news

మన దేశంలో జమిలీ ఎన్నికలు జరపటానికి, కేంద్రంలో ఉన్న బీజేపీ సమాయత్తం అవుతున్న సంగతి తెలిసిందే. ఇప్పటికే దీని పై ఒక అంచనాకు వచ్చిన బీజేపీ, ఒక్కో అద్దంగి తొలగించుకుంటూ వెళ్తుంది. నిజానికి క-రో-నా రాకపోయి ఉంటే, ఈ పాటికే జమిలి ఎన్నికల వాతవరణం వచ్చేసేది. ముందుగా బీజేపీ అనుకున్న దాని ప్రకారం, 2022లో జమిలి ఎన్నికలకు వెళ్ళాలని, దాని కోసం కొన్ని రాష్ట్రాల ఎన్నికలు ముందుకు జరపాలని, కొన్ని రాష్ట్రాల ఎన్నికలు అప్పటి వరకు పొడిగించాలని అనుకున్నారు. అయితే, క-రో-నా రావటంతో, మొత్తం రివర్స్ అయ్యింది. అయినా బీజేపీ ఈ విషయంలో హడావిడి పడటం లేదు. ఒక ప్లాన్ ప్రకారం, ఒక్కో అడుగు వేసుకుంటూ వెళ్తుంది. రాజ్యంగ ప్రక్రియలో, చేయాల్సిన అన్నీ, ఒక్కోటి చేసుకుంటూ ముందుకు వెళ్తుంది బీజేపీ. ఇందులో భాగంగా, ఇప్పటికే లా కమిషన్ నుంచి అభిప్రాయలు తీసుకున్నారు. లా కమిషన్ ఇప్పటికే జమిలికి సై అని చెప్పింది. ఈ లా కమిషన్, అన్ని పార్టీల అభిప్రాయం కూడా తీసుకుంది. మెజారిటీ పార్టీలు జమిలి ఎన్నికలకు ఒకే చెప్పేసారు కూడా. ఇది ఇలా ఉంటే, ఇప్పుడు మరో కీలకమైన కమిటీ కూడా జమిలి ఎన్నికల పై తన రిపోర్ట్ ఇచ్చింది. వారం రోజుల క్రితం, పార్లమెంటరీ స్థాయీ సంఘం కూడా జమిలి ఎన్నికల పై తన అభిప్రాయం చెప్పింది.

జమిలి ఎన్నికలకు ఈ కమిటీ గ్రీన్ సిగ్నల్ ఇచ్చింది. తన రిపోర్ట్ లో, అనేక అంశాలు ప్రస్తావించింది. జమిలి ఎన్నికలు మన దేశానికి కొత్త కాదని, స్వాతంత్ర్యం వచ్చిన కొత్తలో, మూడు సార్లు జమిలి పద్ధతిలోనే ఎన్నికలు జరిగిన విషయాన్ని చెప్పారు. దీంతో జమిలి ఎన్నికలకు కావలసిన అన్ని రాజ్యంగ ప్రక్రియలను, కేంద్రం ఒక్కోటి ఆమోదించుకుంటూ వెళ్తుంది. ఇప్పటికే ప్రధాని మోడి కూడా, ఈ విషయం పై తన అభిప్రయాన్ని కుండ బద్దలు కొట్టేసారు. ప్రతి సారి ఎన్నికలు జరుగుతూ ఉండటం వల్ల, ఖజానాకు భారమే కాకుండా, అభివృద్ధి కార్యక్రమాలకు ఆటంకం అని అన్నారు. అందుకే జమిలి ఎన్నికల పై చర్చ జారగాలని అన్నారు. వన్ నేషన్ - వన్ ఎలక్షన్ అనే నినాదాన్ని ప్రజల్లోకి కూడా తీసుకుని వెళ్లారు. ఇక ఎన్నికల కమిషన్ కూడా, ఇదే ప్రక్రియలో భాగంగా తన వంతు కూడా సైలెంట్ గా చేసుకుంటూ వెళ్తుంది. ఒక్కో ఎన్నికకు ఒక్కో ఎన్నికల జాబితా కాకుండా, మొత్తం అన్ని రకాల ఎన్నికలకు ఒకే వోటింగ్ లిస్టు ఉండేలా ప్రణాళికలు సిద్ధం చేస్తుంది. ఈ హడావిడి అంతా చూస్తుంటే, 2023లో జమిలి ఎన్నికలు ఉండే అవకాసం ఉందని, పలువురు అభిప్రాయ పడుతున్నారు.

