news

ఆంధ్రప్రదేశ్ అసెంబ్లీ సమావేశాలు ఈ రోజు నుంచి ప్రారంభం అయ్యాయి. ఈ రోజు 9 గంటలకు అసెంబ్లీ సమావేశాలను స్పీకర్ తమ్మినేని ప్రారంభించారు. అయితే, అసెంబ్లీ సమావేశాల మొదటి రోజే, తెలుగుదేశం పార్టీ ఇంకా లోపలకి ఎంటర్ కాక ముందే, అధికార పక్షం తెలుగుదేశం పార్టీని తొక్కేసే ప్రయత్నం చేసింది. ఈ రోజు ప్రజలు ఎదుర్కుంటున్న తీవ్ర సమస్య ఉల్లి ధరలు పెంపుదల. కేజీ ఉల్లిపాయ దాదాపుగా 200 కు చేరుకుంది. అయితే ప్రభుత్వం, ఒక్కొక్కరికీ కేజీ 25 రూపాయలకు సబ్సిడీ ఇస్తుంది. అయితే ఇవి కూడా అరకోరగా సాగుతున్నాయి. ప్రజలు ఉదయం నుంచి సాయంత్రం వరకు క్యూలో ఉంటే, ఒక కేజీ వచ్చే పరిస్థితి కూడా లేదు. దీంతో, ప్రజలు తీవ్ర ఇబ్బంది పడుతున్నారు. అయితే, ఈ సమస్య పై తెలుగుదేశం పార్టీ మొదటి రోజే, నిరసన తెలిపింది. ఉల్లి దండలు మెడలో వేసుకుని ఆ పార్టీ నేతలు నిరసన తెలిపారు. తక్కెడలో బంగారం, ఉల్లిపాయలు పెట్టి రెండూ సమానమేనని చూపిన చంద్రబాబు.

పాదయాత్రగా తెలుగుదేశం పార్టీ ఎమ్మెల్యేలు, ఎమ్మెల్సీలు, అసెంబ్లీకి చేరుకున్నారు. అయితే అసెంబ్లీ ప్రధాన ద్వారం టీడీపీ అధినేత చంద్రబాబుతో పాటుగా, మిగతా ఎమ్మెల్యేలు, ఎమ్మెల్సీలను పోలీసులు అడ్డుకున్నారు. ప్లకార్డులతో అనుమతి లేదని, అలాగే ఉల్లిపాయల దండలతో లోపాలకి వెళ్ళవద్దు అంటూ, టీడీపీ అధినేత చంద్రబాబును గేటు వద్దే పోలీసులు ఆపేశారు. చంద్రబాబుతో పాటు ఇతర ఎమ్మెల్యేలు, ఎమ్మెల్సీలను గేటు వద్దే ఆపేశారు. దీంతో పోలీసులు టిడిపి నేతల మధ్య స్వల్ప వాగ్వాదం చోటుచేసుకుంది. అయితే ఇవన్నీ మేము అసెంబ్లీ లోపలకు తీసుకువెళ్ళమని, వీటిని మా పార్టీ ఆఫీస్ లో పెట్టుకుంటాం అని చెప్పినా పోలీసులు లోపలకి అనుమతించలేదని సమాచారం.

