news

దేశంలో బీజేపీయేతర పార్టీలను ఒక్కతాటిపైకి తెచ్చేందుకు ఆయా పక్షాల నేతలను కలుస్తున్న తెలుగుదేశం పార్టీ జాతీయ అధ్యక్షుడు, ముఖ్యమంత్రి చంద్రబాబు.. అదే క్రమంలో తృణమూల్‌ కాంగ్రెస్‌ అధ్యక్షురాలు, బెంగాల్‌ సీఎం మమతా బెనర్జీతోనూ సమావేశం కానున్నారు. ఇందుకోసం ఆయన ఈ నెల 19న కోల్‌కతా వెళ్లనున్నట్లు తెలిసింది. నిజానికి మమతతో ఎప్పటికప్పుడు ఆయన ఫోన్లో సంప్రదింపులు జరుపుతున్నారు. పార్టీలను ఏకం చేసే పనిపై తొలిసారి ఢిల్లీ వెళ్లి వచ్చిన అనంతరం కూడా అక్కడ జరిగిన పరిణామాలను ఆమెకు వివరించారు.

అయితే కూటమి ఏర్పాటు ప్రయత్నాలు ప్రారంభమయ్యాక నేరుగా ఆమెను కలువడం సాధ్యపడలేదు. ఢిల్లీలో పలు పార్టీల నేతలను.. కర్ణాటక, తమిళనాడులో అక్కడి ముఖ్య పార్టీల నేతలను మాత్రమే కలిశారు. దరిమిలా మమతతో ముఖాముఖి మాట్లాడాలని చంద్రబాబు నిర్ణయించారు. ఇప్పటివరకు జరిగిన పరిణామాలపై 19న వీరిద్దరూ చర్చిస్తారు. కాంగ్రెస్‌, ఇతర పార్టీలతో కలిసి కూటమి ఏర్పాటు, సానుకూలతలపై మంతనాలు జరుపుతారు. కాగా.. జనవరి 18న గానీ, 19న గానీ కోల్‌కతాలో భారీ ర్యాలీ నిర్వహించాలని మమత నిర్ణయించారు.

ఆ ర్యాలీకి అన్ని బీజేపీయేతర పార్టీలను పిలవాలని యోచిస్తున్నారు. దీనిపైనా ఇరు నేతలు చర్చిస్తారు. ఢిల్లీలో ఈ నెల 22న జరపతలపెట్టిన బీజేపీయేతర పక్షాల విందు సమావేశంపైనా మాట్లాడుకుంటారు. మరోవైపు.. ప్రస్తుతం ఎన్నికలు జరుగుతున్న రాష్ట్రాల్లో బీజేపీయేతర పార్టీలన్నీ ఉమ్మడి ర్యాలీలు ఏర్పాటుచేయాలన్న కాంగ్రెస్‌ ప్రతిపాదన పై ఢిల్లీలో జరిగే సమావేశంలో నిర్ణయం తీసుకుంటారు. భాజపాయేతర పార్టీలను సంఘటితం చేసే ప్రక్రియలో మమతా బెనర్జీతో చంద్రబాబు భేటీని అత్యంత కీలకమైనదిగా రాజకీయ వర్గాలు భావిస్తున్నాయి. ఇప్పటికే వామపక్ష నేతలతోనూ మంతనాలు జరిపారు. వారికి బద్ధశత్రువైన మమతాబెనర్జీతో ఆయన భేటీ కానుండటం ప్రాధాన్యం సంతరించుకుంది.

చంద్రబాబు ఎంటర్ అయిన తరువాత, తెలంగాణా ఎన్నికలు కూడా, ఢిల్లీ వెర్సస్ తెలుగోడు అనే సీన్ కి మారిపోయాయి. ఎందుకంటే, చంద్రబాబుని దెబ్బ తియ్యటానికి, కేసీఆర్, మోడీతో కలిసి వెయ్యని ఎత్తులు లేవు. అందుకే చంద్రబాబు కూడా, దీనికి విరుగుడుగా , కాంగ్రెస్ ని కలుపుకుని, ఢిల్లీ పై యుద్ధం ప్రకటించారు. ఢిల్లీకి సహకరిస్తున్న, మన సొంత ప్రాంత ద్రొహులను శిక్షించమని పిలిపు ఇచ్చారు. చంద్రబాబు ప్రయత్నాలు, చంద్రబాబు చేస్తుంటే, కేసీఆర్ కూడా, మోడీ సాయంతో కలిసి, దెబ్బ వెయ్యటానికి రెడీ అయ్యారు. ఇందుకోసం కాంగ్రెస్ పార్టీలో ఇప్పటికే ఉంచిన తన కోవర్ట్ లని వాడుకున్నాడు. తెలంగాణా కాంగ్రెస్ సీనియర్ నేత, ఒకరు కేసీఆర్ కోవర్ట్ అనే విషయం అందరికీ తెలిసిందే. వీటి ద్వారా తన ప్లాన్ ఇంప్లెమెంట్ చెయ్యటానికి కేసీఆర్ రెడీ అయ్యారు.

