news

20 రోజుల పాటు కృష్ణా నదికి కొట్టిన వరదలు ఆగిపోయాయి. కృష్ణమ్మ శాంతించింది. శ్రీశైలం, నాగార్జున సాగర్, పులిచింతల, ప్రకాశం బ్యారేజీ గేట్లు మూసుకు పోయాయి. అయితే ఒక్క చోట మాత్రం, ఒకే ఒక గేటు ఇంకా తెరిచే ఉంది. అక్కడ నుంచి సముద్రంలోకి నీరు వృధాగా పోతుంది. ప్రకాశం బ్యారేజీ దగ్గరకు వెళ్ళిన ప్రజలకు, ప్రకాశం బ్యారేజీ దగ్గర అన్ని గేట్లు మూసుకుపోయి కనిపించినా, ఒక్క గేటు మాత్రం ఇంకా తెరిచే ఉంది. అక్కడ నుంచి నీళ్ళు వృధాగా కిందకు పోతున్నాయి. సముద్రంలోకి వృధాగా వెళ్ళిపోతున్నాయి. పులిచింతల గేట్లు మూసేసారు. ప్రకాశం బ్యారేజి గేట్లు మూసేసారు. అక్కడ 3 టియంసీ నీళ్ళు నిలువ చెయ్యాలి. కాని, ఇలా వృధాగా ఒక గేటు తెరిచి, ఎందుకు నీళ్ళు వాడులుతున్నారో ఎవరికీ అర్ధం కాలేదు. ఊరికే నీళ్ళు సముద్రంలోకి వదిలేస్తున్నారని ప్రజలు బాధపడుతున్నారు.

అయితే, ఈ విషయం తెలియటంతో, నిన్న కృష్ణా జిల్లా కలెక్టర్ అక్కడకు వెళ్లి చూసారు. ప్రకాశం బ్యారేజీ 68వ పిల్లర్ వద్ద గేటు తెరిచి ఉందని, అక్కడ నుంచి నీళ్ళు వృధాగా పోతున్నాయని గమనించారు. విషయం పై ఆరా తీసారు. మొన్న వరదలకు ఒక పెద్ద ఇసుక బోటు వచ్చి, 68వ పిల్లర్ వద్ద ఇరుక్కు పోయింది. అయతే ఇప్పుడు వరద తగ్గటంతో, అది బయట పడింది. ఆ పెద్ద ఇసుక బోటు, వెళ్లి బ్యారేజీ గేటుని గట్టిగా గుద్దుకోవటంతో, అక్కడే ఇరుక్కు పోయింది. దీంతో, అన్ని గేట్లు వేసినా, ఈ గేటు మాత్రం కిందకు దిగటం లేదు. అక్కడ ఒక పెద్ద ఇసుక బోటు ఉండటంతో, వీలు కావటం లేదు. ఇసుక బోటు అంటే ఎదో పడవ లాగా ఉంది అనుకునేరు, దాదపుగా 25-30 లారీలకు సరిపడా ఇసుక తీసుకుచ్చెంత పెద్ద ఇసుక పడవ..

అయితే ఈ బోటు వల్ల గేటు కిందకు దిగటం లేదు అని తేల్చిన కృష్ణా జిల్లా కలెక్టర్, అక్కడ ఉన్న ఎన్డీఆర్ఎఫ్, అగ్నిమాపక, ఇరిగేషన్ అధికారులతో మాట్లాడారు. నీరు వృధాగా పోతుందని, తొందరగా, ఆక్కడ నుంచి బోటుని తియ్యాలని ఆదేశించారు. బోటు తొలగించే సమయంలో, బ్యారేజీ పిల్లర్లకు కానీ, గేట్లకు కాని నష్టం కలగకుండా చూడాలని అన్నారు. అయితే, ఈ విషయం తెలుసుకున్న టిడిపి నాయకులు, ఇది కుట్ర కోణం కాదా ? అని ప్రశ్నించారు. మొత్తం ఇలాంటివి మూడు పెద్ద ఇసుక పడవలు, బ్యారేజీకి అడ్డంగా వేసారని, ఇప్పుడు అందులో ఒకటి బ్యారేజీకే ఇబ్బంది అయ్యే పరిస్థితి వచ్చిందని ఆరోపించారు. వీళ్ళు చేసే పనుల వల్ల, ఎలాంటి నష్టం వాటిల్లిందో చూడండి అంటున్నారు. బ్యారేజీకి అడ్డంగా బొట్లు వెయ్యటం పై, నారా లోకేష్ కూడా ట్వీట్ చేసిన సంగతి తెలిసిందే. అయితే ఇది కుట్ర కోణంలో చేసినా, పొరపాటున వచ్చినా, గత రెండు రోజుల నుంచి, అక్కడ పడవ ఉండటం వల్ల, నీళ్ళు సముద్రంలోకి వెళ్తున్నాయి. ప్రభుత్వం వెంటనే, అక్కడ నుంచి బోటు తీసి, బ్యారేజీ గేటు మూసే ప్రయత్నం చెయ్యాలి.

