news

ఆడంబరాలకు దూరంగా ఉండే రాష్ట్ర ప్రథమ పౌరుడు మరో ఆరు దైన నిర్ణయం తీసుకున్నారు. ప్రొటోకాల్ పేరిట సాగే ఎర్ర తివాచీ స్వాగతాలు ఇక వద్దంటున్నారు. రాష్ట్ర రాజ్యాంగ పరిరక్షకుడి హోదాలో గవర్నర్‌కు అత్యున్నత స్థాయి గౌరవ మర్యాదలు ఎటూ అందుబాటులో ఉంటాయి. అయితే ఆంధ్రప్రదేశ్ గవర్నర్ బిశ్వభూషణ్ హరిచందన్ ఇకపై అలాంటి మర్యాదలు ఏవీ వద్దంటున్నారు. వాయు శకటం నుండి ఎర్రతివాచీతో గవర్నర్‌ను స్వాగతించే విధానం రద్దుకు తగిన ఆదేశాలు జారీ చేయాలని తన కార్యదర్శి ముఖేష్ కుమార్ మీనాను ఆదేశిం చారు. ఇటీవల శ్రీశైలం పర్యటనకు వెళ్లినప్పుడు ఈ తరహా ఆలోచనకు అంకురార్పణ చేసిన గవర్నర్ దానిని ఆచరణలోకి తీసుకురావాలని నిర్ణయిం చారు. అనవసరపు వ్యయంతో కూడిన బ్రిటీష్ కాలం నాటే సాంప్రదాయాలను విడనాడాలని పేర్కొన్నారు. రాజ్యాంగ బద్ధమైన కార్యక్రమాలను మాత్రం ప్రొటోకాల్ ప్రకారం నిర్వహిస్తే సరిపో తుందని, గవర్నర్ ప్రతి పర్యటనకు ఎర్రతివాచీలు అవసరం లేదని ఆయన భావిస్తున్నారు.

గవర్న గా ప్రమాణ స్వీకారం తొలిరోజునే "హిస్ ఎక్స లెన్సీ" పేరిట సంబోధన వద్దని ప్రజలకు సైతం విజ్ఞప్తి చేసిన విషయం తెలిసిందే. సాధారణంగా నేతలు పొదుపుపై ప్రసంగాలు చేస్తారే తప్ప ఆచర ణలో అందుకు భిన్నంగా వ్యవహరిస్తారు. కాని గవర్నర్ హరిచందన్ తనదైన శైలిలో వ్యవ హరిస్తూ తనకు తానుగా స్వీయ నియంత్రణ పాటి స్తున్నారు. తన పర్యటనలు హంగు, అర్భాటాలకు దూరంగా సాగాలని తన సిబ్బందికి స్పష్టం చేసిన ప్రథమ పౌరుడు సగటు ప్రజల కోసం ఏమి చెయ్య గలమన్న దానిపైనే ఎక్కువగా దృష్టిసారిస్తూ ఉంటారు. రాజ్ భవన్ గౌరవ మర్యాదలు కాపాడే క్రమంలో కొంతమేర ప్రొటోకాల్ తప్పదంటూ అధికారులు అనుక్షణం ఆయనకు నచ్చచెప్పుకో వాల్సి వస్తుందంటే హరిచందన్ పనితీరు ఇట్టే అర్ధం అవుతోంది. ప్రతి చిన్న విషయంలోనూ పొదుపు చర్యలను అభిలపించే హరిచందన్ తన గౌరవార్ధం వివిధ సందర్భాల్లో ప్రముఖులు అందించే శాలువాలను సైతం ఎలా సద్వినియోగం చేయగలమన్న దానిపై ఆలోచిస్తున్నారు.

ఇప్పటికే తనను కలిసేందుకు వచ్చే వారి నుండి పుష్ప గుచ్ఛం స్వీకరించే విధానాలకు స్వస్తి పలికిన గవ ర్నర్, తనకోసం వచ్చే ఎవరైనా మొక్కలను మాత్రమే తీసుకురావాలని నిర్దేశించారు. ఇలా వస్తున్న మొక్కలను తిరిగి రాజ భవన్ ప్రాంగణంలో నాటుతూ పర్యావరణ పరిరక్షణ కోసం పరితపిస్తున్నారు. ప్రథమ పౌరునిగా ప్రమాణ స్వీకారం చేసిన నాటి నుండి సగటు ప్రజ లతో మమేకం అయ్యేందుకే ఇష్టపడే హరిచందన్ తదనుగుణంగానే వ్యవహరిస్తున్నారు. గిరిజన ప్రాంతాలపై పరిపాలకుడి హోదాలో ప్రత్యేక అధి కారాలు కలిగిన గవర్నర్ వాటిని సద్వినియోగ పరచటం ద్వారా వారికేదైనా మేలు చేయగలమా అన్న దానిపై ప్రత్యేకంగా దృష్టి సారించారు. గతంలో విజయనగరం జిల్లా సాలూరు ఆదివాసీలతో భేటీ అయినా, ఇటీవల శ్రీశైలం చెంచులతో సంభాషించినా వారి కోసం ఏదో చేయాలన్న తలంపే కారణం.