కాంగ్రెస్ పార్టీ మొదటి జాబితాలో దాదాపుగా 25-30 అభ్యర్ధులను, కేసీఆర్ చెప్పిన పేర్లు ఈ కోవర్ట్ లు పెట్టించారు. అక్కడ బలమైన నాయకులని కాకుండా, వీక్ కాండిడేట్ లని, అలాగే కోవర్ట్ లని పెట్టించారు కేసీఆర్. ఈ లిస్టు ఢిల్లీకి కూడా చేరిపోయి, శనివారం ప్రకటిస్తారు అనే టైంలో, విషయం మొత్తం చంద్రబాబుకి తెలిసింది. వెంటనే చంద్రబాబు, రాహుల్ గాంధీకి విషయం మొత్తం చెప్పారు. అంతే కాదు, రాహుల్‌ గాంధీకి ఇదే విషయం రేవంత్‌ మెయిల్‌ చేసారు. రేవంత్‌తో పాటు విజయశాంతి, స్ర్కీనింగ్‌ కమిటీ చైర్మన్‌ భక్తచరణ్‌దాస్‌, ఒకరిద్దరు కాంగ్రెస్‌ శ్రేయోభిలాషులు కూడా అవకతవకలను ఈమెయిల్‌ ద్వారా రాహుల్‌ దృష్టికి తీసుకెళ్లారని తెలుస్తోంది. క్షేత్రస్థాయిలో బలంగా ఉన్న నాయకులకు అవకాశం ఇవ్వకుండా, ఎవరి ఎవరికో ఇచ్చారనే సమాచారం రాహుల్ గాంధీకి చేరింది.

దాంతో, ఆయన అప్రమత్తమయ్యారు. ఫిర్యాదులపై ఆరా తీశారు. అభ్యర్థులపై రహస్య నివేదికలు తెప్పించుకున్నారు. తనకు వచ్చిన సమాచారం నిజమేనని ధ్రువీకరించుకున్నారు. దాంతో, తొలి జాబితా ప్రకటనను నిలిపివేసి, హుటాహుటిన ఢిల్లీకి రావాలని కాంగ్రెస్‌ తెలంగాణ వ్యవహారాల ఇన్‌చార్జి ఖుంటియా, పీసీసీ చీఫ్‌ ఉత్తమ్‌ కుమార్‌ రెడ్డిలను ఆదేశించారని అత్యంత విశ్వసనీయ వర్గాలు తెలిపాయి. వచ్చిన వెంటనే జాబితాపై ఇద్దరినీ తీవ్రంగా మందలించినట్లు సమాచారం. వారు ఇంట్లోకి ప్రవేశించిన వెంటనే.. తన వద్ద ఉన్న జాబితా చూపించి.. ‘‘ఇదేం జాబితా!? నేను చెప్పిందేమిటి!? జరిగిందేమిటి.?’’ అంటూ తీవ్ర ఆగ్రహం వ్యక్తం చేసినట్లు తెలిసింది. పారాచూటర్లతోపాటు క్రోనీ క్యాపిటలిస్టులు, కోవర్టులకు ఎందుకు సీట్లు ఇస్తున్నారంటూ ప్రశ్నించినట్లు సమాచారం.

అవకతవకలు జరిగాయని చెబుతున్న కనీసం 25 మంది పేర్లను ఆయన వారి దృష్టికి తీసుకొచ్చినట్లు తెలిసింది. ఒక్కో పేరును ప్రస్తావించి.. వారి నేపథ్యం కూడా రాహుల్‌ చెప్పడంతో ఉత్తమ్‌, ఖుంటియా నిర్విణ్ణులైనట్లు సమాచారం. అభ్యంతరాలున్న పేర్లపై సమీక్ష చేసి మళ్లీ జాబితా సిద్ధం చేయాలని ఆదేశించారు. దాంతో, సోమవారం రాత్రి పొద్దుపోయాక మొదటి జాబితా విడుదల చేసారు. ఇదే జరక్కపోయి ఉంటే, కేసీఆర్ వ్యూహం పారేది. ఈ 30 చోట్ల, బలంగా ఉన్న నేతలు గొడవలు చేసే వారు, రెబెల్స్ గా వేసే వారు, కూటమి ఫెయిల్ అనే ప్రచారం మొదలయ్యేది. అంతే కాదు తన కోవర్ట్ ల ద్వారా, మరింత బలహీన పరిచే వారు. ఇప్పుడు కేసీఆర్ అనుకున్నది జరగలేదు. చంద్రబాబు అప్రమత్తంగా ఉండటంతో, పెద్ద ప్రమాదమే తప్పింది. చంద్రబాబు వేసిన దెబ్బతో, కేసీఆర్ చివరి రాజకీయ ప్రయత్నం కూడా బెడిసి కొట్టింది. ఇక ప్రజా తీర్పు కోసం ఎదురు చూడటమే...

