news

ప్రకాశం బ్యారేజీ వద్ద పరిస్థితి ప్రమాదకరంగా మారింది. దీంతో పోలీసులు నిషేధాజ్ఞలు విధించారు. బ్యారేజీ పైకి వాహనాలను నిషేదించారు. బ్యారేజీ బలహీనంగా ఉంది, జాగ్రత్తా అంటూ ఫ్లెక్సీలను ఏర్పాటు చేసారు. వాహనాలు అనుమతి ఇస్తే, ఆ ప్రకంపనలకు బ్యారేజీకి ఇబ్బంది కలగవచ్చని అధికారులు భావించి, రాకపోకలు నిషేదించారు. మరో పక్క, బ్యారేజీ పైన ఉన్న రెయిలింగ్‌ కూలిపోయే పరిస్థితి ఏర్పడింది. 24, 39వ ఖానాల వద్ద వరద ఉద్ధృతి కారణంగా ఫుట్‌పాత్‌కు ఏర్పాటు చేసిన రెయిలింగ్‌ దెబ్బతింది. అది ఏక్షణంలోనైనా పడిపోవచ్చునని పోలీసు అధికారులు చెబుతున్నారు. అక్కడ ప్రత్యేకంగా పోలీసులను పెట్టి, అక్కడ ఎవరూ నుంచో కుండా చేస్తున్నారు. రైలింగ్ కూలిపోతే తాత్కాలిక ఏర్పాట్లు కూడా అధికార యంత్రాంగం రెడీ అయ్యింది. 2009 తరువాత ఇంత భారీ వరద ఇప్పుడే వచ్చింది.

నిన్న ఒకేసారి 7 లక్షలు క్యూసెక్కుల వరద నీరు, 70 గేట్లు ఎత్తి వదిలారు. వరద ఉధృతికి బ్యారేజ్ షేక్ అవుతూ కనిపించింది. మరో పక్క, బ్యారేజ్ రెండు గేట్లకు పగుళ్లు రావటంతో అధికార యంత్రాంగం హై అలర్ట్ అయ్యింది. పగుళ్లను పరిశీలించిన అధికారులు, ప్రస్తుతానికి ముప్పు లేదని అధికారులు తేల్చారు. బలహీనంగా ఉన్న గేట్లకు తాత్కాలికంగా మరమత్తులు చేపట్టేందుకు ప్రయత్నం చేసినా, వరద ఉదృతికి వారి వల్ల కాలేదు. అందుకే ఇక ఏ మాత్రం ఉపేక్షించకుండా, బ్యారేజి పై ట్రాఫిక్ ఆపేశారు. అయితే సందర్శకుల తాకిడి మాత్రం బాగా ఉంది. దీంతో మరింత జాగ్రత్తలు తీసుకుని, ఎక్కువ మంది పోలీసులను పెట్టారు. ప్రజలు ఎవరు బ్యారేజీ పై ఎలాంటి ఇబ్బందులు కలిగంచకుండా జాగ్రత్తలు తీసుకుంటున్నారు.

అయితే ఈ పరిస్థితి రావటం పై, మాత్రం భిన్నాభిప్రాయాలు వ్యక్తం అవుతున్నాయి. కృష్ణా వరదలు దాదపుగా రెండు వారల నుంచి మొదలయ్యాయి. ఆదివారం ప్రకాశం బ్యారేజీ గేట్లు ఎత్తారు. అయితే, నాలుగు అయిదు రోజులు వరకు, నీటిని కిందకు ఫుల్ గా ఎందుకు వదలలేదు అనే వాదన వస్తుంది. పై నుంచి ఫ్లడ్ ఎక్కువగా ఉన్నా, బ్యారేజీ వద్ద ఎక్కువగా అపారనే వాదన వినిపిస్తుంది. అయితే పరిస్థితి ఒక్కసారిగా తారు మారు అవ్వటంతో, నిన్న ఒకేసారి 7 లక్షల క్యుసెక్ లకు పైగా వదిలారు. ఈ రోజు 8 లక్షలకు వెళ్తుందని భావిస్తున్నారు. ఇలా ఒకేసారి వదలటంతో, బ్యారేజీకి ఇబ్బందికర పరిస్థితి వచ్చిందని అంటున్నారు. మరో పక్క రెండు పెద్ద పెద్ద ఇసుక పడవలు వచ్చి గేట్లకు అడ్డు పడటం కూడా వివాదం అయ్యింది.