ఈ సందర్భంగా తెలుగుదేశం పార్టీ అధినేత చంద్రబాబు మాట్లాడుతూ, రాష్ట్రంలో ఉల్లి ధరలు బంగారంతో సమానంగా ఉన్నయాని అనంరు. తక్కెడలో బంగారం, ఉల్లిపాయలు పెట్టి రెండూ సమానమేనని చంద్రబాబు చూపించారు. ఉల్లి ధరలను ప్రభుత్వం నియంత్రించలేకపోతోందని చంద్రబాబు అన్నారు. టీడీపీ హయాంలో నిత్యావసర ధరలు పెరగకుండా చర్యలు తీసుకున్నామని గుర్తు చేసారు. సబ్సిడీ పై తక్కువ ధరలతో ఉల్లి అందించామని, అప్పట్లో కేజీ 20 కు ఇచ్చి, ఒక్కొక్కరికీ 2.5 కేజీలు ఇచ్చామని, అవి కూడా ప్రజలకు ఇబ్బంది లేకుండా, రేషన్ దుకాణాల్లో ఇచ్చామని గుర్తు చేసారు. ధరలు దిగివచ్చేవరకు, ఈ ప్రభుత్వం పై, టీడీపీ పోరాటం కొనసాగుతుందని చంద్రబాబు తెలిపారు. ఉల్లి కేజీ రూ. 200 అమ్ముతుందంటే ఎంత దుర్మార్గమో ఆలోచించాలని చంద్రబాబు అన్నారు.

అధికార వైఎస్సార్ కాంగ్రెస్ పార్టీలో ధిక్కార స్వరాలు వినవస్తున్నాయి. ఇటీవల పార్టీలో జరుగుతున్న పరిణామాలు. కొందరు నేతల తీరుపై జగన్ మోహన్ రెడ్డి ఆగ్రహం వ్యక్తం చేస్తున్నట్లు సమాచారం. నేతల మధ్య అంతర్గత స్పర్థలు ఉంటే వాటిని పార్టీ వేదికలపై చర్చించి పరిష్క రించుకోవాలని, వీధినపడి పార్టీ ప్రతిష్టకు భంగం కలి గిస్తే క్రమశిక్షణ చర్యలు తప్పవని హెచ్చరికలు జారీ చేస్తు న్నారు. నెల్లూరు నేతల మధ్య విభేదాలు, మాజీ మంత్రి ఆనం రాంనారాయణరెడ్డి చేసిన వ్యాఖ్యలను జగన్ తీవ్రంగా పరిగణిస్తున్నారు. ఆయనకు షోకాజ్ నోటీ సులు పంపినట్లు తెలిసింది. అధికారంలోకి వచ్చిన ఆరు నెలల్లోనే చాలామంది ఎమ్మెల్యేలు, ఎంపీలు, మంత్రు లను వ్యక్తిగతంగా కలుసుకోలేక పోతున్నారు. ఒకవేళ కలిసేందుకు ప్రయత్నించినా అదినేత అపాయింట్ మెంట్ దొరకటం లేదని చెప్తున్నారు. పార్టీ కార్యక్రమాలు, మంత్రి వర్గ సమావేశాలు, శాసనసభ సమావేశాల ముందు జరిగే లెజిస్లేచర్ పార్టీ భేటీలు మినహా దాదాపు 70 మంది ఎమ్మెల్యేలు ఇప్పటి వరకు వ్యక్తిగతంగా పార్టీ అధినేతను కలుసుకున్న దాఖలాలులేవని చెబుతున్నారు.

రాష్ట్ర ఆర్ధిక పరిస్థితులు, కేంద్రంతో సంప్రతింపులు, సంక్షేమ పథకాల్లో ముఖ్యమంత్రి బిజీగా ఉండటం వల్ల ఎమ్మెల్యేలు, మంత్రులను కలుసుకోలేక పోతున్నారని పార్టీ వర్గాలు స్పష్టం చేస్తున్నాయి. జగన్ కు సన్నిహితంగా ఉన్న కొద్దిమంది మంత్రులు మినహా మిగిలిన మంత్రులు నియోజకవర్గాలకే పరిమితమయ్యే పరిస్థితులు నెలకొన్నాయి. ఇదిలా ఉండగా ఈనెల 11న నరసాపురం ఎంపీ రఘురామకృష్ణం రాజు ఢిల్లీలో ఎంపీలకు ఇవ్వనున్న విందు పార్టీలో ప్రధాన చర్చనీయాంశంగా మారింది. పార్టీల కతీతంగా 300 మంది వరకు ఎంపీలను సీతాకాల విందుకు రఘురామ కృష్ణంరాజు ఆహ్వానించారు. సీనియర్ కాంగ్రెస్ నేత కేవీపీ నివాసంలో జరగనున్న ఈ విందుకు పలువురు కేంద్రమంత్రులు హాజరుకానున్నట్లు తెలిసింది. ప్రధాన మంత్రి నరేంద్రమోదీ, హోం మంత్రి అమిత్ షాలను కూడా ఆహ్వానించినట్లు చెప్తున్నారు. అయితే ఈ విందు రాజకీయంలో మతలబు ఏమిటనేది సస్పెన్స్ గా మారింది.

