news

ప్రభుత్వ భవనాలకు వైసీపీ రంగులు విషయంలో, హైకోర్ట్, సుప్రీం కోర్ట్ తీర్పు ఇచ్చిన తరువాత కూడా, జగన్ ప్రభుత్వం అవే రంగులు వెయ్యటం పై, హైకోర్ట్ తీవ్ర ఆగ్రహం వ్యక్తం చేసింది. మొన్న రంగులు జీవో రద్దు చేసిన తరువాత, జగన్ ప్రభుత్వం మరో జీవోతో ముందుకు వచ్చిన సంగతి తెలిసిందే. జీవో 623 అనే జీవోతో, వైసీపీ మూడు రంగులకు తోడుగా, మట్టి రంగు కూడా కలపాలని జీవో ఇస్తూ, మళ్ళీ రంగులు మొదలు పెట్టారు. అయితే, ఈ విషయం పై సోమయాజు అనే న్యాయవాది, హైకోర్ట్ ద్రుష్టికి తెచ్చారు. హైకోర్ట్, సుప్రీం కోర్ట్ ఉత్తర్వులు ఉల్లంఘించి, రాష్ట్ర ప్రభుత్వం మళ్ళీ రంగులు వేస్తుంది అని తెలిపారు. దీని పై గత పది రోజులుగా హైకోర్ట్ లో విచారణ జరిగింది. రెండు రోజుల క్రితం వాదనలు ముగియటంతో, హైకోర్ట్ తీర్పు రిజర్వులో పెట్టింది. దీని పై, ఈ రోజు హైకోర్ట్ తీర్పు ఇచ్చింది. జీవో 623ని సస్పెండ్ చేస్తున్నట్టు హైకోర్ట్ ఆదేశాలు ఇచ్చింది.

రంగుల అంశం పై హైకోర్టు, సుప్రీం కోర్టు ఉత్తర్వులను పట్టించుకోలేదని వ్యాఖ్యానించింది హైకోర్ట్. తమ ఉత్తర్వులు పట్టించుకోనందుకు, కోర్ట్ ధిక్కరణ ప్రక్రియ మొదలు పెట్టాలని, ఈ కేసును సుమోటోగా తీసుకుంటామని హైకోర్ట్ తెలిపింది. ఈ కేసు 28వ తారిఖున విచారణకు వచ్చే అవకాసం ఉంది. ఈ విషయం పై, సీఎస్, ఈసీ, పంచాయతీ కార్యదర్శి వివరణ ఇవ్వాలని హైకోర్ట్ ఆదేశించింది. హైకోర్ట్ సుమోటోగా కేసు తెసుకుని, కోర్ట్ ధిక్కరణ ప్రక్రియ మొదలు పెట్టాలని, ఆదేశాలు ఇచ్చినట్టు, న్యాయవాది సోమయాజు తెలిపారు. గతంలో ఇదే విషయం పై హైకోర్ట్ స్పష్టంగా తీర్పు ఇచ్చిందని, దీని పై సుప్రీం కోర్ట్ కు కూడా రాష్ట్ర ప్రభుత్వం వెళ్ళింది అని, హైకోర్ట్, సుప్రీం కోర్ట్ ఆదేశాలు ఇచ్చిన తరువాత కుడా, ప్రభుత్వం ఇలా చెయ్యకూడదు అని అన్నారు.

ఆంధ్రప్రదేశ్ రాష్ట్రంలో ఇంగ్లీష్ మీడియం పై, మరోసారి జగన్ మొహన్ రెడ్డి ప్రభుత్వం, మందుకు తీసుకు వెళ్ళే ప్రయత్నం చేసింది. రాష్ట్రంలోని ప్రభుత్వ స్కూల్స్ లో, కేవలం ఇంగ్లీష్ మీడియం మాత్రమే ఉండాలని, తెలుగు మీడియం ఆప్షన్ లేకుండా, ప్రభుత్వం నిర్ణయం తీసుకున్న సంగతి తెలిసిందే. అయితే, దీని పై కొంత మంది కోర్టకు వెళ్ళిన సంగతి తెలిసిందే. హైకోర్ట్ లో ఈ విషయం పై విచారణ జరిగి, ఇది విద్యా హక్కు చట్టానికి వ్యతిరేకం అని, తెలుగు మీడియం కూడా ఉండాల్సిందే అంటూ, హైకోర్ట్ తీర్పు ఇచ్చింది. అయితే, రాష్ట్ర ప్రభుత్వం మాత్రం, ఈ విషయంలో, ఎందుకో కానీ, తెలుగు మీడియం కూడా ఆప్షన్ పెట్టి, ఇంగ్లీష్ మీడియం పెట్టటానికి ఇష్ట పడటం లేదు. అందుకే మళ్ళీ వాలంటీర్ల చేత, ఒక సర్వే చేపించింది. రాష్ట్రంలో పిల్లల తల్లిదండ్రుల వద్దకు వెళ్లి, ఏ మీడియం కావాలి అంటూ, సర్వే చేపించారు. ఈ సర్వేలో 90 శాతం మంది, ఇంగ్లీష్ మీడియం కావాలి అంటూ కోరుకున్నట్టు ప్రభుత్వం చెప్పింది.

