news

జగన్ మోహన్ రెడ్డి మాట తప్పం, మడం తిప్పం అంటూనే, ఆయన అధికారంలోకి రాగానే ప్రతి అంశం పై మాట తప్పుతూ, మడం తిప్పుతున్నారు. తాజగా మరో సున్నితమైన అంశాన్ని కదిపి, ప్రభుత్వానికి పెద్ద తలనొప్పి చేతులారా తెచ్చుకున్నారు. మాదిగా వర్గీకరణ అంశం పై, అసెంబ్లీలో మాట్లాడుతూ, జగన్ మాట మార్చారు. చంద్రబాబు ఈ అంశాన్ని రాజకీయం కోసం వాడుకున్నారు అంటూ, చంద్రబాబు వర్గీకరణకు మద్దతు తెలిపిన అంశం పై, మాట్లాడుతూ వ్యాఖ్యలు చేసారు. నిజానికి జగన్ మోహన్ రెడ్డికి అధికారం రాక ముందు వర్గీకరణకు మద్దతు తెలిపారు. 2010లో మన్మోహన్ ప్రధానిగా ఉండగా, వర్గీకరణకు మద్దతు తెలుపుతూ లేఖలు కూడా రాసారు. అప్పట్లో, ఇది మా నాన్న మాట ఇచ్చిన అంశం అంటూ, జగన్ మోహన్ రెడ్డి వ్యాఖ్యలు చేసే వారు.

అయితే ఇప్పుడు అధికారం రాగానే మాట మార్చారు. ఇదే అంశం పై ఎంఆర్పీఎస్ అధ్యక్షుడు మంద కృష్ణ మాదిగ జగన్ మోహన్ రెడ్డిని నిలదీశారు. అయితే జగన్ మాత్రం, ఈ అంశం పై మాట మార్చిన దానికే కట్టుబడి ఉండటంతో, ఎంఆర్పీఎస్ మరోసారి ఉద్యమ బాట పట్టింది. రేపు అసెంబ్లీని ముట్టడించేందుకు ఎంఆర్పీఎస్ పిలుపిచ్చింది. ఈ నేపధ్యంలో, ఎంఆర్పీఎస్ నేతలు, కార్యకర్తలు వ్యూహాత్మకంగా అడుగులు వేస్తున్నారు. ఎలా అయినా అసెంబ్లీ ముట్టడిని సక్సెస్ చెయ్యాలనే ఉద్దేశంతో, వారు పోలీసులు ముందస్తు ఆర్రేస్ట్ చేస్తారని, ముందుగానే అజ్ఞాతంలోకి వెళ్ళిపోయారు. మరో పక్క పోలీసులు వీరి అసెంబ్లీ ముట్టడిని భగ్నం చేసేందుకు ప్రతివ్యూహంతో ముందుకు వస్తున్నారు. దీంతో రేపు అసెంబ్లీ వద్ద ఏమి జరుగుతుందా అనే టెన్షన్ వాతావరణం నెలకొంది.

పోలీసులు ఎమ్మార్పీఎస్‌ ముఖ్య కార్యకర్తలు, నాయకుల కోసం ఈ రోజు రాత్రి నుంచే గాలిస్తున్నారు. వారు ఊరు దాటి అమరావతి వైపు రాకుండా చూస్తున్నారు. అసెంబ్లీ ముట్టడికి అనుమతి లేదని, ఇటు వైపు వస్తే తీవ్ర పరిణామాలు ఉంటాయని హెచ్చరిస్తున్నారు.గుంటూరు అర్బన్‌, రూరల్‌ జిల్లా పరిధిలో 30 పోలీస్‌ యాక్ట్‌తో పాటు 144వ సెక్షన్‌ అమలులో ఉందని, ఇటు వైపు వచ్చి ఆందోళనలు చేస్తే, తీవ్ర పరిణామాలు ఉంటాయని పోలీసులు హెచ్చరిస్తున్నారు. మరో పక్క, గతంలో ఎమ్మార్పీఎస్‌ కార్యకర్తలు రాజధాని ప్రాంతంలో నిర్వహించ తలపెట్టిన కురుక్షేత్ర సభను పోలీసులు అడ్డుకోవటంతో, జీపు దహనంతో పాటు పలు విధ్వంసకర చర్యలు పాల్పడిన చరిత్ర ఉండటంతో, రేపటి అసెంబ్లీ ముట్టడి ఎలాంటి ఉద్రిక్త పరిస్థితులు ఉంటాయా అనే టెన్షన్ నెలకొంది. పోలీసులు మాత్రం, ఏ చిన్న ఇబ్బంది కూడా లేకుండా చూస్తామని అంటున్నారు.

