news

మైనింగ్ కింగ్ గాలి జనార్ధన్‌రెడ్డి ఉన్నట్టుండి కనిపించకుండా అజ్ఞాతంలోకి వెళ్లడం సంచలనంగా మారిన విషయం తెలిసిందే. దాదాపు రూ. 600 కోట్ల ‘అంబిడెంట్’ కంపెనీ స్కామ్‌ కేసులో జనార్ధన్‌రెడ్డి పేరు ఉన్నట్లు వార్తలు రావడంతో ఆయన కనిపించకుండా పోయారని అనుకుంటున్నారు. అయితే గాలి జనార్ధన్‌రెడ్డి కనిపించకుండా పోవడం వెనుక ఏం జరిగిందనే విషయం పై జాతీయ మీడియా కధనం రాసింది. ‘అంబిడెంట్’ కేసు విచారణకు ఇంచార్జిగా ఇటీవల ఏడీజీపీ అలోక్ కుమార్‌ నియమితులయ్యారు. ఈ నేపథ్యంలో ఫరీద్‌ను అలోక్ తనదైన శైలిలో విచారించారు. తాను.. ప్రజలను మోసం చేసిన మాట వాస్తమేనని, తనకు డబ్బున్న స్నేహితులు ఉన్నారని, వాళ్ల సాయంతో ప్రజల డబ్బు మొత్తం తిరిగి ఇచ్చేస్తాని ఏడీజీపీ అలోక్‌కు ఫరీద్ ప్రామిస్ చేశాడు.

ఆ రిచ్ ఫ్రెండ్స్ ఎవరో చెప్పాలంటూ ఫరీద్‌పై సీసీబీ అధికారులు ఒత్తిడి తెచ్చారు. దీంతో అలీఖాన్ పేరును ఫరీద్ బయటపెట్టాడు. అతడు జనార్ధన్‌రెడ్డికి అనుచరుడని కూడా చెప్పడంతో పోలీసులు ఆశ్చర్యపోయారు. నిందుతుడు ఫరీద్.. గాలిజనార్ధన్‌రెడ్డి పేరును బయటపెట్టడంతో ఏడీజీపీ అలోక్ వర్మ ఆ విషయాన్ని వెంటనే సీఎం కుమారస్వామి తెలియజేశారు. రాష్ట్రంలో ఉప ఎన్నికలు జరుగుతున్న నేపథ్యంలో ఆ విషయం బయటకు పొక్కకూడదని, ఎన్నికల సమయంలో గాలి జనార్ధన్‌రెడ్డిని అరెస్టు చేస్తే రాజకీయ లాభాల కోసం చేశారనే అపవాదు వస్తుందని, అందుకే గాలి అరెస్టును కూడా ఎన్నికలు పూర్తయ్యే వరకు ఆపాలని సీఎం చెప్పినట్లు తెలుస్తోంది. అయితే అలీఖాన్‌ను మాత్రం అరెస్టు చేయడానికి అవకాశం ఉందని పోలీసుల నుంచి సమాచారం రావడంతో అతడు ముందస్తు బెయిల్‌ కోసం దరఖాస్తు చేసుకున్నాడు. అయితే గాలి జనార్ధన్‌రెడ్డి మాత్రం అప్పటి నుంచి కనిపించకుండా పోయారు.

