07
Thu, Nov

news

లోక్‌సభలో ఈబీసీ రిజర్వేషన్‌ బిల్లు ఆమోదం పొందడాన్ని చంద్రబాబు స్వాగతించారు. తాము ఆ బిల్లుకు మద్దతు పలుకుతున్నట్లు చెప్పారు. అదే సమయంలో కేంద్రం పరిష్కరించాల్సిన అంశాలు చాలా ఉన్నాయన్నారు. ఆంధ్రప్రదేశ్‌ నుంచి వాల్మీకులను ఎస్టీల్లో చేర్చాలని, కాపులకు రిజర్వేషన్లు కల్పించాలని అసెంబ్లీలో తీర్మానాలు, బిల్లు లు ఆమోదించి పంపామని గుర్తు చేశారు. కేంద్రం తనకు కావాల్సింది చేసుకుని రాష్ట్రాల సిఫార్సులను విస్మరిస్తోందని విమర్శించారు. ఈబీసీ బిల్లును కేంద్రం ఒక రోజులో తెచ్చిందని, ఒకవేళ వారికి దీనిపై చిత్తశుద్ధి ఉంటే ముందే తీసుకొచ్చి అందరితో సంప్రదించి ఉంటే బాగుండేదని అభిప్రాయపడ్డారు.

modicbn 09012019

బుధవారం పార్టీ నేతలతో టెలీకాన్ఫరెన్స్‌ నిర్వహించిన ఆయన.. భాజపా తీరుపై మరోసారి విమర్శలు గుప్పించారు. ఇప్పటి వరకు సామాజిక వెనుకబాటుతనం రిజర్వేషన్లే ఉన్నాయని, ఆర్థిక వెనుకబాటుతనం రిజర్వేషన్లు కొత్తగా తెచ్చారని అన్నారు. దేశంలో సంఘ్ పరివార్.. కుట్రల కేంద్రంగా మారిందని, ఆ కుట్రలను అమలు చేసే కేంద్రంగా భాజపా వ్యవహరిస్తోందని చంద్రబాబు విమర్శించారు. రిజర్వేషన్లు మంచికోసమే అయితే తాము తప్పకుండా స్వాగతిస్తామని, ఎస్సీ, ఎస్టీ రిజర్వేషన్లకు గండి కొడతామంటే ఎదిరిస్తామని హెచ్చరించారు. కుట్ర కోణాలపై అప్రమత్తంగా ఉండాలని నేతలకు సూచించారు.

modicbn 09012019

ఆర్థికంగా పేదలకు రిజర్వేషన్లను స్వాగతించాలని, కాపుల రిజర్వేషన్లపై డిమాండ్ చేయాలన్నారు. వాల్మీకి బోయలను ఎస్టీల్లో చేర్చడంపై ప్రశ్నించాలని నేతలకు దిశానిర్దేశం చేశారు. సామాజిక తరగతుల మార్పుపై డిమాండ్ల గురించి ఒత్తిడి చేయాలన్నారు. పార్టీలో గ్రూపు విభేదాలకు స్వస్తి చెప్పాలని నేతలకు చంద్రబాబు స్పష్టం చేశారు. కూర్చున్న కొమ్మనే నరుక్కోవడం మూర్ఖత్వమవుతుందని ఆయన అన్నారు. అవినీతిపరులే అవినీతిపై పుస్తకాలు వేస్తున్నారని ఎద్దేవాచేశారు. జగన్మోహన్ రెడ్డి అవినీతి చక్రవర్తని ఆయన విమర్శించారు. జగన్ వల్ల ఎంతో మంది జైలుకు వెళ్లారని, చాలా మంది అవమానాలకు గురయ్యారని అన్నారు. కేంద్రం ఏపీకి రూ.75 వేల కోట్లు ఇవ్వాలని జయప్రకాశ్ కమిటీ చెబితే జగన్ ఎందుకు నోరు మెదరపరని ప్రశ్నించారు.

