news

అధికార వైసిపీ ఎన్నికల్లో చేస్తున్న అరాచకానికి నిరసనగా తెలుగుదేశం పార్టీ ఈ రోజు, పరిషత్ ఎన్నికలు బహిష్కరిస్తూ నిర్ణయం తీసుకున్న సంగతి తెలిసిందే. ఈ రోజు తెలుగుదేశం పార్టీ అధినేత చంద్రబాబు, మీడియా సమావేశం పెట్టి ఈ విషయం చెప్పారు. "ఎస్ఈసీ నిన్న ఉదయం 10 గంటలకు చార్జ్ తీసుకొని సాయంత్రం కలెక్టర్ల కాన్ఫిరెన్స్ పెట్టి ఆగమేఘాల మీద నోటిఫికేషన్ విడుదల చేశారు. ముఖ్యమంత్రి సూచనలే మీరు ఫాలో అవ్వాలా? కనీసం సాంప్రదాయాలు ఎస్ఈసీ పాటించరా? సర్పంచ్ ల పవర్ లు కూడా కట్ చేశారు. రాజ్యాంగ సవరణ 73,74లను తీసుకువచ్చారు. గ్రామానికి సర్పంచ్ లు చాలా ముఖ్యం. ఫైనాన్స్ కమీషన్ నిధులు నేరుగా వారికి వస్తుంటే నేడు వీఆర్వోలకు చెక్ డ్రైవింగ్ లు ఇచ్చారు. ఇవ్వన్ని చూసిన తరువాత వైసీపీ ప్రభుత్వానికి ఏ మాత్రం ప్రజాస్వామ్యం మీద గౌరవం లేదని తేలింది. అంబేద్కర్ రాజ్యాంగం అమలు చేయాలన్న ధ్యాస లేని, న్యాయస్థానాలంటే కనీసం మర్యాదలు పాటించని ప్రభుత్వమని తేలిపోయింది. ఇలాంటి ఎన్నికల కమీషన్ లో న్యాయం జరుగుతుందన్న నమ్మకం లేదు. ఎస్ఈసీ ఒక రబ్బరు స్టాంప్ మాత్రమే. స్వయం ప్రత్తిపత్తిగా వ్యవహరించే పరిస్థితి లేదని ఎన్నికలను బహిష్కరిస్తున్నారు. నామినేషన్ల సమయంలో మా నాయకులు ఎన్నో బాధలు పడ్డారు. నేడు ఫ్రీ అండ్ ఫేరింగ్ ఎన్నికలు జరుగుతాయని నమ్మకం లేదు. మా అభ్యర్ధులపై మళ్లీ తప్పుడు కేసులు పెట్టరని నమ్మకం లేదని కఠిన నిర్ణయం తీసుకున్నాం. హైకోర్టులో మేము కూడా పిటీషన్ వేశాం. దానిన కూడా రేపు విచారిస్తామని అంటున్నారు. అప్రజాస్వామిక చర్యలకు మేము భాగస్వాములు కాలేం. అందుకే ఎన్నికల బహిష్కరిస్తున్నాం." అని చంద్రబాబు అన్నారు.

అయితే చంద్రబాబు నిర్ణయం పై, విజయసాయి రెడ్డి వెటకారంగా ట్విట్టర్ లో స్పందించారు. అయితే విజయసాయి రెడ్డికి అదే రీతిలో బదులు ఇచ్చారు అచ్చెన్నాయుడు. బహిష్కరణల గురించి నువ్వా మాట్లాడేది, ఇది నీ చరిత్ర అంటూ, అచ్చెన్నాయుడు ట్వీట్ చేసారు. గత తొమ్మిది ఏళ్ళ నుంచి మీరు సిబిఐ విచారణ బాయికాట్ ఎందుకు చేస్తున్నారు అని ప్రశ్నించారు. మూడేళ్ళ పాటు అసెంబ్లీని బాయికాట్ చేసినప్పుడు, ఇవి గుర్తుకు రాలేదా అని ప్రశ్నించారు. 2013లో కాంగ్రెస్ పార్టీ అరాచకాలు చేస్తుంది అంటూ, అప్పట్లో సహకార ఎన్నికలు ఎందుకు బాయికాట్ చేసారని ప్రశ్నించారు. అలాగే 2013లో ఒకసారి, 2015లో ఒకసారి ఎమ్మెల్సీ ఎన్నికల్లో పోటీ లేకుండా అది కూడా బాయికాట్ చేస్తున్నట్టు ఎందుకు ప్రకటించారని అన్నారు. తెలంగాణాలో అసలు ఎన్నికల్లో పోటీనే చేయకుండా , బాయికాట్ చేసినప్పుడు, మీ వీరత్వం ఏమైందని ఎదురు ప్రశ్నించారు. రాజ్యాంగానికి వ్యతిరేకంగా, చట్టాలను గౌరవించకుండా, కోర్టులను పట్టించుకోకుండా, పోలీస్ వ్యవస్థతో మీరు చేస్తున్న అరాచకాలకు నిరసనగా, ఈ నిర్ణయం తీసుకున్నామని అన్నారు.

