news

ఆంధ్రప్రదేశ్ రాష్ట్ర డీజీపీ, మరోసారి హైకోర్టు మెట్లు ఎక్కనున్నారు. గతంలో ఒక మిస్సింగ్ కేసులో, డీజీపీని తమ ముందు హాజరు కావలసిందిగా హైకోర్టు ఆదేశించింది. అది అయిపోయిన తరువాత, చంద్రబాబు వైజాగ్ పర్యటనకు అనుమతి ఇచ్చి, తరువాత ఆయన పర్యటనకు వెళ్ళకుండా వైసిపీ కార్యకర్తలు అడ్డుకుంటే, వారిని అరెస్ట్ చెయ్యకుండా, చంద్రబాబుకు నోటీస్ ఇచ్చి అదుపు చెయ్యటం పై, హైకోర్టులో డీజీపీకి మరోసారి అక్షింతలు పడ్డాయి. ఈ కేసులో కూడా డీజీపీని తమ ముందు హాజరు కావాల్సిందిగా హైకోర్టు ఆదేశించింది. ఆ సమయంలో, డీజీపీ దాదాపుగా ఆరు గంటలు కోర్టులోనే ఉన్నారు. ఆ సమయంలో, హైకోర్ట్, 151 నోటీస్ ని చదివి వినిపించాలి అంటూ, ఆదేశించటం సంచలనం అయ్యింది. ఇప్పుడు మూడో సారి, డీజీపీని హైకోర్ట్ ముందుకు రావాల్సిందిగా ఆదేశించింది. అక్రమ మద్యం రవాణా చేస్తున్న కేసుల్లో పోలీసులు కొన్ని వాహనాలు స్వాధీనం చేసుకుంటున్నారు. అయితే, ఆ వాహనాలు అప్పగింత విషయంలో, రూల్స్ కు విరుద్ధంగా, పోలీసులు ప్రవర్తిస్తున్నారని, హైకోర్టులో ఒక కేసు ఫైల్ అయ్యింది. ఈ కేసు విచారణ సందర్భంలో, గతంలో హైకోర్టు దీని పై వివరణ ఇవ్వాల్సిందిగా, పోలీసులని ఆదేశించింది.

అయితే పోలీసులు నుంచి సరైన సమాధానం రాకపోవటంతో, హైకోర్ట్, డీజీపీని తమ ముందు హాజరుకావల్సిందిగా ఆదేశించింది. ఈ రోజు విచారణ జరిపిన న్యాయస్థానం, రేపటికి కేసు వాయిదా వేసి, రేపు తమ ముందు డీజీపీ హాజరు అయ్యి, వివరణ ఇవ్వాలని, ఆదేశించింది. ఈ కేసుకు సంబంధించి, న్యాయవాది ప్రసాద్ మాట్లాడుతూ "అక్రమ మద్యం తరలింపు కేసుల్లో సీజ్ చేసిన వాహనాల విషయంలో, వాహనదార్లు తమ వాహనాలు తమకు అప్పగించాలని కోర్టుకు వచ్చారు. ఎక్ష్సైజ్ చట్టంలో అయితే, ఆ వాహనాలు డిప్యూటీ కమీషనర్ కు అప్పచేప్పాలని ఉంది. అదే సీఆర్పీసీలో అయితే, సెక్షన్ 102 ప్రకారం, వాహనాలు, ఆ పోలీస్ స్టేషన్ పరిధిలో వెంటనే ఇచ్చేయాలని ఉంది. అలాగే కోర్టుకు కాని, డిప్యూటీ కమీషనర్ వద్దకు కాని, ఈ వాహనాలు వస్తే, తమకు తమ వాహనాలు ఇవ్వాలి అని, అర్జీ పెట్టుకునే అవకాసం ఉంది. అయితే పోలీసులు మాత్రం, ఈ వాహనాలు అన్నీ పోలీస్ స్టేషన్ లోనే ఉన్నాయని కోర్టుకు చెప్పారు. మరి పోలీస్ స్టేషన్ లో ఉంటే వెంటనే ఇచ్చాయాలి కదా, అని కోర్టు ప్రభుత్వానికి నోటీసులు ఇచ్చింది. ఈ రోజు విచారణలో, పోలీసులు చెప్పిన వివరణ సమంజసంగా లేదని, రేపు డీజీపీ నేరుగా కోర్టుకు వచ్చి వివరణ ఇవ్వాలని, కోర్టు ఆదేశించింది అని" న్యాయవాది ప్రసాద్ తెలిపారు.

