news

రాష్ట్ర విభజన తరువాత నాలుగేళ్లలో విద్యుత్ రంగంలో ఏపీ సాధించిన పురోగతి అసాధారణం, చరిత్రాత్మకమని ముఖ్యమంత్రి చంద్రబాబు నాయుడు కితాబిచ్చారు. ఇంధన శాఖ అధికారులతో ఆయన ఉండవల్లి ప్రజావేదిక నుంచి ఆదివారం టెలీకాన్ఫరెన్స్ నిర్వహించారు. ఈసందర్భంగా మాట్లాడుతూ చార్జీలు పెంచకుండా ప్రజలకు నిరంతరాయంగా నాణ్యమైన విద్యుత్ సరఫరా చేయాలన్న తన కల సాకారమైందని సంతృప్తి వ్యక్తం చేశారు. 2019-20 సంవత్సరానికి విద్యుత్ చార్జీలు పెంచకుండా వినియోగదారులకు అనుకూలంగా నిర్ణయం తీసుకున్నందుకు ఏపీఈఆర్సీని ఆయన అభినందించారు. చార్జీలు పెంచకపోవడం వల్ల 1.74 కోట్ల మంది వినియోగదారులకు లబ్ధి చేకూరుతుందని చెప్పారు. విద్యుత్ చార్జీల తగ్గింపు వల్ల 45లక్షల మంది వినియోగదారులకు కొంతమేర ఆర్థిక ప్రపయోజనాలు లభిస్తాయన్నారు.

పరిశ్రమలకు కూడా ఇలానే స్థిరమైన టారిఫ్, స్థిరమైన విద్యుత్ సరఫరాను శాశ్వతం చేసేందుకు అవసరమైన కార్యాచరణను రూపొందించాలని అధికారులను ఆదేశించారు. విద్యుత్ రంగంలో సాధించిన అద్భుత పురోగతి గడచిన నాలుగేళ్లలో తమ ప్రభుత్వానికి దక్కిన ఘన విజయానికి నిదర్శమని ముఖ్యమంత్రి వ్యాఖ్యానించారు. రాజధాని లేకుండా, 16వేల కోట్ల రూపాయల లోటు బడ్జెట్‌తో ఏర్పడిన కొత్త రాష్ట్రం ఇంతటి ఘన విజయం సాధిస్తుందని ఎవరూ ఊహించలేదన్నారు. ఇది అసాధారణమని, అత్యంత అద్భుతమని వ్యాఖ్యానించారు. రాష్ట్ర ప్రభుత్వం పరిశ్రమలకు పీక్‌టైం, టైమ్ ఆఫ్ డే చార్జీలు తగ్గించిందని, వ్యవసాయాధారిత పరిశ్రమలకూ చార్జీలు తగ్గించామన్నారు. అత్యంత వెనుకబడిన కులాలు, స్వర్ణకారులు, ఎస్సీ, ఎస్టీలు, దోభీఘాట్లు, లాండ్రీలు, సెలూన్లు, చెరకు క్రషింగ్ యూనిట్లు, గ్రామీణ నర్సరీలు, తదితర రంగాలకు ఉచిత విద్యుత్‌ను అందిస్తున్నందుకు తనకు సంతోషంగా ఉందన్నారు. దేశంలోని మరే రాష్ట్రం కూడా ఇంత భారీ స్థాయిలో సంక్షేమ పథకాలు చేపట్టలేదని, రాష్ట్ర విద్యుత్ రంగం యావత్ దేశానికే ఆదర్శంగా నిలుస్తోందన్నారు.

తాను ముఖ్యమంత్రిగా ప్రమాణం చేశాక విద్యుత్ చార్జీలు పెంచలేదని, వీలైనంత మేరకు తగ్గించే ప్రయత్నం చేయడం వంటి చర్యలు తీసుకొని, విద్యుత్ రంగాన్ని బరోపేతం చేయడమే లక్ష్యంగా రెండో తరం సంస్కరణలు ప్రవేశపెట్టినట్లు చంద్రబాబు చెప్పారు. 2014లో రాష్ట్ర విభజన నాటికి విద్యుత్ రంగం తీవ్ర సంక్షోభంలో ఉందని, 22 మిలియన్ యూనిట్ల మేర విద్యుత్ కొరత ఉండేదన్నారు. తాను ముఖ్యమంత్రి అయ్యాక పునరుత్పాదక ఇంధన ఉత్పత్తి, విద్యుత్ సరఫరా, పంపిణీ వ్యవస్థను బలోపేతం చేయటంపై ప్రత్యేక దృష్టి సారించానన్నారు. సరఫరా, పంపిణీ నష్టాలను తగ్గించడంతో పాటు ఇంధన సామర్థ్య కార్యక్రమాల అమలు, ఇంధన నిల్వ, థర్మల్ విద్యుత్‌లో అత్యాధునిక సాంకేతికతను ఉపయోగించడం వంటి చర్యలు చేపట్టానని వెల్లడించారు. ఈ చర్యలన్నింటి వల్ల తాను అధికారంలోకి వచ్చిన 100 రోజుల్లోనే రాష్ట్రంలో నిరంతర విద్యుత్ సరఫరా, పంపిణీలో నష్టాలను తగ్గించడం సాధ్యమైందన్నారు.

