news

టీడీపీ నుంచి భారీగా వస్తున్న వలసలతో ఏపీలో బీజేపీ బలపడే పరిస్థితులున్నాయా...? ఒకప్పుడు ఏపీకి ప్రత్యేక హోదా పదేళ్లు కాదు 15 ఏళ్లు ఉండాల్సిందేనని చెప్పిన బీజేపీ నాయకత్వం ఇప్పుడు అది ముగిసిన అధ్యయం అని చెప్పడాన్ని ఏపీ ప్రజలు జీర్ణించుకొంటారా...? ఏపీకి ప్రత్యేక హోదా ఇవ్వమని చెప్పే బీజేపీ ఆంధ్రప్రదేశ్ రాష్ట్ర రాజకీయాలలో బలపడే అవకాశాలున్నాయా...? అన్న చర్చ రాజకీయ వర్గాల్లో సాగుతోంది. గత ఎన్నికల్లో ఏపీకి ప్రత్యేక హోదా నినాదం కూడా ప్రచార అంశాల్లో ప్రధానమైనదిగా చెప్పవచ్చు. తమకు మెజార్టీ ఎంపీలు ఇస్తే కేంద్రంపై ఒత్తిడి తెచ్చి ఏపీకి ప్రత్యేక హోదా తెస్తాం అని ఎన్నికల ప్రచార సమయంలో, అంతకు ముందు వైసీపీ, టీడీపీ రెండు ప్రకటించాయి. కానీ తొలినుంచి హోదా ఇచ్చేది లేదని తేల్చిచెప్పిన బీజేపీ రెండో సారి కేంద్రంలో అధికారంలోకి వచ్చాక అది ముగిసిన అధ్యయం అని కూడా వెల్లడించింది. దీంతో ఏపీలో ప్రత్యేక ప్రత్యేక హోదా సంజీవంగా ఉంటుందా...? ఏపీలోని అధికార, ప్రతిపక్షాలు కేంద్రంపై గళం విప్పుతాయా...? ఒకవేళ ఏపీకి ప్రత్యేక హోదా కోసం రాష్ట్రంలోని అన్ని రాజకీయ పక్షాలు కేంద్రంపై ఒత్తిడి పెంచితే అప్పుడు బీజేపీ పరిస్థితి ఏమిటీ అన్నది ప్రధానంగా చర్చ సాగుతోంది.

ప్రత్యేక హోదా కాదని ఆంధ్రప్రదేశ్ రాష్ట్రంలో బీజేపీ బలపడుతుందా...? వలస వచ్చిన నేతలతోనే ఏపీలో బీజేపీ పుంజుకొంటుందా అంటే ఆ పరిస్థితి ఉండకపోవచ్చని రాజకీయ వర్గాలు పేర్కొంటున్నాయి. రాష్ట్ర విభజన అనంతరం ఏపీకి ప్రత్యేకహోదా అన్నది కొంత సెంటిమెంటుగా మారింది. ఆ తరువాత ఇటీవల జరిగిన రాష్ట్ర అసెంబ్లీ అసెంబ్లీ ఎన్నికల్లో అదొక్కటే ప్రధాన అంశం కాకపోయినా ప్రచారంలో మాత్రం అది కీలకంగా మారింది. ఈ తరుణంలో ఆంధ్రప్రదేశ్ రాష్ట్రంలో బలపడాలని యోచిస్తున్న బీజేపీ అగ్రనాయకత్వం ప్రత్యేక హోదా అంశాన్ని పక్కనెట్టి రాష్ట్రంలో నెగ్గుకురాగలదా...? అన్నది ప్రస్తుతం చర్చాంశనీయంగా మారింది. హోదాయే బీజేపీకి శాపంగా మారనున్నదా...? : బీజేపీతో తెగతెంపులు చేసుకొన్న టీడీపీ నాయకత్వం ప్రస్తుతం ఏపీకి ప్రత్యేక హోదా అంశంపై పోరాటాలు చేయాలని భావిస్తోంది. పైగా ఏపీలోని టీడీపీ నేతలు మెజార్టీగా ఆ పార్టీని వీడి బీజేపీలో చేరుతున్న విషయం తెలిసిందే. ఈ నేపథ్యంలో కేంద్రంలోని బీజేపీయే టార్గెట్ గా టీడీపీ నాయకత్వం పోరాటాలు చేసే అవకాశాలు పుష్కలంగా ఉన్నాయి. ఇక కాంగ్రెస్ పార్టీ కూడా ఏపీకి ప్రత్యేక హోదాకు కట్టుబడి ఉన్నట్లు పలుమార్లు పేర్కొంది.