రాఫెల్ యుద్ధ విమానాల కుంభకోణం నిజమే అని మరో వార్తా సంస్థ పరిశోధనలో తేలిపోయింది. ఈ కధనంతో రాఫెల్‌ డీల్‌లోని చీకటి కోణాలు వెలుగులోకి వచ్చాయి. ధర విషయంలో దోపిడీ జరిగిందని స్పష్టంగా తేలిపోయింది. అంతా ఇంతా కాదు, ఏకంగా 40 శాతం మొత్తానికి టెండరు పెట్టినట్లు స్పష్టమైంది. ప్రభుత్వరంగ సంస్థ అయిన ‘హాల్‌’ను పక్కనపెట్టి అనిల్‌ అంబానీకి మేలు చేసిన వైనం కూడా బయటపడింది. పాత, కొత్త ఒప్పందాలపై సేకరించిన కీలక పత్రాల ఆధారంగా ‘బిజినెస్‌ స్టాండర్డ్‌’ ఈ సంచలన కథనం ప్రచురించింది. 2012 ఒప్పందం ప్రకారం, దసో సంస్థ ఒక్కో రాఫెల్‌ విమానాన్ని 15.5 కోట్ల యూరోల (రూ. 1000 కోట్లు)కు అందించేందుకు ముందుకు వచ్చింది.

18 రాఫెల్‌ విమానాలను ఫ్రాన్స్‌లోనే తయారు చేసి ‘రెడీ టు ఫ్లై’ దశలో భారత్‌కు అప్పగిస్తారు. మరో 108 విమానాలను బెంగళూరులోని ‘హాల్‌’లో తయారు చేసేందుకు వీలుగా దసో, థేల్స్‌, స్నెకా సంస్థలు పరికరాలను, పరిజ్ఞానాన్ని అందిస్తాయి. అదే విమానం! అవే నిబంధనలు! అయితే.. ఒకేసారి 36 కొనేయాలని మోదీ సర్కారు నిర్ణయించింది. వీటికి 7800 కోట్ల యూరోలు చెల్లించేలా 2016లో ఒప్పందం కుదుర్చుకుంది. అంటే... సగటున ఒక్కో విమానం విలువ 21.7 కోట్ల (రూ. 1600 కోట్లు) యూరోలు. నాలుగేళ్లలో ఒక్క విమానం విలువ రూ.600 కోట్లు పెరిగిపోయింది. అంటే.. రాఫెల్‌కు మోదీ సర్కారు 40 శాతం అదనపు ధర చెల్లిస్తోంది. ఇది... ‘‘నిజానికి మా డీల్‌లో 9 నుంచి 20 శాతం ధర తగ్గుతోంది. పాత ఒప్పందంలో ఆయుధాలు, స్పేర్‌ పార్టులు, నిర్వహణ గ్యారెంటీ వంటివి లేవు’’ అని రక్షణ మంత్రి నిర్మలా, ఆర్థిక మంత్రి అరుణ్‌ జైట్లీ ప్రకటించారు.

కానీ... వీరు చెప్పింది పచ్చి అబద్ధాలని ‘బిజినెస్‌ స్టాండర్డ్‌’ తేల్చింది. ధరలో మార్పు మాత్రమే కాదు... రాఫెల్‌ డీల్‌లో మరో కీలకమైన పరిణామం చోటు చేసుకుంది. అది.. హాల్‌ స్థానంలో అనిల్‌ అంబానీకి చెందిన ‘రిలయన్స్‌ డిఫెన్స్‌ లిమిటెడ్‌’ రంగ ప్రవేశం. ప్రధాని మోదీ ఫ్రాన్స్‌లో రాఫెల్‌ డీల్‌పై ప్రకటన చేయడానికి కేవలం 10 రోజుల ముందే ఈ సంస్థ పుట్టింది. కాగా.. రాఫెల్‌ కొనుగోలుకు సంబంధించిన వివరాలను కేంద్ర ప్రభుత్వం సీల్డ్‌ కవర్‌లో సుప్రీం కోర్టుకు సమర్పించింది. మరో 16 పేజీల్లో ఇతర వివరాలను అందించారు.