచ్చే పరిస్థితి లేని మంత్రి , మధ్యాహ్న భోజనంలో గుడ్లు ఏమయ్యాయి అని ప్రతిపక్షం ప్రశ్నిస్తే గుడ్లు తెలేసే మంత్రి, స్మగ్లర్ల ను పట్టుకోకుండా కొయ్యబొమ్మలా చూస్తున్న మంత్రి...ఇలా ఒక్కోరు ఒక్కో నియోజకవర్గానికి ఇన్ చార్జ్ మినిస్టర్లుగా వ్యవహరించడానికి దందారాయుళ్లు బయలుదేరారు. ఈ జాతిరత్నాలు ఒక చోట చేరి కులం, మతం పేరుతో ప్రజలను ఓట్లు అడుగుతున్నారు. వెంకటేశ్వర స్వామి కొలువుండే చోట ఎలాంటి దౌర్బాగ్యం పట్టిందో చూడండి. ప్రకాశం జిల్లాలో మైనింగ్ హస్తగతం చేసుకుని తన కొడుకును అడ్డం పెట్టుకుని కోట్లు కొల్లగొడుతున్న అటవీశాఖ మంత్రి ఓట్లు అడిగేందుకు వెంకట గిరి వెళ్లారా? అదేమంటే ముఖ్యమంత్రి బంధువునంటున్నారు. మీకు ఓటు అడిగే హక్కు ఉందా? కరోనా బారిన పడి పిల్లలు విలవిలలాడుతుంటే పాఠశాలల్లో ఒక్క సారైనా సమీక్ష చేయని విద్యాశాఖమంత్రి సర్వేపల్లిలో ప్రచారం చేయడమేంటి? నాడు-నేడులో అవినీతిపై స్పందించారా? విద్యాశాఖలో ఓ అధికారిని ప్రకాశం జిల్లా కలెక్టర్ తొలగిస్తే అతన్ని డైరెక్టరుగా పెట్టుకోవడమా మీ చిత్తశుద్ధి. సత్యదూరమైన వ్యక్తి , బూతులు మాట్లాడే వ్యక్తి, పేకాట క్లబ్బులు నడిపే మంత్రి సత్యవేడు ఎందుకు వెళ్లినట్టు? చంద్రబాబు నాయుడు గారు తెచ్చిన పరిశ్రమలను తరిమికొట్టిన పరిశ్రమల మంత్రి వెంకటగిరిలో ప్రచారం చేయడం సిగ్గుచేటు.

కియా మోటార్స్ లో సంబంధిత మంత్రి, బంధువులు స్క్రాప్ అమ్ముకుని రోజూ లక్షలు దోచుకుంటుంటే ఆపే ప్రయత్నం చేశారా? రిలయన్స్ చెప్పిన వారికి రాజ్యసబ సభ్యత్వం ఇచ్చారే ..మరి దానికి బదులుగా తిరుపతిలో ఒక పరిశ్రమనైనా పెట్టమని అడగ్గలిగారా? తూర్పుగోదావరి జిల్లా శివారు ప్రాంతంలో నీళ్లు లేక రైతులు ఏడుస్తుంటే ఆ విషయంలో పట్టించుకోని వ్యవసాయమంత్రి ఎన్నికల్లో ప్రచారానికి వెళ్లారా? చంద్రబాబు గారు అసెంబ్లీలో పోరాడితేనే పంట నష్టం బీమా కట్టిన వ్యవసాయ మంత్రి నేడు స్వామి భక్తి ప్రదర్శిస్తున్నారు.
