news

జగనసేన పార్టీ ఎమ్మెల్యే రాపాక వరప్రసాద్ అరెస్ట్ కేసులో, కోర్ట్ కు తీసుకువెళ్లగానే, కొత్త ట్విస్ట్ వచ్చింది. తూర్పు గోదావరి జిల్లా మలికిపురంలో పోలీస్ స్టేషన్ ను, రాపాక ముట్టడించారని, ఆయన పై నాన్ బైలబుల్ కేసులు పెట్టారు. దీంతో ఆయాన ఈ రోజు రాజోలు పోలీస్ స్టేషన్ లో లొంగిపోయారు. అయితే ఈ సందర్భంగా, రాపాకను కస్టడీకి విధించాలని, రాజోలు మున్సిఫ్ మేజిస్ట్రేట్ ముందు రాపకను హాజరుపరిచారు. అయితే ఈ సందర్భంలో, పోలీసులకు అనుకోని ట్విస్ట్ ఇచ్చింది కోర్ట్. రాపాకను కొన్నాళ్ళు జైల్లో ఉంచాలనే ప్రభుత్వ పెద్దల ప్లాన్ బెడిసికొట్టింది. రాపాకను పోలీస్ కస్టడీకి ఇచ్చేందుకు మేజిస్ట్రేట్ నిరాకరించారు. ఒక ప్రజాప్రతినిధిని అరెస్టు చేసే విధానం ఇది కాదని పోలీసులను కోర్ట్ మందలించింది. విజయవాడ న్యాయస్థానాన్ని ఆశ్రయించాలని పోలీసులకు సూచించారు.

కోర్ట్ లో పోలీసులకు క్కెదురు కావడంతో రాపాకను స్టేషన్ కు తీసుకొచ్చి, స్టేషన్ బెయిల్ ఇస్తామని పోలీసులు కోర్ట్ కి చెప్పారు. దీంతో రాపాకను స్టేషన్ బెయిల్ పై విడిచి పెట్టారు. రాపాకను అరెస్ట్ చేసి లోపల వేసి, వేధించవచ్చు అనే ప్లాన్ మాత్రం ప్రభుత్వ పెద్దలకు బెడిసి కొట్టింది. అయితే అంతకు ముందు, మలికిపురం పోలీస్ స్టేషన్ ను తన అనుచరలుతో కలిసి, ముట్టడించిన కేసులో పోలీసులు రాపాక వరప్రసాద్ పై నాన్ బెయిలబుల్ అరెస్టు వారెంట్ ను జారీ చేసారు. రాపాకతో పాటు ఆయన అనుచరులు అయిన 30 మంది జనసేన కార్యకర్తల పై సెక్షన్‌ 143,147,148,341,427 r/w 149 ఐపీసీ, 7 సీఎల్ఏ - 1932, 3పీడీపీపీఏ సెక్షన్ల కింద రాజోలు పోలీసులు కేసు నమోదు చేసారు. దీంతో రాపాక అరెస్ట్ ఖాయం కావటంతో, ఆయనే వచ్చి లొంగిపోయారు.

దీని పై పవన్ కళ్యాణ్ కూడా స్పందించారు. ఇంత చిన్న కేసు విషయంలో, ఇలా ఎందుకు చేస్తున్నారో, అని పవన్ కళ్యాణ్ అన్నారు. గోరుతో పోయే దాన్ని, గొడ్డలి దాక తెస్తున్నారని అన్నారు. పరిస్థితి చేయి దాటితే, నేను కూడా అక్కడకు వచ్చి కూర్చుంటాను అని అన్నారు. అయితే ప్రభుత్వం విపక్ష ఎమ్మెల్యేల పై కక్ష తీర్చుకుంటుంది అని విశ్లేషకులు అభిప్రాయ పడుతున్నారు. ఒక పక్క నిన్న, అధికార పార్టీకి చెందిన ఎమ్మెల్యే కోటంరెడ్డి, ఒక పత్రికాధినేత పై దాడి చేసి, చంపేస్తాను అని బెదిరిస్తే, ఆయన కేసు పెడితే, ఇప్పటి వరకు పోలీసులు ఆ ఎమ్మెల్యేను విచారణకు పిలవలేదు. అలాంటిది, ఇంత చిన్న విషయంలో, ప్రతిపక్ష ఎమ్మెల్యేలను టార్గెట్ చేస్తున్నారనే వాదన వినిపిస్తుంది.