కందనవోలు సిగలో మరో కలికితురాయి చేరనుంది. నగరంలో ప్రతిష్ఠాత్మక స్టేట్‌ క్యాన్సర్‌ ఇన్‌స్టిట్యూట్‌ ఏర్పాటు కానుంది. దీని నిర్మాణానికి ముఖ్యమంత్రి చంద్రబాబు మంగళవారం శంకుస్థాపన చేసారు. కర్నూలు సర్వజన వైద్యశాల వద్ద క్యాన్సర్‌ ఇన్‌స్టిట్యూట్‌ను ప్రభుత్వం నిర్మించనుంది. ఇందులో సర్జికల్‌, మెడికల్‌, రేడియేషన్‌, అంకాలజీ తదితర విభాగాలన్నీ అందుబాటులో ఉంటాయి. పీజీ, సూపర్‌ స్పెషాలిటీ కోర్సులతో సహా పరిశోధనలకు అవకాశం కల్పించేలా ఆస్పత్రిని తీర్చిదిద్దనున్నారు. మొదటి దశలో 120 పడకలతో: రాష్ట్రం విడిపోయిన తర్వాత కర్నూలులో క్యాన్సర్‌ ఆసుపత్రి ఏర్పాటు చేయాలని నిర్ణయించారు.

kurnool 0902019

టాటా ట్రస్ట్‌ సంస్థ మాస్టర్‌ ప్లాన్‌ రూపొందించగా ప్రభుత్వం ఆమోదించింది. జీ ప్లస్‌1 తరహాలో భవన సముదాయాన్ని నిర్మించనున్నారు. దీనికిగాను సర్వజన వైద్యశాలలో పది ఎకరాలు కేటాయించారు. ఇందులో 1.5 ఎకరాల్లో భవన నిర్మాణాలు ఉంటాయి. కింది భాగంలో బయటి రోగుల(ఓపీ) విభాగంతోపాటు వైద్య పరీక్షల నిమిత్తం ఎంఆర్‌ఐ, ఎక్స్‌రే, సీటీ స్కానింగ్‌తో సహా ప్రయోగశాలలు ఉంటాయి. మొదటి దశలో 120 పడకలతో ఏడాదిలోగా ప్రారంభించేందుకు అధికారులు ఏర్పాట్లు చేస్తున్నారు. స్టేట్‌ క్యాన్సర్‌ ఇన్‌స్టిట్యూట్‌కు రూ.120 కోట్లు మంజూరయ్యాయి. జన్మభూమి కార్యక్రమానికి హాజరవుతున్న సీఎం ఓర్వకల్లు నుంచే దీనికి పునాదిరాయి వేస్తారు.

kurnool 0902019

అందరూ మాట్లాడతారు... కొంత మందే పనిచేస్తారు. తమది పనిచేసే ప్రభుత్వమని రాష్ట్ర ముఖ్యమంత్రి చంద్రబాబు నాయుడు పేర్కొన్నారు. ఆయన మంగళవారం ఓర్వకల్లులో విమానాశ్రయం, సౌర పార్కులను ప్రారంభించి జాతికి అంకితమిచ్చారు. దీంతోపాటు రాష్ట్రవ్యాప్తంగా ‘జలధార’, ‘మా ఊరి బాట’ పథకాలకు పైలాన్‌ ఆవిష్కరించారు. సీఎం మాట్లాడుతూ చివరి ఊపిరి ఉన్నంత వరకూ పేదల కోసమే పనిచేస్తానన్నారు. రాష్ట్ర విభజన తర్వాత అనేక సమస్యలొచ్చినా పేదలెవ్వరూ కష్టపడకుండా ఉండాలని ముందుకెళుతున్నానన్నారు. కర్నూలుకు చరిత్రలో ఎప్పుడూ రానన్ని పరిశ్రమలు వస్తున్నాయన్నారు. విమానాశ్రయంతో నూతన చరిత్రకు శ్రీకారం చుట్టామన్నారు.