రఘురామకృష్ణంరాజు గత కొద్ది రోజులుగా ఢిల్లీలో కేంద్రమంత్రులు, బీజేపీ నేతలతో మంతనాలు జరుపుతున్నారు. వైసీపీ ఎంపీలు బీజేపీలో చేరేందుకు రఘురామకృష్ణం రాజు పావులు కదుపుతున్నారనే ఆరో పణలు అప్పట్లో వినవచ్చాయి. దీనిపై ఆయన స్పందిస్తూ పార్టీ మారే యోచన లేదని స్పష్టం చేశారు. అయినా బీజేపీ నేతలను కలుసుకుంటే తప్పేంటని కూడా ప్రశ్నిం చారు. బీజేపీ నుంచి టీడీపీలో, అక్కడి నుంచి వైసీపీలో చేరిన ఆయన వ్యవహారశైలిపై పార్టీలో అంతర్గతంగా చర్చిస్తున్నట్లు తెలియవచ్చింది. లోకసభలో ప్రతిపక్ష పార్టీగా మూడవ స్థానంలో వైసీపీ ఉన్నప్పటికీ దాదాపు పది మంది ఎంపీలు కూడా పార్టీ అధినేత జగన్‌తో ఇప్పటి వరకు వ్యక్తిగతంగా భేటీ కాలేదని చెబుతున్నారు. ప్రభుత్వ కార్యక్రమాలు, మరోవైపు టీడీపీతో రాజకీయ యుద్ధం, వలస నేతలతో బిజీగా ఉన్న జగన్ వైసీపీలో అంతర్గత విభేదాలపై దృష్టి సారించలేదని అంటున్నారు. దీంతో జిల్లాల్లో పార్టీ నేతల మధ్య ఆధిపత్య పోరు నివు రుగప్పిన నిప్పులా మారుతోందనేది స్పష్టమవుతోంది. సోమవారం నుంచి శాసనసభ సమావేశాలు ప్రారంభం కానున్న నేపథ్యంలో ఎమ్మెల్యేలతో వన్ టు వన్ చర్చిం చాలనే యోచనలో పార్టీ అధినేత ఉన్నట్లు సమాచారం.

ఆంధ్రప్రదేశ్ లో రాజకీయం మారిపోతుంది. ఆరు నెలల్లోనే, స్నేహంగా ఉన్న పార్టీలు, ఇప్పుడు శత్రువులుగా మారిపోయాయి. ఎన్నికల ముందు, చంద్రబాబుని మరోసారి ముఖ్యమంత్రిని అవ్వకుండా చూడాలనే టార్గెట్ తో, కేంద్రంలోని బీజేపీ, అన్ని విధాలుగా, వైసీపీకి సహకరించింది. వ్యవస్థలు అన్నీ వైసీపీకి అనుకూలంగా పని చేసాయి. చివరకు చంద్రబాబుని దింపేసారు. అయితే ఎన్నికలు అయిన తరువాత, అటు కేంద్రంలోని బీజేపీకి, ఇటు రాష్ట్రంలోని వైసీపీకి భారీ మెజారిటీ వచ్చింది. ఇద్దరు కలిసి చంద్రబాబుని అన్ని విధాలుగా ఇబ్బంది పెడతారని అందరూ భావించారు. మొదట్లో విజయసాయి రెడ్డి కూడా, మా ప్రభుత్వం తీసుకునే ప్రతి నిర్ణయం వెనుక, ప్రధాని మోడీ, హోం మంత్రి అమిత్ షా ఆశీస్సులు ఉన్నాయని చెప్పారు. అయితే ఏమి జరిగిందో ఏమో కాని, గత రెండు మూడు నెలల నుంచి, జగన్ మోహన్ రెడ్డికి, విజయసాయి రెడ్డికి, ఢిల్లీలో చుక్కలు కనిపిస్తున్నాయి. ఇది వరకు ఉన్న పరపతి, ఇప్పుడు ఢిల్లీలో ఇద్దరు నేతలకు లేదు.