జగన్ మోహన్ రెడ్డి ప్రభుత్వంలోకి వచ్చిన 70 రోజుల్లోనే, అటు కోర్టుల దగ్గర నుంచి, కేంద్రం దగ్గర నుంచి, వివధ వర్గాల మేధావులు దాకా, అందరితో మొట్టికాయలు వేయించుకుంటున్నారు. ఇక్కడ సమస్య ఏంటి అంటే, తప్పులు చెయ్యటం కాదు. తప్పులు ఎవరైనా చేస్తారు. అందునా మొదటి సారి అధికారంలోకి వచ్చిన జగన్ తప్పులు చెయ్యటంలో ఆశ్చర్యం లేదు. అయితే ఆ తప్పులను, తప్పులు అని తెలిసినా, అందరూ అలా చెయ్యవద్దు అని చెప్పినా కూడా, వీళ్ళు మారక పొతే, అక్కడ సమస్య వస్తుంది. జగన్ మోహన్ రెడ్డి ప్రభుత్వం ప్రస్తుతం అలాంటి విమర్శలే ఎదుర్కుంటుంది. చంద్రబాబు మీద కక్ష తీర్చుకోవాలి అనే కసితో, వివాదస్పద నిర్ణయాలు, తొందరపాటు నిర్ణయాలు తీసుకుని, వాళ్ళు ఇబ్బంది పడటమే కాక, ఆంధ్రప్రదేశ్ బ్రాండ్ ఇమేజ్ ని కూడా, చెడగొట్టే పరిస్థితి తీసుకువచ్చారు.

తాజగా జగన్ మోహన్ రెడ్డి ప్రభుత్వం పై, కర్ణాటకకు చెందిన టాప్ ఇండస్ట్రియలిస్ట్, అలాగే అక్షయ పాత్ర సహ వ్యవస్థాపకుడుగా కూడా ఉన్న మోహన్‌దాస్‌ పై, తీవ్ర విమర్శలు చేస్తూ ట్వీట్ చేసారు. జగన్ మోహన్ రెడ్డి విధానాలతో, ఆంధ్రప్రదేశ్ రాష్ట్ర భవిష్యత్తుని నాశనం చేస్తున్నారని అన్నారు. జగన్ మోహన్ రెడ్డి ప్రభుత్వం పై తీవ్ర పదజాలం ఉపయోగిస్తూ, జగన్ పరిపాలనను, ‘ప్రభుత్వ ఉగ్రవాదం’తో పోల్చారు. సోలార్, విండ్ ఎనర్జీకి సంబంధించి, విద్యుత్ ఒప్పందాలు రద్దు/సమీక్ష చేస్తూ, ఆంధ్రప్రదేశ్ ప్రభుత్వం తీసుకున్న నిర్ణయాన్ని, జపాన్ ప్రభుత్వం తప్పుపట్టిన న్యూస్ ఆర్టికల్ పోస్ట్ చేస్తూ, మోహన్ దాస్ పై ఈ వ్యాఖ్యలు చేసారు. ఈ ఆర్టికల్ పోస్ట్ చేస్తూ, జగన్ మోహన్ రెడ్డి ప్రభుత్వంలో, పెట్టుబడి దారులు ఇబ్బంది పడుతున్నారని అన్నారు.

ఇది జగన్ ప్రభుత్వం చేస్తున్న ప్రభుత్వ ఉగ్రవాదం అని, ఇలాంటి నిర్ణయాలతో ఏపి భవిషత్తు నాశనం అవుతందని అన్నారు. పెట్టుబడి దారులు, విశ్వాసం కోల్పోయే విధంగా జగన మోహన్ రెడ్డి గారి నిర్ణయాలు ఉన్నాయని అన్నారు. వ్యాపారస్తులను బెదరగొడితే ఎవరైనా, పెట్టుబడులు ఎందుకు పెడతారు ? అమరావతిలో సింగపూర్ భారీ పెట్టుబడులు పెట్టింది. అయితే జగన ప్రభుత్వం, ఆ ఒప్పందాలను తిరగదోడుతుంది. ఇలా చేస్తే ఎవరైనా పెట్టుబడులు ఎందుకు పెడతారు అని ట్వీట్ చేసారు. ఇప్పటికే ఈ విద్యుత్ ఒప్పందాల విషయంలో, విద్యుత్ ట్రిబ్యునల్, కేంద్రం ప్రభుత్వం, హైకోర్ట్, ఫిచ్ రేటింగ్స్, వివిధ బిజినెస్ ఫోరమ్స్, జగన్ ప్రభుత్వాన్ని హెచ్చరించాయి. అయినా ప్రభుత్వం మాత్రం వినకుండా, పెట్టుబడిదారులని ఇబ్బంది పెడుతుంది.