పవన్ కళ్యాణ్, బీజేపీ మధ్య పొత్తు ఉందో, లేదో కూడా తెలియని పరిస్థితి తెలుగు రాష్ట్రాల్లో ఉంది. ఏడాదిన్నర క్రితం, రెండు పార్టీలు పొత్తులోకి వచ్చాయి. అప్పటి నుంచి ఏ పార్టీకి, ఆ పార్టీ నిరసనలు చేస్తూ వస్తుందని కానీ, ఇద్దరూ కలిసి చేసిన నిరసన ఒకటి అరా మాత్రమే ఉన్నాయి. ఇక తెలంగాణాలో అయితే, పవన్ కళ్యాణ్ ని, అక్కడ బీజేపీ నేతలు హేళన చేయటంతో, హార్ట్ అయిన పవన్ కళ్యాణ్, బహిరంగంగానే, టీఆర్ఎస్ కు మొన్న ఎమ్మెల్సీ ఎన్నికల్లో మద్దతు పలికారు. ఇక ఆంధ్రప్రదేశ్ లో కూడా తిరుపతి ఎంపీ సీటు అడిగినా బీజేపీ ఇవ్వలేదు. అక్కడ తమకు బలం ఉందని, ప్రజారాజ్యం సమయంలో అక్కడ సీటు గెలిచాం అని చెప్పినా, సీటు జనసేనకు ఇవ్వలేదు. పవన్ కళ్యాణ్ కూడా, ఇక్కడ సీరియస్ గా బీజేపీ ప్రచారం చేస్తేనే మద్దతు పలుకుతాం అని బహిరంగంగా చెప్పారు. ఈ నేపధ్యంలోనే, బీజేపీ అభ్యర్ధిని ప్రకటించటంతో, ఇప్పుడు పవన్ కళ్యాణ్ ని మంచి చేసుకునే పనిలో పడింది బీజేపీ. అక్కడ బలిజ ఓటింగ్ ఎక్కువ, దీంతో పవన్ అవసరం బీజేపీకి ఎక్కువగా ఉంది. అయితే నిన్న సోము వీర్రాజు, పవన్ పై చేసిన వ్యాఖ్యలు చూస్తుంటే, పవన్ ని ఎలా బుట్టలో వేస్తున్నారో అర్ధం అవుతుంది. పవన్ కళ్యాణ్ ని ఏపికి అధిపతని చేస్తామని చెప్పారు. మోడీకి పవన్ అంటే ఎంతో ఇస్తామని, పవన్ ని జాగ్రత్తగా చూసుకోమని తనకు చెప్పారని సోము వీర్రాజు చెప్పారు.

అయితే ఇది అంతా బాగానే ఉంది కానీ, మరి సోము వీర్రాజుకి జాగ్రత్తగా చూసుకోమని చెప్పిన మోడీ, బండి సంజయ్ కు ఈ విషయం చెప్పలేదా అనే ప్రశ్నలు వస్తున్నాయి. ఇక బీజేపీ తిరుపతిలో ఆడుతున్న డ్రామా పై, టిడిపి స్పందించింది. ఆంధ్రప్రదేశ్ రాష్ట్రంలో బీజేపీ ట్రయాంగిల్ లవ్ స్టోరీ నడుపుతోంది అంటూ, విమర్శలు చేసారు టిడిపి మాజీ మంత్రి జవహర్. జాతీయ పార్టీ అయిన బీజేపీకి, ఒక్కో రాష్ట్రంలో ఒక్కో విధానం ఉందని, తెలంగాణాలో పవన్ పై లేని అభిమానం, తిరుపతిలో ఎందుకు వచ్చింది అంటూ సోము వీర్రాజు కి కౌంటర్ ఇచ్చారు జవహర్. పవన్ కళ్యాణ్ ని అసలు పోటీలోనే లేకుండా చేస్తే, ఆయన అధిపతి ఎలా అవుతారని ప్రశ్నించారు. మరో పక్క జగన్ తో డ్రామాలు ఆడుతున్నారని అన్నారు. ఏ ఫైల్ పంపినా, అరగంటలోనే ఆ ఫైల్ పై గవర్నర్ సంతకం పెట్టి పంపిస్తున్నారని, జగన్ కు గవర్నర్ ద్వారా బీజేపీ రిటర్న్ గిఫ్ట్ ఇస్తుందని అంటూ విమర్శించారు. లోపల జగన్ పై విపరీతమైన అభిమానం ఉందని, బయటకు మాత్రం నటిస్తున్నారని, ఈ ట్రయాంగిల్ లవ్ స్టోరీకి తిరపతి ప్రజలు, ఫూల్ స్టాప్ పెట్టాలని అన్నారు. 