సామాన్య ఎంపీలకు కూడా, కేంద్ర హోం మంత్రి అమిత్ షా అపాయింట్మెంట్ ఇస్తుంటే, ముఖ్యమంత్రి హోదాలో ఉన్న జగన్ మోహన్ రెడ్డికి మాత్రం, గత రెండు పర్యాయాలు, హోం మంత్రి అపాయింట్మెంట్ దొరకటం లేదు. ఆంధ్రప్రదేశ్ నుంచి, ఢిల్లీ వెళ్ళిన జగన్ మోహన్ రెడ్డికి, కనీసం అపాయింట్మెంట్ కూడా ఇవ్వటం లేదు. అది కూడా ఒకటికి రెండు సార్లు. దీంతో జగన్ మోహన్ రెడ్డి, బీజేపీ అధిష్టానం పై రగిలిపోతున్నారు. దీంతో బీజేపీ పై, రివెంజ్ తీర్చుకే పనిలో జగన్ మోహన్ రెడ్డి ఉన్నారు. ఇన్నాళ్ళు కేవలం తెలుగుదేశం పార్టీ, జనసేన పార్టీని మాత్రమే టార్గెట్ చేసిన జగన్ మోహన్ రెడ్డి, ఇప్పుడు బీజేపీని కూడా టార్గెట్ చేసారు. ఆంధ్రప్రదేశ్ లో ఉన్న బలమైన బీజేపీ నేతలను, తమ పార్టీలో చేర్చుకునే ఆపరేషన్ ఆకర్ష కు తెరలేపారు.

దీంతో మొదటిగానే, ఆంధ్రప్రదేశ్ బీజేపీలో బలమైన నేతగా పేరున్న, మాజీ ఎంపీ గోకరాజు గంగరాజు కుటుంబాన్ని తమ పార్టీలో చేర్చుకోవాలని నిర్ణయం తీసుకుని చర్చలు జరిపారు. గోకరాజుకి ఉండవల్లి కరకట్ట వెంబడి అనేక ఆస్తులు ఉన్న సంగతి తెలిసిందే. దీంతో, బీజేపీ మాజీ ఎంపీ గోకరాజు గంగరాజు కుటుంబ రేపు వైసీపీ తీర్థం పుచ్చుకోబోతున్నారు. గోకరాజు గంగరాజు తనయుడు రంగరాజు, గోకరాజు సోదరులు నరసింహరాజు, రామరాజు, రేపు గన్ మోహన్‌రెడ్డి సమక్షంలో వైసీపీ కండువా కప్పుకోనున్నారు. అయితే ఈ పరిణామం పై, రాజకీయ వర్గాల్లో పెద్ద ఎత్తున చర్చ జరుగుతోంది. గోకరాజు గంగరాజు మొదట్నుంచి బీజేపీకి సన్నిహితంగా ఉంటున్నారు. ముఖ్యంగా ఆర్ఎస్ఎస్, వీహెచ్‌పీతోనూ సన్నిహితంగా ఉండేవారు. అమిత్ షా ఎప్పుడు, ఏపీకి వచ్చినా గోకరాజు అతిథి గృహంలోనే బస చేసేవారు. అలాంటి గోకరాజు, ఇప్పుడు పార్టీ మారటం చూస్తుంటే, రాజకీయ వాతవరణం వేగంగా మారే అవకాసం కనిపిస్తుంది.