news

మోడీ ఏపీ పర్యటన ప్రారంభంలోనే బీజేపీ రాష్ట్ర అధ్యక్షుడు కన్నా లక్ష్మీనారాయణకు చుక్కెదురైంది. ఢిల్లీ నుంచి ప్రత్యేక విమానంలో గన్నవరం ఎయిర్ పోర్టుకు చేరుకున్న మోడీకి స్వాగతం పలికేందుకు పలువురు నేతలు అక్కడకు చేరుకున్నారు. ఐతే.. కన్నా లక్ష్మీనారాయణను భద్రతా సిబ్బంది అడ్డుకున్నారు. అనుమతి లేదంటూ కన్నాను అక్కడే ఆపేశారు. ఢిల్లీ నుంచి ప్రత్యేక విమానంలో గన్నవరం ఎయిర్ పోర్టుకు చేరుకోనుండగా విమానాశ్రయంలో ప్రధానికి స్వాగతం పలికేందుకు పలువురు నేతలు అక్కడకు చేరుకున్నారు. వీరితోపాటు కన్నా లక్ష్మీనారాయణ కూడా విమానాశ్రాయానికి చేరుకోగా భద్రతా సిబ్బంది అడ్డుకున్నారు. అనుమతి లేదంటూ కన్నాను భద్రతా సిబ్బంది లోపలికి పంపలేదు. తమకు అందిన జాబితాలో పేర్లున్న వ్యక్తులనే తాము అనుమతిస్తామని చెప్పడంతో కన్నాకు షాక్‌ తప్పలేదు.

దీంతో కన్నా స్పందిస్తూ..‘నేను మోదీ గారితో కలిసి హెలికాప్టర్ లో గుంటూరుకు వెళ్లాల్సి ఉంది. దయచేసి అనుమతించండి’ అని కోరినా అధికారులు అంగీకరించలేదు. ఈ ఘటనపై కన్నా తీవ్ర ఆగ్రహం వ్యక్తం చేశారు. మరోవైపు గన్నవరం విమానాశ్రయం వద్ద భారీగా బీజేపీ శ్రేణులు గుమిగూడటంతో ఉద్రిక్త పరిస్థితి నెలకొంది. మోదీని ఆహ్వానించడానికి గన్నవరం విమానాశ్రయానికి గవర్నర్ నరసింహన్ చేరుకున్నప్పటికీ రాష్ట్ర ప్రభుత్వం నుంచి ఎవ్వరూ ముందుకు రాలేదు. అక్కడినుంచి రోడ్డు మార్గంలో విజయవాడ బయలుదేరారు. గుంటూరు, విజయవాడల్లో మోదీ పాల్గొనే కార్యక్రమాల్లో నరసింహన్ పాల్గొననున్నారు.

ఉదయం ప్రత్యేక విమానంలో ఉదయం 10.45 గంటలకు చేరుకోనున్న మోదీకి, తెలుగు రాష్ట్రాల గవర్నర్ ఈఎస్ఎల్ నరసింహన్, స్వాగతం పలికారు. ఆపై ప్రత్యేక హెలికాప్టర్ లో ఆయన ఉదయం 11.10కి గుంటూరుకు చేరుకున్నారు. అక్కడ కృష్ణపట్నంలో బీపీసీఎల్ కోస్టల్ టెర్నినల్ ను ఆన్ లైన్ మాధ్యమంగా ప్రారంభించనున్న ఆయన, ఓఎన్జీసీ విశిష్ఠ, ఈఓఏ, ఐఎస్పీఆర్ఎల్ ప్రాజెక్టులను జాతికి అంకితం చేయనున్నారు. అనంతరం బీజేపీ ప్రజా చైతన్య సభలో పాల్గొనే మోదీ, పలు జిల్లాల నుంచి వచ్చే కార్యకర్తలు, నాయకులను, ప్రజలను ఉద్దేశించి ప్రసంగించనున్నారు. తన ప్రసంగంలో ఏపీకి కేంద్రం ఇచ్చిన నిధులపై ఆయన వివరణ ఇవ్వనున్నారని బీజేపీ వర్గాలు వెల్లడించాయి. గుంటూరు సభ అనంతరం, మోదీ తిరిగి గన్నవరం చేరుకుని, ఢిల్లీకి బయలుదేరుతారు.