జగన్ మోహన్ రెడ్డి అధికారంలోకి వచ్చిన దగ్గర నుంచి, అన్ని పనులు రివెర్స్ లోనే వెళ్తున్నాయి. చంద్రబాబు మీద కోపంతో, చంద్రబాబు ముద్రలు ఈ రాష్ట్రంలో ఏమి ఉండకూడదు అని జగన్ తాపత్రయ పడుతున్నారు. ముందుగా చంద్రబాబు కట్టిన ప్రజా వేదిక కూల్చేసారు. తరువాత అమరావతి ఆపేశారు. పోలవరం ఆపేశారు. అలాగే పేదలకు 5 రూపాయలకు అన్నం పెట్టె, అన్న క్యాంటీన్లు ఆపేసారు. అయితే నవ్యాంధ్రలు జీవనాడి అయిన పోలవరం ప్రాజెక్ట్ ఆపెయ్యటం మాత్రం, అందరూ అవాక్కయ్యారు. నవయుగ కంపెనీ వచ్చిన తరువాత, పోలవరం పనులు పరుగులు పెట్టాయి. ట్రాన్స్ ట్రాయి కంపెనీ సరిగ్గా పని చెయ్యటం లేదని, చంద్రబాబు పట్టుబట్టి, నితిన్ గడ్కరీని ఒప్పించి, నవయుగని తీసుకు వచ్చారు. దీంతో అప్పటి నుంచి, పనులు పరుగులు పెట్టాయి.

అయితే జగన్ మోహన్ రెడ్డి వచ్చిన తరువాత పోలవరం పనులు ఆపేసారు. తరువాత నెల రోజుల పైన తరువాత, ఏకంగా నవయుగ కంపెని టెండర్ క్యాన్సిల్ చేసి, కొత్త టెండర్ కోసం జగన్ ప్రభుత్వం చూస్తుంది. అయితే పోలవరం ప్రాజెక్ట్ ఇలా ఆపటం పై, కేంద్రం తీవ్ర ఆగ్రహం వ్యక్తం చేసింది. ఏకంగా పార్లిమెంట్ లోనే, కేంద్ర మంత్రి, ఇదేమి తీరు అంటూ రాష్ట్రాన్ని తప్పుబట్టారు. దీంతో ఈ రోజు హైదరాబాద్ లో పోలవరం ప్రాజెక్ట్ అథారిటీ, అత్యవసర సమావేశం అయ్యారు. రాష్ట్ర ప్రభుత్వ అధికారులను కూడా రమ్మన్నారు. ఎందుకు ముందుగానే నవయుగని పంపించి వేసారు, దీనికి కారణం ఏంటి అని చెప్పమంటే, రాష్ట్ర అధికారులు, ఇందులో అవినీతి జరిగింది అంటూ చెప్పారు. అయితే, ఆ కారణం పై పోలవరం ప్రాజెక్ట్ అథారిటీ ఒప్పుకోలేదు.

నవయుగ కంపెనీ వచ్చిన తరువాత పనులు పరుగులు పెట్టాయని, వాళ్ళు చాలా బాగా పని చేసారని అని పోలవరం ప్రాజెక్ట్ అథారిటీ అభిప్రాయ పడింది. ఇప్పుడు నవయుగని తప్పించి, కొత్త టెండర్ కు వెళ్తే, జెక్టు పూర్తి చేసే సమయంపై తీవ్ర ప్రభావం చూపుతుందని, ప్రాజెక్టు వ్యయం పెరుగుతుందని అభిప్రాయపడింది. దీని పై సమగ్రంగా నివేదిక ఇవ్వాలని కోరింది. అంతే కాదు, ఇలాంటి విషయాల పై నిర్ణయాలు తీసుకునే ముందు, అన్ని విషయాలు పరిగణలోకి తీసుకుని తుది నిర్ణయం తీసుకోవాలని చెప్పింది. ఇదే విషయం పై, పోలవరం ప్రాజెక్ట్ అథారిటీ కేంద్రానికి కూడా నివేదిక ఇచ్చే అవకాసం ఉంది. రాష్ట్ర ప్రయోజనాలు కాకుండా, వ్యక్తిగత కక్షతో నిర్ణయాలు తీసుకుంటే, ఇలాగే ఉంటుంది అని, ఇప్పటికైనా ప్రభుత్వం తెలుసుకుంటే, రాష్ట్రానికి మంచి జరుగుతుంది.

