news

జగన్ మోహన్ రెడ్డి ప్రభుత్వంతో, రాజకీయంగా సఖ్యతగా ఉన్నట్టు బీజేపీ కనిపిస్తున్నా, కేంద్ర ప్రభుత్వ పరంగా మాత్రం, జగన్ మోహన్ రెడ్డి ప్రభుత్వం చేసే పనుల పై మాత్రం, చాలా గుర్రుగా ఉంది. ముఖ్యంగా జగన్ మోహన్ రెడ్డి ఆడుతున్న డబల్ గేమ్ ని, ఢిల్లీ పెద్దలు గమనిస్తున్నారు. ఢిల్లీ పెద్దల దగ్గర మాత్రం జగన్, విజయసాయి రెడ్డి వినయం నటిస్తూ, అంతా మీ తరువాతే అన్నట్టు అక్కడ చెప్తున్నారు. రాష్ట్రానికి వచ్చి మాత్రం, కనీసం కేంద్రానికి కూడా సమాచారం ఇవ్వకుండా, వారి ఇష్టం వచ్చినట్టు ప్రవర్తిస్తున్నారు. కేంద్ర ప్రభుత్వం పరిధిలో ఉన్న అంశాలు కూడా, లెక్క చెయ్యకుండా, కేంద్రానికి చెప్పకుండా, జగన్ మోహన్ రెడ్డి ఇష్టం వచ్చినట్టు నిర్నయం తీసుకోవటం పై కేంద్రం గుర్రుగా ఉంది. కనీసం పోలవరం ప్రాజెక్ట్ అథారిటీకి కూడా చెప్పకుండా జగన్ ఈ నిర్ణయం తీసుకోవటంతో, కేంద్రం కోపంగా ఉంది.

రాజకీయంగా మంచి సంబంధాలు ఉన్నా, రూల్స్ ప్రకారం నడవాల్సిన చోట, కేంద్రం జగన్ ప్రభుత్వానికి షాకులు మీద షాకులు ఇస్తుంది. విద్యుత్ ఒప్పందాల సమీక్షలో కేంద్రం వద్దు అని ఎంత చెప్పినా, జగన్ ప్రభుత్వం మాత్రం, మేము సమీక్షించి తీరుతాం అంటూ, కేంద్రాన్ని ధిక్కరించి, చివరకు విదేశీ పెట్టుబడులకు గండి కొట్టే పరిస్థితి వచ్చింది. మరో పక్క పూర్తిగా కేంద్ర పరిధిలో ఉన్న పోలవరం పై, జగన్ ప్రభుత్వం ఇష్టం వచ్చినట్టు వ్యవహరించటం పై కేంద్రం గుర్రుగా ఉంది. కేంద్ర ప్రభుత్వం ఆధీనంలో నడుస్తున్న పోలవరం ప్రాజెక్ట్ విషయంలో, ప్రధాన కాంట్రాక్టర్ గా ఉన్న నవయుగ కంపెనీని, కేంద్రానికి చెప్పకుండా, రాష్ట్రం పంపించేసింది. దీని పై ఇప్పటికే ప్రధాన మంత్రి కార్యాలయం ఆరా తీసింది.

జగన్ మోహన్ రెడ్డి ఢిల్లీ వెళ్లి సంజయషీ ఇచ్చినా కూడా, కేంద్రం మాత్రం సంతృప్తి చెందలేదు. ఇదే కాకుండా, పర్యావరణ అనుమతులు ఎందుకు రద్దు చెయ్యకూడదు అంటూ నోటీసులు కూడా ఇచ్చింది. ఈ తరుణంలో, పోలవరం ప్రాజెక్టు అథారిటీ ఈ నెల 13న అత్యవసర సమావేశం ఏర్పాటు చేసింది. ఈ సమావేశానికి వచ్చి, సమాధానం చెప్పాలని, ఏపీ జలవనరుల శాఖ, కేంద్ర జలవనరులశాఖ అధికారులకు పిలుపు వచ్చింది. ఎందుకు నవయుగని తప్పించారు ? పోలవరం ప్రాజెక్ట్ అథారిటీని ముందుగా ఎందుకు సంప్రదించలేదు ? కొత్త టెండర్ పిలిస్తే, నవయుగ చేసిన రేటుకే, కొత్త సంస్థ చేసే అవకాసం ఎంత వరకు ఉంది, ఇలాంటి అంశాల అన్నిటి పై, రాష్ట్రాన్ని వివరణ కోరనున్నారు. మరో పక్క, ఈ వ్యవహారం పై, ఇప్పటికే పోలవరం ప్రాజెక్ట్ అథారిటీ, ప్రధాన మంత్రి కార్యాలయానికి ప్రాధమిక నివేదిక ఇచ్చినట్టు సమాచారం.