ప్రధాని నరేంద్ర మోదీ ఆంధ్రప్రదేశ్ పర్యటనకు ఇవాళ రానున్న నేపథ్యంలో రాష్ట్ర వ్యాప్తంగా మోదీ వ్యతిరేక పోస్టర్లు వెలిసాయి. ఆగ్రహం కట్టెలు తెంచుకున్నట్టుగా జనవాహిని తరలి వస్తుండగా మోదీ పరుగు పెడుతున్నట్టు ఆ పోస్టర్లలో చిత్రీకరించారు. 'నో మోర్ మోదీ' 'మోదీ ఈజ్ మిస్టేక్', 'మోదీ నెవర్ ఎగైన్' అనే స్లోగన్‌లు ఆ పోస్టర్లలో చోటుచేసుకున్నాయి. ఈ పోస్టర్లు ఎవరు ఏర్పాటు చేశారనేది నిర్ధారణ కాలేదు. మోదీ గో బ్యాక్ అంటూ గుంటూరు జిల్లా తాడేపల్లిలో మహిళలు రోడ్డెక్కారు. జడ్పీటీసీ శైలజారాణి ఆధ్వర్యంలో మహిళలు, టీడీపీ కార్యకర్తలు నల్లబ్యాడ్జీలు ధరించి కాలీ కుండలు, నీళ్లతో నిరసనలు తెలిపారు. మోదీ ఏపీ పర్యటనపై టీడీపీ, కాంగ్రెస్‌తోపాటు కొన్ని ప్రజా సంఘాలు మండిపడుతున్నాయి.

ఏపీకి అన్యాయం చేసి రాష్ట్రానికి ఏ మొహం పెట్టుకుని వస్తున్నారంటూ ప్రశ్నిస్తున్నాయి. మోదీ రాకకు వ్యతిరేకంగా రోడ్డెక్కారు. పలు చోట్ల మోదీ దిష్టిబొమ్మను తగులబెట్టి నిరసనలు తెలిపారు. నల్లబ్యాడ్జీలు, కండువాలు ధరించిన నిరసనకారులు ఆందోళన నిర్వహించారు. మోదీ గో బ్యాక్ అంటూ నినాదాలు చేశారు. ఏపీకి ఇచ్చిన విభజన హామీలు అమలు చేయలేదంటూ తెలుగుదేశం, కాంగ్రెస్, వామపక్ష పార్టీల కార్యకర్తలు మండిపడుతున్నారు. చంద్రబాబు సూచనలతో కాలీ కుండలను పగులగొడుతున్నారు. మరోవైపు సినీ నటుడు శివాజీ విజయవాడ కృష్ణానదిలో జలదీక్ష చేపట్టారు. మోదీ ఏపీకి వచ్చి తిరిగి వెళ్లేంతవరకు తాను నీటిలో ఉండి నిరసన తెలుపుతానని అన్నారు. ప్రధాని రాక సందర్భంగా గాంధేయవాద తరహాలో నిరసనలు తెలపాలని ముఖ్యమంత్రి ఎన్.చంద్రబాబునాయుడు ఇప్పటికే కార్యకర్తలకు పిలుపునిచ్చారు.

టెలికాన్ఫరెన్స్ ద్వారా ఆయన కార్యకర్తలతో మాట్లాడుతూ 'ఈ ఆదివారం చీకటి దినం. ఆంధ్రప్రదేశ్‌కు స్యయంగా చేసిన అన్యాయాన్ని కళ్లారా వీక్షించేందుకు ప్రధాని వస్తున్నారు. రాష్ట్రాన్ని, రాజ్యంగ సంస్థలను మోదీ బలహీనపరిచారు. దేశాన్ని అగౌరవపరుస్తూ రాఫెల్‌ డీల్‌లో పీఎంఓ జోక్యం చేసుకుంది. మనమంతా పసుపు, నలుపు షర్టులు, బెలూన్లతో గాంధేయవాద పంథాలో శాంతియుతంగా నిరసనలు తెలుపుదాం' అని చంద్రబాబు కార్యకర్తలకు దిశానిర్దేశం చేశారు. గుంటూరు సిటీ సమీపంలోని ఏటుకూరు బైపాస్ రోడ్డు వద్ద 'ప్రజా చైతన్య సభ' పేరుతో బీజేపీ ఏర్పాటు చేసిన బహిరంగ సభలో మోదీ ఇవాళ ప్రసంగించనున్నారు. తన పర్యటనలో భాగంగా 1.33 ఎంఎంటీ విశాఖఫట్నం స్ట్రాటజిక్ పెట్రోలియం రిసర్స్ (ఎస్‌పీఆర్) ఫెసిలిటీని ప్రధాని జాతికి అంకితం చేస్తారు. ఓఎన్‌జీసీ వశిష్ట అండ్ ఎస్1 డవలప్‌మెంట్ ప్రాజెక్టును ప్రారంభిస్తారు. కృష్ణపట్నంలో బీపీసీఎల్ కొత్త టెర్మినల్ ఏర్పాటుకు శంకుస్థాపన చేస్తారు.

