news

నవ్యాంధ్ర తొలి స్పీకర్‌గా చరిత్రపుటల్లో నిలిచిన డాక్టర్‌ కోడెల శివప్రసాదరావుపై దాడితో పల్నాడు ప్రజల్లో అభద్రతా భావం నెలకుంది. ఎప్పుడు ఏం జరుగుతుందోనని, వైసీపీ రౌడీలు ఎంతకు తెగబడతారోనని ప్రజలు ఆందోళన చెందుతున్నారు. పోలింగ్‌ రోజున సత్తెనపల్లి నియోజకవర్గం రాజుపాలెం మండలం ఇనిమెట్లలో స్పీకర్‌ కోడెలపై దాడి జరిగిన సంగతి తెలిసిందే. గత ఎన్నికల అనుభావాల నేపథ్యంలో అక్కడ రిగ్గింగ్‌ జరిగే అవకాశం ఉందని స్పీకర్‌ ముందే అనుమానించారు. దాన్ని ఎలాగైనా ఆపాలనే ఉద్దేశంతో టీడీపీ ఎమ్మెల్యే అభ్యర్థిగా ఉన్న ఆయన గ్రామానికి వెళ్లారు. వెంట ఎలాంటి మందీ మార్భలం లేకుండా ఇద్దరు గన్‌మెన్లు, మరో ఇద్దరు సహాయ సిబ్బంది ( డ్రైవర్‌తో కలపి)తో అక్కడికి చేరుకున్నారు. తన వెంట వచ్చిన వారిని బయటే ఉంచి స్పీకర్‌ బూత్‌లోకి ప్రవేశించారు.

కొద్ది సేపు పోలింగ్‌ సరళిని పరిశీలించి సక్రమంగా ఉంటే వెనుతిరుగుదామన్న ఉద్దేశంతో ఆయన అక్కడున్న కుర్చీలో కూర్చున్నారు. అంతకు ముందే రిగ్గింగ్‌ ఎలా చేయాలన్న దానిపై ప్రణాళిక రూపొందించుకున్న వైసీపీ వర్గీయులు కొంత మందికి కోడెల అక్కడకు రావడం కంటగింపుగా మారిందని స్థానికుల అభిప్రాయం. ఆయన బూత్‌ వద్ద ఉంటే తమ ఆటలు సాగవని భావించే కోడెలపై దాడికి తెగబడారని స్థానికులు విశ్లేషిస్తున్నారు. బయటకు వెళ్లాలన్న సాకు చూపి దాడికి తెగబడ్డారని తెలుస్తోంది. విషయం తెలుసుకున్న బయట ఉన్న గన్‌మెన్లు లోనికి వెళ్లి కోడెలను బయటకు తీసుకువచ్చారు. అప్పటికి కొంత మంది టీడీపీ కార్యకర్తలు అక్కడకు చేరుకున్నారు. వారిలోనూ కొంత మందిని రక్తం వచ్చేలా వైసీపీ రౌడీ మూకలు కొట్టారు.

కోడెలపైనా టీడీపీ వర్గీయులు మరికొంత మందిపైనా వైసీపీ అల్లరి మూకలు దాడులకు తెగబడటంతో కోడెలకు ప్రాణహాని కలుగుతుందేమోనని ఆందోళన చెందిన గన్‌మెన్లు ఫైరింగ్‌ చేస్తామని కోడెలను అడిగారు. దీనికి ఆయన ససేమిరా అన్నారు. అలా చేస్తే ఆ అల్లరి మూకల ప్రాణాలు పోతాయని, వారి కుటుంబాలు రోడ్డున పడతాయని వారించారు. ఇదే సమయంలో ఈ ప్రభావం రాష్ట్రం మొత్తం మీద పడి పోలింగ్‌కు భంగం కలుగుతుందని వారికి అనుమతి ఇవ్వలేదని పక్కనున్న వారు చెప్పారు. ఉదయం 11 గంటలకు కోడెలపై దాడి జరిగితే గంట వ్యవధిలోనే ఈ విషయం రాష్ట్రం మొత్తం పాకింది. దీంతో అప్పటి వరకు ఈవీఎంలు పని చేయడం లేదని ఓటింగ్‌కు దూరంగా ఉన్న చాలా మంది పెద్ద ఎత్తున ఓటింగ్‌కు వచ్చారని విశ్లేషకులు చెబుతున్నారు.