ఈ ఆర్థిక సంవత్సరం(2018-2019)లో మన దేశంలోకి వచ్చిన అతిభారీ విదేశీ ప్రత్యక్ష పెట్టుబడి(ఎఫ్‌డీఐ)గా ఏషియా పల్ప్‌, పేపర్‌ (ఏపీపీ) గ్రూపు పెట్టుబడి రికార్డు సృష్టించింది. ఆ పెట్టుబడి కొత్తగా ఏర్పడిన ఆంధ్రప్రదేశ్‌కు రావడం విశేషంగా మారింది. ఇండోనేషియాకు చెందిన సదరు సంస్థ ఏకంగా రూ.24,500 కోట్లను ఏపీలో పెట్టుబడి పెట్టేందుకు ముందుకు రావడం రాష్ట్రం సాధిస్తున్న పారిశ్రామిక ప్రగతికి నిదర్శనంగా నిలుస్తోంది. ఆంధ్రప్రదేశ్‌ రాష్ట్రం ఏర్పడిన తరువాత దక్షిణ కొరియాకు చెందిన కియా మోటార్స్‌ అనంతపురం జిల్లాలో రూ.13 వేల కోట్ల భారీ పెట్టుబడితో కార్ల పరిశ్రమను ఏర్పాటు చేస్తుండగా తాజాగా అంతకు రెండింతల పెట్టుబడితో ఏపీపీ గ్రూపు కాగితపు గుజ్జు పరిశ్రమ ఏర్పాటుకు ముందుకు వచ్చింది.

cbn 09012019

ప్రకాశం జిల్లా గుడ్లూరు మండలం చేవూరులో 2,500 ఎకరాల విస్తీర్ణంలో ఈ పరిశ్రమను నెలకొల్పుతోంది. ఈ పరిశ్రమ ఏర్పాటుతో ప్రత్యక్షంగా, పరోక్షంగా దాదాపు 15 వేల మందికి ఉపాధి లభించనుంది. ముఖ్యమంత్రి చంద్రబాబు బుధవారం శంకుస్థాపన చేసే ఈ కార్యక్రమంలో ఏపీపీ గ్రూపు, రాష్ట్ర ఆర్థికాభివృద్ధి మండలి (ఏపీఈడీబీ)తో అవగాహన ఒప్పందం చేసుకోనుంది. పలు రాయితీలు, ప్రోత్సాహకాలు, మౌలిక సదుపాయాలు కల్పించి ఏపీపీ గ్రూపును రప్పించడంలో రాష్ట్ర ప్రభుత్వం విజయవంతమైంది. కాగిత గుజ్జు తయారీకి అందుబాటులో ముడిసరకు, రామాయపట్నంలో పోర్టు ఏర్పాటుకు రాష్ట్ర ప్రభుత్వ చర్యలు, తగినంత భూమి లభ్యత వంటివన్నీ ప్రకాశం జిల్లాలో ఇండోనేషియా సంస్థ పెట్టుబడులకు కలిసొచ్చిన అంశాలని అధికారులు తెలిపారు. రాష్ట్రంలో ఒకేచోట ఇంత భారీ విదేశీ ప్రత్యక్ష పెట్టుబడి రావడం ఇదే మొదటిసారని ఈడీబీ సీఈవో జాస్తి కృష్ణకిశోర్‌ అభిప్రాయపడ్డారు.