చంద్రబాబు అధికారంలో ఉన్నన్నాళ్ళు, మా జాతి మా జాతి అంటూ, చంద్రబాబు సానుకూలంగా ఉన్నా సరే, ఆయన్ను ఇబ్బంది పెడుతూ, కాపు రిజర్వేషన్ల అంశం పై, ముద్రగడ ఉద్యమాలు చేసేవారు. ఆయన అధికారంలోకి వచ్చిన సంవత్సరం లోపే, పెద్ద ఉద్యమం చేసి, రైలు కూడా తగలబెట్టి, రాష్ట్రాన్ని రావణ కాష్టం చేసారు. చంద్రబాబు కాపులకు ప్రత్యెక కార్పొరేషన్ పెట్టారు, కాపుల్లో ఉన్న పేదలను ఆదుకున్నారు. తరువాత కాపు రిజర్వేషన్ పై, బిల్లు పెట్టి, కేంద్రానికి కూడా 2017లో పంపించారు. అయినా ముద్రగడ మాత్రం, చంద్రబాబు పై సణుగుతూనే ఉన్నారు. తరువాత కేంద్రం 10 శాతం అగ్రవర్ణాలకు రిజర్వేషన్ తీసుకు రావటంతో, జనాభా ప్రాతిపదికన, కాపులకు అందులో 5 శాతం రిజర్వేషన్ ఇస్తూ, చంద్రబాబు జీఓ ఇచ్చారు.

ఇలా చేస్తే, బీసిలకు కూడా ఇబ్బంది ఉండదు అని భావించారు. ఇంత చేసినా , ముద్రగడ మాత్రం, చంద్రబాబు పై విషం చిమ్ముతూనే వచ్చారు. జగన్ మోహన్ రెడ్డి, అధికారంలోకి రాగానే, చంద్రబాబు ఇచ్చిన 5 శాతం కాపు రిజర్వేషన్ ఎత్తేసారు. అయితే ముద్రగడకు ఆ విషయం పై స్పందించటానికి, రెండు రోజులు పట్టింది. ఇది కూడా ఎదో ఒక లేఖ జగన్ కు రాసారు అంతే. ఇదే పని చంద్రబాబు చేసి ఉంటే, ముద్రగడ ఎలా చేసే వారో ఒకసారి ఊహించండి. అయితే, ఇప్పుడు జగన తో వర్క్ అవ్వదు అనుకున్నారో, లేక జగన్ ను కాకుండా, ప్రధాని మోడీనే ఈ ఉచ్చులోకి లాగే ప్రయత్నమో కాని, ఇప్పుడు ప్రధాని మోడీకి లేఖ రాసారు. ఈ లేఖలో మాత్రం, చంద్రబాబు చేసిందే మాకు ముద్దు అంటూ, చంద్రబాబు మాకు ఎంతో చేసారు అనే విధంగా ఉత్తరం రాసారు.

02.12.2017న అప్పటి చంద్రబాబు నాయుడు ప్రభుత్వం అసెంబ్లీలో ఆమోదించి కేంద్రానికి పంపిన 33/2017 కాపు రిజర్వేషన్ బిల్లును ఆమోదించాలని ఆయన తన లేఖ ద్వారా మోడీకి విజ్ఞప్తి చేశారు. కాపులకు చంద్రబాబు ఇచ్చిన 5 శాతం రిజర్వేషన్ బిల్లు కేంద్ర హోంశాఖ వద్ద పెండింగ్ లో ఉందని చెప్పారు. తక్షణమే చంద్రబాబు అప్పట్లో పంపించిన ఆ బిల్లును ఆమోదించాలని, కాపు రిజర్వేషన్లకు మోడీ ప్రభుత్వం సహకరించాలని కోరారు. అంటే, ఇప్పుడు ముద్రగడకు చంద్రబాబు విలువ ఏంటో తెలిసి వచ్చిందా ? లేక ఇది కూడా రాజకీయమా ? లేకపోతె ఈ అంశంలో రాష్ట్ర ప్రభుత్వాన్ని, జగన్ ని ఏ ఇబ్బంది పెట్టకుండా, కేంద్రం పైకి నెట్టేసి, మోడీని దోషిగా చూపించే కొత్త ఎత్తుగడా ? ఏది నిజం అనేది కాలమే సమాధానం చెప్తుంది.