ఆంధ్రప్రదేశ్ ఎన్నికల సంఘం మాజీ కమీషనర్ నిమ్మగడ్డ రమేష్ కుమార్ వ్యవహారం, ఎదో ఒక విధంగా వార్తల్లో వస్తూనే ఉంది. అయితే ఇప్పుడు ఆయన పదవిలో లేరు, ఆయన్ను ప్రభుత్వం ఎప్పుడో పదవి నుంచి తొలగించింది. హైకోర్టు చెప్పినా ఆయన్ను పదవిలోకి రానివ్వటం లేదు. మాకు కోర్టు తీర్పు పై స్పందించటానికి, రెండు నెలలు సమయం ఉంటుంది అంటూ, నిమ్మగడ్డను రానివ్వటం లేదు. ఆయన నేను పదవిలోకి వస్తున్నా అని చెప్పినా, ఆ సర్కులర్ రద్దు చేసారు. అంటే, ఇప్పుడు రమేష్ కుమార్, ఒక సామాన్య మాజీ అధికారి. అంటే, ఇప్పుడు జగన్ గారి పక్కన ఉన్న అజయ్ కల్లం రెడ్డి, లాంటి మాజీ అధికారులు ఎలాగ ఉన్నారో, ఇప్పుడు రమేష్ కుమార్ కూడా అలాగే మాజీ అధికారి. తన పదవి కోసం, కోర్టుల్లో పోరాడుతున్నారు. అయితే ఈ తరుణంలోనే, హైకోర్టు చెప్పినా, సుప్రీం కోర్టు స్టే ఇవ్వకపోయినా, నిమ్మగడ్డకు పోస్టింగ్ ఇవ్వటం లేదు. ఆయన ఈ నేపధ్యంలోనే, కోర్టు ధిక్కరణ కేసు కూడా వేస్తారని వార్తలు వచ్చాయి. అయితే ఈ నేపధ్యంలోనే, వైసిపీ ఒక సిసి ఫూటేజ్ తో బయటకు వచ్చింది.

ఆ సీసీ టీవీ ఫూటేజ్ ప్రకారం, ఈ నెల 13న, రమేష్ కుమార్, హైదరాబాద్ లోని పార్క్ హయత్ హోటల్ లో, బీజేపీ నేతలను కలిసారు. బీజేపీ నేత, మాజీ మంత్రి కామినేని శ్రీనివాస్, అలాగే బీజేపీ నేత సుజనా చౌదరితో, కలిసినట్టు ఆ వీడియోలో ఉంది అయితే నిమ్మగడ్డ రమేష్ కుమార్ పదవిలో ఉండి, ఎవరినైనా కలిస్తే తప్పు కాని, పదవిలో లేనప్పుడు, ఎవరిని కలిసినా తప్పు ఉండదు. అయితే సహజంగానే, నిమ్మగడ్డ రమేష్ ని ఎలాగైనా పదవి నుంచి తప్పించాలని చూస్తున్న వైసిపీకి ఇది అందివచ్చిన అస్త్రం అయ్యింది. నిమ్మగడ్డ, బీజేపీ నేతలను కలవటం వెనుక కుట్ర కోణం ఉంది అంటూ, తమ అనుకూల మీడియాలో ప్రచారం చేస్తున్నారు. అయితే ఈ విషయం పై, ఇప్పటి వరకు, నిమ్మగడ్డ కాని, బీజేపీ నేతలు కాని వివరణ ఇవ్వలేదు. కామినేని కూడా నిమ్మగడ్డ తరుపున కోర్టులో కేసు వేసారు. కోర్టు ధిక్కరణ పిటీషన్ వేసే సమయంలో, వీళ్ళు కలుసుకున్నారా, లేక ఈ భేటీ వెనుక ఢిల్లీ పెద్దల హస్తం ఏమైనా ఉందా అనే సందేహాలు కూడా, విశ్లేషకులు వ్యక్తం చేస్తున్నారు. చూద్దాం, ఇది ఏ మలుపు తిరుగుతుందో.

