news

గతఎన్నికల్లో ఒక్కసారి.... ఒక్కసారి అని ప్రజలను బతిమాలి వారి ఓట్లేయించుకున్న జగన్, ఇప్పుడు ఇంకోసారి అంటూ వారి ముందుకెళుతున్నాడని, గతంలో ఆయన్ని నమ్మిన వారంతా, మరోమారు ఆయన్ని నమ్మడానికి సిద్ధంగా లేరని టీడీపీనేత, ఎమ్మెల్సీ బుద్దా వెంకన్న స్పష్టంచేశారు. సోమవారం ఆయన మంగళగిరిలోని పార్టీ కేంద్ర కార్యాలయంలో విలేకరులతో మాట్లాడారు. ఒక అవకాశమిచ్చి నిట్టనిలువునా మోసపోయిన ప్రజలంతా, జగన్ కు మరో అవకాశమివ్వడానికి సిద్ధంగా లేరని, ఆయన కల్లబొల్లి మాటలు నమ్మి, మరోసారి తమ భవిష్యత్ ను సర్వనాశనం చేసుకునేందుకు వారెవరూ ఇష్టపడటంలేదని బుద్దా తెలిపారు. ఎన్నికలు ఎప్పుడొస్తాయా... జగన్ కు ఎప్పుడు బుద్ధిచెబుదామా అని రాష్ట్రప్రజలంతా ఎదురుచూస్తున్నారన్నారు. తనపార్టీ ఎంపీ, ఎమ్మెల్యే ప్రాతినిథ్యం వహిస్తున్న, జగన్ నివాసముంటున్న ప్రాంతమైన అమరావతిలో ఎన్నికలు నిర్వహించడానికి ప్రభుత్వం ఎందుకు వెనకాడుతుందో సమాధానం చెప్పాలన్నారు. అసెంబ్లీ ఎన్నికల వేళ అవసరమైన రాజధాని ప్రాంతవాసుల ఓట్లు, స్థానిక ఎన్నికలు వచ్చేసరికి పనికిరాకుండా పోయాయా అని బుద్దా నిలదీశారు. జగన్ కు ఓటమి భయం పట్టుకోబట్టే, రాజధాని ప్రాంతంలోని 3 మండలాల్లో ఎన్నికలు వాయిదా వేశాడన్నారు. కేవలం ఆ ప్రాంతంలోనే తనపై వ్యతిరేకత ఉందని జగన్ భావిస్తున్నాడని, రాష్ట్రమంతా ఆయనకు వ్యతిరేకపవనాలు వీస్తున్నాయన్న విషయం ఎన్నికల ఫలితాల నాటికి ముఖ్యమంత్రికి బోధపడుతుందన్నారు. 175 నియోజకవర్గాల్లో జగన్ పై వ్యతిరేకత ఉందని, అలాంటప్పుడు రాష్ట్రమంతా ఎన్నికలు ఆపేస్తే మంచిదన్నారు.

టీడీపీకి ఓటేస్తే, పింఛన్లు ఇవ్వము.. రేషన్ ఆపేస్తాము, ఇళ్లు ఇవ్వమంటూ జగన్ ప్రభుత్వం వాలంటీర్లద్వారా బెదిరిస్తోందన్నారు. ప్రజలసొమ్ము ప్రజలకు ఇవ్వడానికి జగన్ ప్రభుత్వ బెదిరింపులేంటని వెంకన్న నిలదీశారు. జగన్ దృష్టిలో బీసీలంటే, వాడుకొని వదిలేసేవాళ్లని, అందుకనుగుణంగానే రిజర్వేషన్లు సహా, అనేక అంశాల్లో వారికి మొండిచెయ్యే చూపాడన్నారు. ఎన్నికల నిర్వహణకోసం 13 జిల్లాలకు ఇన్ ఛార్జ్ లను నియమించిన జగన్ ప్రభుత్వం, బీసీలకు ఎందుకివ్వలేదన్నారు. కాపులు, బీసీలగురించి మాట్లాడే అర్హత జగన్ కు లేనేలేదని బుద్దా స్పష్టంచేశారు. చంద్రబాబునాయుడు కాపురిజర్వేషన్లను అసెంబ్లీలో అమోదించి, కేంద్రానికి పంపితే వాటి గురించి జగన్ ఒక్కనాడైనా కేంద్రాన్ని ఎందుకు ప్రశ్నించలేదన్నారు. బీసీలకు ఉన్న రిజర్వేషన్లే పీకేసిన జగన్, కాపులకు వాటిని అమలుచేస్తాడనుకోవడం అత్యాశే అవుతుందన్నారు. బీసీల రిజర్వేషన్లలో కోతపడితే, వారికి న్యాయం చేయడం కోసం టీడీపీ సుప్రీంకోర్టుకెళితే, దాన్నికూడా తప్పుపట్టడం జగన్ కే చెల్లిందన్నారు. సుప్రీం తీర్పు వచ్చేవరకు ఆగకుంగా జగన్ హడావుడిగా ఎన్నికలకు వెళ్లడంద్వారా బీసీలకు అన్యాయం చేశాడన్నారు. ప్రజలు తనపక్షాన లేరని తెలుసుకున్న జగన్, వారిని గందరగోళపరుస్తూ, పోలీసులను, ఇతర అధికారులను అడ్డుపెట్టుకొని, స్థానిక ఎన్నికల్లో గెలవాలని చూస్తున్నాడన్నారు.