అమరావతిని రాజధానిగా గుర్తించవద్దని, ఇది రాజ్యాంగ విరుద్ధమని ప్రకటించాలని, మాజీ మంత్రి, శ్రీకాకుళం శాసనసభ్యుడు ధర్మాన ప్రసాదరావు, రాష్ట్రపతి రామ్ నాథ్ కోవిందకు లేఖ రాసారు. అయితే దీని పై, తెలుగుదేశం పార్టీ గట్టి కౌంటర్ ఇచ్చింది. ధర్మాన పై మండి పడుతూ, తెలుగుదేశం పార్టీ, మీడియాకు ఒక లేఖ విడుదల చేసింది. "ఆంధ్రప్రదేశ్‌ రాష్ట్ర రాజధానిగా అమరావతిని నిర్ణయించడం రాజ్యాంగ విరుద్ధమని ప్రకటించాలని కోరుతూ రాష్ట్రపతి రామ్‌నాథ్‌ కోవింద్‌కు మాజీ మంత్రి, శ్రీకాకుళం శాసనసభ్యుడు ధర్మాన ప్రసాదరావు లేఖ రాయడం ద్వారా తన అజ్ఞానాన్ని బయట పెట్టుకున్నారు. సీనియర్ శాసనసభ్యుడు రాయవలసిన లేఖేనా ఇది. నారాయణ కమిటీ ఎందుకు వేశారో కూడా తెలుసుకోకుండా, కనీసం ఆ జీఓని చదవకుండా రాష్ట్రపతికి లేఖ రాశారు. శివరామకృష్ణణ్ కమిటీ నివేదికను కూడా ధర్మాన చదవకుండా, దానిని పరిగణనలోకి తీసుకోలేదని ఏకంగా రాష్ట్రపతికి లేక రాశారంటే ఆయన తెలివితేటలు ఏ స్థాయిలో ఉన్నాయో అర్ధం చేసుకోవచ్చు."

"అంతటి రాజ్యాంగ విరుద్ధమైన నిర్ణయం తీసుకోవడంలో అప్పటి ప్రతిపక్షనేత, ప్రస్తుత ముఖ్యమంత్రి వైఎస్ జగన్మోహన రెడ్డి పాత్ర కూడా ఉంది. దానికి ధర్మన ఏం చెబుతారు? ఆ పార్టీ మంత్రులు, నేతలు రాజధాని అమరావతి నుంచి తరలించం అని చెబుతున్నారు. ధర్మాన అది రాజ్యాంగ విరుద్ధం అని రాష్ట్రపతికి లేఖ రాశారు. రాజధానికి ఏం కావాలో శివరామకృష్ణణ్ కమిటీ స్పష్టంగా చెప్పింది. ఆ ప్రకారం రాష్ట్రానికి మధ్యన, రోడ్లు, నీరు...... వంటి అన్ని మౌలిక సదుపాయాలు కల్పించడానికి అనువైన అమరావతి ప్రాంతాన్ని ఎంపిక చేశారు. శాసనసభ ఏకగ్రీవంగా ఆమోదించింది. రాజధాని నిర్మాణానికి రైతులు పెద్ద మనసుతో ముందుకు వచ్చి 33 వేల ఎకరాలు స్వచ్ఛందంగా ఇచ్చారు. ప్రధాని మోదీ శంకుస్థాపన చేశారు. "

"ఆ తరువాత రాజధాని అమరావతిని రాష్ట్రపతి కూడా సందర్శించారు. రాష్ట్రపతి, సుప్రీం కోర్టు ఆమోదంతో హైకోర్టు ఏర్పాటు చేశారు. సుప్రీం కోర్టు ప్రధాన న్యాయమూర్తి ఇక్కడి హైకోర్టుని ప్రారంభించారు. దేశ మ్యాప్ లో ఆంధ్రప్రదేశ్ రాజధానిగా అమరావతిని చేర్చారు. ఇవన్నీ రాజ్యాంగ విరుద్దంగా భావించాలా? దాదాపు పది వేల కోట్ల రూపాయలు వ్యయం చేసి శాసనసభ, సచివాలయం, హైకోర్టు భవనాలు నిర్మించారు. అనేక రోడ్లు వేశారు. ఇంకా అనేక భవనాలు, రోడ్లు నిర్మాణ దశలో ఉన్నాయి. గత ప్రభుత్వంలో, ఈ ప్రభుత్వంలోనూ నాలుగున్నరేళ్లుగా పాలనంతా ఇక్కడ సజావుగా సాగుతోంది. ఈ పరిస్థితులలో ధర్మాన ఈ విధంగా లేఖ రాశారంటే వైసీపీ విధానాలు, ఆ పార్టీ నేతలు ఎలా ఉన్నారో ప్రజలు అర్ధం చేసుకోవగలరు."

