news

ఆంధ్రప్రదేశ్ రాష్ట్రం ప్రస్తుతం రివర్స్ ట్రెండ్ లో వెళ్తుంది. విశాఖపట్నం అంతర్జాతీయ విమానాశ్రయం నుంచి ప్రయాణీకుల సంఖ్య గణనీయంగా పెరుగుతున్న తరుణంలో విమాన సర్వీసులు పెరగాల్సి ఉండగా అందుకు భిన్నంగా తగ్గుతూ వస్తున్నాయి. విమానయాన సంస్థలు ఏ మార్గంలో డిమాండ్ ఉందో చూసుకుని ఆ వైపునకు సర్వీసులు మళ్లించి విశాఖకు సేవలను నిలిపివేస్తున్నాయి. దీంతో నిలిపివేస్తున్న విమాన సర్వీసుల సంఖ్య క్రమంగా పెరిగి పోతోంది. దీని పై ఆంధ్రప్రదేశ్ విమాన ప్రయాణికులు సంఘం ఎన్ని ప్రయత్నాలు చేసినా ఏ మాత్రం ఫలితం కనిపించటం లేదు. శ్రీలంక ఎయిర్లైన్స్ తన సర్వీసు అంత లాభాదాయకంగా లేకపోవటంతో రద్దు చేసుకుంది. వయబులిటీ గ్యాప్ ఫండింగ్ అందించాల్సిందిగా కోరితే ప్రభుత్వం స్పందించలేదు.

అయితే విశాఖతో శ్రీలంకకు వాణిజ్య సంబంధాలు ఉండటంతో అక్కడి విమానయాన సంస్థ ఒకటి 14 మంది ప్రయాణించే చిన్న విమానాన్ని నడిపేందుకు ముందుకు వచ్చింది. ఈ సర్వీసు త్వరలో ప్రారంభం కానుంది. ఇదిలా ఉండగా ఎయిర్ ఇండియా అనుబంధ సంస్థ ఎయిర్ అలయెన్స్ ఇటీవల విశాఖపట్నం-విజయవాడ-తీరుపతి విమానాన్ని రద్దు చేసింది. ఎయిర్ ఇండియా చైర్మన్న ఢిల్లీలో విమాన ప్రయాణికుల సంఘం కలిసి విన్నవించినా ఆ సర్వీసును పునరుదరించ లేదు. విశాఖపట్నం నుంచి కొచ్చిన్ వెళ్లే సర్వీసును కూడా ఇటీవల రద్దు చేశారు. మరోవైపు స్పైస్ జెట్ కూడా కోల్కతా విమాన సర్వీసును ఉపసంహరించుకుంది. ఇండిగో బెంగళూరుకు నడిపే రెండు విమానా లను రద్దు చేసింది.

జెట్ ఎయిర్ వేస్ సంక్షోభంతో ఢిల్లీ, ముంబై సర్వీసులు నిలిచిపోయాయి. తాజాగా ఇండిగో ఎయిర్ లైన్స్. హైదరాబాద్, చెన్నై నగరాలకు ఆగస్టు నుంచి సర్వీసులను నిర్వహించటం లేదంటూ టికెట్లను విక్రయించటం లేదు. నెల రోజుల పాటు విమాన సర్వీసులు అందుబాటులో లేవని చెబుతున్నారని ట్రావెల్స్ ఏజెన్సీలు వెల్లడించాయి. ఆ తర్వాత ఈ సర్వీసులను కొనసాగిస్తారో లేదో ఇప్పుడే చెప్పలేమని అంటున్నారని వారు పేర్కొంటున్నారు. ఇప్పటికే గన్నవరం ఎయిర్పోర్ట్ నుంచి కూడా ఇలాగే అన్ని కీలక సర్వీసులు రద్దు చేసుకుంటూ పోతున్నారు. సింగపూర్ విమానం రద్దు అయిన సంగతి తెలిసిందే. అలాగే ఢిల్లీ, హైదరాబాద్ కు సర్వీసులు తగ్గించేసారు. దీని పై చంద్రబాబు కూడా ఇప్పటికే ప్రభుత్వాన్ని విమర్శిస్తున్నారు. ఎక్కడికి వెళ్ళాలి అయినా, హైదరాబాద్ నుంచి వెళ్ళేలా జగన్ మోహన్ రెడ్డి చేస్తున్నారని, చంద్రబాబు విమర్శిస్తున్నారు.