cbn 09012019

కియ, హీరో మోటార్స్‌, అపోలో టైర్స్‌, టీసీఎల్‌, రిలయన్స్‌ సెజ్‌, హెచ్‌సీఎల్‌ తదితర భారీ కంపెనీలు ఇప్పటికే రాష్ట్రంలో పెట్టుబడి పెట్టాయి. వివిధ భాగస్వామ్య సదస్సుల్లో రూ.15.42 లక్షల కోట్ల పెట్టుబడులకు ఎంవోయూలు జరిగాయి. అందులో రూ.1.77లక్షల కోట్ల పెట్టుబడితో 810 పరిశ్రమలు ఇప్పటికే ప్రారంభమయ్యాయి. వీటిద్వారా 2.51లక్షల మందికి ఉద్యోగాలు వచ్చాయి. ఎంఎ్‌సఎంఈల ద్వారా 3.3 లక్షల మందికి, నైపుణ్యాల అభివృద్ధి ద్వారా 1.78 లక్షల మందికిపైగా, ఎపిటా ద్వారా 13 వేల మందికి ఉద్యోగాలొచ్చాయి. భాగస్వామ్య సదస్సు ఒప్పందాల్లోని మరో 5.27 లక్షల కోట్ల పెట్టుబడితో 1211 ప్రాజెక్టులు నిర్మాణ దశలో ఉన్నాయి. వచ్చిన పరిశ్రమలు ఇవీ... ఆటోమొబైల్‌ రంగం: ఇసుజు, కియ మోటార్స్‌, అపోలో టైర్స్‌, అశోక్‌ లేలాండ్‌, భారత్‌ ఫోర్జ్‌, హీరో మోటార్స్‌. ఈ రంగంలో మొత్తం 24,800 కోట్ల పెట్టుబడులు వచ్చాయి. ఫుడ్‌ ప్రాసెసింగ్‌: ఈ రంగంలో 202 సంస్థలు ఉత్పత్తులు ప్రారంభించాయి. వాటిలో ముఖ్యమైనవి... లావజ్జా, అవంతి సీడ్స్‌, పతంజలి, జైన్‌ ఇరిగేషన్‌, పార్లే, జెర్సీ, ఇండస్‌ కాఫీ, ఫ్యూచర్‌ గ్రూప్‌, కాంటినెంటల్‌ కాఫీ, ఇంటర్నేషనల్‌ ఫ్లేవర్స్‌ అండ్‌ ఫ్రాగ్రెన్సెన్‌, గోద్రెజ్‌, ఎస్‌హెచ్‌ గ్రూప్‌, టాటా ఫుడ్స్‌, ఐటీసీ, కాన్‌ ఆగ్రో, మన్‌పసంద్‌. ఐటీ, ఎలక్ర్టానిక్స్‌: రాష్ట్ర విభజన తర్వాత 376 లీడ్‌లను ట్రాక్‌ చేశారు. కాండ్యునెంటల్‌, పైడేటా, ఫ్రాంక్లిన్‌ టెంపుల్టన్‌, విప్రో, మిరాకిల్‌ సాప్ట్‌ స్క్వేర్‌, ఫాక్స్‌కాన్‌, షామీ, జియోనీ, వన్‌ ప్లస్‌, ల్యూమినా, ఆసూస్‌, ఇన్‌ ఫోకస్‌ వంటి సంస్థలు కార్యకలాపాలు ప్రారంభించాయి. ఫ్లెక్స్‌ట్రానిక్స్‌, డిక్సన్‌ ఎలకా్ట్రనిక్స్‌ ఎల్‌ఈడీ టీవీలు తయారు చేస్తున్నాయి. టీసీఎల్‌కు శంకుస్థాపన జరిగింది. రిలయన్స్‌, వోల్టాస్‌ త్వరలో రానున్నాయి. ఫార్మా: హొస్పిరా హెల్త్‌కేర్‌, రెడ్డి ల్యాబ్స్‌, లుపిన్‌, లారస్‌ ల్యాబ్స్‌, అరబిందో ఫార్మా, వెస్ట్‌ ఫార్మా, దివీస్‌ ల్యాబ్య్‌. నాట్కో. టెక్స్‌టైల్స్‌: టోరే, టెక్స్‌పోర్ట్‌, మోహన్‌ స్పింటెక్స్‌, ఇండియన్‌ డిజైన్‌, షాహి ఎక్స్‌పోర్ట్స్‌, శ్రీగోవిందరాజా టెక్స్‌టైల్స్‌, ఎస్‌ఏఆర్‌ డెనిమ్‌, పేజ్‌ ఇండస్ర్టీ్‌స(జాకీ), అరవింగ్‌ గ్రూప్‌, నిషా డిజైన్స్‌, గుంటూరు టెక్స్‌టైల్‌ పార్క్‌, తారకేశ్వర టెక్స్‌టైల్‌ పార్క్‌లు. పర్యాటకం: విజయవాడలో నోవాటెల్‌, తిరుపతిలో తాజ్‌ గేట్‌వే, హాలిడే ఇన్‌, గుంటూరులో ఐటీసీ మై ఫార్చ్యూన్‌, విశాఖపట్నంలో జేడబ్ల్యూ మారియట్‌ హోటళ్లు ప్రారంభమయ్యాయి, సన్‌ రే రిసార్ట్స్‌ వచ్చింది.