రాష్ట్రంలో ఎన్నికలు అయ్యి, మూడు నెలలు కూడా కాలేదు, అప్పుడే రాజకీయ సమీకరణాలు మారిపోతున్నాయి. మొన్నటి ఎన్నికల్లో చంద్రబాబుని దించటానికి, అన్ని పార్టీలు కలిసి ఎలా పని చేసాయో చూసాం. ముఖ్యంగా బీజేపీ పెద్దన్న పాత్రలో, జగన్ మోహన్ రెడ్డిని ముఖ్యమంత్రిని చెయ్యటానికి, బీజేపీ ఎన్ని పావులు కదిపిందో, ఎన్ని క్యారక్టర్లు ఎంటర్ అయ్యయో, ఎన్ని తోక పార్టీలు పని చేసాయో, ఎన్ని క్యంపైన్లు నడిపారో, అన్నీ ప్రజలకు సుపరిచితమే. రాజకీయంగానే కాక, బీజేపీ కేంద్రంలో అధికారంలో ఉండటంతో, సంస్థలను కూడా వాడుకుని, చంద్రబాబుని దించే ప్రయత్నం చేసారనే విమర్శలు కూడా ఉన్నాయి. ఎన్నికల ముందు వరకు, ఈవీఎంలు కూడా మ్యానేజ్ చేసారని చంద్రబాబు ఆరోపించారు కూడా. అయితే ఎన్నికల ఫలితాలు తరువాత మాత్రం, ఆ విమర్శలు చెయ్యలేదు.

ఇలా అన్ని విధాలుగా రాజకీయ ప్లాన్లు వేసి, చంద్రబాబుని దించి, జగన్ మోహన్ రెడ్డిని సియం పదవిలో ఎక్కించటంలో, బీజేపీ పాత్ర ఉందనేది అందరికీ తెలిసిందే. ఈ ప్లాన్లో భాగంగా, ఎన్నికల ముందు, జగన్ మోహన్ రెడ్డి మళ్ళీ మతం మారి, హిందూ మతంలోకి వచ్చారని, బీజేపీ సోషల్ మీడియా టీం ప్రచారం చెయ్యటం కూడా అందరికీ తెలుసు. ఇందులో ప్రశాంత్ కిషోర్ టీం ఎంతో పని చేసింది. స్వరూపానంద, జగన్ తో కలిసి చేసిన పూజల వీడియో చూపించి, జగన మోహన్ రెడ్డి మతం మారారని ప్రచారం చేసారు. అయితే ఇప్పుడు జగన్ మోహన్ రెడ్డి సియం అయ్యారు. దేశ వ్యాప్తంగా అన్ని రాష్ట్రాల్లో కాషాయ జెండా ఎగరువెయ్యటానికి బీజేపీ ప్లాన్ వేసింది. ఇందులో భగంగా, గత నెల రోజుల నుంచి జగన్ మోహన్ రెడ్డిని స్లో గా టార్గెట్ చేస్తుంది బీజేపీ.

అయితే ఈ రోజు, బీజేపీ ఆంధ్రప్రదేశ్ ట్విట్టర్ ఖాతా ద్వారా, సంచలన ట్వీట్ చేసింది. జగన్ మోహన్ రెడ్డి అమెరికా పర్యటనలో, డల్లాస్ లో ప్రావాస భారతీయులతో సమావేశం ఏర్పాటు చేసారు. ఆ సందర్భంగా, సభ మొదట్లో, జగన్ మోహన్ రెడ్డిని జ్యోతి వెలిగించమని నిర్వాహకులు కోరారు. అయితే జగన్ నిరాకరించారు. ఈ వీడియో బీజేపీ ఈ రోజు ట్విట్టర్ లో పోస్ట్ చేసింది. జగన్ మోహన్ రెడ్డి జ్యోతి వెలిగంచమంటే వెలిగించలేదని, హిందువులను ఎన్నికల ముందు జగన్ ఫూల్ చేసారని, అన్ని దేవాలయాలకు తిరిగి రాహుల్ గాంధీ లాగా నాటకాలు ఆడారని, ప్రశాంత్ కిషోర్ స్క్రిప్ట్ బాగా రాసారని, ఇవన్నీ చూసి బెంగాల్ రాష్ట్రం నేర్చుకోవచ్చు అంటూ సంచలన ట్వీట్ చేసింది. ఈ ట్వీట్ తో, జగన్ మోహన్ రెడ్డి పై, ఎలాంటి ధోరణితో రాజకీయంగా బీజేపీ ఎదుర్కుంటుందో అర్ధమవుతుంది.

