news

అమరావతి రైతులు, మహిళలు ఈ రోజు జనసేన అధినేత పవన్ కళ్యాణ్ ని మంగళగిరిలో కలిసారు. ఈ రోజు జనసేన పార్టీ సమావేశాల కోసం పవన్ కళ్యాణ్ హైదరబాద్ నుంచి మంగళగిరి వచ్చారు. ఈ సందర్భంగా పవన్ కళ్యాణ్ ను అమరావతి రైతులు, మహిళలు కలిసారు. ఇటీవల కాలంలో తమ పై ప్రభుత్వం చేస్తున్న వేధింపులు, 300 రోజులకు పైగా చేస్తున్న పోరాటం పై, పవన్ కు వివరించారు. తమ బాధలు చెప్పుకున్నారు. పవన్ కళ్యాణ్ ని ముందుండి ఉద్యమం నడిపించాలని కోరారు. వారి బాధలు అన్నీ విన్న పవన్ కళ్యాణ్ , అమరావతి రైతులు, మహిళలను ఉద్దేశించి మాట్లాడారు. 2014లో అమరావతిని రాజధానిగా ఒప్పుకున్నప్పుడు, జగన్ రెడ్డికి కనిపించని ఆ ఒక్క కులం, ఇప్పుడెందుకు కనిపిస్తుంది అంటూ ప్రశ్నించారు. తాము మొదటి నుంచి అమరావతి ఒక్కటే రాజధానిగా ఉండాలనే స్టాండ్ తో ఉన్నామని, దీని వల్ల వేరే ప్రాంతంలో ఇబ్బందులు వచ్చినా, వారికి చెప్పుకుంటామని అన్నారు. ఇక్కడ మహిళలు ఇబ్బందులు పడుతుంటే, వేరే ప్రాంతంలో మహిళలు సంతోషించరని, వారు కూడా మీకు మద్దతు తెలుపుతారని పవన్ కళ్యాణ్ అన్నారు. తనని ఉద్యమం ముందుండి నడిపించాలని కోరుతున్నారని, ఇప్పుడున్న పరిస్థితిలో, ఈ క-రో-నా తగ్గేదాకా కొన్ని పరిమితులు ఉంటాయని, అయితే జేఏసి ఏ పిలుపు ఇచ్చినా, తాము ఆ ఉద్యమంలో పాల్గుంటామని అన్నారు. అయితే ఈ సందర్భంలో ఒక ఆసక్తికర ఘటన చోటు చేసుకుంది. పవన్ కళ్యాణ్ మొదటి నుంచి అమరావతి అంటుంటే, బీజేపీ మాత్రం, ఎవరు ఇష్టం ఇవచ్చినట్టు వాళ్ళు మాట్లాడుతున్నారు.

బయటకు అమరావతి అంటున్న, వైసీపీకి దగ్గరగా సోము వీర్రాజు అండ్ కో మాటలు ఉంటున్నయనే అభిప్రాయం మధ్య, కొంత మంది రైతులు, బీజేపీని అమరావతి విషయంలో గట్టిగా నిర్ణయం తీసుకునేలా చూడాలని పవన్ కళ్యాణ్ ని కోరారు. దీనికి పవన్ కళ్యాణ్ స్పందిస్తూ, తాము బీజేపీతో పొత్తు పెట్టుకోక ముందు నుంచే, బీజేపీ ఒక్క రాజధాని అమరావతికి కట్టుబడి తీర్మానం చేసిందని, కానీ కేంద్రానికి కొన్ని పరిమితులు ఉంటాయని అన్నారు. బీజేపీ, జనసేన వేరు వేరుగా లేమని, వారికి కూడా అమరావతి రాజధానిగా ఉండాలని ఉందని, కాకపోతే బీజేపీ నేతలు మాట్లాడే మాటలు మీకు కొంచెం గందరగోళానికి గురి చేసే విధంగా ఉన్నాయేమో కానీ, బీజేపీ నాయకత్వం మాత్రం సంపూర్ణంగా అమరావతిని రాజధానిగా ఉండాలని కోరుకుంటుందని అన్నారు. గతంలో కూడా అమరావతి రాజధాని అనే విషయంలో కేంద్రం జోక్యం చేసుకోలేదని, ఇప్పుడు కూడా జోక్యం చేసుకునే అవకాసం లేదని, మన దేశంలో ఉన్న ఫెడరల్ వ్యవస్థలో కొన్ని పరిమితాలు ఉంటాయని అన్నారు. అయితే బీజేపీ నాయకత్వం మాత్రం, అమరావతే రాజధాని మా విధానం అదే అని మాకు చెప్పారు కాబట్టి, ఇంత బలంగా చెప్తున్నానని, కానీ కొంత మాటలు చెప్పే విధానం మనకు రుచించక పోవచ్చని, లేదా వారి మాటలు నమ్మసక్యంగా లేకపోవచ్చు కానీ, మేము మాత్రం అమరావతి తరుపున బలంగా నిలబడతాం అని పవన్ కళ్యాణ్ అన్నారు.