మాజీ మంత్రి వైఎస్ వివేక కుమార్తె, ఈ రోజు ఢిల్లీ ప్రెస్ క్లబ్ లో, ప్రెస్ నిర్వహించారు. విచారణ ఆలస్యం పై అసంతృప్తి వ్యక్తం చేసారు... వైఎస్ సునీత మాటల్లో, "వివేక గారు చనిపోయి రెండేళ్ళు అయ్యింది. ఇంకా ఎంత కాలం, నేను న్యాయం కోసం నిరీక్షించాలి ? ఇప్పటి వరకు ఎవరినీ పట్టుకోలేదు. పులివెందులలో, వైఎస్ ఫ్యామిలీ లాంటి పెద్ద ఫ్యామిలీ ఉండగా, మా ఇంట్లోనే, ఇలా ఎలా జరిగిందో అర్ధం కావటం లేదు. దర్యాప్తు జరుగుతుంది కానీ, రెండేళ్ళు అయినా ఇంకా కొలిక్కి రాకపోవటంతో, మాకు భయం పట్టుకుంది. ఇలా సాగుతూ పొతే, ఇంకా ఎంత మంది ఈ కేసుకు సంబంధించిన వారు చనిపొతారో అని భయం వేస్తుంది. తెలుగు రాష్ట్రాల్లో వివేక అంటే తెలియని వారు లేరు. ఆయన ఎంతో మందికి సహాయం చేసారు. ఇక్కడ మాట్లాడటానికి కూడా ఎవరూ ముందుకు రాని పరిస్థితిలో, సాక్ష్యం చెప్పటానికి ఎవరూ ముందుకు రావటం లేదు. జగన్ మోహన్ రెడ్డి ప్రభుత్వంలో జరిగిన విచారణలో కానీ, ఇప్పుడు సిబిఐ విచారణ కానీ, రెండేళ్ళు అయినా ఎందుకు లేట్ అవుతుందో అర్ధం కావటం లేదు. వివేక గారి కేసులో, సాక్ష్యాలు రకరకాల కారణాలతో చనిపోతున్నారు. ఇంకా ఎంత మంది చనిపోతారో అని భయం వేస్తుంది. ఈ కల్చర్ ఇలాగే కొనసాగితే, సమాజానికి మంచిది కాదు. నేను ఒక సీనియర్ అధికార్ని కలిస్తే, కడపలో ఇలాంటి ఘటనలు సహజం, అయ్యింది ఏదో అయిపొయింది, పిల్లలు ఉన్నారు, వారిని హాయిగా పెంచుకోండి, ఇది వారి పై ప్రభావం చూపిస్తుందని అన్నారు. "