సరస్వతి పవర్ కంపెనీకి జీవితాకాలం నీటి కేటాయింపులు, అలాగే 50 ఏళ్ళు సున్నపురాయి గనులు ఇవ్వటం పై, జగన్ మోహన్ రెడ్డి ప్రభుత్వం పై, తెలుగుదేశం పార్టీ అధినేత చంద్రబాబు, విమర్శలు చేసిన సంగతి తెలిసిందే. సొంత కంపెనీలకు లబ్ది చేకూరుస్తూ, ఇష్టం వచ్చినట్టు చేస్తున్నారని ఆరోపించారు. అయితే, దీని పై స్పందించిన ప్రభుత్వం, సరస్వతి పవర్ కు, ఇచ్చినవి అన్నీ నిబంధనలు ప్రకారమే ఇచ్చామని, దీంట్లో ఏమి లేదంటూ కౌంటర్ ఇచ్చారు. అయితే, దీని పై, ప్రభుత్వం, ఏకంగా చంద్రబాబుకి, అలాగే చంద్రబాబు వ్యాఖ్యలు ప్రచురించిన ఆంధ్రజ్యోతి, ఈనాడుకి కూడా నోటీసులు జారీ చేసింది. నోటీసులు ఇవ్వటమే కాకుండా, చంద్రబాబు క్షమాపణ చెప్పాలని, లేకపోతే క్రిమినల్ ప్రొసీడింగ్స్ ఫాలో అవుతామని హెచ్చరించింది. ప్రభుత్వం ఇచ్చిన నోటీసులు పై ఈ రోజు చంద్రబాబు స్పందించారు. ఈ రోజు, తెలుగుదేశం పార్టీ సీనియర్ నేతలతో జరిగిన ఆన్ లైన్ సమావేశంలో చంద్రబాబు స్పందించారు. తనకు నోటీసులు ఇచ్చిన విషయం ఫై ఘాటుగా బదులు ఇచ్చారు చంద్రబాబు. మీ ఇష్టం వచ్చినట్టు చేస్తాం అంటే చూస్తూ కూర్చోం అని, నోటీసులు ఇస్తే భయపడిపోమని అన్నారు.

సరస్వతి పవర్ మీ సొంత కంపెనీ, నిజమా కాదా ? దీంట్లో ఏమైనా తప్పు ఉందా ? ఆ కంపెనీకి జీవిత కాలపు కేటాయింపులు ఇస్తాం, 50 ఏళ్ళకు మైనింగ్ లీజు ఇస్తాం అంటే చూస్తూ కూర్చోమంటారా ? గనులు, నీళ్ళు ఎలా కేటాయిస్తారు అని అడిగితే, సెక్రటరీ చేత తనకే నోటీసులు ఇస్తారా అని చంద్రబాబు ప్రశ్నించారు. అవినీతి చేసిన వాళ్ళ పై చర్యలు ఉంటాయి కాని, ఇక్కడ మాత్రం, అవినీతి బయట పెట్టిన వారి పై చర్యలు ఉంటాయని, నోటీసులు ఇచ్చి వేధిస్తారని చంద్రబాబు అన్నారు. 108 కుంభకోణంలో కూడా ఇదే జరిగిందని చంద్రబాబు అన్నారు. అంబులెన్స్ ల కాంట్రాక్ట్ ఇచ్చిన సంస్థ విజయసాయి రెడ్డి అల్లుడి కంపెనీ అని, అన్ని వివరాలతో పట్టాభి బయట పడితే, ఆయన పైనే, పోలీసులను పంపించి వేధించే ప్రయత్నం చేస్తున్నారని చంద్రబాబు అన్నారు. ఒక్కటి కాదని, సాండ్, ల్యాండ్, వైన్, మైన్, ఇళ్ళ స్థలాలు, ఇలా ప్రతి దాంట్లో వేల కోట్లు దండుకుంటున్నారని చంద్రబాబు ఆరోపించారు.