గత అసెంబ్లీ ఎన్నికల్లో ఘోర పరాజయం మూటగట్టుకొన్న జనసేన పార్టీ సైతం ఈ ఐదేళ్ల కాలంలో పార్టీకి సంస్థాగతంగా బలోపేతం చేసుకోవాలని యోచిస్తోంది. ఇందుకోసం క్షేత్రస్థాయిలో పార్టీ నిర్మాణం, రాష్ట్ర సమస్యలు, ఏపీకి ప్రత్యేక హోదా అంశాన్ని తన పోరాట అజెండాలో చేర్చుకొనే అవకాశాలున్నాయని తెలుస్తోంది. ఏపీకి ప్రత్యేక హోదా కోసం పార్లమెంటులో పోరాడి తీరుతామని వైసీపీ ఎంపీలు కూడా స్పష్టంచేశారు. గతంలో ఏపీకి ప్రత్యేక హోదా ఐదేళ్లు కాదు 15 ఏళ్లు ఉండాలని నాడు బీజేపీ డిమాండ్ చేసిన విషయం తెలిసిందే. ఈ నేపథ్యంలో బీజేపీలోకి ఎంతమంది పార్టీ నేతలు వలస వచ్చినా వారికి ఏపీకి ప్రత్యేక హోదా అంశం ప్రధాన సమస్యగా మారే అవకాశాలు స్పష్టంగా కనిపిస్తున్నాయి. గతంలోనూ కాంగ్రెస్ పార్టీ పరిస్థితి సరిగా లేని సమయంలో పలువురు ఆ పార్టీ నేతలు బీజేపీలో చేరారు. కానీ తరువాత కాలంలో వారు ఆ పార్టీని వీడి వైసీపీ, టీడీపీల్లోకి వెళ్లిపోయారు. ప్రస్తుతం బీజేపీలోకి గతంలో కంటే భారీగా వలసలు సాగినా ఆ బలంతో ఏపీలో బీజేపీ పుంజుకొనే పరిస్థితి ఉందా అన్నది ప్రస్తుతం రాజకీయ వర్గాల్లో సాగుతున్న చర్చ. విశాఖ రైల్వేజోన్ ప్రకటనను బీజేపీ చేసినా దాని వల్ల పూర్తిస్థాయి ప్రయోజనాలు నెరవేరలేదన్న విమర్శలు నాడు రాజకీయ పక్షాల నుంచి వచ్చింది. కానీ నేడు ఏపీకి బీజేపీ చేయగలిగే ఏకైక మేలు రాష్ట్రానికి ప్రత్యేక హోదా. ఈ హోదా ద్వారానే ఏపీ ఆర్థికంగా, అవకాశాల పరంగా మెరుగవుతుందని ఆర్టిక నిపుణులు సైతం పేర్కొంటున్నారు.

తెలుగుదేశం పార్టీ అధినేత చంద్రబాబు, శుక్రవారం సాయంత్రం, గన్నవరం విమానాశ్రయం నుంచి హైదరాబాద్ వెళ్లారు. ఆయన చెప్పినట్టుగానే, 5 రోజులు ఆంధ్రప్రదేశ్ రాజకీయాల పై, రెండు రోజులు తెలంగాణా రాజకీయాల పై ఫోకస్ చేస్తున్నారు. గత నెల రోజులుగా, ప్రతి వారం రెండు రోజుల పాటు, తెలంగాణాలో పార్టీ కార్యక్రమాల్లో పాల్గుంటున్నారు. తెలంగాణాలో పార్టీని బల పరిచి, నాయకత్వాన్ని తాయారు చెయ్యటనికి చంద్రబాబు వ్యూహాలు రచిస్తున్నారు. బలమైన నేతలు ఎవరూ లేకపోయినా, తెలంగాణాలో తెలుగుదేశం క్యాడర్ మాత్రం అలాగే ఉంది. మొన్న జరిగిన ఎన్నికల్లో అతి తక్కువ సీట్లలో పోటీ చేసి కూడా, రెండు సీట్లు సాధించారు. ఇక నుంచి ఏ పార్టీతో పొత్తు లేకుండా, సొంతగా ఎదిగే ప్రణాలికలు సిద్ధం చేస్తున్నారు. ఇందు కోసమని, చంద్రబాబు ప్రతి వారం, తెలంగాణాలో పర్యటన చేస్తున్నారు.