ఫరీద్‌ను విచారిస్తున్న సీసీబీకి పలు ఆసక్తికర విషయాలు తెలిశాయి. ఫరీద్ స్నేహితుల గురించి ఆరా తీయగా హెచ్ఎస్ఆర్ లేఅవుట్ రియల్టర్ బ్రిజేష్ రెడ్డి పేరు బయటకు వచ్చింది. అతడి ద్వారానే ఫరీద్‌కు, జనార్ధన్‌రెడ్డికి మధ్య ఫస్ట్ మీటింగ్ జరిగినట్లు తెలిసింది. ఈ ఏడాది మార్చిలో పోష్ బెంగళూరు హోటల్‌లో గాలి జనార్ధన్‌రెడ్డిని కలిసినట్లు సీసీబీ కస్టడీలో ఉన్న ఫరీద్ అంగీరించాడు. తాజ్ వెస్ట్ ఎండ్ హోటల్‌లో జరిగిన మీటింగ్‌కు సంబంధించి ఫరీద్ ఫోన్ నుంచి 21 ఫోటోలను సీసీబీ పోలీసులు స్వాధీనం చేసుకున్నారు. ఫొటోలకు జియో ట్యాగింగ్ ఉండడంతో వాటిపై డేట్, టైమ్ కూడా రికార్డ్ అయినట్లు అధికారులు చెబుతున్నారు. రూ. 18 కోట్ల లావాదేవీలకు సంబంధించి రమేష్ కొతారికి చెందిన అంబికా సేల్స్ కార్పొరేషన్‌ నుంచి ఆరు ఓచర్లను సీసీబీ అధికారులు స్వాధీనం చేసుకున్నారు. కొద్ది రోజులుగా గాలి జనార్ధన్‌రెడ్డి అజ్ఞాతంలో ఉండడంతో అతడు దేశం విడిచి పారిపోకుండా లుక్ అవుట్ నోటీసులను జారీ చేశారు. దేశంలోని విమానాశ్రాయాలు, ఓడ రేవులను అప్రమత్తం చేశారు. గాలి ఆచూకీ కనుగొనేందు కోసం సీసీబీ నాలుగు ప్రత్యేక బృందాలను ఇప్పటికే రంగంలోకి దింపింది.

ఆంధ్రప్రదేశ్ లో చీమ చిటుక్కు మన్నా, అదేదో బ్రహ్మాండం బద్దలు అయిపోయినట్టు మీడియా హడావడి చేస్తూ ఉండేది. తెలంగాణాలో, ఘోర ప్రమాదాలు జరిగినా, 62 మంది చనిపోయినా, రోడ్ల పై వరుస పెట్టి పరువు హత్యలు జరిగినా, కనీసం ప్రభుత్వాన్ని ఎదురించేలేని పిరికి వాళ్ళులా మీడియా తయారయ్యారు. కేసీఆర్ మీద ఒక్కటంటే ఒక్క నెగటివ్ వార్తా రాసే దమ్ము లేదు. అయితే, తెలంగాణా ప్రజల్లో మాత్రం, కేసీఆర్ పై పూర్తి వ్యతిరేకత ఉంది. ఎన్నికల ప్రచారంలో ప్రజలు, తెరాస నాయకులకి ఎలా చుక్కలు చూపిస్తున్నారో చూసాం. దాదపుగా కేసీఆర్ ఓడిపోతున్నాడు అనే వాతావరణం వచ్చేసింది. ఇది రోజు రొజుకి బలపడుతూ ఉండటంతో, ఇక మీడియా కూడా ఓపెన్ అయినట్టు ఉంది. అందుకే మొదటి సారి కేసీఆర్ పై వచ్చిన నెగటివ్ వార్తాని పెద్ద ఎత్తున ఈ రోజు ప్రచారం చేసాయి.

తెలంగాణ అసెంబ్లీకి జరిగే ఎన్నికల్లో మహాకూటమి ఘనవిజయం సాధించే అవకాశం ఉందని.. ఏబీపీ న్యూస్‌, రిపబ్లిక్‌ టీవీ కోసం సీ-వోటర్‌ (సెంటర్‌ ఫర్‌ ఓటింగ్‌ ఒపీనియన్స్‌ అండ్‌ ట్రెండ్స్‌) చేసిన సర్వేలో తేలింది. ఇదే విషయం ఈ రోజు అన్ని పత్రికలు, చానల్స్ ప్రధానంగా వెయ్యటంతో, మన మీడియాకి ఇంత ధైర్యం ఎక్కడ నుంచి వచ్చిందని ప్రజలు అనుకుంటున్నారు. కాంగ్రెస్‌-టీడీపీ కూటమికి 64 సీట్లతో సాధారణ మెజారిటీ వస్తుందని.. టీఆర్‌ఎస్‌కు 42 సీట్లు వచ్చే అవకాశం ఉందని సర్వే నివేదిక తేల్చింది. అలాగే, బీజేపీకి 4 సీట్లు.. ఇతరులకు 9 సీట్లు వచ్చే చాన్స్‌ ఉంది. ఓట్ల శాతం చూస్తే, మహాకూటమికి 33.9 శాతం ఓట్లు.. టీఆర్‌ఎస్‌కు 29.4 శాతం ఓట్లు వస్తాయని సర్వే నివేదిక తేల్చింది.