ఆంధ్రప్రదేశ్ లో పంచాయతీ ఎన్నికలు ఎప్పుడు జరుగుతాయి అనే దాని పై క్లారిటీ వచ్చింది. ఆంధ్రప్రదేశ్ లో పంచాయతీ ఎన్నికలు ఫిబ్రవరిలో నిర్వహించాలని రాష్ట్ర ఎన్నికల కమిషన్ నిర్ణయం తీసుకుంది. ఈ మేరకు రాష్ట్ర ఎన్నికల కమిషన్ ఒక ప్రకటన కూడా విడుదల చేసారు. అయితే ఈ ఎన్నికలకు సంబంధించి, ఇందులో చాలా కీలక అంశాలు పేర్కొన్నారు. ముఖ్యంగా రాష్ట్రంలో ఎన్నికలు వాయిదా పడిన నేపధ్యంతో పాటు, అలాగే ఇతర రాష్ట్రాల్లో, అంటే హైదరాబాద్ లో ఎన్నికలు వంటివి ప్రస్తావించారు. అదే విధంగా రాజస్తాన్ లో స్థానిక సంస్థలు ఎన్నికలు నిర్వహించాలని అక్కడ ఎన్నికల కమిషన్ నిర్ణయం తీసుకోవటం, అయితే అక్కడ రాష్ట్ర ప్రభుత్వం ఇది సరైన సమయం కాదని పేర్కొందని, అయితే ఇదే సమయంలో రాష్ట్ర ప్రభుత్వం, ఎలక్షన్ కమిషన్ నిర్ణయానికి వ్యతిరేకంగా హైకోర్టుకు, సుప్రీం కోర్టుకు వెళ్ళినప్పటికీ కూడా, ఫలితం లేకపోయిందని, సుప్రీం కోర్టు ఆదేశాల ప్రకారం, అక్కడ ఎన్నికలు ప్రశాంతంగా నిర్వహించారని పేర్కొన్నారు. ఇదే సమయంలో, ఆంధ్రప్రదేశ్ లో గతంలో రోజుకు 10 వేల క-రో-నా కేసులు నమోదు అయ్యాయని, ఇప్పుడు 700కి పడిపోయిందని, ఈ సందర్భంగా ఉదాహరించారు. ఆంధ్రప్రదేశ్ హైకోర్టులో ఎన్నికలకు సంబంధించి పెండింగ్ లో ఉన్న పిల్, అందులో ధర్మాసనం ఇచ్చిన ఆదేశాల మేరకు, తాము ఎన్నికల నిర్వహణకు సంబంధించి ఆంధ్రప్రదేశ్ లో అన్ని పార్టీలతో ఎన్నికల పై సమావేశం నిర్వహించానని అన్నూర్.

ఈ సమావేశంలో అనేక పక్షాలు తమ అభిప్రాయాలు తెలిపయాని అన్నారు. దీంతో పార్టీ ఆయన రాష్ట్ర ప్రభుత్వ ప్రధాన కార్యదర్శి నీలం సాహనీ, ఎన్నికల కమిషన్ ప్రధాన కార్యాలయానికి వచ్చి, తమ అభిప్రాయం తెలిపారని, అయితే ఇప్పుడు ఎన్నికలు నిర్వహించటం సాధ్యం కాదని పేర్కొన్నారని, సెకండ్ వేవ్ వస్తుందని కేంద్రం ప్రభుత్వం, ఇతర సంస్థలు చెప్తున్న నేపధ్యంలో, ఇప్పుడు ఎన్నికలు నిర్వహించటం సాధ్యం కాదని చెప్పారని వివరించారు. అయితే ఇదే సందర్భంలో రాజస్తాన్ లో, ఢిల్లీలో, హైదరాబాద్ లో ఎన్నికలు నిర్వహిస్తున్న తరుణంలో, ఆంధ్రప్రదేశ్ లో కూడా ఎన్నికలు నిర్వహించటం అవసరం అని అన్నారు. ఇక అలాగే రాజ్యంగ పరమైన ఆబ్లిగేషన్ తో పాటుగా, కేంద్రం ఆర్ధిక సంఘం ఇచ్చే నిధులు పంచాయతీలు కూడా తీసుకోవాల్సి ఉంటుందని, వీటి అన్నిటి నేపధ్యంలో, రాష్ట్రంలో స్థానిక సంస్థల ఎన్నికలు సమాయత్తం అవుతున్నాం అని అన్నారు. తాము ఎప్పటికప్పుడు రాష్ట్ర ఆరోగ్య శాఖ అధికారులతో మాట్లాడి అంచనా వేస్తున్నామని తెలిపారు. ఫిబ్రవరిలో ఎన్నికలు జరుగుతాయని, నాలుగు వారాల ముందు ఎన్నికల కోడ్ అమల్లోకి వస్తుందని తెలిపారు.

