news

తిరుపతి ఉప ఎన్నికల్లో, బీజేపీ, జనసేన కలిసి పోటీ చేస్తున్న సంగతి తెలిసిందే. మొన్నటి వరకు లోలోపల బీజేపీ, వైఎస్ఆర్ కాంగ్రెస్ పార్టీకి పని చేస్తుందనే అనుమానం ఉన్నా, అవన్నీ దూరం చేసి, చివరకు జనసేన, బీజేపీకి సంపూర్ణ మద్దతు ప్రకటించింది. పవన్ కళ్యాణ్ కూడా నిన్న తిరుపతి వచ్చి, ఒక పది నిముషాలు నడిచి, కార్ లో ర్యాలి చేసి, మీటింగ్ లో కూడా పాల్గున్నారు. బీజేపీ అభ్యర్ధి రత్నప్రభకు ఓటు వేయాలని కోరారు. అయితే పవన్ కళ్యాణ్ వచ్చి, 24 గంటలు కూడా కాక ముందే, అటు జనసేన పార్టీకి, ఇటు బీజేపీ పార్టీకి షాక్ ఇచ్చే నిర్ణయం తీసుకుని ఎలక్షన్ కమిషన్. తిరుపతిలో నవతరం పార్టీ కూడా పోటీ చేస్తుంది. అయితే అనూహ్యంగా వారికి గాజు గ్లాసు గుర్తును ఎలక్షన్ కమిషన్ కేటాయించింది. జనసేన పార్టీ ఎన్నికల గుర్తు కూడా గాజు గ్లాసు అనే విషయం ఇప్పటికే అందరికీ తెలుసు. దీంతో ఇప్పుడు తిరుపతి ఉప ఎన్నికల్లో, నవతరం పార్టీకి గాజు గ్లాసు గుర్తు కేటాయించటంతో, జనసేన, బీజేపీ షాక్ తిన్నాయి. నవతరం పార్టీ తరుపున డాక్టర్ గోదా రమేష్ కుమార్ అనే వ్యక్తి, తిరుపతి ఉప ఎన్నికల్లో పోటీ చేస్తున్నారు. ఆయనకు గాజు గ్లాసు గుర్తు కేటాయించారు. దీంతో ఆయన గాజు గ్లాసు గుర్తు పెట్టుకుని, ఎన్నికల ప్రచారానికి సిద్దం అవుతున్నారు. ఎలక్షన్ కమిషన్, ఈ నిర్ణయం ప్రకటించింది.

దీంతో నవతరం పార్టీ ఎన్నికల కమిషన్ కి ధన్యవాదాలు చెప్పారు. తమ గుర్తుతో ఎన్నికల ప్రచారం మరింతగా చేస్తామని, తమకు ఓటు వేసి గెలిపించాలని పత్రికా ప్రకటన విడుదల చేసారు. మరో పక్క తిరుపతి ఉప ఎన్నికలో, జనసేన పార్టీ పోటీ చేయకుండా, బీజేపీ పార్టీకి మద్దతు పలికింది. బీజేపీ పార్టీ ఎన్నికల గుర్తు కమలం గుర్తు. రేపు ఎన్నికల్లో ఓటు వేయటానికి వెళ్ళిన జనసేన క్యాడర్, అక్కడ కమలం గుర్తు, గాజు గ్లాసు గుర్తు చూస్తే, పుసుక్కున్న గాజు గ్లాజు గుర్తుకు గుద్దారు అంటే, సోము వీర్రాజుకి దిమ్మ తిరగట ఖాయం. అసలకే నోటాతో పోటీ పడే సోము వీర్రాజు సారధ్యంలోని బీజేపీ, జనసేనతో కలిసి లక్ష ఓట్లు తెచ్చుకోవాలని ప్లాన్లో ఉంది. అయితే, ఈ దెబ్బతో బీజేపీకి కూడా టెన్షన్ పట్టుకుంది. తమకు పడాల్సిన ఓట్లు క్రాస్ అవుతాయని, సోము వీర్రాజు కంగారు పడుతున్నారు. జనసేన పార్టీ రికగ్నైజ్‌డ్ పార్టీ, కకాపోవటంతోనే, నవతరం పార్టీకి గాజు గ్లాసు కేటాయించినట్లు తెలుస్తుంది. అయితే, దీని పై కేంద్ర ఎన్నికల సంఘానికి ఫిర్యాదు చేసి, గుర్తు మార్పించే వీలు ఏమైనా ఉంటుందా అనే పనిలో పడ్డారు.