జగన్ మోహన్ రెడ్డి ఆదేశాలను ఆయన సహచర మంత్రులు పట్టించుకోవటం లేదు. జగన్ మోహన్ రెడ్డి అధికారంలోకి రాగానే, మంత్రుల పేషీల్లో సిబ్బంది పై కొన్ని సూచనలు చేసారు. ఈ విషయం పై మొదటి క్యాబినెట్ సమావేశంలోనే, మంత్రులకు తగిన సూచనలు ఇచ్చారు. అయితే ఈ సూచనలు ఇచ్చి రెండు నెలలు అవుతున్నా, ఆయన మాటలను మాత్రం, మెజారిటీ మంత్రులు పాటించటం లేదు. ముఖ్యమంత్రి హోదాలో సూచనలు, ఆదేశాలు ఇచ్చినా, మంత్రులు మాత్రం డోంట్ కేర్ అనటం, కొంచెం విడ్డురంగా కనిపిస్తుంది. ఒక పక్క జగన్ మోహన్ రెడ్డి, విజయసాయి రెడ్డి, తెలుగుదేశం ప్రభుత్వంలో జరిగిన పనుల పై, చంద్రబాబు పై, అప్పటి మంత్రులు పై, ఎలా అయినా విచారణ చేసి, వారిని ఇబ్బంది పెట్టాలని చూస్తుంటే, జగన్ మంత్రులు మాత్రం, వేరే రూట్ లో వెళ్తున్నారు.

జగన్ మోహన్ రెడ్డి అధికారంలోకి రాగానే, చంద్రబాబు హయమలో కీలకంగా ఉన్న ఉన్నతాధికారులను తొలగించారు. కొంత మందిని ట్రాన్స్ఫర్ చేస్తే, మరి కొంత మందికి ఇప్పటికీ పోస్టింగ్ ఇవ్వలేదు. మరో పక్క, తన దగ్గర ఎలా అయితే మార్పులు చేసారో, మంత్రులకు కూడా అలాంటి ఆదేసాలే ఇచ్చారు. గత ప్రభుత్వంలో వివిధ మంత్రిత్వ శాఖల పేషీల్లో ఉన్న వారిని, ఇప్పుడు మంత్రులు ఎవరూ పెట్టుకోవద్దని, అందరినీ తప్పించాలని జగన్ మొదట్లోనే ఆదేశాలు ఇచ్చారు. దీని పై ఏకంగా ముఖ్యమంత్రి కార్యాలయం నుంచి, అందరి మంత్రులకు ఒక నోట్ కూడా వెళ్ళింది. పోయిన సారి ఉన్న సిబ్బందిని కాని, వారి బంధువులను కాని, పేషీల్లో ఉంచద్దు అంటూ మంత్రులకు ఆదేశాలు వెళ్ళాయి. అయితే కొంత మంది మంత్రులు మాత్రం, జగన్ మాటను ఇప్పటికీ లెక్క చెయ్యలేదు.

స్వయానా జగన్ చెప్పినా, ఇంకా కొంత మంది మంత్రులు మాత్రం, తెలుగుదేశం హయంలో ఉన్న వారినే తమ సిబ్బందిగా కొనసాగిస్తున్నారు. ఇందులో ప్రధానంగా ఆర్ధిక మంత్రి బుగ్గన రాజేంద్ర ఉన్నారు. బుగ్గన పీఎస్ గా పని చేస్తున్న ధనుంజయ్ రెడ్డి, గత తెలుగుదేశం హయంలో మంత్రిగా ఉన్న కాల్వ శ్రీనివాసులు దగ్గర పీఎస్ గా పని చేసారు. అలాగే కాల్వ శ్రీనివాసులు దగ్గర ఓఎస్డీగా పని చేసిన సత్యన్నారాయణ కూడా, ప్రస్తుతం హోం మినిస్టర్ వద్ద ఓఎస్డీగా పని చేస్తున్నారు. అలాగే పరిటాల సునీత వద్ద ఉన్న ఓఎస్డీ రామచంద్రా రెడ్డి, బుగ్గన ఓఎస్డీగా ఉన్నారు. ఇలా మొత్తం 13 మంది మంత్రులకు, గతంలో టిడిపి మంత్రుల దగ్గర పని చేసిన సిబ్బందే ఉన్నారు. అయితే, దీని పై జగన్ కు ఫిర్యాదు వెళ్ళింది. ప్రభుత్వ రహస్యాలు అన్నీ టిడిపికి తెలిసిపోతాయని జగన్ వద్దకు మేటర్ వెళ్ళటంతో, జగన్ అందరినీ తన మాట ఎందుకు వినలేదో చెప్పాలి అంటూ, తాను అమెరికా వెళ్ళే లోపు సంజయషీ చెప్పాలని, చెప్పినట్టు సమాచారం.