నిన్న, ఈ రోజు, ఆంధ్రప్రదేశ్ క్యాబినెట్ సమావేశం అయిన సంగతి తెలిసిందే. నిన్న అయితే అసెంబ్లీకి పక్కన పెట్టి మరీ, క్యాబినెట్ సమావేశం జరిపి, అసెంబ్లీ కూడా కొంత సేపు వాయిదా వేసారు. అయితే నిన్న జరిగిన సంఘటన, ఈ రోజు మళ్ళీ క్యాబినెట్ సమావేశం అయ్యి తీసుకున్న ఒక నిర్ణయం మాత్రం, ఇప్పుడు హాట్ టాపిక్ గా మారింది. నిజానికి నిన్న క్యాబినెట్ అజెండా గా, ఎనిమిది అంశాలు అనుకుని అజెండా రూపొందించారు. అయితే ఈ అజెండాలో టేబుల్ అంశాలుగా కొన్ని చేరి, ఎనిమిది ఉన్న అజెండా కాస్తా 22కు చేరింది. ముఖ్యంగా నవరత్నాలు పై ఎక్కువగా అజెండాలో చర్చించారు. ఇక్కడి దాకా ఇబ్బంది లేదు, ఎవరి ప్రాధాన్యతలు వాళ్లకి ఉంటాయి కాబట్టి, సాధ్యాసాధ్యాలు చూసుకుని, అధికారులు కూడా వాటి పై తమ సలహాలు, నిర్ణయాలు ప్రకటిస్తూ ఉంటారు.

నవరత్నాల అమలు పై చర్చ సందర్భంలో, కొంత మంది మంత్రులు, అధికారులు, ప్రస్తుతం ఉన్న ఆర్ధిక పరిస్థితి గురించి వివరిస్తూ, వీటి పై నెమ్మిదిగా నిర్ణయం తీసుకుందాం అని చెప్పటంతో, జగన మోహన్ రెడ్డి వారి పై విరుచుకుపడ్డారు. నేను అన్నీ ఆలోచించే చెప్తున్నా, నేను ఒక ముఖ్యమంత్రిని, నేను చెప్పినా వినరా, వీటి పై ముందుకు వెళ్ళాల్సిందే అని తీవ్ర ఆవేశంతో జగన్ చెప్పటంతో, మొదటిసారి అక్కడ ఉన్న వాళ్ళు అవాక్కయ్యారు. ఇక తరువాత అజెండాగా పరిశ్రమల శాఖలో, స్థానికులకే 75 శాతం ఉద్యోగాలు ఇవ్వాలి అనే అంశం పై, చర్చకు వచ్చింది. ఈ చర్చ సందర్భంలో జగన్ మోహన్ రెడ్డి ఉగ్ర రూపం చూసి, క్యాబినెట్ సమావేశం హాల్ మొత్తం, పిన్ డ్రాప్ సైలెన్స్ గా మారిపోయింది. తన పాదయాత్రలో ఇచ్చిన హామీ ప్రకారం స్థానికులకు 75 శాతం ఉద్యోగాలు ఇవ్వాలని, బిల్ తాయారు చెయ్యాలని అధికారులను కోరారు జగన్.

అయితే పరిశ్రమల శాఖ కార్యదర్శి, మహిళా ఐఏఎస్ అయిన ఉదయ లక్ష్మి, ఆమె సలహాగా చెప్తూ, ఇది సాధ్య పడదు అని, దీని వల్ల ప్రభుత్వానికి లేని పోనీ తలనొప్పులు వస్తాయని అన్నారు. స్కిల్ ఉన్న ఉద్యోగాలు కావాలి అంటే బయట నుంచి వివిధ కంపెనీలు తెచ్చుకుంటాయని, మనం ఇలాంటివి పెడితే, పెట్టుబడులు రావని, ప్రభుత్వానికే ఇబ్బంది అని అన్నారు. ఈ మాటలు విన్న జగన్, మహిళా అధికారి అని కూడా చూడకుండా, అందరి ముందు ఆమె పై, తీవ్ర ఆగ్రహంతో ఊగిపోయారు. నేను బయటకు వెళ్లి, మా ఉదయ లక్ష్మి చెప్పింది, మీకు ఉద్యోగాలు ఇవ్వటం కుదరదు అని చెప్పినా అంటూ ఆగ్రహం వ్యక్తం చెయ్యటంతో, ఒకరి మొఖాలు ఒకరు చూసుకున్నారు. ఈ లోపు ఎల్వీ సుభ్రమణ్యం కలగ చేసుకుని, వేరే మార్గాలు ఉన్నాయని చెప్పటంతో, రేపటి లోగా ఆ బిల్ నా ముందు ఉండాలి అని చెప్పి, అక్కడ నుంచి విసురుగా వెళ్ళిపోయారు. దీంతో చేసేది ఏమి లేక, ఈ రోజు క్యాబినెట్ మీటింగ్ లో ఆ బిల్ తయారు చేసి తీసుకువచ్చారు. జగన్ మోహన్ రెడ్డి అవగాహన రాహిత్యంతో, అధికారులు కక్కలేక మింగలేక, తప్పు అని చెప్పలేక ఇబ్బంది పడాల్సిన పరిస్థితి. అయిన రాజు తలుచుకుంటే, ఈ సైనికులు అడ్డం పడితే ఎలా ?