టీడీపీ హయాంలో 71 శాతం పోలవరం పూర్తి చేశాం. దాన్ని రెండేళ్లలో ఒక్క శాతం ముందుకు తీసుకెళ్లని నీటిపారుదల శాఖ మంత్రి గూడూరులో ఏం ప్రచారం చేస్తారు? పోలవరం మట్టిని కూడా అమ్ముకుంటున్నారు. టీడీపీ ప్రభుత్వం క్రికెట్ బెట్టింగ్ లో పట్టుబడ్డ మంత్రి గూడూరును ఉద్దరించడానికి వెళ్లారా? సాక్షికి కోట్లు రూపాయిల యాడ్లు ఇవ్వడంపై ప్రత్యిక్షంగా మేము ప్రశ్నిస్తే మంత్రి పేర్లి నాని సమాధానం చెప్పలేకపోయారు. పింక్ డైమండ్ పోయిందని సాక్షిలో తప్పుడు రాతలు రాశారు. కోర్టులు మొట్టికాయలు వేసినా సిగ్గురాలేదు. ఒక మంత్రిగా స్పందించని పేర్ని నాని తిరుపతిలో ఏ మొహం పెట్టుకుని ఓట్లు అడుగుతున్నారు? మంత్రి పెద్దిరెడ్డి అరాచకాలకు అంతే లేదు. బెదిరింపులు, దౌర్జన్యాలతో దందాలు చేస్తున్నారు. చిత్తూరులో గ్రానైట్ వ్యాపారులను బెదిరించి వసూళ్లు చేస్తున్నారు. వైసీపీ మంత్రుల బెదిరింపులకు తిరుపతి పార్లమెంటు నియోజకవర్గ ప్రజలు భయపడొద్దు. వైసీపీ కార్యకర్తలకు భయపడొద్దు. తెలుగుదేశానికి ఓటేసి నిజాన్ని బతికించండి. వైసీపీని ఓడించి బుద్ది చెప్పడి.

ప్రభుత్వంయొక్క ఆర్థిక విధానాలు, వాటిలోని డొల్లతనం సామాన్యులకుకూడా అర్థమైపోయిందని, చంద్రబాబు ప్రభుత్వంలో అన్నిరకాల ఉద్యోగులకు ఠంఛన్ గా ఒకటేతేదీనే జీతాలు అందేవని, ఎన్నిసమస్య లున్నా, ఉద్యోగులజీతాలను నాటిప్రభుత్వం ఆపలేదని, 5, 6 తేదీలొచ్చినా ఈప్రభుత్వం జీతాలివ్వలేని దుస్థితి లోఉందని టీడీపీ ఎమ్మెల్సీ పరుచూరి అశోక్ బాబు తెలిపారు. మంగళవారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ప్రభుత్వం నెలకు రూ.5వేలకోట్లవరకు జీతాలకే చెల్లించా లని, అదినిరంతరప్రక్రియని, ఆ విషయాన్ని విస్మరించి, కాంట్రాక్టర్లకు రూ.2,800కోట్లవరకు చెల్లింపు లుచేయడం బాధాకరమన్నారు. ప్రభుత్వఉద్యోగుల జీతాలుఆపి, కాంట్రాక్టర్లపై, వారిచ్చే కమీషన్లపై ఈ ప్రభు త్వం అమితమైన ప్రేమను చూపుతోందన్నారు. ప్రభు త్వం బెదిరించబట్టే, ఈవ్యవహారంపై ఉద్యోగసంఘాల నాయకులెవరూ మాట్లాడటంలేదన్నారు. ప్రభుత్వ ఉద్యోగుల్లో ప్రభుత్వంపై తీవ్రవ్యతిరేకతఉందని, కానీ వారు నోరుతెరవకుండా సంఘాలు నిరోధిస్తున్నాయ న్నారు. చంద్రబాబునాయుడి ప్రభుత్వం రూ.16వేలకోట్ల లోటుబడ్జెట్ ఉన్నప్పటికీ ఉద్యోగులకు 43శాతం ఫిట్ మెంట్ఇచ్చిందన్నారు. ఏటా రూ.10వేలకోట్ల వరకు భా రంపడుతున్నా ఆనాడుచంద్రబాబునాయుడు లెక్కచే యకుండా ఉద్యోగులకు మేలుచేశారన్నారు. ఎన్ని ఆర్థిక ఇబ్బందులున్నాకూడా టీడీపీ ప్రభుత్వంలో ఉద్యోగుల