అమరావతిని మార్చేస్తారంట కదా ? మంత్రి బొత్సా ప్రకటన తరువాత, నిన్నటి నుంచి ఇదే చర్చ. అమరావతిని ప్రేమించే వారికి, ఇది నిజంగా చేదు వార్తా. అమరావతిని ద్వేషించే బ్యాచ్ కు మాత్రం, పండగ లాంటి వార్తా. అయితే అమరావతికి కర్త, కర్మ, క్రియ అయిన చంద్రబాబు, ఈ వార్తలు విని, స్పందించారు. నిన్న కృష్ణా వరద వచ్చిన ప్రాంతాల్లో చంద్రబాబు పర్యటిస్తున్న సామయంలోనే ఈ వార్త వచ్చింది. అప్పటికే ప్రజల మధ్య ఉన్న చంద్రబాబుకు, మంత్రి ప్రకటన పై, చంద్రబాబుకు బ్రీఫ్ చేసారు. అయితే, చంద్రబాబు ఈ వార్త విన్న వెంటనే, ప్రజల మధ్యకే వచ్చి స్పందించారు. ఇప్పుడే వార్తల్లో వస్తుంది, అమరావతి గురించి ప్రభుత్వం ఆలోచిస్తుంది అంటూ మంత్రి బొత్సా మాట్లాడారు అంటూ, చంద్రబాబు స్పందించారు. వరదను కావాలని నిలుపదల చేసి, ఇప్పుడు వరద ప్రాంతం అనే ముద్ర వేసి, రాజధానిని తరలించే కుట్ర చేస్తున్నారని మండిపడ్డారు.

ప్రకాశం బ్యారేజీ సామర్థ్యం 3 టీఎంసీలు అయితే, అమరావతి ప్రాంతం, నా ఇల్లు ముంచాలని, 4 టీఎంసీల నీటిని బ్యారేజీలో నిల్వ ఉంచారు. అయినా అమరావతికి ఏమి అవ్వలేదు, నా ఇల్లు మునగలేదు. కాని, పేద ప్రజలని ముంచేసారు అని చంద్రబాబు అన్నారు. 4 టీఎంసీల నీటిని ఉంచి, ప్రకాశం బ్యారేజీనే ప్రమాదకర పరిస్థితులకు తీసుకువెళ్ళారని అన్నారు. నా ఇల్లు పొతే, ఆ ఇంటి ఓనర్ కు ఇబ్బంది, అక్కడ వస్తువులున్న నాకు ఇబ్బంది, కాని ఇప్పుడు మాకు ఏమి అవ్వలేదు కాని, పేదల కడుపు కొట్టారని అన్నారు. ఇంతా చేసి, అమరావతికి వరద ముప్పు ఉంది, దాని కోసం చాలా ఖర్చు పెట్టాలి, చాలా ఖర్చు పెడితే ప్రజాధనం వృధా అవుతుంది, అందుకే ఆలోచిస్తున్నాం అని ప్రభుత్వం చెప్తుందని, కాని ఇది తప్పు అని చంద్రబాబు అన్నారు.

అమరావతి కోసం, ప్రభుత్వం రూపాయి కూడా ఖర్చు పెట్టాల్సిన పని లేదని అన్నారు. ఒక్క పైసా ఖర్చు లేకుండా అమరావతి నిర్మాణానికి రైతులు 33వేల ఎకరాలను స్వచ్ఛందంగా ఇచ్చారని, గుర్తు చేసారు. అన్ని మౌలిక సదుపాయాలు, రైతులకు ఇచ్చే భూమి పోగా, ప్రభుత్వానికి 8 వేల ఎకరాలు మిగులుతుందని, ఆ భూమి అమ్ముకుంటే, రాజధాని నిర్మాణం తేలికగా పూర్తీ అవుతుందని అన్నారు. తరువాత, అదే ఆదాయం తెచ్చి, రాష్ట్రానికి గుండెకాయ అవుతుందని అన్నారు. కాని ప్రభుత్వానికి వేరే కుట్ర ఆలోచనలు ఉన్నాయని, అందుకే రాజధానిని మార్చే ఆలోచనతోనే, కుట్ర చేసి, ఇక్కడకు వరదలు వచ్చేలా ప్లాన్ చేసారని చంద్రబాబు అన్నారు. ఖర్చు ఎక్కువ అంటూ అమరావతిని పూర్తిగా నిలిపివేసే ప్రయత్నం చేస్తున్నారని, దీనిపై ఎంతవరకైనా పోరాడతానని చంద్రబాబు స్పష్టం చేశారు.