జగన్ కు పోలీసులపై ఉన్న విశ్వాసం, నమ్మకం ప్రజలపై లేకుండా పోయాయన్నారు. డబ్బు, అధికారాన్ని అడ్డుపెట్టుకొని ఎన్నికల్లో గెలవడం కోసం జగన్ తెగ ఆరాటపడుతున్నాడన్నారు. తన ఇల్లు, తన కార్యాలయం ఉన్న ప్రాంతంలో ఎన్నికలు నిర్వహించలేని దుస్థితిలోఉన్న జగన్, రాష్ట్రమంతా ఎన్నికలు పెట్టాలని చూస్తున్నాడని బుద్దా ఎద్దేవాచేశారు. ఇంట్లో గెలవలేని జగన్, రాష్ట్రంలో గెలుద్దామనుకోవడం హాస్యాస్పదంగా ఉందన్నారు. ప్రజాస్వామ్యంలో జగన్ చేసిన, చేస్తున్న దుర్మార్గపు పనులు, ఏ ముఖ్యమంత్రి చేయలేదని వెంకన్న మండిపడ్డారు. రాష్ట్రప్రజలంతా జగన్ ఎప్పుడు ముఖ్యమంత్రి పీఠంపై నుంచి దిగుతాడా అని ఎదురుచూస్తున్నారన్నారు. రాష్ట్ర ఖజానా నుంచి లక్షకోట్లు దోచుకోవాలని ఎదురుచూస్తున్న విజయసాయి రెడ్డి, ప్రభుత్వ ఖజానా నుంచి ప్రజలకు వెళుతున్న సొమ్ము, తిరిగి తమజేబుల్లోకే వచ్చేలా ప్రణాళికలు వేస్తున్నాడన్నారు. ప్రజలు తమసొమ్మంతా నిత్యావసరవస్తువులు, లిక్కర్ (మందు), పెంచిన ధరలకు వెచ్చించేలా చేయడంద్వారా, తిరిగి తమ జేబుల్లోకే ఆసొమ్ము చేరేలా జగన్, విజయసాయిలు గొప్ప పథకం అమలుచేస్తున్నారని వెంకన్న దుయ్యబట్టారు.

నెల్లూరు జిల్లాలో బీసీలకు రావాల్సిన స్థానాలను వైసీపీ ప్రభుత్వం రాకుండా చేసిందన్నారు. జగన్ తన కులానికే ప్రాధాన్యత ఇస్తున్నాడని, అన్యకులస్థులు, మరీ ముఖ్యంగా బీసీలు పదవులు పొందడం జగన్ కు ఇష్టంలేదన్నారు. జగన్ కు, ఆయనపార్టీ అభ్యర్థులకు ఓటేస్తే, తమభవిష్యత్ తోపాటు, తమ పిల్లల భవిష్యత్ ను కూడా చేజేతులా నాశనం చేసుకున్నట్లేననే విషయాన్ని ప్రజలంతా తెలుసుకోవాలన్నారు. నిజాయితీగా, నిబద్ధతతో, స్వేచ్ఛగా ఎన్నికలు జరిపిస్తే, జగన్ ప్రభుత్వం ఎక్కడా గెలవదన్నారు. కడపజిల్లాలో టీడీపీ తరుపున ఎవరైనా పోటీచేస్తే, వారిని చంపేస్తామని బెదిరిస్తున్నారని, తప్పుడుకేసులు పెట్టి, వారిని జైళ్లకు పంపాలని ప్రభుత్వమే ఆదేశించిందన్నారు. ప్రజలను నమ్మే పరిస్థితిలో జగన్ లేడని, అందుకే పోలీసులను, అధికారులను అడ్డుపెట్టుకొని ఎన్నికల్లో గెలవాలని చూస్తున్నాడన్నారు. తెలుగుదేశానికి ఓటేస్తే, పించన్లురావు, రేషన్ రాదు, ఇళ్లురావంటూ బెదిరించే పనులు వాలంటీర్లు మానుకోవాలని బుద్దా హితవుపలికారు. ప్రభుత్వం అండతో వాలంటీర్లు హద్దుమీరి ప్రవర్తిస్తే, వారికి ప్రజలే తగినవిధంగా దేహశుద్ధి చేస్తారని టీడీపీనేత హెచ్చరించారు.

