news

ఆంధ్రప్రదేశ్ర్ రాష్ట్రంలో పేకాట శిబిరాలు విచ్చలవిడిగా పెరిగిపోయాయనే సంగతి అందరికీ తెలిసిందే. అయుదు నెలల క్రిందట కర్నూల్ లో ఏకంగా మంత్రి జయరాం సొంత గ్రామంలో, మంత్రి బంధువులే దొరికారు. ఇకా ఆ తరువాత, ఎమ్మెల్యే ఉండవల్లి శ్రీదేవి పేకాట శిబిరాల పై చేసిన ఆడియో వైరల్ అయ్యింది. అయితే ఆమె తరువాత దాన్ని ఖండించారు అనుకోండి. ఇక గుడివాడలో మంత్రి కొడాలి నాని పై ఎప్పటి నుంచో ఆరోపణలు ఉన్నాయి. తెలుగుదేశం పార్టీ మొదటి నుంచి ఈ విషయం చెప్తూ వస్తుంది. అయితే మొన్న పవన్ కళ్యాణ్ వెళ్లి బహిరంగంగా చెప్పటంతో, ఈ విషయం హైలైట్ అయ్యింది. రాష్ట్రం మొత్తం మీద గుడివాడలోనే పెద్ద పెద్ద శిబిరాలు ఉంటాయనే విషయం ఓపెన్ సీక్రెట్. పోలీసులు అడపా తడపా దాడులు చేస్తున్నా, ఈ పెద్ద పెద్ద చేపల వైపు ఎప్పుడూ రాలేదని చెప్పాలి. అయితే ఎందుకో కానీ, ఉన్నట్టు ఉండి నిన్న నందివాడలో రైడ్ జరిగింది. పెద్ద పెద్ద తలకాయలు దొరికారు. అయితే ఇక్కడ విశేషం ఏమిటి అంటే, గుడివాడ పోలీసులకు సమాచారం లేకుండా, స్పెషల్ ఎన్ఫోర్స్మెంట్ బ్యూరో పక్కాగా స్కెచ్ వేసి, ఎవరూ తప్పించుకోకుండా వారిని పట్టుకోవటం. మంత్రి అనుచరులకు ఎలాంటి లీక్ లేకుండా ఈ రైడ్ చేసారని ప్రచారం జరుగుతుంది. ఇంత పక్కాగా ఎవరు చేపించారు అనేది ఇప్పుడు ప్రశ్న.

ఇక రైడ్ జరిగిన తరువాత కూడా, సమాచారం బయటకు పొక్కకుండా ఎంత ట్రై చేసినా, బయటకు లీక్ అయ్యింది. ముఖ్యమైన అనుచరులను వదిలేయాలని లాబీయింగ్ చేసినా వర్క్ అవ్వలేదని అంటున్నారు. అయితే ఈ రోజు మంత్రి కొడాలి నాని, జగన్ ని కలిసారు. కలిసిన తరువాత ఆయన మీడియాతో మాట్లాడిన మాటలు కూడా వింతగా ఉన్నాయి. నా అనుచరులు ఉంటే ఏమవుతుంది, ఫైన్ కడతారు, బయటకు వస్తారు,మళ్ళీ ఆడతారు అంటూ మాట్లాడారు. అంటే, జగన్ మోహన్ రెడ్డి దగ్గర భరోసా దొరకేలదని అర్ధం అవుతుంది. దీంతో ఇంత పక్కాగా దాడులు చేయటం వెనుక ఏదో పెద్ద స్కెచ్ ఉందనే ప్రచారం జరుగుతంది. ఇన్నాళ్ళు అందరికీ తెలిసినా, ఎప్పుడూ అటు వైపు వెళ్ళిన పోలీసులు, ఇప్పుడే ఎందుకు వెళ్ళారు అనే ప్రశ్నలు వస్తున్నాయి. ఇది ఇలా ఉంటే తెలుగుదేశం పార్టీ మాత్రం, వాటాల్లో తేడా వచ్చి, రైడ్ చేపించారని, అ కమిషన్ ల తేడా పైనే ఈ రోజు జగన్ ని కలిసి, ఇష్యూ సెటిల్ చేసుకున్నారని ఆరోపణలు గుప్పిస్తున్నారు. ఏది ఏమైనా, ఈ పేకాట శిబిరాలు ఇప్పటికైనా ఫుల్ స్టాప్ పడితే చాలని ప్రజలు అనుకుంటున్నారు.

