news

ఒక పక్క ఎన్నికలు జరిగిన సరళి, ప్రజలు పడిన ఇబ్బందులతో ఆంధ్రప్రదేశ్ రాష్ట్రం మొత్తం మారుమోగితే, జగన్ మాత్రం తీరిగ్గా లోటస్ పాండ్ నుంచి ప్రెస్ మీట్ లో మాట్లాడారు. కేసీఆర్, చంద్రబాబుకు ఇచ్చే రిటర్న్ గిఫ్ట్‌తో తనకు సంబంధం లేదని జగన్ అన్నారు. అది కేసీఆర్, చంద్రబాబులకు సంబంధించిన అంశమన్నారు. హైదరాబాద్‌లో తన నివాసంలో మీడియాతో మాట్లాడిన ఆయన.. ఏపీ సీఎం చంద్రబాబు ప్రజల్ని తప్పుదోవ పట్టిస్తున్నారని ఆరోపించారు. ఓటింగ్ శాతం తగ్గించేందుకు కుయుక్తులు పన్నారన్నారు. ప్రజలు పెద్ద సంఖ్యలో ఓటింగ్‌లో పాల్గొని.. ఓటు వేసిన ప్రతి ఒక్కరికి కృతజ్ఞతలన్నారు. ఓటమి తప్పదని చంద్రబాబు నిర్ధారణకు వచ్చారని .. ఓటింగ్‌ శాతం తగ్గిచేందుకు చంద్రబాబు కుట్రలు చేశారన్నారు.

80శాతం మంది ప్రజలు పోలింగ్‌లో పాల్గొన్నారని తెలిపారు. ఓటమి భయంతోనే టీడీపీ నేతలు బురదజల్లుతున్నారని విమర్శించారు. ఎన్నికల కమిషన్ అద్భుతంగా పని చేసిందని కొనియాడారు. మంగళగిరిలో లోకేశ్ నిబంధనలు ఉల్లంఘించారని ఆరోపించారు. ఓడిపోతున్నాడని తెలుసుకాబట్టే ఈసీని బెదిరిస్తున్నారన్నారు. అనేక రకాలుగా ఓటర్లను భయబ్రాంతులకు గురిచేశారన్నారన్నారు. ఓటర్లు తాము ఏ పార్టీకి ఓటు వేశామో వీవీప్యాట్స్ ద్వారా చూసుకుని సంతృప్తి చెందితే, ఇంకా, నెగెటివ్ కామెంట్స్ ఎవరు చేస్తారని అన్నారు. ఓడిపోతున్నాం కనుక బురదజల్లాలని అనుకునేవాళ్లే నెగెటివ్ కామెంట్స్ చేస్తారంటూ టీడీపీని ఉద్దేశించి వ్యాఖ్యానించారు.

ఈవీఎంలపై సీఎం చంద్రబాబు వ్యాఖ్యలు చేయడం బాధాకరమని వ్యాఖ్యానించారు. ఎన్ని సీట్లు వస్తాయని భావిస్తున్నారన్న మీడియా ప్రతినిధుల ప్రశ్నకు జగన్‌ స్పందిస్తూ.. ప్రజల దయ, దేవుడి ఆశీస్సులతో వైకాపా అఖండ విజయం సాధించబోతోందని విశ్వాసం వ్యక్తంచేశారు. అయితే జగన్ వ్యాఖ్యల పై, ఆంధ్రప్రదేశ్ ప్రజలు విస్మయం వ్యక్తం చేస్తున్నారు. రాత్రి తొమ్మిది దాటినా, ఇంకా పోలింగ్ జరుగుతుందని, ఈ పరిస్థితికి కారణం అయిన ఎలక్షన్ కమిషన్ వైఖరిని ఏ మాత్రం ప్రశ్నించకుండా, ప్రజలు పడిన ఇబ్బందులు పట్టించుకోకుండా, ఎలక్షన్ కమిషన్ అద్బుతంగా పని చేస్తుందని లోటస్ పాండ్ నుంచి చెప్పటంతో, ఏపి ప్రజలు అవాక్కయ్యారు.