జగన్ మోహన్ రెడ్డి తమ పార్టీ నుంచి పెద్దల సభకు పంపే నలు గురు పేర్ల ఖరారు చేసారు. ఊహించని విధంగా తన క్యాబినెట్లోని ఇద్దరు మంత్రులను పెద్దల సభకు పంపాలని జగన్ నిర్ణయం తీసుకున్నారు. స్థానిక సంస్థల ఎన్నికల్లో బీసీ కోటా తగ్గించి, బీసీలకు అన్యాయం చేశారంటూ ప్రతిపక్షాలు విమర్శలు చేస్తోన్న సమయంలో జగన్ తప్పక ఈ నిర్ణయం తీసుకున్నారు. మూడో స్థానం, పారిశ్రామికవేత్త, రాంకీ సంస్థల అధినేత, అయోధ్య రామిరెడ్డికి ఇచ్చారు. ఇక అనూహ్యంగా, రాష్ట్రం బయట వ్యక్తికి, మన రాష్ట్రంతో సంబంధం లేని వ్యక్తికి, కేవలం బీజేపీ ఒత్తిడితో ఈ నాలుగో సీటు ఇచ్చారు. అమిత్ షా ఆదేశించటం, స్వయంగా ముఖేష్ అంబానీ వచ్చి నత్వానికి రాజ్యసభ ఇవ్వాలని అభ్యర్థించడంతో ఆయనకు జగన్ ఓకే చెప్పారు. ఈ నాలుగు పేర్లను ఆ రోజు అధికారికంగా ప్రకటించారు. జగన్ క్యాబినెట్లో ప్రస్తుతం డిప్యూటీ సీఎంగా పిల్లి సుభాస్ చంద్రబోస్ తోపాటుగా మరో మంత్రి మోపిదేవి వెంకటరమణను పెద్దల సభకు పంపాలని జగన్ నిర్ణయించుకున్నారు. వారిద్దరితోనూ రాత్రి పొద్దుపోయిన తర్వాత చర్చించారు.

ముందుగా మోపిదేవి అందుకు పూర్తిగా అంగీకారం తెలపకపోయినా జగన్ చెప్పడంతో చివరకు అంగీకరించారు. వైఎస్సార్ మరణం నాటి నుంచి పిల్లి సుభాస్ చంద్రబోస్ పూర్తిగా జగన్ తోనే నిలిచారు. ఆయనకు జగన్ 2019 ఎన్నికల్లో తూర్పు గోదావరి జిల్లా, మండపేట నుంచి పోటీ చేసే అవకాశం కల్పిం చినప్పటికీ ఓటమి చెందారు. అయితే అప్పటికే ఎమ్మె ల్సీగా ఉండటంతో జగన్ తన క్యాబినెట్ లో బీసీ కోటాలో ఆయనకు ఉపముఖ్యమంత్రి పదవి కట్ట బెట్టారు. గోదావరి జిల్లాలో ప్రభావం చూపే శెట్టి బలిజ వర్గానికి చెందిన బోస్ కు ఇప్పుడు రాజ్యసభ సీటు ఇవ్వడం ద్వారా ఆ వర్గానికి మరింతగా దగ్గర య్యేందుకు జగన్ వ్యూహాత్మంగా నిర్ణయం తీసుకు న్నారు. ఇక మోపిదేవి గతంలో వైఎస్సార్ హయాం లో మంత్రిగా పనిచేశారు. ఆయన వాన్ పిక్ వ్యవహా రంలో సీబీఐ విచారణ ఎదుర్కొని జగతోపాటు జైలుశిక్ష అనుభవించారు. 2019 ఎన్నికల్లో రేపల్లె నుంచి పోటీచేసి ఓటమి పాలయ్యారు. జగన్ ఆయనకు ఎమ్మెల్సీ పదవి ఇచ్చారు. ఇప్పుడు మండలి రద్దు నిర్ణయంతో వారిద్దర్నీ రాజ్యసభకు ఖరారు చేస్తూ జగన్ నిర్ణయించారు.