కు ఒకటోతేదీనే జీతాలు అందాయన్నారు. ఈ ప్రభుత్వం లో 2020-21 ఆర్థికసంవత్సరంలో దాదాపు రూ.29వేల కోట్ల రెవెన్యూ వచ్చిందన్నారు. కరోనా వల్ల జరిగిన న ష్టం ప్రభుత్వానికి చాలా తక్కువన్నారు. కేంద్రంనుంచి కరోనా నిమిత్తం వచ్చిన రూ.8వేలకోట్లను ఈప్రభుత్వం ఎక్కడ ఖర్చుపెట్టిందో తెలియడంలేదన్నారు. ఆర్థికవ్యవస్థ సక్రమంగా లేకుంటే, ప్రభుత్వాలు ఎలా ఉంటాయనే దానికి ఆంధ్రప్రదేశ్ ప్రభుత్వమే ఉదాహరణ ని అశోక్ బాబు తెలిపారు. కేంద్రప్రభుత్వం ఎఫ్ఆర్ బీఎం లిమిట్ పెంచినాకూడా ఏ సంస్థా, ఏబ్యాంక్ ఏపీప్రభుత్వా నికి రుణాలివ్వడంలేదన్నారు. ప్రభుత్వానికి ధైర్యముం టే సీఎఫ్ఎంఎస్ లో పెండింగ్ లో ఉన్న బిల్లులపై తక్ష ణమే శ్వేతపత్రం విడుదలచేయాలన్నారు. పూర్తిస్థాయి లో రాష్ట్ర ఆర్థికస్థితిపై ప్రభుత్వం వెంటనే శ్వేతపత్రం విడు దలచేయాలని టీడీపీ తరుపున అశోక్ బాబు డిమాండ్ చేశారు.

జీపీఎఫ్ అడ్వాన్స్ లు, హెల్త్ స్కీమ్ లకింద చేసే చెల్లింపులేవీ రిటైరైన ఉద్యోగులకు అందడంలేదన్నారు. సత్తుపళ్లెంలో పంచభక్ష్యాల పెడితే తృప్తి ఉంటుందిగానీ, ఖాళీ బంగారుపళ్లెం పెడితే ఉద్యోగులకు, రిటైర్ ఉద్యోగు లకు ఏం ఒరుగుతుందని అశోక్ బాబు నిలదీశారు. రిటై ర్డ్ ఉద్యోగులకు ప్రభుత్వమిచ్చిన డిజిటల్ హెల్త్ కార్డులు దేనికీ ఉపయోగపడటంలేదన్నారు. ఆసుపత్రిల్లో వారికి వైద్యసేవలు అందడంలేదని, ప్రభుత్వంవారికి బిల్లులు ఇవ్వకపోవడంతో, వారు ఉద్యోగులకు వైద్యసేవలు అం దించడానికి నిరాకరిస్తున్నారన్నారు. రూ.60, రూ.70వేలకుకూడా నాలుగైదు నెలలు ఎదురు చూడాల్సిన పరిస్థితిని ఈ ప్రభుత్వం తీసుకొచ్చిం దన్నారు. బిల్లులు ఆలస్యం కాకూడదనే గతంలో తాము ఆరోగ్యశ్రీకి బదలాయించి, అక్కడనుంచి త్వరగా అయ్యేలా ఏర్పాటుచేశామన్నారు. ఉద్యోగులకు జీతాలు, రిటైర్డ్ ఉద్యోగులకు పింఛన్లు, జీపీఎఫ్ అడ్వాన్స్ లు, లైఫ్ ఇన్సూరెన్స్ బెనిఫిట్స్ వంటి వాటిని కూడా ఈ ప్రభుత్వం ఇవ్వలేకపోవడం సిగ్గుచేటన్నారు. బుగ్గన రాజేంద్రనాథ్ రెడ్డి అసెంబ్లీ, కౌన్సిల్ సమావేశాల్లో పిట్టక థలుచెబుతుంటాడు తప్ప, ఆర్థికపరిస్థితి గురించి సమా ధానం చెప్పడని అశోక్ బాబు తెలిపారు. రాష్టఆర్థిక మంత్రి ఎవరనే అనుమానం అందరికీ కలుగుతోందన్నా రు. కరోనా రావడంవల్ల రాష్ట్ర ఆదాయం పడిపోయిందనే ది సుద్ధ అబద్ధమన్నారు. కరోనా వచ్చినప్పుడు, ఒక నెలజీతాన్ని రాష్ట్ర సీఎమ్ఆర్ఎఫ్ కు , ఎమ్మెల్సీలు, ఎంపీలు, ఎమ్మెల్యేలువిరాళంగా ఇస్తే, దాన్నికూడా ఈ ప్రభుత్వం ఇంతవరకు రికవరీ చేయలేకపోయిందన్నా రు.

