వైసీపీలో, రాష్ట్ర ప్రభుత్వంలో ముఖ్యమంత్రి తరువాత నెంబర్ 2గా వెలుగొందుతున్న రాజ్యసభ సభ్యులు విజయసాయిరెడ్డికి లెక్కకు మించిన పదవులున్నాయి. కేంద్రంలోనూ ప్రభుత్వ పెద్దల కరుణా కటాక్ష వీక్షణాలతో చాలా పదవులు దక్కించుకున్నారు. అయితే అనూహ్యంగా ఓ పదవి గురించి తన సోషల్మీడియాలో గొప్పగా విజయసాయిరెడ్డి ప్రచారం చేసుకున్నారు. ఈ నెల 5న విజయసాయికి పంపిన లేఖలో ప్యానల్ వైస్ చైర్మన్ గా నియమించినట్లు రాజ్యసభ ఆఫీస్ సమాచారం ఇచ్చింది. దీంతో అందరినీ ఊరిస్తున్నట్లు, కొందరిని వెటకరిస్తున్నట్టు సాయిరెడ్డి తన అధికారిక సోషల్మీడియాలో పోస్టులు చేశారు. అయితే రాజ్యసభలో కొత్తగా నియమించిన ప్యానల్ వైస్ చైర్మన్ల పేర్లను రాజ్యసభ చైర్మన్ ప్రకటించారు. ఇందులో విజయసాయి పేరు లేదని ఏబీఎన్ కథనం ప్రసారం చేసింది. ఇదే నిజమైతే సాయిరెడ్డి నుంచి మరో పదవి చేజారినట్టే.