ఈవీఎంలలో 50 శాతం వీవీ ప్యాట్లు లెక్కించాల్సిందేనని ఏపీ సీఎం చంద్రబాబు డిమాండ్ చేశారు. బీజేపీ దిశానిర్దేశంలో కాకుండా.. ఈసీ స్వతంత్రంగా వ్యవహరించాలన్నారు. ఢిల్లీలోని కాన్‌స్టిట్యూషనల్ క్లబ్‌లో ప్రతిపక్షాల సమావేశం ముగిసిన అనంతరం మాట్లాడిన చంద్రబాబు.. తనకు టెక్నాలజీ తెలుసని.. ప్రజాస్వామ్యాన్ని కాపాడుకోవాలన్నది తమ తాపత్రయం అన్నారు. ఏపీలో వేలాది మెషీన్లు మొరాయించాయని.. మధ్యాహ్నం ఒంటి గంట వరకు పని చేయలేదన్నారు. అంతలో శాంతిభద్రతల సమస్య సృష్టించారని.. అయినా ముందుకు వచ్చి ఓట్లు వేశారని తెలిపారు. ప్రజాస్వామ్య స్ఫూర్తిని కాపాడారని పేర్కొన్నారు. 50శాతం వీవీ ప్యాట్ లు లెక్కించాల్సిందేనని.. లేనిపక్షంలో సుప్రీం కోర్టుకు వెళతామన్నారు. ప్రజల్లోకి వెళ్లి తమ పోరాటాన్ని మరింత ఉధృతం చేస్తామన్నారు.

తెలంగాణలో సాంకేతికతను దుర్వినియోగం చేశారని ఏపీ సీఎం చంద్రబాబు ఆరోపించారు. ఆ రాష్ట్రంలో 25 లక్షల మంది ఓట్లను తొలగించారని.. ఆ తర్వాత అధికారులు క్షమాపణ చెప్పారన్నారు. పోలైన వాటి కంటే ఎక్కువ ఓట్లు వచ్చాయని.. ఇదెలా సాధ్యమైందో అర్ధం కావడం లేదన్నారు. ఏపీ ఎన్నికల ప్రధాన అధికారికే ఓటు వేయడానికి ఇబ్బందికి గురయ్యారన్నారు. చివరి ఓటు తెల్లవారుజామున 4 గంటలకు పడిందని.. ఎన్నికల నిర్వహణ తీరుపై మహిళలు ఆగ్రహం వ్యక్తం చేశారన్నారు. వీవీ ప్యాట్ స్లిప్పులు 7 సెక్లనకు బదులు 3 సెకన్లే ఉన్నాయని.. ఇది ఎలా మారిపోయిందని ప్రశ్నిస్తే.. ఈసీ దగ్గర సమాధానం లేదని మండిపడ్డారు. చాలా దేశాలు ఈవీఎంలు పక్కనపెట్టి బ్యాలెట్‌కు వచ్చాయని.. జర్మనీ లాంటి దేశాలు కూడా బ్యాలెట్‌కు వచ్చాయని పేర్కొన్నారు. 

ఈవీఎం వల్ల ఫలితాలను తారుమారు చేసే అవకాశముందని వాపోయారు. మన దేశంలో ఈవీఎంల ఆడిట్‌కు అవకాశం లేదని.. సీఈసీకి ఈ పదవి కొత్త కావచ్చు కానీ... తాను 40 ఏళ్లుగా రాజకీయాల్లో ఉన్నానన్నారు. వీవీ ప్యాట్ స్లిప్పుల కౌంటింగ్ విషయంలో సుప్రీంకోర్టుకు సీఈసీ అబద్ధాలు చెప్పిందని గుర్తు చేశారు. ఎన్నికల కమిషన్‌ విశ్వసనీయత కోల్పోయిందన్నారు. ఎన్నికల కమిషన్ ప్రజాస్వామ్యాన్ని కాపాడలేకపోతోందని విమర్శించారు. తమ అధికారులను బదిలీ చేశారని.. దర్యాప్తు సంస్థలతో తమపై దాడులు చేయిస్తున్నారని వాపోయారు. అయితే 9 వేల కోట్లు ఖర్చు పెట్టి వీవీ ప్యాట్లు పెట్టిన ఎలక్షన్ కమిషన్, అవి లెక్క పెట్టండి అంటే మాత్రం, ఎందుకు వెనక్కు వెళ్తున్నారు ? చంద్రబాబు అడిగే ఈ ఒక్క ప్రశ్నకు ఎందుకు సమాధానం చెప్పటం లేదు ? ఇక్కడే అర్ధమవుతుంది కదా, ఎదో గోల్ మాల్ జరుగుతుందని.