మంత్రులకు , ఇతరప్రజాప్రతినిధులకు సక్రమంగా జీతాలిస్తున్న ప్రభుత్వం ఉద్యోగులకు, రిటైర్ ఉద్యోగుల కు ఎందుకుఇవ్వలేకపోతోందో సమాధానం చెప్పాలని టీడీపీనేత డిమాండ్ చేశారు. కాంట్రాక్టర్లకు చెల్లించిన రూ. 2,800కోట్లతో 70శాతం ఉద్యోగులకు జీతాలు చెల్లిం చవచ్చన్నారు. ప్రభుత్వం దిగజారిపోయిందని అర్థమ వుతోందని, దానివల్ల అంతిమంగా ప్రజలే నష్టపోతారని అశోక్ బాబు తెలిపారు. ఏబ్యాంక్ ప్రభుత్వానికి రుణమి వ్వడానికి ముందుకురాకపోవడమే అందుకు నిదర్శన మన్నారు. ప్రభుత్వ సంక్షేమ పథకాలు ప్రజలకుసక్రమం గాచేరాలంటే, రాష్ట్ర ఆర్థికవ్యవస్థ మెరుగుపడాలన్నారు. ఆర్థికశాఖలోని ఉద్యోగులెవరూ బాధ్యతాయుతంగా వ్యవ హరించడంలేదన్నారు. సీఎఫ్ఎంఎస్ సిస్టమ్ కంట్రోలింగ్ మొత్తం ఆర్థికశాఖ కార్యదర్శుల చేతిల్లోనే ఉందని, వారు ఏమడిగినా పైనుంచి వస్తేనే చేస్తామని చెబుతున్నార న్నారు. పైనుంచి అంటే ముఖ్యమంత్రినుంచా...లేక ఆర్థి కశాఖ మంత్రినుంచా అనేది తెలియడంలేదన్నారు. 2020-21 కిసంబంధించిన ఆర్థికవ్యవహారాలతో పాటు, సీఎఫ్ఎంఎస్ లోని పెండింగ్ బిల్లులపై ప్రభుత్వం తక్షణమే శ్వేతపత్రం విడుదలచేయాలన్నారు. ఉద్యోగు ల విషయంలో ప్రభుత్వం అనుసరిస్తున్నవిధానం ఎంత మాత్రం సరైందికాదని అశోక్ బాబు స్పష్టంచేశారు. ప్రభు త్వాలను పడగొట్టి, నిలబెట్టిన చరిత్ర ఉద్యోగులకుందని ఈప్రభుత్వం గుర్తిస్తే మంచిదన్నారు. ఉద్యోగుల మౌనం తుఫాను ముందు ప్రశాంతత వంటిదని ప్రభుత్వం తెలుసుకుంటే మంచిదని అశోక్ బాబు హితవు పలికారు.a

తాడేపల్లి రాజ భవనం నుంచి, రెండేళ్లుగా బయటకు వచ్చి, ప్రజల మధ్యలోకి వెళ్ళని జగన్, ఎట్టకేలకు బయటకు వస్తున్నారు. ఈ రెండేళ్ళలో, గట్టిగా ఒక పది సార్లు కూడా జగన్ ప్రజల మధ్యలోకి వెళ్ళలేదు. అది క-రో-నా కాలంలో అయినా, అంతకు ముందు ఏడాది అయినా. అయితే జగన్ మోహన్ రెడ్డి ఇప్పుడు బయటకు రావటం, అది ప్రజల్లోకి వెళ్ళటం, ఆశ్చర్యాన్ని కలిగించే అంశం. ఇంతకీ ఎందుకు అనుకుంటున్నారా ? తిరుపతి ఉప ఎన్నికల్లో ఓటు అడగటానికి, జగన్ తిరుపతి వస్తున్నారు. ఇన్నాళ్ళు 5 లక్షల మెజారిటీతో గెలుస్తాం అంటూ ధీమాలు పోయిన జగన్ రెడ్డి, ఇప్పుడు ఇంటలిజెన్స్ రిపోర్ట్ లో, తేడా కొట్టటంతో, చేసేది లేక, తానే స్వయంగా రంగంలోకి దిగాలని నిర్ణయం తీసుకున్నారు. 