"ఈ రెండేళ్ళలో, ఒక్కటంటే ఒక్క అరెస్ట్ కూడా, ఈ కేసు విషయంలో జరగలేదు. ప్రభుత్వ పెద్దలే దీనికి సమాధానం చెప్పాలి. మా నాన్నకు ఎవరితో గొడవలు లేవు, ఆర్ధిక లావాదేవీలు లేవు, ఇది కేవలం రాజకీయంగా జరిగిన ఘటనగానే మేము భావిస్తున్నాం. వివేక అనే ఆయన, ఇప్పుడున్న సియంకు చిన్నాన్న, మాజీ సియం సొంత సోదరుడు. ఆయనకే ఇప్పటి వరకు న్యాయం జరగకపోతే, ఇక సామాన్యుల పరిస్థితి ఏంటి ? రాష్ట్ర ప్రభుత్వం తొమ్మిది నెలలు విచారణ చేసి, ఏమి చేసింది ? ఆ రాష్ట్ర ప్రజలకు భాదత్ర ఉంటుందా ? నేను ఢిల్లీకి అనేక సార్లు వచ్చి, సిబిఐ అధికారులని కలుస్తూనే ఉన్నాయి. అయితే ఈ సారి కలుద్దాం అనుకున్నా, ఎవరూ అందుబాటులోకి రాలేదు. సిబిఐకి కేసు వెళ్ళినా, ఏమి జరగటం లేదు కాబట్టి, నేను మీడియా ముందుకు రావాల్సి వచ్చింది. ఈ ఒత్తిడితో అయినా, వారు వేగంగా ముందుకు వెళ్తారేమో అని ఆశిస్తున్నా. ఈ పోరాటంలో నాకు, అందరి సహకారం కావాలి. నాకు న్యాయం జరగాలి. మా నాన్నకు న్యాయం జరగాలి" అని సునీత అన్నారు.

జెడ్పీటీసి, ఎంపీటీసి ఎన్నికల పై చంద్రబాబు కీలక ప్రకటన చేసారు. "ఆ నాడు బ్రిటీష్ వారితో పోరాడి, ప్రజాస్వామ్యం కావలని, పోరాడి మన దేశానికి స్వాతంత్రం సాధించుకున్నాం. 75 ఏళ్ళు సంబరాలు జరుపుకుంటున్నాం. ప్రజాస్వామ్యంలో, ఫ్రీ అండ్ ఫెయిర్ ఎలక్షన్స్ అనేవి హక్కు. ఇది వరకు ప్రభుత్వాలు ఎన్నికలు జరిపేవి, తరువాత ఎన్నికల కమిషన్ పెట్టి స్వయం ప్రతిపత్తి ఇచ్చారు. ఒకప్పుడు సేహన్ లాంటి అధికారికి, అందరూ భయపడి, పని చేసే పరిస్థితి వచ్చింది. మన రాష్ట్రంలో స్థానిక సంస్థల ఎన్నికలు ఒక ఫార్స్ గా తయారు అయ్యారు. ముఖ్యమంత్రి ఒక వారంలో ఎన్నికలు పెట్టేయాలని చెప్తారు. మార్చి 29న, మంత్రులే ఎన్నికలు ఎప్పుడు జరుగుతాయో చెప్తారు. అప్పటికి ఇంకా కొత్త ఎలక్షన్ కమిషన్ రాలేదు. ముందే వీళ్ళు డిసైడ్ అయిపోతారు. కొత్త ఎన్నికల కమిషన్ రాగానే, పార్టీలను రమ్మని పిలిచారు. అయితే నిన్నే, ఎన్నికల తేదీలు ప్రకటించేశారు. అంటే, ఏంటి దీని అర్ధం ? నిర్ణయం తీసుకుని, మమ్మల్ని పిలవటం ఎందుకు ? గత ఎన్నికల కమీషనర్, గవర్నర్ కి, కేంద్రానికి లేఖ రాసి, జెడ్పీటీసి , ఎంపీటీసి ఎన్నికల్లో జరిగిన ఘటనలు, అసాధారణ ఏకగ్రీవాల పై ఫిర్యాదు చేసారు. దీని పై తేల్చండి, కొత్త నోటిఫికేషన్ ఇవ్వండి అని అడిగినా, అవేమి పట్టించుకోవటం లేదు. అడుగడుగునా పోటీ లేకుండా చేయటానికి, చేయని ప్రయత్నం లేదు. కేసులు పెడతాం అని బెదిరించటం, ఇంట్లో మద్యం సీసాలు పెడతాం అని చెప్పటం, అరెస్ట్ లు చేయటం, చివరకు ఓటర్లను కూడా, మీ పధకాలు కట్ చేస్తాం అని బెదిరించటం, రిగ్గింగ్ చేయటం, తరువాత ఎన్నికల ఫలితాలు సమయంలో కూడా, ఇవే దౌర్జన్యాలు చేసారు."