గత రెండు రోజులుగా ఆంధ్రప్రదేశ్ రాష్ట్రంలో చర్చనీయంసంగా మారిన విశాఖ శారదా పీఠాధిపతి స్వరూపానంద స్వామి జన్మదిన వేడుకల వివాదానికి హైకోర్టులో ఫుల్ స్టాప్ పడింది. స్వరూపానందకి ఆలయ మర్యాదలతో కూడిన కానుకులు పంపాలని చెప్పి, దేవాదాయ శాఖ జారీ చేసిన మెమోని హైకోర్టు సస్పెండ్ చేసింది. దీనికి సంబంధించి రెండు రోజులు క్రితం శారదాపీఠం నుంచి ఆంధ్రప్రదేశ్ దేవాదాయ శాఖకు ఒక లేఖ అందింది. ఆ లేఖ సారంశం ఏమిటి అంటే, ఈ నెల 18న శారదా పీఠాధిపతి స్వరూపానంద స్వామి పుట్టిన రోజు వేడుకలు జరుగుతున్నాయి. ఈ వేడుకలకు సంబంధించి రాష్ట్రంలోని అన్ని దేవాలయాలు, ఆలయ మార్యదాలు ఇవ్వాలి అనేది ఆ లేఖ సారాంశం. శారదా పీఠాధిపతిని నుంచి ఆ లేఖ అందగానే, ఆంధ్రప్రదేశ్ దేవాదాయ శాఖ రాష్ట్రంలోని 23 ప్రముఖ దేవాలయాలకు ఒక మెమోని జారీ చేసింది. ఆ మెమో ప్రకారం ఏమిటి అంటే, శారదా పీఠం కోరిన విధంగానే, ఆలయ మర్యాదలతో కూడిన కానుకలు శారదా పీఠాధిపతి స్వరూపానంద స్వామికి పంపాలి అనేది ఆ మెమో ఉద్దేశం. అయితే దేవాదాయ శాఖ ఈ విధంగా మెమో జారీ చేయటం అనేది వివాదాస్పదం అయ్యింది. దీనికి సంబంధించి పలువురు తీవ్ర స్థాయిలో విమర్శలు గుప్పించారు.

అయితే దీని పై కొందరు, దేవాదాయ శాఖ జారీ చేసిన మెమో ని ఛాలెంజ్ చేస్తూ, హైకోర్టుని ఆశ్రయించారు. అయితే ఈ రోజు ఉదయమే, హైకోర్టులో ఈ అంశం వస్తుంది అనగా, శారదా పీఠం నుంచి ఒక ప్రకటన వెలువడింది. ఆ ప్రకటన సారంశం ఏమిటి అంటే, 2004 నుంచి కూడా స్వామి వారి పుట్టిన రోజు నాడు, అన్ని ఆలయాల నుంచి మర్యదాలు అందుతున్నాయి, ఈ ఏడాది కూడా అందించాలని కోరాము, ఈ అంశాల్లో ఎవరికైనా అభ్యంతరాలు ఉంటే, దాన్ని పరిగణలోకి తీసుకుంటామని ఒక ప్రకటన విడుదల చేసింది. దీనికి తగ్గట్టుగానే, ఈ అంశం హైకోర్టులో విచారణకు రాగానే, తాము దేవాదాయ శాఖకు రాసిన లేఖను వెనక్కు తీసుకుంటుంన్నామని హైకోర్టుకి తెలిపారు. దీంతో శారదా పీఠమే వెనక్కు తీసుకోవటంతో, ఇక ఈ పిటీషన్ కొట్టేస్తున్నామని హైకోర్టు తెలిపింది. దీంతో దేవాదాయ శాఖ కూడా ఈ ఉత్తర్వులు ఉపసంహరించుకుంది. మొత్తానికి ఈ వివాదం, మొండిగా ముందుకు వెళ్లి, హైకోర్టు ఆగ్రహానికి గురి కాకుండా, విజ్ఞతతో అలోచించి, వివాదానికి ముగింపు పలికారు.