తన వ్యాపార భాగస్వామిగా ఉంటూ తొలి నుంచీ రాజకీయంగా తనతో ఉన్న ఆయోధ్యరామిరెడ్డికి సైతం జగన్ రాజ్యసభ సీటు ఇచ్చారు. 2014లో నరసరావుపేట నుంచి ఎంపీగా పోటీ చేసి ఆయన ఓడిపోయారు. 2019 ఎన్నికల్లో ఆయనకు సీటు ఇవ్వలేదు. అదే కుటుంబానికి చెందిన మోదుగుల వేణుగోపాలరెడ్డికి ఎంపీగా సీటు ఇవ్వడం, అదేవిధంగా అయోధ్యరామిరెడ్డి సోద రుడు ఆళ్ల రామకృష్ణారెడ్డికి మంగళగిరి నుంచి గెలిస్తే క్యాబినెట్లో స్థానం కల్పిస్తానని జగన్ హామీ ఇచ్చారు. ఐతే సామాజిక సమీకరణాలతో చివరి నిమిషంలో ఆళ్ల రామకృష్ణారెడ్డికి క్యాబినెట్లో స్థానం దక్కలేదు. దీంతో ఇప్పుడు ఆయోధ్య రామిరెడ్డిని రాజ్యసభకు పంపాలని జగన్ నిర్ణయించారు. స్వయంగా ఆంబానీ వచ్చిన పరిమళ్ నత్వా నికి రాజ్యసభ సీటు ఇవ్వాలని కోరడంతో జగన్ పార్టీ నేతలతో చర్చించి నిర్ణయం తీసుకున్నారు. దీంతో 3 స్థానాలు వైసీపీకి, ఒకటి స్వతంత్ర అభ్యర్థిగా నత్వానిని ఎపీ నుంచి పెద్దల సభకు పంపనున్నారు. ఇక రాజ్యసభ సీటు పై ఆశలు పెట్టుకున్న వైవీ సుబ్బారెడ్డి, బీదమస్తాన్‌రావు, మేకపాటి రాజ మోహన్ రెడ్డి, పండుల రవీంద్రబాబు వంటివారిని బుజ్జగిస్తున్నారు.

అనంతపురంలో కేరళ సీఎం పినరయి విజయన్‌ పర్యటిస్తున్నారు. ఎన్‌ఆర్‌సీకి వ్యతిరేకంగా ఏర్పాటు చేసిన సభలో విజయన్ పాల్గొననున్నారు. ఈ బహిరంగసభకు సీపీఐ, సీపీఎం రాష్ట్ర స్థాయి నేతలు హాజరుకానున్నారు. సీపీఐ నేత నారాయణతోపాటు సీఎం విజయన్‌ను తెలుగుదేశం ఎంపీ కేశినేని నాని కలిసారు. అనంతపురం నగరంలోని జూనియర్ కళాశాల మైధానంలో సోమవారం సాయంత్రంరాజ్యాంగ పరిరక్షణ వేదిక ఆధ్వర్యంలో ఎస్ఆర్ సీ, ఎస్వీఆర్, సీఏపలకు వ్యతిరేకంగా జరుగు బహిరంగ సభలో ముఖ్య అతిథిగా కేరళ సీఎం హాజరు కానున్నారు. ఆయన పర్యటన ఖరారు కావడంతో ఆదివారం రోజే కేరళకు చెందిన భద్రతా అధికారులు అనంతపురం వచ్చారు. బహిరంగ సభ జరుగుతున్న జూనియర్ కళాశాల మైధానాన్ని పరిశీలించి ఏర్పాట్లను సమీక్షించారు. ఈ సభలో కేరళ సీఎంతోపాటు సీపీఐ జాతీయ నాయకులు కె.నారాయణ, సీపీఎం రాష్ట్ర కార్యదర్శి పి.మధు, సీపీఐ రాష్ట్ర కార్యదర్శి కె.రామకృష్ణ, పిసిసి అధ్యక్షులు సాకే శైలజానాథ్ తదితరులు పాల్గొంటారు. ఈ సభకు అనంతురం జిల్లాలోని వివిధ ప్రాంతాల నుంచి ప్రజలే కాకుండా కడప, కర్నూలు ప్రాంతాల నుంచి ప్రజలను సమీకరించేందుకు రాజ్యాంగ పరిరక్షణ నాయకులు సన్నాహాలు చేస్తున్నారు.