ఆంధ్రప్రదేశ్ రాజకీయ చరిత్రలో ఏదో అద్భుతం జరగబోతుంది. ఎవరో తమ ఉనికిని పై, భవిష్యత్తు పై దాడి చేస్తున్నట్టు భావించి, తమకు జరిగిన,జరుగుతున్న అవమానాలకు చాలా గట్టిగా సమాధానం చెప్పాలనే సంకల్పం కనిపిస్తోంది. ఎన్నడూ లేనిదీ, హైదరాబాద్, బెంగుళూరు, చెన్నై నుంచి బస్సులు ,ట్రైన్ లు ఫుల్ అయిపోయి, వందలాది కిమీ ప్రయాణాన్ని కూడా వెరవక, బస్సులు పైన కూడా ప్రయాణించడం విస్మయం కలగచేస్తుంది. మొన్న ఎవడో అన్నాడు ఆంధ్ర ప్రజలకు నిబద్ధత లేదు అని, వాడి మొహం బద్దలయ్యేలా ఓట్లు గుద్దడానికి యువత కదిలింది. అయితే, ప్రజల్లో ఇంత కసి చూసి విశ్లేషకులు ఆశ్చర్య పోతున్నారు. ఈ కసి చంద్రబాబు పై కోపంతో కాదని, ఈ కసి ఆంధ్రా జాతి పై జరుగుతున్న దాడికి సమాధానం అని, ఇది కచ్చితంగా మోడీ, కేసీఆర్, జగన్ ఫ్రంట్ కు సమాధానం అని అంటున్నారు.

మరో పక్క తెలుగుదేశం పార్టీలో విజయోల్లాసం ఉట్టిపడుతోంది. ఈ రోజు జరిగే పోలింగ్‌లో తమ విజయం ఖాయమేనని, పార్టీ అధికారంలోకి వచ్చి తీరుతుందని ఆ పార్టీ నాయకత్వం ధీమాతో ఉంది. పోయినసారి కంటే ఈసారి తమకు వచ్చే సీట్లు పెరుగుతాయని, కొన్ని వర్గాలు ఏకపక్షంగా మద్దతు ఇస్తున్నందువల్ల సునాయాసంగా నెగ్గగలమన్న అంచనాలో ఆ పార్టీ వర్గాలు ఉన్నాయి. 3 అంశాల ఆధారంగా తమ విజయం ఖాయమని టీడీపీ వర్గాలు భావిస్తున్నాయి. ‘సంక్షేమ పథకాల లబ్ధిదారులు కోట్ల సంఖ్యలో ఉన్నారు. ఈ ప్రభుత్వం వల్ల తమకు మేలు కలిగిందని వారు భావిస్తున్నారు. వారి మద్దతు టీడీపీకి ఏకపక్షంగా ఉంది. ఈసారి ఎన్నికల పోరాటాన్ని ఈ పథకాలు మలుపు తిప్పాయి. బాగా వెనుకపడిన నియోజకవర్గాలు కూడా వీరి మద్దతుతో ముందుకు వచ్చాయి’ అని ఆ పార్టీ సీనియర్‌ నేత ఒకరు వివరించారు.

చంద్రబాబు రెండోసారి అధికారంలోకి వస్తే ఇప్పుడు జరుగుతున్న అభివృద్ధి కొనసాగుతుందని, రాష్ట్రం ముందుకు వెళ్తుందన్న విశ్వాసం ప్రజల్లో బలంగా ఉందని, పట్ట ణ ప్రాంతాల్లో మంచి ఆధిక్యం రావడానికి ఈ అంశం తమకు పనికి వస్తుందని ఆ పార్టీ వర్గాలు చెబుతున్నాయి. మోదీ, కేసీఆర్‌... వైసీపీ అధ్యక్షుడు జగన్‌తో చేతులు కలిపి చంద్రబాబును దెబ్బ తీయడానికి కు ట్రలు చేస్తున్నారన్న అభిప్రాయం ప్రజల్లో బాగా వ్యాప్తి చెందిందని, వా రిలో ఇది ఒక సెంటిమెంట్‌గా వ్యా పించడంతో ప్రధాన ప్రతిపక్షం బలహీనపడిందని టీడీపీ వర్గాలు అభిప్రాయపడుతున్నాయి. ప్రాంతాల వారీగా చూసినప్పుడు పోయినసారి తక్కువ సీట్లు వచ్చిన రాయలసీమలో ఈసారి తమ సంఖ్య పెరుగుతుందని టీడీపీ నేతలు బలమైన విశ్వాసంలో ఉన్నారు. రాయలసీమకు సాగునీటి జలాలు, పరిశ్రమలు రావడంతో ప్రభుత్వంపై నమ్మకం పెరిగిందని, ఆ ప్రాంతంలో గణనీయ సంఖ్యలో ఉన్న ముస్లిం మైనారిటీలు ఈ సారి టీడీపీకి మద్దతు ఇవ్వడం మరో కారణమని వారు అభిప్రాయపడుతున్నారు.

