news

ఆంధ్రుల ఆరాధ్య దైవం ఎన్టీఆర్ జీవిత కథ ఆధారంగా ఒక సినిమా తెరకెక్కిన సంగతి తెలిసిందే. ఎన్టీఆర్ కథానాయకుడు పేరుతో ఒక సినిమా ప్రేక్షకుల ముందుకి వచ్చి మంచి మార్కులే తెచ్చుకుంది. బాలయ్య నటనకు విమర్శకుల ప్రసంశలు సైతం దక్కాయి. ఇక ఇదిలా ఉంటె ఈ సినిమా విషయంలో రాజకీయాలు చేస్తున్నాయి ఆంధ్రప్రదేశ్ విపక్ష పార్టీలు. ఇక ఇదే సమయంలో ఎన్టీఆర్ వేసిన పాత్రల విషయంలో బాలకృష్ణను టార్గెట్ చేసి విమర్శలు చేస్తున్నారు. బాలకృష్ణ అచ్చం మాయవతిలా ఉన్నారని ఎవరికి తోచిన కుళ్ళు జోకులు వాళ్ళు వేస్తున్నారు. ఇక చిరంజీవి తమ్ముడు నాగబాబు కూడా ఇలాంటి పోస్టులే సోషల్ మీడియాలో పెడుతున్నారు. వీళ్ళకి తోడుగా, అప్పటి విలన్ నాదేండ్ల బాస్క‌రావు కూడా లైన్ లోకి వచ్చాడు. పనిగట్టుకుని, యుట్యూబ్ లో ఇంటర్వ్యూ లు ఇచ్చి, చంద్రబాబుని, ఎన్టీఆర్ ని తిడుతూ, అవాస్తవాలు చెప్తూ విష ప్రచారం చేసాడు.

అయితే చిత్తూరు పర్యటనలో ఉన్న చంద్రబాబు మీడియా సమావేశం పెట్టారు. ఈ సందర్భంగా విలేకరులు, నాదేండ్ల బాస్క‌రావు ఇటీవల చేసిన వ్యాఖ్యల పై చంద్రబాబుని ప్రశ్నించారు. అయితే చంద్రబాబు మాత్రం, ఆయన ఏమి మాట్లాడారో నాకు తెలియదని, ఆయన ఏమి మాట్లాడారని అడిగారు. దీనికి బదులు ఇస్తూ, మీతో సాన్నిహిత్యం, మీ గురించి గతంలో తిరుపతిలో జరిగిన విషయాలు, ఇలా అన్ని విషయాలు సోషల్ మీడియాలో విరల అవుతున్నాయని అన్నారు. దీనికి చంద్రబాబు స్పందిస్తూ, నేను ఇక్కడే పుట్టాను, పెరిగాను, నేనేంటో మీకు తెలియదా అని విలేఖరులని అడిగారు. 40 ఏళ్ళు నుంచి ప్రజల్లోనే ఉన్నానని, నా గురించి ప్రజలకు తెలియదా అని అన్నారు. అసలు ఆయనకు నాకు సాన్నిహిత్యం ఎప్పుడు ఉందని అన్నారు.

తిరుపతిలో చూసారు, 40 ఏళ్ళు తెలుగు ప్రజలు చూసారు, ఇప్పటి వరకు ఎవరూ నా పై ఒక్క ఆరోపణ అయినా నిరూపించారా అని అన్నారు. నేను ఎప్పుడూ హుందా తనం తప్పలేదని, క్యారక్టర్ మైంటైన్ చేసాను అని, అది ప్రజలందరికీ తెలుసని అన్నారు. చివరగా దీని పై స్పందిస్తూ, అదిరిపోయే కౌంటర్ ఇచ్చారు. ఈ 40 ఏళ్ళలో, నా క్యారక్టర్ దెబ్బతియ్యటానికి ఎన్నో సార్లు ప్రయత్నం చేసారని, కాని ఆకాశం మీద ఉమ్మితే, వచ్చి వాళ్ళ మోఖానే పడుతుందని, నాకు ఇలాంటి వాళ్ళ ఆరోపణలు ఎప్పుడూ లెక్క లేదని, ప్రజలే తేల్చారని, తేలుస్తారని అన్నారు. అలాగే షర్మిల చేసిన వ్యాఖ్యలను కూడా చంద్రబాబు ఖండించారు. ఆ వ్యాఖ్యలు ఇక్కడ చూడవచ్చు. https://youtu.be/OEsuY_N3IcA