ఈ సర్వే చూపించి హైకోర్ట్ లో అపీల్ కు కాని, లేకపోతె సుప్రీమ్ కోర్ట్ కు వెళ్తారని అందరూ భావించారు. అయితే, వాలంటీర్ సర్వే అంటే, ప్రభుత్వ సర్వే నే కాబట్టి, కోర్ట్ ఆ సర్వే ప్రాతిపదికన తీసుకోదు అనుకున్నారో ఏమో కానీ, ఇప్పుడు మరో ప్రముఖ సంస్థతో ధర్డ్ పార్టీ సర్వే చెయ్యాలని, ఏ మీడియం కావాలి అంటూ, ఈ సంస్థ చేత సర్వే చేపించాలని ప్రభుత్వం నిర్ణయం తీసుకుంది. ఈ సర్వే వచ్చిన తరువాత, ఈ సర్వే చూపిస్తూ, రాష్ట్ర ప్రభుత్వం, సుప్రీం కోర్ట్ కు వెళ్ళే అవకాసం ఉన్నట్టు తెలుస్తుంది. అయితే ఇది విద్యా హక్కు చట్టానికి వ్యతిరేకం అని, అందరూ చెప్తున్న సమయంలో, ఈ సర్వేలు చూపించి, ఆ చట్టం పక్కన పెట్టే తీర్పులు కోర్టులు ఇస్తాయా అనేది ఆలోచించాలి. సింపుల్ గా తెలుగు మీడియం ఆప్షన్ కూడా అయిపోయే దానికి, ప్రభుత్వం ఇంతలా కష్టపడుతుంది.

ఇక మరో పక్క, రాష్ట్రంలో విద్యా రంగంలో చేసిన సంస్కరణలు, తెచ్చిన మార్పులు పై, ఒక ప్రముఖ జాతీయ మీడియా ఛానల్ చేత, షార్ట్ ఫిల్మ్‌లు తీసి, అవి ప్రచారం చేసేలా అనుమతులు ఇచ్చారు. సమగ్ర శిక్షణా అభియాన్ కింద ఈ షూటింగ్ చేసి, ప్రచారం చెయ్యాలని ప్రభుత్వం భావిస్తుంది. దీనికి సంబంధించి, ఈ రోజు జీవో 25 రిలీజ్ చేసారు. ఎన్డీటీవీ చేత ఈ సర్వే చేపించి, షార్ట్ ఫిలింలు తియ్యాలని, ప్రభుత్వం ఆ జీవోలో తెలిపింది. ఇది అర్జెంటుగా చెయ్యాలని నిర్ణయం తీసుకోవటంతో, ఈ నిర్ణయం తీసుకున్నట్టు ఆ జీవోలో చెప్పింది. అయితే దీని కోసం, ఎంత చెల్లిస్తారు, విధివిధానాలు ఏమిటి అనే దాని పై, వివరాలు తెలియాల్సి ఉంది. గతంల్లో ఎన్డీటీవీతో, జగన్ కంపెనీ అయిన సాక్షి టీవీకి లింక్ ఉన్న సంగతి తెలిసిందే.