వైఎస్ఆర్ కాంగ్రెస్ పార్టీ అధికారంలోకి వచ్చిన తరువాత, వాలంటీర్ అనే వ్యవస్థను తీసుకుని వచ్చిన సంగతి తెలిసిందే. 90 శాతం పైగా వాలంటీర్లను, తమ పార్టీ వాళ్ళనే పెట్టాను అంటూ, విజయసాయి రెడ్డి బహిరంగంగానే చెప్పారు. ఆ వీడియో కూడా వైరల్ అయిన విషయం తెలిసిందే. అయితే వాలంటీర్లు, ఒకటో తారీఖు పెన్షన్ ఇవ్వాటం మినహా, ప్రజలకు పెద్దగా ఉపయోగం పడటం లేదు. ఇలాంటి వారి పై నెలకు వందల కోట్లు, ఏడాదికి వేల కోట్లు ఖర్చు ప్రభుత్వం ఎందుకు పెడుతుందా అని అనుకున్న వారికి, మొన్న స్థానిక సంస్థల ఎన్నికల్లో క్లారిటీ వచ్చింది. మొన్న ఎన్నికల్లో వైసీపీ కార్యకర్తలు, నాయకులు ఏ మేరకు పని చేసారో కానీ, వాలంటీర్లు మాత్రం, చక్కగా పని చేసారనే ఆరోపణలు ఉన్నాయి. ప్రతి 50 ఇళ్ళకు ఒక వాలంటీర్ ఉండటంతో, వారిని ఎన్నికల్లో అధికార పార్టీ వాదేసింది. ముఖ్యంగా మాటు ఓటు వేయకపోతే, మీ పధకాలు కట్ చేస్తాం, మీ పెన్షన్ తీసేస్తాం అని బెదిరించారు. దీంతో ప్రజలు కూడా, ఇంకా మూడేళ్ళు పైగా భరించాలి, వీళ్ళతో ఎందుకు అనుకున్నారో ఏమో, చాలా మంది వైసీపీకి ఓటు వేసారు. దీంతో ఈ వాలంటీర్ వ్యవస్థ దెబ్బ ఏంటో తెలుగుదేశం పార్టీకి తెలిసి వచ్చింది. ఇప్పటికే దీనికి విరుగుడుగా ఏమి చేయాలో అనే ఆలోచనలో ఉన్న తెలుగుదేశం పార్టీ, అనేక ఆలోచనలు ఆలోచిస్తుంది.

అయితే ఇప్పుడు తిరుపతి ఉప ఎన్నిక జరుగుతూ ఉండటంతో, ముందుగా అక్కడ ఒక వినూత్న ఆలోచనతో ముందుకు వెళ్తుంది. ఏదైనా ప్రజల సహకారం లేనిదే, ఏమి చేయలేరు కాబట్టి, ప్రజలను భాగస్వామ్యులను చేస్తూ, ఇలా బెదిరిస్తున్న వాలంటీర్ల పని పట్టాలని డిసైడ్ అయ్యింది. ఈ రోజు తెలుగుదేశం పార్టీ వ్యవస్థాపక దినోత్సవం జరిగింది. తిరుపతిలో టిడిపి రాష్ట్ర అధ్యక్షులు అచ్చెన్నాయుడు, పాల్గున్నారు. ఈ సందర్భంగా ఆయన మాట్లాడుతూ, మాకు ఓటు వేయకపోతే, మీ పధకాలు కట్ చేస్తాం అంటూ వాలంటీర్లు బెదిరిస్తే, దాన్ని వెంటనే బహిర్గతం చేయాలని అన్నారు. ఇలా వాలంటీర్లు బెదిరిస్తే, దాన్ని వీడియో తీసి, 7557557744 అనే నంబర్ కు వాట్స్ అప్ చేయాలని, వీళ్ళ దురాగతాలను, ఆధారాలతో పట్టిస్తే, వారికి 10 వేల రూపాయాలు ఇస్తామని అన్నారు. తిరుపతి పార్లమెంట్ నియోజకవర్గ పరిధిలోని అన్ని నియోజకవర్గాల్లో ఇది వర్తిస్తుందని, ఈ విషయం అందరికీ తెలియ చేయాలని అన్నారు. పధకాలు అనేవి మీ హక్కు అని, ఎవరూ ఏమి చేయ లేరని అన్నారు. మరి టిడిపి చెప్తున్న ఈ ఐడియా ఎలా వర్క్ అవుతుందో చూడాలి.