నిన్నటి నుంచి సోషల్ మీడియాలో ఒక వీడియో వైరల్ అవుతుంది. అందులో ఒక పంచాయతీ జరుగుతుంది. అక్కడ దళితులు కింద కాళ్ళ పై కూర్చుని ఉంటే, గ్రామ పెద్దలు వారి ఎదురుగుండా రచ్చబండ పై కూర్చుని, పంచాయతీ చేస్తున్నారు. ఇందులో, ఒక గ్రామ పెద్ద, దళితురాలు అయిన ఓక మైనర్ బాలిక పై విచాక్షణారహితంగా కొడుతున్నట్టు వీడియోలో కనిపించింది. చెంప మీద ఆపుకుండా కొడుతూ, తరువాత కర్రతో కొడుతూ, చివరకు ఆ పిల్లని కాళ్ళతో చాతీ పై కొట్టాడు ఆ గ్రామ పెద్ద. అయితే ఈ వీడియో గురించి పూర్తీ వివరాలు నిన్న తెలియలేదు. కాని ఈ వీడియో, నిన్నటి నుంచి పూర్తిగా వైరల్ అవ్వటంతో, అటు మీడియా, ఇటు పోలీసులు అలెర్ట్ అయ్యారు. ఈ వీడియో పై అసలు ఏమి జరిగింది అనే విషయం పై ఆరా తీసారు. అయితే, ఈ విషయం జరిగిన తీరు చూసి అందరూ అవాక్కయ్యారు.

అనంతపురం జిల్లా గుమ్మఘట్ట మండలం కేపీ దొడ్డి గ్రామంలో, గ్రామానికి చెందిన ఇద్దరు మైనర్లు ప్రేమించుకున్నారు. ఇద్దరూ దళిత వర్గానికి చెందిన వారే. ఇంట్లో పెద్దలు పెళ్ళికి ఒప్పుకోక పోవటంతో, మూడు రోజుల క్రిందట ఇంట్లో నుంచి ఇద్దరూ కలిసి పారిపోయారు. అయితే, వారిని వెతికి పట్టుకుని, కుటుంబ సభ్యులు తీసుకువచ్చారు. విషయం గ్రామ పెద్దలకు చెప్పారు. అయితే, ఇక్కడ గ్రామ పెద్దగా ఉన్నది, వైసీపీ నాయకుడు, బ్రహ్మానందరెడ్డి, మరో వైసీపీ నాయకుడు లింగప్ప. బ్రహ్మానందరెడ్డి ఎంపీటీసీ సభ్యుడిగా కూడా పని చేసారు. అయితే, ఈ విషయం తెలియగానే, వీరు తమ కుల అహంకారాన్ని చూపిస్తూ, అక్కడ ప్రవర్తించిన తీరు ఆక్షేపనీయం. ఆ మైనర్ బాలికను మరోసారి ఇలా చెయ్యద్దు అంటే, ఆ బాలిక మాత్రం, నేను అతన్నే పెళ్లి చేసుకుంటానని చెప్పింది.

నేను చెప్పినా వినవా, నా మాటకే ఎదురు చెప్తావా అని, ఆ బాలిక పై విచక్షణారహితంగా దాడి చేసారు, ఆ వైసిపీ నాయకుడు. అయితే ఈ విషయం వైరల్ అవ్వటంతో, దళిత సంఘాలు రంగంలోకి దిగాయి. చిన్న పిల్లలకు అర్ధం అయ్యేలా చెప్పాలి కానీ, ఇలా గొడ్డుని బాదినట్టు, అందరి ముందు కొడతారా, అతన్ని అరెస్ట్ చెయ్యాలని ఆందోళన చేసారు. దీంతో పోలీసులు రంగంలోకి దిగి, ఎస్సీ, ఎస్టీ ఆట్రాసిటీ చట్టం కింద కొట్టిన వారి పై కేసు నమోదు చేశారు. లింగప్పను అరెస్టు చేస్తామని చెప్పారు. అలాగే ఆ బాలికను ప్రేమించిన బాలుడి పై కూడా పోక్సో చట్టం కింద కేసు పెట్టారు. డీఎస్పీ వెంకటరమణ, తహసీల్దార్‌ వెంకటచలపతి, సీఐ రాజులు బాధిత మైనర్‌ బాలిక ఇంటికి వెళ్లి విచారణ చేపట్టారు.