ఏపీకి సీఎం కేసీఆర్‌ రావొచ్చని, వస్తే తాము డబుల్ గిఫ్ట్‌లు ఇస్తామని ఎమ్మెల్సీ బుద్దా వెంకన్న చెప్పారు. ఏడాదిగా సీఎం చంద్రబాబు చెబుతున్న విషయాలు నిజమయ్యాయని, ప్రధాని మోదీ డైరక్షన్‌లో కేసీఆర్‌, జగన్‌ పనిచేస్తున్నారని దుయ్యబట్టారు. పదవులు, ఆస్తుల పరిరక్షణ కోసం ఏమైనా చేస్తారని తేలిపోయిందని, వైసీపీకి అంతిమ ఘడియలు వచ్చాయని జోస్యం చెప్పారు. జగన్‌ తీరును చూసి ప్రజలు ఛీకొడుతున్నారని, ఏపీలో కేసీఆర్‌ విష రాజకీయాలు చేస్తున్నారని బుద్దా వెంకన్న ధ్వజమెత్తారు. వచ్చే ఎన్నికల్లో వైసీపీ ఒక్క సీటు కూడా గెలవదని, కేసీఆర్‌ మాదిరిగా ఇక్కడికి.. అక్కడికి ఎవరూ రావొద్దని తాము చెప్పబోమని బుద్దా వెంకన్న స్పష్టం చేశారు.

జగన్, కేటీఆర్ ల భేటీపై ఏపీ మంత్రి నారాయణ స్పందించారు. ఇంతవరకు తెరవెనుక ఉన్న కుట్ర... ఇప్పుడిప్పుడే బయటకు వస్తోందని ఆయన విమర్శించారు. ముఖ్యమంత్రి చెప్పిందే జరుగుతోందని అన్నారు. జగన్, కేటీఆర్ ల మధ్య చర్చలతో ఆ విషయం బట్టబయలైందని చెప్పారు. రాష్ట్రానికి అన్యాయం చేస్తున్న ప్రధాని మోదీని వదిలేని... రాష్ట్ర ప్రయోజనాల కోసం పోరాడుతున్న చంద్రబాబుపై దాడి చేస్తున్నారని మండిపడ్డారు. కేసుల మాఫీ కోసం మోదీతో జగన్ లాలూచి పడ్డారని ఆరోపించారు. బీజేపీ లేని కేంద్ర ప్రభుత్వం ఏర్పడితేనే ఏపీకి మంచి జరుగుతుందని అన్నారు. మోదీని మళ్లీ ప్రధానిని చేసేందుకే కేసీఆర్ మూడో ఫ్రంట్ ను తెర మీదకు తెస్తున్నారని చెప్పారు. ముగ్గురు మోదీల డ్రామా ఇప్పుడిప్పుడే తెరపైకి వస్తోందని ఎద్దేవా చేశారు.

మరో పక్క మంత్రి దేవినేని ఉమ స్పందించారు. ఫెడరల్ ఫ్రంట్‌ కాదని, మోదీ ఫ్రంట్‌ అని ఎద్దేవాచేశారు. ముగ్గురు మోదీల జగన్నాటకమని దుయ్యబట్టారు. సీఎం కేసీఆర్‌ దూషణలను ఏపీ ప్రజలు ఎప్పటికీ మర్చిపోరని, ఏపీ ప్రజలను తిట్టిన కేసీఆర్‌తో కలవడానికి జగన్‌కు సిగ్గుండాలన్నారు. హైదరాబాద్‌లో ఏపీ వాళ్లు కిరాయిదారులే అన్నారని, ఏపీ బ్రాహ్మణులకు మంత్రాలు కూడా రావని తిట్టారని దేవినేని ఈ సందర్భగా గుర్తుచేశారు. లంకలో పుట్టినవాళ్లు అందరూ రాక్షసులేనని కేసీఆర్‌ తిట్టలేదా అని ప్రశ్నించారు. తెలుగు తల్లి అంటే దెయ్యమని కేసీఆర్‌ దూషించారని, ఆంధ్రావాళ్ల బిర్యాని పేడలా ఉంటుందని కేసీఆర్‌ అనలేదా అని మరోసారి ప్రశ్నించారు. సీఎం చంద్రబాబుపై కక్షతో కేసీఆర్‌ నీచరాజకీయాలు చేస్తున్నారని దేవినేని ఉమ దుయ్యబట్టారు.