అమరావతి నిర్మాణం కోసం గతంలో చంద్రబాబు ప్రభుత్వం, రుణం ఇవ్వాలి అంటూ ప్రపంచ బ్యాంక్ ను కోరిన విషయం తెలిసిందే. దాని పై నిర్ణయం తీసుకుంటూ, మేము రుణం ఇవ్వలేం అంటూ తాజాగా ప్రపంచ బ్యాంక్ తెలిపింది. అయితే దీని పై ఎవరి వాదన వారిదిగా ఉంది. చంద్రబాబు వల్లే రుణం రాలేదని జగన్ ప్రభుత్వం అంటుంది. కొంత మంది మాత్రం, అమరావతిలో ఉండే కొంత మంది కంప్లైంట్ ఇవ్వటం వల్ల రాలేదు అంటున్నారు. ఇలా ఎవరి వాదన వారు వినిపిస్తున్నారు. అయితే, ప్రపంచ బ్యాంక్ మాత్రం అసలు కారణం చెప్పింది. మాములుగా ఏదైనా రాష్ట్రం ప్రపంచ బ్యాంక్ నుంచి రుణం పొందాలి అంటే, నిబంధనల ప్రకారం కేంద్రం ఈ ప్రతిపాదనను ప్రపంచ బ్యాంక్ కు పంపాలి. అలాగే అమరావతికి రుణం కావలి అని చంద్రబాబు ప్రభుత్వం అడిగిన సందర్భంలో, అప్పట్లో కేంద్రం, ఈ ప్రతిపాదనను, ప్రపంచ బ్యాంకుకు పంపించింది.

అయితే, ఇప్పుడు మారిన పరిస్థితుల్లో, కేంద్రం ఆ ప్రతిపాదన వెనక్కు తీసుకుంది. ఇదే విషయం ప్రపంచ బ్యాంక్ దక్షిణాసియా విభాగం సీనియర్‌ కమ్యూనికేషన్స్‌ అధికారి ఎలీనా కారబన్‌ మీడియాకు తెలిపారు. భారత ప్రభుత్వం, అమరావతికి రుణం ఇవ్వండి అనే ప్రతిపాదన వెనక్కు తీసుకుంది అని, అందుకే రుణం ఇవ్వం అని చెప్పమని చెప్పారు. ఇదే విషయం, భారత్‌, శ్రీలంక, మాల్దీవులు, బంగ్లాదేశ్‌కు సంబంధించి ప్రత్యేక ప్రాజెక్టులను పర్యవేక్షించే ప్రపంచ బ్యాంకు విదేశీ వ్యవహారాల సలహాదారు సుదీప్‌ మజుందార్‌ కూడా చెప్పారు. భారత ప్రభుత్వ నిర్ణయాన్ని, ప్రపంచ బ్యాంకు ఎగ్జిక్యూటివ్‌ డైరెక్టర్ల బోర్డుకు తెలియటంతో, అమరావతికి లోన్ ఇచ్చే విషయం వెనక్కు తీసుకున్నామని, వివరించారు.

అయితే ఇప్పుడు ప్రశ్న, కేంద్రం ఎందుకు ఇలా చేసింది అని ? ఈ విషయం పై ఆరా తీస్తే, గత నెలలో ప్రపంచ బ్యాంక్ అధికారులు, అమరావతి వచ్చి, అక్కడ జరుగుతున్న పనులు అన్నీ చూసి, అపుడు రుణం ఇచ్చే విషయం పై ఆలోచిస్తామని, మా పర్యటనకు పర్మిషన్ కావాలని కోరారు. అయితే అమరావతి పై ఆసక్తి లేని జగన్ ప్రభుత్వం, ప్రపంచ బ్యాంక్ అధికారులకు ఎలాంటి సమాచారం ఇవ్వలేదు. రాష్ట్ర ప్రభుత్వం అమరావతి పై అనాసక్తిగా ఉందని గమనించిన కేంద్ర ప్రభుత్వం, ఈ విషయం పై ఇంకా ముందుకు వెళ్ళటం అనవరం అని గ్రహించి, ప్రపంచ బ్యాంక్ కు ఇచ్చిన ప్రతిపాదనను వెనక్కు తీసుకుంది. మొత్తానికి జగన్ ప్రభుత్వం, కేంద్రం కలిసి, ఇలా మన అమరావతికి లోన్ రాకుండా అడ్డుకున్నారు. చూద్దాం ఈ కొత్త ప్రభుత్వం, వాళ్ళు ఏమైనా కొత్త లోన్లు తీసుకు వస్తారేమో ?