"ఇప్పుడున్న ఎలక్షన్ కమీషనర్, నిన్నటి దాక చీఫ్ సెక్రటరీ, ముఖ్యమంత్రికి ప్రాధాన సలహదారు, జగన్ చేస్తున్న పనులు అన్నిటికీ తల ఊపి రంగుల కేసులో, కోర్టు బోను ఎక్కారు. ఇలాంటి వ్యక్తి ఎన్నికల కమిషన్ ను ఎలా చేస్తారు ? మొన్న ఏమో ఆర్డినెన్స్ తెచ్చి, హైకోర్టు జడ్జినే రాష్ట్ర ఎన్నికల కమిషన్ గా పెడతాం అని చెప్పారు. ఇప్పుడు ఎందుకు పెట్టలేదు ? నీలం సాహనీ జడ్జి గా పని చేసారా ? సుప్రీం కోర్టు కూడా, మళ్ళీ నోటిఫికేషన్ ఇచ్చే సమయంలో, నాలుగు వారల ముందు నోటిఫికేషన్ ఇవ్వాలని చెప్పారు. కోర్టు తిడితే తిడుతుందిలే అని, నిన్న నోటిఫికేషన్ ఇచ్చి, ఎనిమిదిన ఎలక్షన్ అంటారా ? అన్ని రాజకీయ పార్టీలు, మీ నిర్ణయాన్ని వ్యతిరేకిస్తున్నారు కదా ? దొంగ, పోలీస్ కలిస్తే ఏమి అవుతుందో, అదే ఇక్కడ జరిగింది. ఎప్పుడో 13 నెలల క్రిందట ఇచ్చిన నోటిఫికేషన్ కాదు, ఇప్పుడు ఫ్రెష్ నోటిఫికేషన్ ఇవ్వండి అని కోరాం,మరో పక్క కేసు కోర్టులో పెండింగ్ లో ఉంది, మరో పక్క సుప్రీం కోర్టు గైడ్ లైన్స్ ఫాలో అవ్వటం లేదు. ఇంత కంగారుగా, ఈ నిర్ణయం తీసుకోవటం వెనుక, ఉద్దేశం ఏమిటి ? "

"మీరు అనుకున్న వారిని డిక్లేర్ చేసుకోవటానికి, అన్ని ఏర్పాట్లు చేసుకున్నారు కదా ? ఈ ప్రభుత్వం ఎంత వరకు వెళ్ళింది అంటే, సర్పంచ్ కు చెక్ పవర్ కూడా రద్దు చేసే విధంగా నిర్ణయం తీసుకుని, ఇప్పుడు వీఆర్ఏలకు చెక్ పవర్ ఇచ్చారు. వీళ్ళకు ఏ మాత్రం కూడా ప్రజాస్వామ్యం పై నమ్మకం లేదు. అంబేద్కర్ రాజ్యాంగం పై వీరికి నమ్మకం లేదు. చట్టం, న్యాయం పై వీరితో పనిలేదు. ఈ బరి తెగించిన ప్రభుత్వ వైఖరికి నిరసనగా కఠిన నిర్ణయాలు తీసుకోక తప్పట్లేదు. ఇలాంటి ప్రభుత్వంలో, ఇలాంటి ఎన్నికల కమిషన్ ఆధ్వర్యంలో ఎన్నికలు సజావుగా జరుగుతుందని మాకు నమ్మకం లేదు. అందుకే ఈ ఎన్నికలను బహిష్కరించాలని నిర్ణయం తీసుకున్నాం. ఎంతో బాధతో ఈ నిర్ణయం తీసుకున్నాం. ఎందుకంటే మా కార్యకర్తలను వీళ్ళు వేధించిన తీరుకి నిరసనగా, బాధతో ఈ నిర్ణయం తీసుకున్నాం. మా కార్యకర్తల్లో బాధ ఉంది, కానీ తప్పదు. ప్రజలు కూడా, ఈ విషయం అర్ధం చేసుకోవాలి. రాజకీయాల్లో టిడిపికి పోరాడటం కొత్త కాదు. ఇలాంటి రౌడీలతో పోరాడటం కొత్త, పోలీసులతో పోరాడి ఎన్నికలకు వెళ్ళటం కొత్త. ఏది ఏమైనా ప్రజా సమస్యల పైన మాత్రం, ప్రజలతరుపున పోరాడుతూనే ఉంటాం."