5 లక్షల మెజారిటీ సంగతి తరువాత, మొన్న వచ్చిన మెజారిటీ కూడా వచ్చేలా లేదని రిపోర్ట్ రావటంతో జగన్ స్వయంగా రంగంలోకి దిగాల్సిన పరిస్థితి వచ్చింది. ఇంకా పది రోజులు సమయం ఉండటం, ఈ లోపు పరిస్థితి దిగజారి పోతుంది కాబట్టి, ఆ డామేజ్ కంట్రోల్ చేయటానికి, జగన్ స్వయంగా రంగలోకి దిగుతున్నారు. అయితే జగన్ మోహన్ రెడ్డి ఎన్నికల ప్రచారానికి వెళ్ళటం పెద్ద వింత కాకపోయినా, జగన్ లాంటి స్వభావం ఉన్న వ్యక్తి, అలాగే ఇన్నాళ్ళు బయటకు రాని జగన్ మోహన్ రెడ్డి, ఇప్పుడు బయటకు రావటం, ఆలోచించాల్సిన విషయమే.

తిరుపతి ఉప ఎన్నిక పార్లమెంట్ పరిధిలో, ఏడు నియోజకవర్గాలు ఉండగా, ప్రతి నియోజకవర్గం నుంచి 70 వేల మెజారిటీ రావాలని టార్గెట్ పెట్టారు. అయితే వెంకటగిరి నియోజకవర్గం మినహా, ఎక్కడా ఆశించిన స్థాయిలో లేదని రిపోర్ట్ లు వచ్చినట్టు తెలుస్తుంది. కనీసం 2019లో వచ్చిన రెండు లక్షల పైగా వచ్చిన మెజారిటీని నిలుపుకోవాలి అంటే, కచ్చితంగా జగన్ మోహన్ రెడ్డి రావాల్సిందే అని రిపోర్ట్ లు రావటంతో, జగన్ మోహన్ రెడ్డి 14వ తేదీ ఎన్నికల ప్రచారానికి వెళ్లనున్నారు. అక్కడ రోడ్ షో కూడా చేసి, ఎన్నికల సభలో పాల్గునే అవకాసం ఉన్నట్టు తెలుస్తుంది. ఇక మరో పక్క బీజేపీ ఎత్తుకున్న హిందూ వాదం, తెలుగుదేశం పార్టీకి లాభించే అవకాసం ఉన్నట్టు కూడా వైసీపీకి సమాచారం వచ్చింది. బీజేపీ పై ప్రజలకు నమ్మకం లేకపోవటం, వైసీపీ, బీజేపీ ఒకటే అని ప్రజల్లోకి బలంగా వెళ్ళటంతో, ఈ హిందూ అంశం పై కూడా, గట్టిగా సమాధానం చెప్పాలని, జగన్ మోహన్ రెడ్డి నిర్ణయం తీసుకున్నట్టు తెలుస్తుంది. మొత్తానికి జగన్ ఉప ఎన్నికల ప్రచారానికి రావటం చూస్తుంటే, వైసీపీ పరిస్థితి ఎలా ఉందో అర్ధమవుతుంది.