బేసిన్లు లేవు, భేషీజాలు లేవు అని అటు వైపు కేసీఆర్, ఇటు అసెంబ్లీ సాక్షిగా, కేసీఆర్ ఈజ్ మాగ్నానిమస్ అంటూ జగన్ చేసిన వ్యాఖ్యలు, రాయలసీమ వచ్చి, రాయలసీమను రత్నాలు సీమను చేస్తా అని కేసీఆర్ చెప్పిన మాటలు, అలాగే కాళేశ్వరం వెళ్లి, రాయలసీమకే నష్టం జరిగే ప్రాజెక్ట్ అని చెప్తున్నా, కాళేశ్వరం వెళ్ళిన జగన్ వార్తలు ఇంకా మనకు గుర్తుండే ఉన్నాయి. ఇంకా అవి చెవుల్లో తిరుగుతూనే ఉన్నాయి. గోదావరి నీళ్ళు, తెలంగాణా మీదుగా తీసుకువెళ్ళి, శ్రీశైలంలో పోసి, అక్కడ నుంచి తీసుకువెళ్తా అని చెప్పిన జగన్ వ్యాఖ్యల పై, పెద్ద దుమారమే రేగింది. కేసీఆర్ లాంటి వారిని నమ్మకూడదు, ఇది మీ ఇద్దరి సొంత వ్యవహరం కాదు, అని ఎంత చెప్పినా అప్పట్లో జగన్ వినిపించుకోలేదు. అయితే, ఆ ప్రాజెక్ట్ సంగతి ఏమైందో తెలియదు. గోదావరి, కృష్ణా అనుసంధానం చెయ్యాలి అనే, చంద్రబాబు ప్రణాళికలు పక్కకు వెళ్ళిపోయాయి. దండిగా ఉన్న గోదావరి నీళ్ళు ఎలా వాడుకోవాలి, ఎలా కృష్ణా నదికి అనుసంధానం చెయ్యాలి అనే ఆలోచన లేదు.

కృష్ణా నది పై, 10, 15 రోజులుకు వచ్చే వరద నీటి కోసం, అసలు వరద వస్తుందో లేదో తెలియని చోట, ప్రాజెక్ట్ కడతాం, విస్తరణ చేస్తాం అని జగన్ అనటం, అలా ఎలా కుదురుతుంది, మాకు మాట మాత్రం అయినా చెప్పరా, మాకు చెప్పకుండా కొత్త ప్రాజెక్ట్ ఎలా కడతారు అంటూ కేసీఆర్ అనటం, మా నీళ్ళు మేము వాడుకుంటే మీకు బాధ ఏమిటి అని ఇటు వైపు, మీ నీళ్ళు కాదు, మా ప్రాంతం ఎండిపోతుంది అని అటు వైపు, ఉన్నట్టు ఉండి, ఎందుకు వచ్చిందో కానీ, లేని వివాదం వచ్చింది. పోనీ ఇదేమన్న ఒక్క 50 టిఎంసీలో, 100 టీఎంసీలో తీసుకు వెళ్ళ ప్రాజెక్ట్ ఆ అంటే అదీ కాదు. అయితే, అటు తెలంగాణా, ఇటు ఆంధ్రప్రదేశ్, రెండూ పరస్పరం ఫిర్యాదులు చేసుకోవటం, అటు కేంద్రానికి, ఇటు కృష్ణా బోర్డు కు ఫిర్యాదులు వెళ్ళటం జరిగిపోయాయి.

ఈ నేపధ్యంలో, రెండు రాష్ట్రాల మధ్య జరుగుతున్న విషయం నేపధ్యంలో, కేంద్రం ఎంటర్ అయ్యింది. ఈ విషయం పై కీలక నిర్ణయం ప్రకటించింది. రెండు రాష్ట్రాల మధ్య ఉన్న జల వివాదాల పై, అపెక్స్ కౌన్సిల్ సమావేశం ఏర్పాటు చెయ్యాలని నిర్ణయం తీసుకుంది. రాష్ట్ర విభజన జరిగిన తరువాత, కేవలం ఒక్కసారే ఈ సమావేశం జరిగింది. అప్పట్లో చంద్రబాబు, కేసీఆర్ ఈ మీటింగ్ కు వచ్చారు. ఇప్పుడు, మళ్ళీ అపెక్స్ కౌన్సిల్ సమావేశం ఏర్పాటు చెయ్యాలని నిర్ణయం తీసుకుంది, రెండు రాష్ట్రాలకు సమాచారం పంపించింది. అలాగే కృష్ణా, గోదావరి వాటర్ బోర్డుకు కూడా సమాచారం ఇచ్చారు. ఈ సమావేశంలో చర్చించే ఎజెండా పంపించాలని, రెండు రాష్ట్రాలను, కేంద్రం కోరింది. మరి, ఈ సమావేశం ఎప్పుడు జరుగుతుంది, ఏమి నిర్ణయం తీసుకుంటారు అనేది చూడాల్సి ఉంది.