జగన్ మోహన్ రెడ్డి అధికారంలోకి వచ్చి రెండు నెలలు అవుతుంది. ఈ 60 రోజుల్లో జగన్ మార్క్ పరిపాలన కనిపించిందా అంటే, సామాన్యులకు మాత్రం, ఏది కొత్తగా లేదు. ఇంకా కొత్త కొత్త సమస్యలు ఎక్కువ అయ్యాయి. చంద్రబాబు పై కక్ష తీర్చుకోవటం లోనే, టైం గడిసి పోతుంది. దీనికి తోడు, విద్యుత్ ఒప్పందాల సమీక్షతో, విద్యుత్ పెట్టుబడిదారులు దూరం అయ్యారు. మరో పక్క పరిశ్రమల్లో 75 శాతం రిజర్వేషన్ అంటూ జగన్ తీసుకొచ్చిన కొత్త పాలసీతో, కొత్తగా కంపెనీలు వచ్చే అవకాసం లేదు. ఇవన్నీ ఒక ఎత్తు అయితే, ఇసుక కొరతతో, మొత్తం తారు మారు అయ్యింది. ఎవరికీ పనులు లేవు. ఇసుక లేకపోవటంతో, అన్ని రంగాల పై ఈ ప్రభావం కనిపిస్తుంది. రియల్ ఎస్టేట్ కుప్పకూపోయింది. జగన్ చెప్పిన సంక్షేమ కార్యక్రమాల్లో కూడా యుటర్న్ లు కనిపిస్తున్నాయి.

మరో పక్క కేంద్రం వైపు చూడాలి అంటేనే జగన్ ఆలోచిస్తున్నారు. కేంద్రం ఏమి ఇవ్వం అని చెప్తున్నా, కనీసం స్పందన లేదు. కేసిఆర్ తో స్నేహం మాత్రం, ఏపికి ఇబ్బందిగా మారింది. మొత్తానికి చంద్రబాబుని అసెంబ్లీలో హేళన చెయ్యటం తప్ప, ఇప్పటి వరకు, జగన్ మోహన్ రెడ్డి మార్క్ అయితే , ఈ రెండు నెలల్లో ఏమి కనిపించ లేదు. అయితే, జగన్ మోహన్ రెడ్డి పరిపాలన పై, మాజీ సియం, తమిళనాడు మాజీ గవర్నర్ రోశయ్య ఆసక్తికర వ్యాఖ్యలు చేసారు. విశాఖపట్నంలో జరిగిన ఒక కార్యక్రమంలో రోశయ్య పాల్గున్నారు. ఈ సందర్భంగా అక్కడ మీడియాతో పలు విషయాల పై ఆయన స్పందించారు. ఇదే సందర్భంలో, జగన్ మోహన్ రెడ్డి రెండు నెలల పరిపాలన ఎలా ఉంది అని విలేఖరులు ప్రశ్నించగా, రోశయ్య తనదైన శైలిలో స్పందించారు.

జగన్ మోహన్ రెడ్డి ఆలోచనలు ఏంటో అర్ధం కావటం లేదని రోశయ్య అన్నారు. కేంద్రంతో తీరు సరిగ్గా లేదని రోశయ్య అన్నారు. అలాగే విపక్షాలను కలుపుకుని వెళ్ళటం లేదని అన్నారు. జగన్ ఆలోచనలు, ఆయన విధానం ఏంటో ఇప్పటికి అయితే అర్ధం కావటం లేదని, కొన్ని రోజులు ఆగితే కాని స్పష్టత రాదని అన్నారు. జగన్ మోహన్ రెడ్డి ఖర్చులు బాగా తగ్గించుకోవాలి, చాలా పొదుపుగా ప్రభుత్వాన్ని నడపాలి, అప్పుడే కొన్నాళ్ళు అయినా నడుస్తుంది, అలా కాకుండా ఖర్చులు పెట్టుకుంటూ పొతే, ఆయనకు, రాష్ట్రానికి ఇబ్బందులేనని రోశయ్య అన్నారు. ఒక పక్క వైసీపీ నేతలు, ఈ ప్రపంచంలోనే మా జగన్ అంత నాయకుడు లేడు అని చెప్తుంటే, వైఎస్ఆర్ అత్యంత ఆప్తుడు అయిన రోశయ్య మాత్రం, జగన్ వైఖరి ఏంటో అర్ధం కావటం లేదు అంటూ, ఆసక్తికర వ్యాఖ్యలు చేసారు.