ఆంధ్రప్రదేశ్ రాష్ట్ర నాశనం కోసం, హైదరాబాద్ నుంచి, జగన్ ను అడ్డు పెట్టుకుని స్కెచ్ వేసిన కేసీఆర్, అందుకు అనుగుణంగా తన ప్రయత్నాలు చేస్తున్నాడు. డైరెక్ట్ గా జగన్ తో కలిసి వస్తే, అది రాజకీయంగా దెబ్బ కొట్టి, జగనే కు అసలుకే ఎసరు వస్తుందని, డైరెక్ట్ గా కాకుండా, తెర వెనుక జగన్ కు సహాయం చేస్తున్నాడు. తెలంగాణా ఇంటెలిజెన్స్ మొత్తాన్ని ఏపి రాజకీయ నాయకుల పైనే పెట్టాడు. ఈ కోణంలోనే హైదరాబాద్ లో ఆస్థులు, వ్యాపారాలు ఉన్న తెలుగుదేశం నేతలని టార్గెట్ చేసుకుని, జగన్ పార్టీలో చేరమని, చంద్రబాబు పై తిరుగుబాటు చెయ్యమని ఒత్తిడి చేస్తున్నారు. ఈ కోవలోనే, అవంతి, మేడా, దాసరి జై రమేష్ లాంటి నేతలు ఈ ఒత్తిడి తట్టుకోలేక, జగన్ పార్టీలో చేరిపోయారు.

జగన్ పార్టీలో చేరని వారిని, అన్ని విధాలుగా ఇబ్బందులు పెడుతున్నారు. చేతిలో అధికారం ఉండటంతో, ఇష్టం వచ్చినట్టు ప్రవర్తిస్తూ, వారిని వేధిస్తున్నారు. ఐటి దాడులు చెయ్యటం, నోటీసులు పంపిచటం, పోలీసులతో బెదిరింపులు, ఇలా అన్ని రకాలుగా వేధిస్తున్నారు. ఈ కోవలోనే, తెలుగుదేశం పార్టీ ఎంపీ రాయపాటి సాంబశివరావుని టార్గెట్ చేసుకున్నారు. ఈ విషయం ఆయనే స్వయంగా మీడియాకు చెప్పారు. ఆంధ్రప్రదేశ్ ప్రజాప్రతినిధులను తెలంగాణ సర్కార్‌ వేధిస్తోందని రాయపాటి సాంబశివరావు ఆరోపించారు. కేసీఆర్‌ ఒత్తిడి వల్లే కొంతమంది పార్టీ మారుతున్నారని అన్నారు. కేసీఆర్‌ నమ్మకద్రోహి అని, కేసీఆర్‌ బెదిరింపులకు లొంగేదిలేదన్నారు. మోదీ, కేసీఆర్‌, జగన్‌ కలిసినా చంద్రబాబును ఏమీ చేయలేరని ఆయన అన్నారు.

ఆయన మాట్లాడుతూ, తన కంపెనీలను ఎలా వేధిస్తుంది చెప్పూర్. "జూబ్లీహిల్స్ మెట్రోరైలు ఔటర్ రింగ్ రోడ్డు అంశాలలో దాదాపు 300 కోట్లు మా కంపెనీకి తెలంగాణ ప్రభుత్వం నష్ట పరిహారం ఇవ్వాల్సి ఉంది.... ఆంద్రా నేతలను బెదిరించి పార్టీలు మారమంటున్నారు...... ఆంద్రప్రదేశ్ లో ప్రతిపక్ష పార్టీ కి హైదరాబాద్ ఫార్మా కంపెనీలు చందాలు ఇవ్వాలని కేసిఆర్ హుకుం జారీ చేసారు..... లేకపోతే కేసుల్లో ఇరికిస్తామని బెదిరిస్తున్నారు.... ట్రాన్స్ ట్రాయ్ కి రావాల్సిన నష్ట పరిహారం కోసం కోర్టును ఆశ్రయించిన మాట వాస్తవం... నేను ఎవరికి భయపడను ...కావాల్సిన నష్ట పరిహారం కోర్టు ద్వారా వస్తాయన్న నమ్మకం ఉంది... తన కంపెనీ కి సంబందించి మెట్రో రైలు ప్రాజెక్ట కింద పరిహారం గా రావలసిన సుమారు 120 కోట్ల రూపాయలు మరియు ఔటర్ రింగ్ రోడ్డు లో కోల్పోయిన భూముల తాలూకా రావలసిన పరిహారం 163 కోట్లు కు అడ్డుపుల్ల వేసారు. రాయపాటి వచ్చి నన్ను కలిస్తేనే ఫైల్ క్లియర్ చేయాలని అధికారులకు కేసీఆర్ ఆదేశాలు ఇచ్చారు. ఈ విషయం పై కోర్టను ఆశ్రయించాం" అంటూ రాయపాటి చెప్పుకొచ్చారు.