ఈ క్రమంలో, నిన్న కాంగ్రెస్ పార్టీ నేత, మాజీ మంత్రి నాగం జనార్ధన్‌రెడ్డి, చంద్రబాబుతో భేటీ అవ్వటం ప్రాధాన్యత సంతరించుకుంది. హైదరాబాద్ బంజారాహిల్స్‌లోని చంద్రబాబు ఇంటికి వచ్చిన నాగంతో, తెలంగాణాలోని రాజకీయ పరిస్థితితుల పై చర్చించినట్టు తెలుస్తుంది. డిసెంబర్ లో జరిగిన తెలంగాణా ఎన్నికల తరువాత, నాగం జనార్ధన్ రెడ్డి, ఆక్టివ్ పాలిటిక్స్ కు దూరంగా ఉంటున్నారు. ఈ క్రమంలో నాగం, చంద్రబాబుతో భేటీ ఎందుకు అయ్యారా అనే ఆసక్తి నెలకొంది. నాగం జనార్ధన్ రెడ్డి, చాలా ఏళ్ళు తెలుగుదేశం పార్టీలో ఉన్న సంగతి తెలిసిందే. ఆయన మంత్రిగా కూడా పని చేసారు. మరో పక్క తెలంగాణా తెలుగుదేశం పార్టీ నాయకులు, కొత్తకోట దయాకర్‌రెడ్డి, అరవింద్‌గౌడ్‌, కోడెల శివప్రసాదరావు, కోట్ల సూర్యప్రకాశ్‌రెడ్డి కూడా చంద్రబాబుని హైదరాబాద్ లోని ఆయన నివాసంలో కలిశారు.

తెలుగుదేశం పార్టీ మొన్నటి ఎన్నికల్లో ఓటమి తరువాత, ఆ పార్టీ నేతలు కొంత మంది పార్టీని వీడి వెళ్తున్నారు. ఎక్కువ మంది బీజేపీ పార్టీలోకి వెళ్తున్న సంగతి తెలిసిందే. అయితే ఈ ధోరణితో, ప్రతి నాయకుడు పై, ప్రత్యర్ధి పార్టీలు, ఈ తరహా ప్రచారం మొదలు పెట్టాయి. ఆ నాయకుడు తెలుగుదేశం పార్టీని వీడి మా పార్టీలోకి వస్తున్నాడు, ఈ నాయకుడు వస్తున్నాడు అంటూ ప్రచారం మొదలు పెట్టారు. ఇదే కోవలో, మాజీ ముఖ్యమంత్రి, నల్లారి కిరణ్ కుమార్ రెడ్డి సోదరుడు, నల్లారి కిశోర్‌కుమార్‌ రెడ్డి పై ప్రచారం జరుగుతుంది. దీంతో ఆయన పార్టీ మార్పు పై వస్తున్న వార్తల మీద క్లారిటీ ఇచ్చారు. నేను ఏ పార్టీ మారటం లేదని, తెలుగుదేశం పార్టీని వీడి, నేను ఏ పార్టీలో చేరటం లేదని, కార్యకర్తలు అందరూ ఈ విషయం పై గందరగోళం చెందవద్దు అంటూ క్లారిటీ ఇచ్చారు. తాను పార్టీ మారుతున్నా అంటూ, తన రాజకీయ జీవితం పై రకరకాల ప్రచారాలు చేస్తున్నారని, వాటి గురించి పట్టించుకోవద్దని అన్నారు. ఈ ప్రచారాలు, ఎవరు చేస్తున్నారో, ఎందుకు చేస్తున్నారో తెలియటం లేదని, వారి ట్రాప్ లో పడవద్దు అని క్లారిటీ ఇచ్చారు.

నల్లారి కిశోర్‌కుమార్‌ రెడ్డి నిన్న కార్యకర్తలను ఉద్దేశించి మాట్లాడారు. ఇప్పుడు ఉన్న కష్ట కాలంలో చంద్రబాబుని వదిలేసి వెళ్ళిపోయేందుకు సిద్దంగా లేనని అన్నారు. ఎంతటి కష్టం వచ్చినా, నష్టం వచ్చినా, నా ప్రయాణం చంద్రబాబుతోనే ఉంటుందని, చంద్రబాబుని వెన్నంటి ఉంటానని అన్నారు. ఏ పార్టీ బలపడినా, ఏ పార్టీ బలపడకపోయినా, నైతిక నిబద్ధత అనేది ఉంటుందని, దాని ప్రకారం, నేను చంద్రబాబుతోనే నడుస్తానని చెప్పారు. చంద్రబాబు ఎప్పుడు చిత్తూరు జిల్లాకు వచ్చినా, ఆయనకు కుప్పంలో స్వాగతం పలకటానికి వెళ్లలేదని, కానీ మొదటిసారి బెంగుళూరు ఎయిర్ పోర్ట్ కు వెళ్లి చంద్రబాబుకు స్వాగతం పలికానని అన్నారు. ఇలాంటి టైంలో, మేము మీ వెంటే అని చెప్పటానికి, ఇలా చేసానని అన్నారు. ఓటమి కారణాలు సమీక్షించుకుని, స్థానిక సంస్థల ఎన్నికలకు కార్యకర్తలని సమాయత్తం చేస్తానని చెప్పారు.