తాను నేడు మీడియాతో మాట్లాడుతున్న బాధాకర మైన మాటలను తాడేపల్లి ప్యాలెస్ లో ఖాళీగా కూర్చు న్న ముఖ్యమంత్రి వినాలని, జగన్మోహన్ రెడ్డి సొంత బాబాయి, వివేకా కూతురు సునీత హస్తినాపురంలో రోడ్లపై తిరుగుతూ, అక్కడి వీధుల్లో ఆర్తనాదాలు చేస్తోందని, అమెఘోష ఈ ముఖ్యమంత్రికి వినపడుతోందా అని టీడీపీ జాతీయప్రధాన కార్యదర్శి, పొలిట్ బ్యూరోసభ్యులు వర్ల రామయ్య ప్రశ్నించారు. శని వారం ఆయన మంగళగిరిలోని పార్టీజాతీయ కార్యాల యంలో విలేకరులతో మాట్లాడారు. ఆ వివరాలు ఆయన మాటల్లో... "తన తండ్రి హ-త్య జరిగి రెండేళ్ల 18 రోజులైనా ఎవరు చం-పా-రో తెలియడంలేదంటూ వి-వే-కా కూతురుహస్తినా పురవీధుల్లో ఎక్కేగడప, దిగేగడప తిరుగుతూనేఉంది. తన తండ్రిని ఎవరు చం-పా-రం-టూ ఆమె చేస్తున్న ఆర్త నాదాలు, ముఖ్యమంత్రికి ఎందుకని ఒకింతకూడా జాలి కలిగించడంలేదు. సొంతచెల్లెలు తెలంగాణలో తిరుగు తోందని, ఆమెకూడా జగన్మోహన్ రెడ్డితో సఖ్యతగా లేద ని చెప్పుకుంటూ ఉన్నారు. ఢిల్లీలో సునీత నిన్న మీడి యాతో మాట్లాడారు. ఆమె చాలా బాధాతప్తహృదయం తో మాట్లాడుతూ, తన తండ్రిని ఎవరు చం-పా-రో మీరైనా తెలుసుకోండంటూ పాత్రికేయులను వేడుకున్నారు. ఆమె ప్రెస్ మీట్ చూస్తే ఎంతటి కరుడుగట్టిన, కర్కశహృ దయమైనా కరిగి నీరవుతుంది. ఆమె విలేకరుల సమా వేశాన్ని ఈముఖ్యమంత్రి చూశారా లేదా? అసలు చూసే ధైర్యం చేశారా? మార్చి15, 2019న తెల్లవారుజామున జరిగిన రాజకోట రహస్యమేమిటి? పులివెందుల రాజకో టలో జరిగిన రహస్యమేంటి? వార్డు మెంబర్ నుంచి పార్లమెంట్ మెంబర్ దాకా పనిచేసి, అందరితో మంచివా డు అనిపించుకున్న వ్యక్తి మరణిస్తే, అందుకు సంబం ధించిన రాజకోట రహస్యం జగన్మోహన్ రెడ్డికి తెలుసు నని సునీత చెబుతోంది. "

"ఆ రహస్యం ముఖ్యమంత్రికి తెలుసు. ప్రతిపక్షనేతహోదాలో ఉన్న జగన్మోహన్ రెడ్డి సీబీఐ విచారణ కూడా కోరారు. ఇంకోదుర్మార్గమైన పని కూడా ఆయన చేశాడు. ఆనాడు ముఖ్యమంత్రిగా ఉన్న చంద్రబాబువైపు తనవేలుచూపి, ఆతరువాత ఆవేలుని వెనక్కుమడిచారు. సీబీఐ విచారణకావాలని వివేకానం దరెడ్డి భార్య సౌభాగ్యమ్మతోపాటు, జగన్మోహన్ రెడ్డి హై కోర్టులో రిట్ పిటిషన్ వేసింది నిజంకాదా? ముఖ్యమంత్రి అయ్యాక మరలా తనరిట్ పిటిషన్ ను జగన్మోహన్ రెడ్డి ఎందుకు వెనక్కు తీసుకున్నాడు? బాహ్యప్రపంచానికి, సీబీఐకి ఆ రాజకోట రహస్యం తెలియకూడదని, అది అలానే ఉండిపోవాలని ఆపనిచేశారా? సీబీఐ విచారణ జరిగితే ముద్దాయిలు బయటకువస్తారని జగన్ కుతెలుసు. అదే అసలురాజకోట రహస్యం. తాను సినిమా రాజకోట రహస్యం గురించి మాట్లాడటంలేదు. పులివెందుల రాజకోట రహస్యం ఏమిటో చెప్పాలంటున్నా. అన్నివేళ్లు నేడుముఖ్యమంత్రి ముఖంవైపే చూపిస్తున్నా యి. పులివెందులలో ఎవరూ ధైర్యంగా బయటకురాక పోవచ్చు. ఢిల్లీలో సునీత మాట్లాడిన మాటలకు సమా ధానం చెప్పే ధైర్యం ఈ ముఖ్యమంత్రికి ఉందా? సునీత ఢిల్లీ లో పెట్టిన ప్రెస్ మీట్ పై ఏపీ ప్రభుత్వం ఎందుకు స్పం దించలేదు? ఆమె అడిగిన ప్రశ్నలన్నీ ముఖ్యమంత్రినే కార్నర్ చేస్తున్నాయి. రాజకోట రహస్యాన్ని ముఖ్యమం త్రి ఎందుకు గుండెల్లో దాచుకున్నారు? నిజంగా అమ్మ తోడు నాకుతెలియదని చెప్పేధైర్యం ముఖ్యమంత్రికి ఉం దా? వివేకా కేసు విచారణలో న్యాయస్థానాలను ఆశ్ర యించడంపై న్యాయనిపుణులతో చర్చించి నిర్ణయం తీసుకుంటాము." అని అన్నారు.

