news

లోక్‌సభ ఎన్నికల తర్వాత కాంగ్రెస్‌, భాజపాయేతర కూటమికి ఎలాంటి అవకాశాలు లేవని డీఎంకే అధ్యక్షుడు స్టాలిన్‌ అన్నారు. కాంగ్రెస్‌, భాజపాయేతర ప్రాంతీయ పార్టీల ఫెడరల్ ఫ్రంట్ ఏర్పాటు కోసం ప్రయత్నాలు చేస్తున్న తెలంగాణ ముఖ్యమంత్రి కేసీఆర్‌ను కలిసిన మరుసటి రోజే స్టాలిన్‌ ఈ వ్యాఖ్యలు చేయడం ప్రాధాన్యత సంతరించుంది. ఫెడరల్ ఫ్రంట్ ఏర్పాటు ప్రయత్నాల్లో భాగంగా కేసీఆర్‌ నిన్న చెన్నై వెళ్లి స్టాలిన్‌ను కలిసిన విషయం తెలిసిందే. ప్రాంతీయ పార్టీలు జాతీయ రాజకీయాల్లో కీలక పాత్ర పోషించాలని, ఇందు కోసం తాను చేస్తున్న ప్రయత్నానికి మద్దతు పలకాలని కేసీఆర్‌ కోరారు. అయితే తెలంగాణ సీఎంతో భేటీ జరిగిన మరుసటి రోజే.. ఫెడరల్ ఫ్రంట్ పై స్టాలిన్ ఆసక్తికర వ్యాఖ్యలు చేశారు.

భాజపా, కాంగ్రెస్‌ లేకుండా మూడో కూటమి కేంద్రంలో ప్రభుత్వాన్ని ఏర్పాటు చేసే అవకాశముందని తనకు అన్పించడం లేదని అన్నారు. అయితే మే 23 తర్వాతే దీనిపై ఓ స్పష్టత వస్తుందన్నారు. అంతేగాక.. ఫెడరల్ ఫ్రంట్ మద్దతు కోరేందుకు కేసీఆర్‌ చెన్నై రాలేదని, కేవలం దైవ దర్శనాల కోసం వచ్చారని బాంబు పేల్చారు. ‘కూటమిని ఏర్పాటు చేసేందుకు ఆయన(కేసీఆర్‌) ఇక్కడకు రాలేదు. ఆలయాల దర్శన కోసం తమిళనాడు వచ్చారు. ఈ నేపథ్యంలో మర్యాదపూర్వకంగా కలిసేందుకే నా అపాయింట్‌మెంట్‌ కోరారు. అంతే’ అని స్టాలిన్ మీడియాతో మాట్లాడుతూ అన్నారు. అయితే హైదరాబాద్ మీడియా గత రెండు రోజులుగా కేసీఆర్ పై చేస్తున్న హడావిడి చూసాం. ఇదంతా ఒక్క మాటలో తీసి పడేసారు స్టాలిన్. కేవలం దైవ దర్శనాల కోసం వచ్చారని చెప్పారు.

‘‘ప్రాంతీయ పార్టీలన్నీ ఏకం కావాలి. సింహభాగం వాటాను దక్కించుకోవాలి. కేవలం కేబినెట్‌ పదవులే కాదు.. మరింత ఉన్నత పదవిని సాధించాలి. విధాన నిర్ణయాల్లోనూ మన మాట చెల్లుబాటు కావాలి. గవర్నర్ల నియామకంలోనూ మన పాత్ర ఉండాలి’’ అని వివరించారు. తద్వారా, తన ఉప ప్రధాని ఆకాంక్షపై కేసీఆర్ సంకేతాలు ఇచ్చారు. అయితే, రాహుల్‌ ప్రధాని కావాలని ఇప్పటికే రెండుసార్లు బహిరంగంగా ప్రకటించిన స్టాలిన్‌ కేసీఆర్‌ వాదనకు లొంగలేదు. సరికదా.. ‘మీరే కాంగ్రెస్‌ నేతృత్వంలోని యూపీఏకు మద్దతు తెలపండి’ అని కోరారు. స్టాలిన్‌తో భేటీ తర్వాత తెలంగాణ ఎంపీలతో కలిసి కేసీఆర్‌ కారెక్కి వెళ్లిపోయారు. డీఎంకే మాజీ ఎంపీ టీఆర్‌ బాలు, కోశాధికారి దురై మురుగన్‌ సైతం సమావేశ వివరాలను విలేకరుల ఎదుట వెల్లడించకుండా మౌనం పాటించారు. అనంతరం, కేసీఆర్‌ను మర్యాదపూర్వకంగానే స్టాలిన్‌ కలుసుకున్నారని డీఎంకే అధిష్ఠానం క్లుప్తంగా ఓ ప్రకటన జారీ చేసింది. కానీ, ఈ రోజు అసలు విషయం చెప్పి, కేసీఆర్ గాలి తీసారు స్టాలిన్...