బెంగళూరు నుంచి రోడ్డు మార్గంలో అనంతపురం చేరుకున్న కేరళ సీఎంకు సీపీఎం, సీపీఐతో పాటు ఇతర వామపక్ష పార్టీల నాయకులు ఘనస్వాగతం పలికారు. ఇవాళ సాయంత్రం నగరంలోని జూనియర్ కళాశాల మైదానంలో జరగనున్న సభలో విజయన్ పాల్గొంటారు. స్థానిక సంస్థల ఎన్నికలు నిష్పక్షపాతంగా జరిగితే అధికార పార్టీకి డిపాజిట్లు కూడా దక్కవని తెలుగుదేశం పార్టీ ఎంపీ కేశినేని నాని, సీపీఐ జాతీయ కార్యదర్శి నారాయణ అన్నారు. రాష్ట్రంలో బెదిరింపులతో సీఎం జగన్ పాలన సాగిస్తున్నారని వారు అభిప్రాయపడ్డారు. సీఏఏ, ఎన్ఆర్సీకి వ్యతిరేకంగా జరుగుతున్న సభలో పాల్గొనేందుకు అనంతపురం వచ్చిన కేరళ సీఎం పినరయి విజయన్ ను వారు కలిశారు. జ్యాంగ పరిరక్షణ కోసం జరుగుతున్న ఈ పోరాటంలో లౌకికవాదులందరూ పెద్ద ఎత్తున పాల్గొనాలని పిలువునిచ్చారు.

అయితే, పక్క రాష్ట్ర సియం వచ్చి, ఇక్కడ ముస్లింలకు భరోసా ఇవ్వటంతో, ఇక్కడ ఉన్న జగన్ మోహన్ రెడ్డి పై ఒత్తిడి పెరుగుతుంది. ఇప్పటికే జగన్ పై, ఈ విషయంలో అన్ని పక్షాల నుంచి విమర్శలు వస్తున్నాయి. ముస్లింల ఓట్ల కోసం ఎన్ పిఆర్, సిఏఏపై డ్రామాలు ఆడుతున్నారని, ఢిల్లీలో సై అని, ఇక్కడకు వచ్చి వ్యతిరేకంగా అంటున్నారని విమర్సలు వస్తున్నాయి. వైసిపి ప్రభుత్వం మోసపూరితంగా వ్యవహరిస్తోందని, ఢిల్లీలో ఒకలా, గల్లీలో మరోలా ముఖ్యమంత్రి జగన్మోహన్ రెడ్డి రెండు డ్రామాలు ఆడుతున్నారని ముస్లిం సంఘాల నేతలు ధ్వజమెత్తారు. సీఎం జగన్ కు చిత్తశుద్ది ఉంటే దీనిపై జీవో 102ను ఆగస్ట్ 16న విడుదల చేసేవారే కాదని అన్నారు. ఆగస్టులో జీవో ఇచ్చి ఇప్పుడు మేము వ్యతిరేకం అంటే నమ్మడానికి ముస్లింలు సిద్దంగా లేరని తెలిపారు. స్థానిక సంస్థల ఎన్నికలను దృష్టిలో ఉంచుకునే ముస్లింల ఓట్ల కోసం జగన్నాటకం ఆడుతున్నారని, ఎన్ పిఆర్, సిఏఏ,ఎన్ ఆర్ సిలను అడ్డుకోవాలన్న చిత్తశుద్ది వైసిపి ప్రభుత్వానికి లేదని ధ్వజమెత్తారు. అనేక రాష్ట్రాలు దీనిని వ్యతిరేకించినా మన అసెంబ్లీలో దీనిపై కనీసం చర్చించక పోవడం, తీర్మానం ఆమోదించక పోవడమే అందుకు నిదర్శనంగా ముస్లిం సంఘాల ప్రతినిధులు పేర్కొన్నారు.