నిన్న కొత్తూరు తాడేపల్లిలో జరిగిన సంఘటనతో, గో ప్రేమికులతో పాటు, సామాన్యులు కూడా చింతించే పరిస్థితి. ఒకేసారి 100 ఆవులు చనిపోవటంతో, అందరూ బాధ పడుతున్న వేళ, అసలు ఎందుకు ఇన్ని ఆవులు చనిపోయాయి అనే విషయం తెలుసుకుని, మరింత ఆవేదన కలుగుతుంది. ఆవుల మృతికి గల కారణాలు తెలుసుకునేందుకు పశు వైద్యులు పోస్టుమార్టం నిర్వహించారు. ప్రాధమిక నివేదికలో దారుణమైన నిజాలు బయట పడ్డాయి. ఆవుల మరణానికి విషపదార్థాలే కారణమని ప్రాధమిక నివేదికలో వైద్యులు తెలిపారు. పోస్టుమార్టం నిర్వహించగా, ఆవుల కడుపులో గడ్డి తప్ప మరే ఇతర ఆహారం లేదని వైద్యులు తేల్చారు. అంతే కాదు విష ప్రభావంతో ఆవుల అంతర్గత అవయవాల్లో రక్తస్రావం జరిగిందని తెలిపారు. గుండె, ఊపిరితిత్తుల్లో అక్కడక్కడా రక్తపు చారికలతో ఉన్నాయని తెలిపారు.

అంతే కాకుండా, ఊపిరితిత్తుల్లో భారీగా నీరు చేరినట్టు తెలుసుకున్నారు. విష తీవ్రత ఎక్కవుగా ఉండబట్టే ఆవుల ముక్కల్లో నుంచి రక్తం వచ్చినట్టు పోస్టుమార్టంలో వెల్లడైంది. అయితే నిన్న అందరూ భావించినట్టు ఆవుల మృతికి పొట్ట ఉబ్బరం కారణం కాదని పశు వైద్యులు స్పష్టం చేశారు. అయితే, ఈ విషం కావాలని పెట్టారా ? లేక ఇంకా ఏమైనా కారణమా అనే విషయం మాత్రం, పోలీసులు దర్యాప్తులో తేలాల్సిందే. ఈ విషయం పై బీజేపీతో పాటు, ఇతర స్వామీజీలు మౌనంగా ఉన్నారు. అయితే ప్రతిపక్ష నాయకుడు చంద్రబాబు మాత్రం, రాత్రికి రాత్రే 100 ఆవులు మరణించడం ప్రమాదవశాత్తు జరిగినట్టుగా అనిపించడంలేదని, దీని వెనుక ఎదో కుట్ర కోణం ఉందని అనిపిస్తుందని, దీని పై సమగ్ర విచారణ జరపాలని కోరారు.

శ్రావణ మాసం అందులోనూ శుక్రవారం.. శ్రవణ శుక్రవారం రోజు, ఇలా వంద ఆవులు చనిపోవటం, రాష్ట్రానికి అరిష్టం అనే వాదన కూడా ఉంది. శ్రవణ శుక్రవారం కావటంతో, గోసాలకు ఉదయం నుంచి సాయంత్రం దాకా భక్తులు వచ్చారు. గో మాతలకు పూజలు చేసారు. అయితే రాత్రికి ఇలా జరగటంతో, భక్తులు కూడా షాక్ అయ్యారు. గో మాతను పూజించిన చోటే, ఇలా 100 ఆవులు చనిపోవటం పై, వారు కూడా ఆందోళన వ్యక్తం చేస్తున్నారు. అయితే ప్రభుత్వం మాత్రం యధావిధగా కమిషన్లు వేసింది. దీని పై విచారణ జరుగుతుంది. ఒక పక్క పూర్తీ స్థాయి పోస్టుమార్టం నివేదిక మరో రెండు మూడు రోజుల్లో రానుంది. మరో పక్క, పోలీసులు వారి పని వారు చేసుకు వెళ్తున్నాడు. మరి ఈ దారుణం పై అసలు నిజం తెలుస్తుందో లేదో చూడాలి.