ఆంధ్రప్రదేశ్ హైకోర్టు చీఫ్ జస్టిస్ జస్టిస్ మహేశ్వరీ, ఈ రోజు బదిలీ పై సిక్కిం వెళ్తున్నారు. ఈ సందర్భంగా ఆయనకు హైకోర్టులో వీడ్కోల సభ ఏర్పాటు చేసారు. ఈ సందర్భంగా జస్టిస్ మహేశ్వరి స్పందిస్తూ భావోద్వేగానికి లోనయ్యారు. ఆయన మాటల్లో "నేను చాలా చిన్న కుటుంబంలో పుట్టాను. గ్రామీణ ప్రాంతం నుంచి వచ్చాను. ఎంతో కష్టపడి ఈ స్థానానికి వచ్చాను. తాన పై ఎంతో మంచి అభిప్రాయం వ్యక్తం చేసారని, నేను ఈ సన్మానానికి అర్హుడినో కాదో కానీ, నేను కొన్ని చెప్పాలని అనుకుంటున్నాను. ఇక్కడకు వచ్చిన తరువాత, ఎంతో మంది సహచరులతో కలిసి, ఎన్నో ఉత్తమ నిర్ణయాలు తీసుకున్నాం. అందరి అభిప్రాయాలతో ముందుకు వెళ్ళాం. ఆ ఫలితాలే, మన పై వస్తున్న ప్రశంసలు. ఇక్కడ అందరూ నాకు బలం. నేను అనుకున్నదాని కంటే, ఎక్కువగా పని చేసారు. నాతో పాటు పని చేసిన అందిరకీ కృతఙ్ఞతలు. నేను ఎప్పుడైనా కోప్పడినా, ఏమి పట్టించుకోకుండా పని చేసే వారు. ఉదయం నుంచి రాత్రి దాకా నాతో కలిసి కష్టపడ్డారు. ఒక్కోసారి 10 గంటల దాకా పని చేసాం. నేను ఒక్కడినే పని చేస్తే ఏమి అవ్వదు. అందరూ కలిసి చేస్తేనే ఆ పని అవుతుంది. నాలాంటి జడ్జీలు ఎంతో మంది వస్తూ పోతూ ఉంటారు, కానీ వాళ్ళు చేసే పనులు మాత్రం చిరస్థాయిగా నిలిచి పోతాయి. ఈ వ్యవస్థ కోసం పని చేసే మనస్తత్వం ఉంటే, ప్రతి ఒక్కరి పనికి గుర్తింపు ఉంటుంది, ఈ వ్యవస్థకు మరింత గౌరవం పెరుగుతుంది. అయితే ఈ సందర్భంలో హైకోర్టు రిజిస్టార్ రాజశేఖర్ గారిని మాత్రం మర్చిపోలేను.

"ఆయన ఎంతో కష్టపడి పని చేసేవారు. నేను ఒకటి అయితే చెప్పగలను, ఆయన ఏదైనా చెప్పారు అంటే, అది కరెక్ట్ అయి తీరుతుంది. రిజిస్టార్ జనరల్ ఎలా ఉండాలో ఆయన ఒక ఉదాహరణ. ఆయన క-రో-నాతో మృతి చెందటం బాధకారం. ఈ సందర్భంగా అయన సేవలు గుర్తు చేసుకోవాలి. కొత్త రాష్ట్రం కావటంతో, ఎన్నో సెట్ చేసుకోవాలి. ఒక్కొక్కటి అధిగమిస్తూ వచ్చాం, కొన్ని ఇంకా జరుగుతున్నాయి. కొన్ని ఇబ్బందులు ఉన్నా, అవి పట్టించుకో దలుచుకోలేదు. అందరం కలిసి ముందుకు వెళ్లాం. నిష్క్రమణ ఎప్పుడూ కష్టంగానే ఉంటుంది. నేను ఈ ప్రాంతం విడిచి వెళ్తున్నాను. ఇక్కడ నా పై చూపించిన ప్రేమ, నాకు ఇక్కడ అందరి నుంచి లభించిన సహకారం, నేను ఎప్పటికీ గుర్తు పెట్టుకుంటాను. నా గుండెల్లో దాచుకుంటాను. నా వల్ల ఎవరికైనా ఇబ్బంది కలిగించి ఉంటే, నన్ను క్షమించండి. నా తోటి జడ్జిలకు బెస్ట్ అఫ్ లక్." అంటూ తన ప్రసంగం ముగించారు. ఇక అమరావతిలో రైతులు, మహిళలు పెద్ద ఎత్తున వీడ్కోలు పలకటం కోసం వచ్చారు. రోడ్డుకు ఇరు వైపులా నుంచున్నారు. దారి పొడుగూతూ పూలు చల్లారు. జాతీయ జెండాలు పట్టుకుని, ఆయనకు ఘనమైన వీడ్కోలు పలకటానికి సిద్ధం అయ్యారు. ఈ రాష్ట్రంలో న్యాయం ఇంకా బ్రతికే ఉందని చాటి చెప్పిన మహేశ్వరి గారికి, ఘనమైన వీడ్కోలు పలకటానికి వచ్చాం అని చెప్పారు.