ప్రతి ఇంటి ముందు ఇద్దరు పోలీసులు. వారి చేతిలో వలలు, దోమ తెరలు. ఇలా ఎందుకో తెలుసా ? జగన్ మోహన్ రెడ్డి కాన్వాయ్ అటుగా వెళ్తుందని, ఇళ్ళలో నుంచి ఎవరైనా రాళ్ళు వేస్తారేమో, ఎవరైనా దాడి చేస్తారేమో అని భయపడి, పోలీస్ వారి చేత చేసిన ఏర్పాటు ఇది. ప్రజల మధ్య నుంచి నవ్వుత, ఠీవిగా వెళ్ళాల్సిన ప్రభుత్వ అధినేత, ఇలా 144 సెక్షన్ పెట్టుకుని, ఒక్క మనిషి కూడా బయట లేకుండా, డమ్మీ కాన్వాయ్ పంపించి, ప్రతి ఇంటి ముందు ఇద్దరు పోలీసులని పెట్టి, వారి చేతిలో వలలు పెట్టుకుని వెళ్ళాల్సిన పరిస్థితి. ఇవన్నీ చూస్తుంటే రాష్ట్రంలో పరిస్థతి ఎలా ఉందొ అర్ధం అవుతుంది. ఏడు నెలలు క్రితం, ఇదే ప్రదేశంలో, వైసీపీ పార్టీకి అఖండ మెజారిటీ ఇచ్చి, అక్కడ ప్రజలు గెలిపించారు. ఎక్కడైతే పువ్వులు పరిచి నడిపించారో, ఇప్పుడు అదే చోట, ఎవరు ఎటు వైపు నుంచి దాడి చేస్తారో, అని భయపడుతూ, వెళ్ళ వలసిన పరిస్థితి. 151 మంది ఎమ్మేల్యేలు నా వెంట ఉన్నారు, నాకు భారీ మెజారిటీ ఇచ్చారు అని చెప్పుకునే చోట, 144 లేకుండా బయటకు రాని పరిస్థితి వచ్చింది.

మూడు రాజధానుల ప్రకటనతో, అమరావతిలో రైతులు నిరసన బాట పట్టారు. గత 22 రోజులుగా ఆందోళన చేస్తూనే ఉన్నారు. అయినా ఒక్కరంటే ఒక్కరు కూడా, ప్రభుత్వం తరపు నుంచి వచ్చి వీరితో మాట్లడలేదు. మీ సమస్య ఏమిటి, ఏమి చెయ్యాలి, మీ డిమాండ్ ఏమిటి అని కూడా అడగలేదు. ఒక్క మంత్రి కానీ, అధికారి కాని, చివరకు స్థానికి వైసీపీ ఎమ్మెల్యే కాని, అటు వైపు కూడా చూడటం లేదు. దీంతో ప్రజలు, వైసీపీ పై ఆగ్రహంగా ఉన్నారు. ఈ నేపధ్యంలోనే ప్రతి రోజు రైతులు రోడ్డు పైకి వచ్చి ఆందోళన చేస్తున్నారు. ఈ సందర్భంలో, నిన్న జగన్ మోహన్ రెడ్డి, తాడేపల్లిలో తన ఇంటి నుంచి, వెలగపూడి సెక్రటేరియట్ కు వెళ్ళాలని నిర్ణయం తీసుకోవటం, ఆయన కాన్వాయ్, అమరావతి గ్రామాల మీదుగా వెళ్ళాల్సి ఉండటంతో, పోలీసులు అలెర్ట్ అయ్యారు.

నిన్న ఉదయం నుంచి, ఎవరినీ రోడ్ల పైకి రానివ్వలేదు. దుకాణాలు అన్నీ మూయించారు. జగన్ తిరిగి ఇంటికి వెళ్ళేంత వరకు, ఎవరూ రోడ్డు మీదకు రాకూడదు అని, షాపులు కూడా తెరవకూడదు అని, పోలీసులు చెప్పారు. చివరకు మందులు షాపులు కూడా తెరవనివ్వలేదని గ్రామస్తులు వాపోయారు. బయటకు వచ్చి భోజనం చెయ్యాలి అన్నా, జగన్ వెళ్ళేదాకా కుదరదని చెప్పారని , గ్రామస్తులు వాపోయారు. ప్రతి గ్రామంలో, మూడంచెల బందోబస్తును నిర్వహించారు. లింకురోడ్డులో ఇనుప కంచె, బారికేడ్లు ఏర్పాటుచేసి గ్రామస్థులు ఎవరినీ ఆ రోడ్డులోకి కూడా రానివ్వ లేదు. చివరకు, ఇళ్ళ ముందు కూడా పోలీసులు వలలు పట్టుకుని నుంచునే పరిస్థితి. ఇవన్నీ చూస్తుంటే, ఒకప్పుడు ప్రశాంతంగా ఉన్న రాష్ట్రం, ఇప్పుడు ఇలా అయ్యింది ఏమిటో అని బాధ పడటం తప్ప, మనం చెయ్యటానికి ఏమి లేదు.