ఆంధ్రప్రదేశ్ రాష్ట్ర ఉద్యోగులు ఇంకా ఇంకా జీతాలు కోసం ఎదురు చూస్తూనే ఉన్నారు. అదేంటి నాలుగో తారీఖు వచ్చినా, ప్రైవేటు వాళ్ళే జీతాలు ఇస్తే, ప్రభుత్వం ఇంకా ఇవ్వటం లేదు అని ఆశ్చర్యపోతున్నారా ? ఆశ్చర్యం ఏమి లేదు, దిగజారిపోతున్న రాష్ట్ర ఆర్ధిక పరిస్థితికి, నిదర్శనం ఈ ఘటన. ఆంధ్రప్రదేశ్ రాష్ట్రంలోని 4.5 లక్షల మంది ప్రభుత్వ ఉద్యోగులు, 3.5 లక్షల మంది పెన్షనర్లకు ఇంకా జీతాలు అందలేదు. దీంతో వారిలో అసంతృప్తి నెలకొంది. ఆర్ధిక ఏడాది మొదటి నెలలోనే, ఇలా ఉంటే, అసలు రాష్ట్ర ఆర్ధిక పరిస్థితి రాను రాను ఎలా ఉంటుందో అని భయపడుతున్నారు. ఓట్ ఆన్ ఎకౌంటు బడ్జెట్ కు రాష్ట్ర గవర్నర్ ఆమోద ముద్ర వేసినప్పటికీ, రాష్ట్ర ప్రభుత్వం నుంచి జీతాల బిల్లులు , ఇంకా రిజర్వ్ బ్యాంక్ వద్దకు వెళ్ళలేదు. నిధులు సౌలభ్యం లేకపోవటంతోనే, ఈ బిల్లులు ఆర్బిఐకి వెళ్లలేదని చెప్తున్నారు. సీఎఫ్‌ఎంఎస్‌ అనే సిస్టం ఆంధ్రప్రదేశ్ లో అమలవుతుంది. దీంతో నిధులు సౌలభ్యం లేకుండా, బిల్లులు పంపటం సాధ్యం కాదు. ఓట్ ఆన్ ఎకౌంటు బడ్జెట్ కు ఆమోద ముద్ర వేసినప్పటికీ, ఆయా పద్దుల కింద నిధులు కేటాయింపులు జరగలేదు. నిధులు అందుబాటులోకి లేకపోవటంతో, ఆ పద్దులకు నిధులు విడుదల చేయలేదు. కొన్ని పద్దులకు, 31వ తేదీ రాత్రి నిధులు విడుదల చేసినప్పటికీ, వాటి వరుకు సరిపోయాయి.

జీతాలు, పెన్షన్లకు నిధులు లేకపోవటంతో, ఈ బిల్లుని ఆర్బిఐకి పంపలేదని తెలుస్తుంది. అయితే ముందుగా ఏప్రిల్ 1, తరువాత గుడ్ ఫ్రైడే అని, శనివారం డబ్బులు పడతాయని అందరూ భావించారు. శనివారం రాత్రి వరకు ఎదురు చూసారు. చివరకు పడకపోవటంతో, ఈ రోజు ఆదివారం, సోమవారం మళ్ళీ సెలవు కావటంతో, మళ్ళీ మంగళవారం దాకా ఎదురు చూసే పరిస్థితి. అయితే మంగళవారం నిధులు సమకూర్చుకుని, బిల్లులు పంపితే, బుధవారం నుంచి జీతాలు పడే అవకాసం ఉన్నట్టు తెలుస్తుంది. మరి నిధులు మంగళవారానికి సమకూరుతాయా లేదా అనేది చూడాలి. అయితే ముందుగా జీతాలకు డబ్బులు సమకూరి, వారికి ముందు జీతాలు చెల్లించిన తరువాత, అప్పుడు పెన్షన్ లకు చెల్లిస్తారని తెలుస్తుంది. పెన్షన్లకు కూడా డబ్బులు సమకూరి, వారికి వేయాలి అంటే, వచ్చే వారం ఎప్పటిలోగా అవుతుందో అని ఎదురు చూస్తున్నారు. అయితే జీతాలు, పెన్షన్లు లేట్ కావటంతో, చిన్న చిన్న ఉద్యోగులు, తీవ్ర ఇబ్బందులు పడుతున్నారు. కట్టుకోవాల్సిన ఖర్చులు ఉండటంతో, జీతాలు తొందరగా రావాలని కోరుకుంటున్నారు.