బాలాకోట్‌ దాడుల వ్యూహరచనలో తన పాత్ర గురించి ప్రధానమంత్రి నరేంద్ర మోదీ గొప్పగా చేసిన వ్యాఖ్యలు ఆయనకు ఊహించని తిప్పలు తెచ్చిపెట్టాయి. ఈ వ్యాఖ్యలపై ప్రతిపక్షాలు తీవ్ర విమర్శలు చేస్తున్నారు. నెటిజన్లయితే వ్యంగ్య వ్యాఖ్యానాలతో మోదీని ఓ ఆటాడుకున్నారు. ఈ కాంట్రవర్సీ నడుస్తుండగానే ఇప్పుడు మరో విషయమై నరేంద్రమోదీపై సోషల్ మీడియాలో సెటైర్లు వేస్తున్నారు నెటిజెన్లు. టీవీ చానెల్‌ ఇంటర్వ్యూలో మోదీ మాట్లాడుతూ.. తాను 1988లోనే తాను డిజిటల్ కెమెరాను ఉపయోగించానని బీజేపీ సీనియర్ నేత ఎల్.కే. అద్వాణీ ఫొటో తీశానని మోదీ చెప్పుకొచ్చారు. అంతే కాకుండా అదే సమయంలో ఇంటర్నెట్ ద్వారా ఈమెయిల్ కూడా పంపినట్లు మోదీ తెలిపారు.

అయితే డిజిటల్ కెమెరాను 1990లో మొదటిసారి వినియోగంలోకి రాగా, ఈమెయిల్ 1995లో అందుబాటులోకి వచ్చింది. ‘అభివృద్ధి చెందిన పాశ్చాత్య దేశాల్లో కూడా 1988లో ఈమెయిల్ అంటే ఎవరికీ తెలియదు. నేను కూడా 1996లోనే మొదటి ఈమెయిల్ చేశాను. అలాంటిది మోదీ 1988లోనే ఈమెయిల్ చశారు’ అంటూ ప్రముఖ ఆర్థికవేత్త రూప సుబ్రహ్మణ్య ట్వీట్ చేశారు. ‘ఇక మోదీ ఈ మెయిల్ ఉపయోగించిన సమయంలో అద్వాణీ కూడా ఈమెయిల్ ఉపయోగించారా?’ అంటూ మరొకరు ఆశ్చర్యం వెలిబుచ్చారు. ‘డ్రైనేజి నుంచి గ్యాస్ తయారు చేసినట్లుగానే మోదీ డిజిటల్ కెమెరాను, ఈమెయిల్‌ను తయారు చేశారు. రాడార్లు చొచ్చుకుపోని మేఘాలను కూడా మోదీ కనుగొన్నారు. భక్తులకు ఇంకేమైనా అనుమానం ఉందా?’ -షాహిద్ సిద్ధీకీ

‘మోదీ 1988లోనే ఈమెయిల్ ఉపయోగించారు. చిత్రమేంటంటే ప్రపంచంలో ఎవరూ దాన్ని అప్పటి వరకు ఎరుగరు’ -దివ్య స్పందన.. ‘1987-88లోనే డిజిటల్ కెమెరాతో కలర్ ఫొటో తీశానని, 1988లోనే ఈమెయిల్ ఉపయోగించానని మోదీ అంటున్నారు. బహుశా.. ఆయనకు మెడికల్ ట్రీట్‌మెంట్ అవసరం’ -అశోక్ స్వాయిన్... ఇలా చేసిన మొదటి ప్రధాని మోదీనే.. 1. ఈమెయిల్ విడుదలయ్యే 7 ఏళ్లకు ముందే ఉపయోగించడం 2. డిజిటల్ కెమెరా విడుదలయ్యే 8 ఏళ్లకు ముందే ఉపయోగించడం 3. రాడార్లకు చిక్కకుండా మబ్బుల చాటున విమనాల్ని దాచడం 4. మామిడి పండు తిన్నాక దాచుకోవడం -క్టౌడీ నెహ్ర్ వూ