ప్రతిపక్షాలకు కౌంటర్‌ ఇవ్వడంలో టీడీపీ మంత్రులు విఫలం అయ్యారని ముఖ్యమంత్రి చంద్రబాబు అన్నారు. సోమవారం ఉదయం కేబినెట్ సమావేశం ముగిసిన అనంతరం సీఎం మంత్రులతో భేటీ అయ్యారు. సుమారు గంటన్నరపాటు మంత్రులతో చంద్రబాబు సమావేశం నిర్వహించారు. తాజా రాజకీయాలపై చర్చలు జరిపారు. దేనికైనా తానే సమాధానం చెప్తున్నానని, మంత్రులు ఎవరూ పట్టించుకోవడంలేదన్నారు. మంత్రులుగా ఉండి సీరియస్‌నెస్‌ లేదంటూ చంద్రబాబు ఆగ్రహం వ్యక్తం చేశారు. ఎన్నికల సమయంలో ప్రతిపక్షాలకు ధీటైన సమాధానం ఇవ్వాలని చంద్రబాబు సూచించారు. మంత్రులందరి పనితీరును గమనిస్తున్నానని, కేటీఆర్ విమర్శలపై ఎందుకు స్పందించడంలేదని చంద్రబాబు మంత్రులను ఉద్దేశించి ప్రశ్నించారు.

జగన్, కేసీఆర్, మోదీ కలిసి కుట్ర చేస్తున్నారని సీఎం మండిపడ్డారు. వాళ్లు డబ్బుల మూటలతో వస్తున్నారన్నారు. ఎమ్మెల్సీ ఎన్నికల్లో ఎవరూ జోక్యం చేసుకోవద్దని అన్నారు. మనం పోటీ చేయడం లేదని మంత్రులతో చంద్రబాబు అన్నారు. జాతీయ రాజకీయాలను గమనిస్తూ ఉండాలని ఈనెల 28న బీజేపీయేతర పక్షాల సమావేశం జరుగుతుందని చంద్రబాబు పేర్కొన్నారు. ఎన్నికల తర్వాత సాంకేతిక పరమైన ఇబ్బందులు తలెత్తకుండా ఉండాలంటే ముందస్తుగానే కూటమి ఏర్పాటు చేయాల్సిన అవసరం ఉందని ఆయన స్పష్టంచేశారు. ఏపీలో కాంగ్రెస్ పార్టీతో ఎలాంటి పొత్తూ ఉండదనే విషయాన్ని మరోసారి చంద్రబాబు తేల్చి చెప్పారు.

జాతీయ జల అవార్డుల్లో రాష్ట్రానికి మూడో స్థానం దక్కడంపై సీఎం చంద్రబాబు హర్షం వ్యక్తం చేశారు. ఈ సందర్భంగా జలవనరుల శాఖకు సీఎం ఆయన అభినందనలు తెలిపారు. పోలవరం ప్రాజెక్టు పురోగతిపై నిర్వహించిన సమీక్షలో అధికారులను చంద్రబాబు ప్రశంసించారు. ప్రాజెక్టు నిర్మాణం ఇప్పటివరకు 66.36 శాతం పూర్తయిందని.. కాంక్రీట్‌ పనులు 65.30 శాతం, కాంక్రీట్ పనులు 65.30 శాతం, పూర్తి అయ్యాయని, తవ్వకం పనులు 82.60 శాతం, కుడి ప్రధాన కాలువ 90.29 శాతం, ఎడమ ప్రధాన కాలువ 68.74 శాతం, ఎగువ కాఫర్ డ్యామ్ 25.73 శాతం, దిగువ కాఫర్ డ్యామ్ 10.17 శాతం పూర్తి అయ్యాయని, రేడియల్ గేట్ల ఫ్యాబ్రికేషన్ వర్క్ 62.83 శాతం పూర్తి చేశామని సీఎం తెలిపారు. పోలవరం పనుల పురోగతిపై 89వ సారి వర్చువల్ రివ్యూ నిర్వహించారు.