ఏపీలో పోలింగ్‌ కేంద్రాల వద్ద ఇంకా ఓటర్లు బారులు తీరారు. చాలా ప్రాంతాల్లో ఓటర్లు భారీగా క్యూలో ఉన్నారు. ఆరేడు గంటలుగా క్యూలైన్లలో ఓటర్లు వేచివున్నారు. ఓటు వేశాకే తిరిగి వెళ్తామని ఓటర్లు చెబుతున్నారు. చాలా చోట్ల రాత్రి అయినా పోలింగ్ జరుగుతుంది. ఉదయం ఈవీయంలు మొరాయించటంతో, వెనుతిరిగిన వారు, మళ్ళీ వచ్చి లైన్ లో నుంచుని ఓటు వేస్తున్నారు. 6 గంటల లోపే లైన్ లో ఉండటంతో, వారందరినీ ఓటు వేసేలా ఏర్పాటు చేసారు. లైటింగ్ లేని చోట్ల లైట్లు పెట్టారు. ఓటు వెయ్యకుండా వెనుతిరిగిన వారు, వచ్చి ఓటు వెయ్యాలని చంద్రబాబు పిలుపు ఇవ్వటంతో, చాలా మంది మళ్ళీ వచ్చి ఓటు వేస్తున్నారు. అయితే, ఇలా వెళ్ళిపోయిన వారు, మళ్ళీ వచ్చి ఓటు వెయ్యటం ఎప్పుడూ చూడలేదని విశ్లేషకులు అంటున్నారు.

మరో పక్క, ఆంధ్రప్రదేశ్‌లో పోలింగ్‌ ప్రశాంతంగా, సజావుగా జరిగిందని రాష్ట్ర ఎన్నికల ప్రధాన అధికారి గోపాలకృష్ణ ద్వివేది తెలిపారు. మొత్తం 381 ఈవీఎంలలో సమస్యలు తలెత్తాయని, వాటన్నింటికీ మరమ్మతులు చేయించినట్టు చెప్పారు. అమరావతిలో మీడియాతో మాట్లాడారు. ఒకరికి ఓటు వేస్తే మరొకరికి వెళ్లింది అనేవన్నీ వదంతులేనని స్పష్టంచేశారు. ఈ విషయంపై ఏ ఒక్కరి నుంచి కూడా అభ్యంతరాలు రాలేదన్నారు. సాయంత్రం 6 గంటల వరకు పోలింగ్‌ కేంద్రానికి చేరుకున్న వారికి ఓటు వేసే అవకాశం కలిపించమని స్పష్టంచేశారు. గడువులోపు వచ్చిన వారికి ఎంత రాత్రి అయినా ఓటు వేసే అవకాశం ఇస్తామన్నారు. మాక్ పోలింగ్లో అధికారుల నిర్లక్ష్యానికి సంబంధించి 6 ఘటనలు మా దృష్టికి వచ్చాయి. రిపోలింగ్ అంశంలో పోలింగ్ కేంద్రాల్లో ఉన్న రిటర్నింగ్ అధికారులు, అబ్జర్వర్ల ద్వారా సమాచారం తీసుకొని నిర్ణయం తీసుకుంటాం. పూతాలపట్టు నియోజకవర్గంలో మూడు గంటలకే పోలింగ్ నిలిచిపోయింది.

క్యూలో ఉన్నవారు ఓటింగ్ ఎంత సమయం పట్టిన ఓటు వేసుకొనే అవకాశం కల్పించాం. మావోయిస్టు ప్రభావిత ప్రాంతాల్లో ఎటువంటి ఘటనలు జరగలేదు. ఎన్నికల బందోబస్తుకు కేంద్ర బృందాలు ఎందుకు రాలేదనే విషయంపై నేను ఏమి చెప్పలేను. హింసాత్మక ఘటనలు ఎందుకు జరిగాయనే విషయంపై విచారణ చేపట్టాం. రీపోలింగ్ కు సంబంధించి పోలింగ్ కేంద్రాల్లో ఉన్న సెక్యూరిటీ కెమెరాలు అక్కడ ఉన్న సిబ్బంది ద్వారా నిర్ణయం తీసుకుంటాం. ఎలక్షన్ కమిషన్ తప్పు చేసిందని ఆరోపణలు చేయడం సరైన పద్దతి కాదు. పోలింగ్ కు సంబంధించి సిబ్బంది తప్పులు ఉంటే కలక్టర్లతో మాట్లాడి నిర్ణయం తీసుకుంటాం. ఎన్నికల నిర్వహణకు సంబంధించి రాజకీయ పార్టీల నేతలు చేసే కామెంట్స్ పై నేను ఏమి మాట్లాడను. రాష్ట్రంలో ఎన్నికల నిర్వహణపై ఎన్నికల కమిషన్ పూర్తిగా సంతృప్తిగా ఉంది. ఫార్మ్ 17A ద్వారా రిపోలింగ్ పై నిర్ణయం తీసుకుంటాం అని ఆయన అన్నారు.