ఆర్థిక బలహీన వర్గాలకు 10% రిజర్వేషన్‌ కల్పించే కీలకమైన ఈడబ్ల్యూఎస్ బిల్లు లోక్‌సభలో చర్చకు వచ్చిన నేపథ్యంలో తమపై విధించిన సస్పెన్షన్‌ను ఎత్తివేయాలని టీడీపీ ఎంపీ రామ్మోహన్‌నాయుడు స్పీకర్‌ సుమిత్రా మహాజన్‌కు విజ్ఞప్తి చేశారు. బిల్లుపై జరిగే చర్చలో పాల్గొనే అవకాశాన్ని ఇవ్వాలని అభ్యర్థించారు. మంగళవారం పార్లమెంటులో ఆమెను కలిసి వినతి పత్రం అందించారు. కానీ ఆమె సానుకూలంగా స్పందించలేదు. ఈ బిల్లుపై తమకు అనేక సందేహాలున్నాయని, వాటికి ప్రభుత్వం సమాధానం చెప్పాలని రామ్మోహన్‌ తెలిపారు. బిల్లుపై సెక్షన్లవారీగా చర్చ జరిపి ఓటింగ్‌ చేపట్టాలని అభిప్రాయపడ్డారు.

speaker 09012019 2

ఈ క్రమంలో దక్షిణాది రాష్ట్రాల కు చెందిన అన్నాడీఎంకే, టీడీపీ ఎంపీలను సస్పెండ్‌ చేయడంతో తాము ప్రాతినిధ్యం వహించే ప్రజల గొంతును వినిపించలేకపోతున్నామని ఆవేదన వ్యక్తంచేశారు. ఈ నేపథ్యంలో ఆంధ్ర ప్రజల తరఫున ఈ అంశంపై చర్చించడానికి వీలుగా సస్పెన్షన్‌ను ఎత్తివేయాలని వినతిపత్రంలో కోరారు. కాగా.. విభజన హామీలు, ప్రత్యేక హోదా కోసం టీడీపీ ఎంపీలు నిరసనలను కొనసాగించారు. పార్లమెంటు ఆవరణలోని గాంధీజీ విగ్ర హం దగ్గర, పార్లమెంటు భవనం ప్రధాన ద్వారం ముందు ప్లకార్డులు పట్టుకుని పెద్దఎత్తున నినాదాలు చేశారు.

speaker 09012019 3

వెల్‌లోకి వచ్చి ఆందోళన చేస్తున్న వివిధ పార్టీల సభ్యుల విషయంలో లోక్‌సభ స్పీకర్‌ సుమిత్రామహాజన్‌ ఒక్కో రకంగా స్పందించారు. తెదేపా, అన్నాడీఎంకే సభ్యులపై నిబంధనల కొరడా ఝళిపించి సస్పెండ్‌ చేసిన ఆమె అదే విధంగా వ్యవహరించిన కాంగ్రెస్‌, సమాజ్‌వాదీ పార్టీల సభ్యుల విషయంలో మాత్రం చర్యలు తీసుకోలేదు. వెల్‌లోకి వచ్చి ఆందోళన చేస్తూ సభా కార్యకలాపాలకు అడ్డు తగులుతున్నారన్న కారణంగా తమిళనాడు, ఆంధ్రప్రదేశ్‌కు చెందిన 42 మంది ఎంపీలపై ఇప్పటికే సస్పెన్షన్‌ వేటు వేసిన స్పీకర్‌ మరో నలుగురిపై చర్య తీసుకున్నారు. మధ్యాహ్నం 12 గంటలకు వెల్‌లోకి వచ్చి ఆందోళనకు దిగిన తెదేపా సభ్యుడు ఎన్‌.శివప్రసాద్‌, అన్నాడీఎంకే సభాపక్ష నాయకుడు పి.వేణుగోపాల్‌, పార్టీ సభ్యులు రామచంద్రన్‌, కె.గోపాల్‌లను 374-ఎ నిబంధన కింద సభ నుంచి రెండురోజుల పాటు సస్పెండ్‌ చేశారు. ఈ ఘటన జరిగిన అరగంట తర్వాత కాంగ్రెస్‌, సమాజ్‌వాదీ సభ్యులు అదే వెల్‌లోకి వచ్చి సభా కార్యకలాపాలు అడ్డుకున్నా చర్యలు తీసుకోలేదు.

Page 1848 of 3183

Advertisements

Latest Articles

Most Read