ఆంధ్రప్రదేశ్ రాష్ట్రంలో వరుస పెట్టి దేవాలయాల పై జరుగుతున్న ఘటనలు అందరినీ కలవర పెడుతున్నాయి. అంతర్వేది ఘటన తరువాత, కొంచెం కుదుటు పడినట్టు అనిపించినా, రామతీర్ధంతో అది మరోసారి పరాకాష్టకు చేరింది. దాదాపుగా 140కు పైగా ఘటనలు జరిగాయి. ఇందులో అంతర్వేది, బిట్రగుంట, కనకదదుర్గమ్మ గుడి, రామతీర్ధం లాంటి పెద్ద పెద్ద ఆలయాలు ఉండటం, ఇవన్నీ ప్రభుత్వం ఆధీనంలో ఉండటం తెలిసిందే. అయితే ఏవో చిన్న చిన్న ఘటనలకు తప్పితే, ఇప్పటి వరకు దోషులను పట్టుకుంది లేదు. అయితే ఈ ఘటనలు ఎవరు ఎందుకు చేస్తున్నారో ఎవరికీ క్లారిటీ లేదు. ఈ కుట్ర చూస్తుంటే, మత చిచ్చు కోసం అని అర్ధం అవుతుంది. అయితే ఇన్నాళ్ళు అయినా, ప్రభుత్వం ఎవరినీ పట్టుకోలేక పోవటం హైలైట్. ఇంత పెద్ద యంత్రాంగం ఏమి చేస్తుందో ఎవరికీ అర్ధం కావటం లేదు. అయితే జరుగుతున్న ఘటనల పై ముఖ్యమంత్రి హోదాలో జగన్ చేసిన వ్యాఖ్యలు, అందరినీ షాక్ అయ్యేలా చేసాయి. ఎవరో చిన్న నాయకులో, ఎదో ఎమ్మెల్యే, ఎంపీలు చేసారు అంటే ఎవరూ పట్టించుకోరు కానీ, ముఖ్యమంత్రి హోదాలో ఉంటూ, ఈ దాడులు ఆన్నీ చేస్తుంది తెలుగుదేశం పార్టీ అని జగన్ మోహన్ రెడ్డి తేల్చేసారు. మరి పోలీసులు ఎందుకు పట్టుకోవటం లేదు ? ఎందుకు తెలుగుదేశం నేతలను లోపల వేయటం లేదు ?

అయితే జగన్ చెప్పిన కారణం వింటే, మరింతగా అవాక్కవ్వాల్సిందే. ఒక తొమ్మిది సంఘటనలు చెప్తూ, ప్రభుత్వం ఏదైనా కార్యక్రమం మొదలు పెట్టిన ప్రతి సారి, ఈ ఘటనలు జరిగాయి అంటూ తొమ్మిది ఉదాహరణలు చెప్పారు. మా ప్రభుత్వానికి పబ్లిసిటీ రాకూడదు అనే ఉద్దేశంతోనే, తెలుగుదేశం పార్టీ ఇలా చేస్తుందని తేల్చేసారు. అయితే ఈ లాజిక్ లేని మాటలు ఏమిటో ఎవరికీ అర్ధం కాలేదు. పబ్లిసిటీ రాకుండా చేయటానికి, ఎక్కడో మారు మూల దేవాలయంలో విగ్రహం పగలుకొడతారా ? సరే ఈ తొమ్మిది ఘటనలు చెప్పారు, మరి మిగతా 130 సంఘటనలు ? రాష్ట్రంలో జరుగుతున్న అన్యమత ప్రచారం కూడా చంద్రబాబు చేస్తున్నారా ? ఇలా అనేక ప్రశ్నలు వస్తాయి. ఒక ముఖ్యమంత్రి హోదాలో ఉండి, ఇంత బాధ్యత లేకుండా, జరిగిన ఘటనలు మొత్తం తెలుగుదేశం బాధ్యత అని చెప్తే, పోలీసులు చేస్తున్న విచారణ పై, జగన్ మాటలు ప్రభావితం చూపవా ? సోషల్ మీడియాలో, వాట్స్ అప్ లలో, ఎవరో గలికి రాసుకునే మాటలు, ఒక ముఖ్యమంత్రి నోటి వెంట రావటం ఏమిటి ? అదీ ఇంత ముఖ్యమైన అంశం పై రావటం ఏమిటి ? జగన్ మోహన్ రెడ్డి చేసిన వ్యాఖ్యలు పోలీస్ విచారణను తప్పుదోవ పట్టించేలా ఉన్నాయని, తెలుగుదేశం పార్టీ నేతలు కూడా ఆరోపిస్తున్నారు. ముఖ్యమంత్రి దగ్గర ఇంత స్పష్టమైన ఆధారాలు ఉంటే, పోలీసులు ఏమి చేస్తున్నారని ప్రశ్నిస్తున్నారు.