టీఆర్ఎస్ అధినేత, తెలంగాణ సీఎం కేసీఆర్ ఫెడరల్ ఫ్రంట్ అనే ఒక మోడీ ఫిడేల్ ప్రయత్నాలు ముమ్మరం చేశారు. పార్లమెంట్ ఎన్నికల ఫలితాలు దగ్గరపడుతుండటంతో రాష్ట్రాల బాటపట్టిన కేసీఆర్ పార్టీల అధినేతలు, సీఎంలతో భేటీకి ఆపసోపాలు పడుతున్నారు. అయితే ఇప్పటికే ఒక దఫా దాదాపు తనకు అనుకూలంగా రాష్ట్రాలన్నీ తిరిగొచ్చిన కేసీఆర్ రెండోసారి మళ్లీ ఫెడరల్ ప్రయత్నాలు ప్రారంభించారు. ఇటీవలే కేరళ వెళ్లిన కేసీఆర్.. ఆ రాష్ట్ర ముఖ్యమంత్రి పినరయి విజయన్‌తో భేటీ అయ్యి కేంద్రంలో కాంగ్రెస్, బీజేపీ మెజార్టీ సీట్లు దక్కించుకుని గెలిచే అవకాశాల్లేవని ప్రాంతీయ పార్టీలే కీలకం కానున్నాయని నిశితంగా వివరించారు. అయితే తమిళనాడు వెళ్లి స్టాలిన్ ను దువ్వే ప్రయత్నం చేసారు.

ముందుగా కేసీఆర్, మోడీకి అనుకూలం అని తెలుసుకున్న స్టాలిన్ కేసీఆర్ కు పర్మిషన్ ఇవ్వలేదు. దీంతో కేసీఆర్, తమిళనాడులోని గుడిలు, గోపురాలు తిరిగి హైదరాబాద్ వచ్చి, మళ్ళీ స్టాలిన్ తో భేటీకి ప్రయత్నాలు ప్రారంభించారు. దీంతో స్టాలిన్ సోమవారం రమ్మని కేసీఆర్ కు కబురు పంపారు. దీనిలో భగంగా కేసీఆర్ ఈ రోజు డీఎంకే అధినేత స్టాలిన్‌తో భేటీ అయ్యారు. ఈ భేటీలో ఫెడరల్ ఫ్రంట్ ఏర్పాటు, జాతీయ రాజకీయాలపై కూలంకశంగా చర్చించారు. గంటన్నరపాటు జరిగిన ఈ భేటీలో కేంద్రంలో కాంగ్రెస్, బీజేపీయేతర కూటమికి మద్దతివ్వాల్సిందిగా స్టాలిన్‌ను కేసీఆర్ కోరినట్లు తెలుస్తోంది. అయితే ఈ ప్రతిపాదనను స్టాలిన్ సున్నితంగా తిరస్కరించినట్లు డీఎంకే వర్గాలు చెబుతున్నాయి.

తాము కాంగ్రెస్ వైపే అని కేసీఆర్‌కు స్టాలిన్ తేల్చిచెప్పినట్లు పార్టీ వర్గాలు చెబుతున్నాయి. తాము కాంగ్రెస్‌తో కలిసి ముందుకెళ్తామని, రాహుల్ గాంధీ ప్రధాని అయ్యేందుకు సహకరిస్తామని స్టాలిన్ స్పష్టం చేశారట. కేసీఆర్ ఫెడరల్ ఫ్రంట్ స్ఫూర్తికి మద్దతిస్తామని, అయితే కాంగ్రెస్ విషయంలో తమ వైఖరి మారబోదని తేల్చిచెప్పినట్లు డీఎంకే వర్గాలు చెబుతున్నాయి. ఇదే సమయంలో బీజేపీయేతర ప్రభుత్వ ఏర్పాటుకు అవసరమైతే కాంగ్రెస్‌కు మద్దతివ్వాలని కేసీఆర్‌ను స్టాలిన్ కోరినట్లు సమాచారం. ఈ పరిణామంతో షాక్ అయిన కేసీఆర్, మీడియాతో కూడా మాట్లాడకుండా వెళ్ళిపోయారు. ఇదిలా ఉంటే... స్టాలిన్‌తో భేటీ అనంతరం కేసీఆర్ కర్నాటకలో పర్యటించనున్నారని తెలుస్తోంది. పర్యటనలో భాగంగా కర్నాటక సీఎం కుమారస్వామితో భేటీ అయ్యి ఫెడరల్ ఫ్రంట్‌ విషయమై చర్చించనున్నారు. అయితే కాంగ్రెస్-జేడీఎస్‌ కలిసి కుమారన్న ప్రభుత్వాన్ని ఏర్పాటు చేశారు. ఇక్కడ కూడా కేసీఆర్ కు ఎదురు దెబ్బ తప్పేలా లేదు.