తన పై సోషల్ మీడియాలో జరుగుతున్న తప్పుడు ప్రచారం వెనుక టీడీపీ హస్తం ఉందంటూ.. వైఎస్ షర్మిల చేసిన ఆరోపణల గురించి తెలిసిందే. తనకు, సినీ హీరో ప్రభాస్‌కు సంబంధం ఉందంటూ సోషల్ మీడియాలో జరుగుతున్న తప్పుడు ప్రచారంపై చర్యలు తీసుకోవాలంటూ వైఎస్ షర్మిల.. హైదరాబాద్ పోలీసులకు ఫిర్యాదు చేశారు. రంగంలోకి దిగిన సైబర్ క్రైమ్ పోలీసులు.. దర్యాప్తు ముమ్మరం చేశారు. అయితే, తనపై జరుగుతున్న తప్పుడు ప్రచారం వెనుక టీడీపీ హస్తం ఉందంటూ.. ఫిర్యాదు సందర్భంగా వైఎస్ షర్మిల చేసిన వ్యాఖ్యలు తీవ్ర కలకలం రేపాయి. టీడీపీ అధినేత చంద్రబాబుపైనా ఆమె తీవ్ర ఆరోపణలు చేశారు. ఈ ఆరోపణలు ఆయన కొట్టిపారేశారు.

హైదరాబాద్‌లో ఫిర్యాదు చేసి.. ఏపీ పోలీసులపై నమ్మకం లేదంటూ షర్మిల చేసిన వ్యాఖ్యలను చంద్రబాబు తప్పుబట్టారు. ఇతర టీడీపీ నేతలు సైతం షర్మిల తీరును తప్పుబట్టారు. ఇదంతా వైసీపీ ఎన్నికల స్టంటని కొట్టిపారేశారు. తాజాగా, షర్మిల వ్యాఖ్యలపై టీడీపీ ఎంపీ జేసీ దివాకర్ రెడ్డి స్పందించారు. షర్మిల తనకు కూతురులాంటిదని స్పష్టం చేశారు. ఆమెను తానెప్పుడూ విమర్శించలేదని చెప్పారు. గతంలో కులాంతర వివాహం జరిపించినందుకు వైఎస్ కుటుంబాన్ని తాను అభినందించానని గుర్తు చేశారు. వైఎస్ కుటుంబం కులాలను రెచ్చగొట్టడంపైనే తాను విమర్శలు చేశాను తప్ప.. ఇతరత్రా విషయాలేవీ ఇంతవరకూ ప్రస్తావించలేదన్నారు. షర్మిలను విమర్శించిన ఉంటే తనకు పాపం తగులుతుందని స్పష్టం చేశారు.

తెలంగాణ నుంచి వచ్చి బురద చల్లడానికి కేసీఆర్ సిద్ధంగా ఉన్నారని ఎంపీ జేసీ దివాకర్‌రెడ్డి అన్నారు. ఎవరు ఎంత మందిని కలిసినా టీడీపీ ఏమీ చేయలేరని స్పష్టం చేశారు. వైసీపీ, టీఆర్ఎస్ దోస్తీ గురించి తమకు ముందే తెలుసన్నారు. వైసీపీ, టీఆర్ఎస్ పార్టీలు ఇప్పుడు కలవడం ఏంటి.. ఏడాది నుంచే కలిసి పనిచేస్తున్నాయని జేసీ చెప్పుకొచ్చారు. రాజకీయాల్లో శాశ్వత మిత్రులు, శాశ్వత శత్రువులు ఉండరన్నారు. దేశంలో ఎవరు ఎక్కడికైనా రావొచ్చని తెలిపారు. ఫెడరల్‌ ఫ్రంట్‌ లేదు.. పాడు లేదని ఆయన వ్యాఖ్యానించారు. ఒక్కోసారి ఒక్కొక్కరికి కోపం వస్తుందని, ఇప్పుడు కేసీఆర్‌కు వచ్చిందని తెలిపారు.