సరిగ్గా మార్చ్ 10 వ తారీఖు.. ఉన్నట్టు ఉండి ఎలక్షన్ కమిషన్ ప్రెస్ మీట్ అంటూ మీడియాకు కబురు. ఎప్పుడో వస్తుంది అనుకున్న ఎన్నికల నోటిఫికేషన్ ముందే వచ్చేస్తుంది అంటూ లీకలు ఇచ్చారు. అంతా అనుకున్నట్టే, ఆ రోజు ఎలక్షన్ కమిషన్ ప్రెస్ మీట్ పెట్టి ఎన్నికల నోటిఫికేషన్ ప్రకటన విడుదల చేసారు. ఇందులో మొదటి ఫేజ్ లోనే ఆంధ్రప్రదేశ్ ఎన్నికలు పెట్టారు. ఎప్పుడూ చివరి ఫేజ్ లో ఉండే ఏపి ఎన్నికలు, ఈ సారి మొదటి ఫేజ్ లోనే పెట్టేసారు. అంటే ఏప్రిల్ 11 న, సరిగ్గా 30 రోజుల సమయం మాత్రమే. చంద్రబాబుని ఈ విధంగా దెబ్బ కొట్టవచ్చని, చంద్రబాబు ప్రిపేర్డ్ గా లేని టైం అనుకుని, మోడీ, షా ఎత్తుగడ వేసారు. అప్పటికి అభ్యర్ధుల పేర్లు ఖరారు కాలేదు, కొన్ని సంక్షేమ పధకాలు ఇంకా పెండింగ్ లోనే ఉన్నాయి.

అయితే చంద్రబాబు మాత్రం, ఎవరి ఊహలకి అందకుండా, పసుపు-కుంకుమ, అన్నదాత సుఖీభవ, రుణమాఫీ చేసి, అవక్కయ్యేలా చేసారు. అంతే కాదు, అందరికంటే ముందే అభ్యర్ధుల కసరత్తు పూర్తి చేసారు. చంద్రబాబు అందరి కంటే ఎక్కువ ప్రచార సభల్లో పాల్గున్నారు. దాదపుగా 110 మీటింగ్లు పెట్టారు. జగన్ మోహన్ రెడ్డి 70 కూడా పెట్ట లేక పోయాడు. ఎవరూ ఊహించని విధంగా, ప్రచారంలో చంద్రబాబు దూసుకు వెళ్లారు. అంతే కాదు, అటు మోడీ, ఇటు కేసీఆర్, ఇక్కడ జగన్, విజయసాయి రెడ్డి కుట్రలు ఎప్పటికప్పుడు తిప్పి కొడుతూ, ప్రతి సందర్భంలో పై చేయి సాధించారు. చివరకు ఎన్నికల్లో ఈవీయం లు మొరాయించటం, తరువాత జరిగిన దాడి, ప్రజలను మళ్ళీ ఓటు వెయ్యటానికి పిలుపు ఇవ్వటం, ఇవన్నీ చంద్రబాబు ఎదుర్కుని, ప్రజల మద్దతుతో ఎన్నికలు పూర్తి చేసారు.

అయితే, ఎన్నికలు పూర్తి కావటంతో, ఇంట్లో కూర్చుని రెస్ట్ తీసుకోవటం లేదు. వెంటనే మోడీ, షా కుట్రలను పసిగట్టారు. ఈవీయం లతో దేశ వ్యాప్తంగా కుట్ర చేస్తున్నారని తెలుసుకున్నారు. ఏపిలో ఎలా అయితే దీటుగా ఎదురుకున్నారో, అదే విధంగా వివిధ రాష్ట్రాల్లో ఎదుర్కోవటానికి సన్నద్ధం చేస్తున్నారు. ఈ క్రమంలో, మోడీ, షా లను దేశ వ్యాప్తంగా ఉతికి ఆరేస్తున్నారు. ఈవీయం ల పై, 23 పార్టీలను కలుపుకుని యుద్ధం చేస్తున్నారు. అంతే కాదు, రేపటి నుంచి దేశ వ్యాప్తంగా ప్రచారానికి కూడా వెళ్తున్నారు, రాజకీయ వ్యూహాలు పన్నుతున్నారు. దీంతో మోడీ, షా లకు సినిమా అర్ధమైంది. మన అంతు చూడటానికి చంద్రబాబు రెడీ అయ్యారని, గ్రహించారు. ఏపిలో ఎన్నికలు ఫస్ట్ ఫేజ్ లో పెడితే చంద్రబాబుకి ఇబ్బంది అనుకున్నాం అని, కాని ఇప్పుడు 43 రోజులు అతనికి టైం ఇచ్చి, కోరి మరీ తన్నించుకున్నట్టు ఉందని, వాపోతున్నారు. మొత్తానికి చంద్రబాబు చేస్తున్న దేశ వ్యాప్త పోరాటంలో, మోడీ, షా ల పతనం మాత్రం ఖాయంగా కనిపిస్తుంది.