ప్రధాని మోదీ రాష్ట్ర పర్యటన నేపథ్యంలో నిరసనలు వెల్లువెత్తుతున్నాయి. రాష్ట్ర వ్యాప్తంగా వివిధ జిల్లాల్లో నల్ల జెండాలు, ఫ్లెక్సీలతో నిరసన తెలుపుతున్నారు. ‘మోదీ గో బ్యాక్‌’ నినాదాలతో హోరెత్తిస్తున్నారు. గుంటూరులో జిన్నాటవర్‌ సెంటర్‌ వద్ద తెదేపా కార్యకర్తలు నిరసనలు తెలిపారు. విజయవాడ బెంజ్‌ సర్కిల్‌ వద్ద తెలుగు యువత ఆధ్వర్యంలో నల్ల బ్యాడ్జీలు ధరించి నిరసన కార్యక్రమం చేపట్టారు. నల్లబెలూన్లు ఎగరవేశారు. విశాఖలో సైతం మోదీ రాకపై నిరసనలు వ్యక్తమయ్యాయి. మరో వైపు మోదీ రాకను నిరసిస్తూ విజయవాడ దుర్గా ఘాట్‌ వద్ద సినీ నటుడు శివాజీ జలదీక్షకు దిగారు. మోదీ పర్యటన ముగిసే వరకు ఆయన దీక్ష చేపట్టనున్నారు.

ఆయనకు సంఘీభావంగా కృష్ణా నదిలో పలువురు యువకులు దీక్షకు దిగారు. వీరికి ఎస్సీ, ఎస్టీ కమిషన్‌ ఛైర్మన్‌ కారెం శివాజీ సంఘీభావం తెలిపారు. మోదీ రాకను గుంటూరు ఎంపీ గల్లా జయదేవ్‌ బ్లాక్‌ డేగా అభివర్ణించారు. పార్లమెంటులో ఏపీ గురించి అడిగితే మోదీ పట్టించుకోలేదని మండిపడ్డారు. రాష్ట్రానికి ఏం చేయాలని మోదీ వస్తున్నారని ప్రశ్నించారు. ప్రొటోకాల్‌ ప్రకారం తాను మోదీ పర్యటనకు వెళ్లాల్సి ఉన్నా.. వెళ్లట్లేదని స్పష్టంచేశారు. ఆంధ్రప్రదేశ్‌కు నమ్మకద్రోహం చేసి ఇప్పుడు తీరిగ్గా రాష్ట్రానికి ఎలా వస్తున్నారని ప్రధాని నరేంద్ర మోదీపై ముఖ్యమంత్రి చంద్రబాబు విరుచుకుపడ్డారు. ‘ఆంధ్రప్రదేశ్‌ ప్రజల న్యాయమైన, చట్టపరమైన హక్కుల్ని నెరవేర్చకుండా మొండి చేతులతో రాష్ట్రానికి రావడం మీకు ధర్మమా? మీరు ఎన్నికల సమయంలో ఇక్కడి ప్రజలకు ఇచ్చిన హామీల్ని, ప్రధాని అయ్యాక మర్చిపోయార’ని మండిపడ్డారు. మోదీ ఆదివారం రాష్ట్ర పర్యటనకు వస్తున్న నేపథ్యంలో చంద్రబాబు రాష్ట్ర ప్రజల తరఫున ఆయనకు బహిరంగలేఖ రాశారు.

మరో పక్క, ప్రధానమంత్రి నరేంద్రమోదీ నేడు గుంటూరుకు విచ్చేస్తున్న నేపధ్యంలో జిల్లా వ్యాప్తంగా పోలీసులు భారీ బందోబస్తును ఏర్పాటు చేశారు. గుంటూరులో జరిగే బహిరంగ సభలో మోదీ పాల్గొననున్నారు. కాగా... మోదీ పర్యటనను అటు టీడీపీ, ఇటు వామపక్షాలు తీవ్రంగా వ్యతిరేకిస్తూ నిన్నటినుంచి నల్లజెండాలతో నిరసన తెలుపుతున్నాయి. దీన్ని దృష్టిలో పెట్టుకుని సభా ప్రాంగణంతోపాటు జిల్లా వ్యాప్తంగా పోలీసులు పెద్దఎత్తున మోహరించారు. ఇదిలా ఉండగా విజయవాడలోని కనకదుర్గమ్మ వారధి, ప్రకాశం బ్యారేజీ వద్ద ఆదివారం తెల్లవారుజామునుంచే వాహనాల తనిఖీ జరుగుతోంది.