జగన్ మోహన్ రెడ్డి తీసుకుంటున్న ప్రతి నిర్ణయం, దేశ వ్యాప్తంగా చర్చకు దారి తీస్తున్నాయి. బిజినెస్ వర్గాలు కలవరపాటుకు గురి చేసే నిర్ణయాలతో, రాష్ట్రం పై నెగెటివ్ ఇమేజ్ వచ్చేలా నిర్ణయాలు ఉంటున్నాయి. ఇప్పటికే విద్యుత్ ఒప్పందాల పై అటు కేంద్రం వద్దు, అది తప్పు అంటున్నా, వాటిని సమీక్షిస్తాం, మా మాట వినకపోతే ఒప్పందాలు రద్దు చేస్తాం అని బెదిరింపు ధోరణిలో వెళ్తుంది. మరో పక్క, జగన్ తీసుకున్న మరో నిర్ణయం పై కూడా దేశ వ్యాప్తంగా వ్యతిరేకత వచ్చింది. ఏకంగా నీతి ఆయోగ్ చైర్మెన్ కూడా, ఆ నిర్ణయం తప్పు అని అర్ధం వచ్చేలా, పత్రికా కధనాన్ని ట్వీట్ చేసారు అంటే, ఆ నిర్ణయం వల్ల ఎలాంటి ఇబ్బందులు వస్తాయో, వాటి పర్యావసానాలు ఎంతో తెలియచేస్తున్నాయి. అయినా ప్రభుత్వం వెనక్కు తగ్గటం లేదు అనుకోండి, అది వేరే విషయం.

ఆంధ్రప్రదేశ్ లో పెట్టుబడి పెట్టె, ఏ కంపెనీ అయినా సరే, 75 శాతం ఉద్యోగాలు అక్కడ స్థానికులకే ఇవ్వాలి అంటూ, ఆంధ్రప్రదేశ్ ప్రభుత్వం బిల్లు తీసుకువచ్చింది. దీని పై నీతి ఆయోగ్‌ సీఈవో అమితాబ్‌కాంత్‌ ట్విట్టర్‌లో స్పందిస్తూ, ఫైనాన్షియాల్ ఎక్ష్ప్రెస్ లో వచ్చిన ఒక కధనాన్ని పోస్ట్ చేస్తూ, ఆ పత్రికలో వచ్చిన ఒక వ్యాఖ్యం పోస్ట్ చేసారు. పరిశ్రమలలో 75 శాతం స్థానికులకే ఇవ్వాలంటూ, ఏపి తెచ్చిన ఈ బిల్, మన దేశంలో సమాఖ్య స్ఫూర్తిని దెబ్బతీస్తుందని, ప్రతి పౌరుడికి, ఈ దేశంలో, ఎక్కడైనా జీవించే హక్కు, పని చేసుకునే హక్కు రాజ్యాంగం ఇచ్చిందని, ఈ బిల్ దానికి విరుద్ధం అని, పెట్టుబడులు పెట్టె వాతావరణానికి, ఇది అద్దంకిగా ఉంటుంది, ఫైనాన్షియాల్ ఎక్ష్ప్రెస్ చెప్పిన ఆ వాఖ్యాన్ని, నీతి ఆయోగ్‌ సీఈవో అమితాబ్‌కాంత్‌ ట్వీట్ చేసారు.

నీతి ఆయోగ్‌ సీఈవో అమితాబ్‌కాంత్‌ చేసిన ట్వీట్ పై జగన్ మోహన్ రెడ్డి స్పెషల్‌ చీఫ్‌ సెక్రటరీ పీవీ రమేష్‌ స్పందించారు. ‘‘బిల్లును మీరు పూర్తిగా చూడలేదని, మీరంటే మాకు చాలా గౌరవం ఉంది. స్థానికులకు అవకాశం కల్పించాలన్నదే మా ఉద్దేశం. సమాఖ్య స్ఫూర్తిని దెబ్బతీసే ఆలోచన లేదు. బిల్లు మాత్రమే పెట్టాం. నిబంధనలు చూడండి’’ అని రమేష్‌ కౌంటర్ ఇచ్చారు. దీనికి మళ్ళీ రివర్స్ కౌంటర్ ఇచ్చారు నీతి ఆయోగ్‌ సీఈవో అమితాబ్‌కాంత్‌. అది పత్రికల్లో వచ్చిన వార్తా, అందుకే కోటేషన్స్ లో పెట్టాను చూసుకోండి అంటూ రివర్స్ కౌంటర్ ఇచ్చారు. ఒక పక్క 75 శాతం లోకల్ రిజర్వేషన్ పై, పెద్ద పెద్ద కంపెనీలు అందరూ వ్యతిరేకిస్తుంటే, ఇప్పుడు ఏకంగా, ఆయోగ్‌ సీఈవో అమితాబ్‌కాంత్‌ ట్వీట్ చెయ్యటం చర్చనీయంసం అయ్యింది. అంటే ఈ విషయంలో కేంద్రం కూడా జగన్ ప్రభుత్వ నిర్ణయాన్ని స్వాగతించటం లేదు అని అర్ధం.