\

ఇప్పటివరకూ తెలంగాణపై వచ్చిన అన్ని సర్వేలూ టీఆర్‌ఎస్సే గెలుస్తుందని చెబుతుండగా.. మహాకూటమి గెలుస్తుందని తేల్చిన మొదటి సర్వే ఇదే! ఇక.. ముఖ్యమంత్రి అభ్యర్థి విషయానికి వస్తే మాత్రం సర్వేలో పాల్గొన్నవారిలో అత్యధికులు కేసీఆర్‌వైపే మొగ్గు చూపారు. మొత్తం 42.9 శాతం మంది కేసీఆరే సీఎం కావాలని కోరుకోగా.. 27 శాతం మంది వేరెవరైనా అయితే బాగుంటుంది/ఇంకా తేల్చుకోలేదు అని చెప్పారు. 22.6 శాతం మంది జానారెడ్డిని సీఎం అభ్యర్థిగా బలపరచగా.. 7.2% మంది రేవంత్‌ రెడ్డి సీఎం అయితే బాగుంటుందన్నారు. తెలంగాణలో పరిస్థితిని ఒక్కమాటలో చెప్పాలంటే.. కేసీఆర్‌కు వ్యక్తిగతంగా ప్రజాదరణ ఉన్నా, ఎన్నికల లెక్కలు మాత్రం మహాకూటమికి అనుకూలంగా ఉన్నట్టు తేల్చిచెప్పింది.

టీడీపీ ఎంపీలు, ఎమ్మెల్యేలు, మద్దతుదారులైన పారిశ్రామికవేత్తలపై ఐటీ, ఈడీ దాడులు జరగబోతున్నాయనేది తనకు వచ్చిన విశ్వసనీయ వార్త అని సినీ దర్శకుడు, నిర్మాత తమ్మారెడ్డి భరద్వాజ తెలిపారు. తనకు తెలిసిన విషయాన్నే తాను చెప్పానని అన్నారు. ఆపరేషన్ గరుడ విషయంలో సినీ హీరో శివాజీని లోపల వేసి, విచారణ జరిపించాలని బీజేపీ, వైసీపీ నేతలు డిమాండ్ చేస్తున్నారని, ఇప్పుడు మిమ్మల్ని కూడా ఇన్వెస్టిగేట్ చేయమంటారేమో అనే ప్రశ్నకు బదులుగా... విచారణ చేసుకోవాలనుకుంటే చేసుకోవచ్చని చెప్పారు. ఇందులో భయపడాల్సిన అవసరం లేదని అన్నారు. తనకు తెలిసిన విషయాన్నే తాను చెప్పానని తెలిపారు.

ఏపీకి స్పెషల్ స్టేటస్ ఇస్తామని చెప్పి ఇవ్వకపోవడం వల్లే ఎన్డీయే నుంచి టీడీపీ బయటకు వచ్చిందని, అందువల్లే టీడీపీని ఇబ్బందులపాలు చేసే ప్రయత్నాన్ని బీజేపీ చేస్తోందని తమ్మారెడ్డి విమర్శించారు. టీడీపీకి చెందిన నేతలను దొంగలుగా చూపించడం వల్ల, జనాల్లో టీడీపీని చులకన చేయాలనేది బీజేపీ ఆలోచన అని చెప్పారు. 30 మంది ఎంపీలు, ఎమ్మెల్యేలను దొంగలుగా చూపెడితే... ఓటర్లలో దాని ప్రభావం ఎంత స్థాయిలో ఉంటుందో ఊహించగలమని అన్నారు. తనకు చంద్రబాబుపై ప్రత్యేకమైన అభిప్రాయం ఏమీ లేదని, గతంలో ఆయనను విమర్శించిన సందర్భాలు కూడా ఉన్నాయని చెప్పారు. అయితే, ప్రజలు ఎన్నుకున్న ప్రభుత్వాన్ని ఇబ్బందులకు గురి చేయడం మాత్రం ప్రజాస్వామ్యానికి మంచిది కాదని అన్నారు.

తనకు ఎదురు తిరిగిన వారందరినీ తొక్కేయాలనుకోవడం నియంతృత్వం అవుతుందని, అది ప్రజాస్వామ్యం కాదని తమ్మారెడ్డి తెలిపారు. టీడీపీ నేతలు దొంగలైనప్పుడు ఎన్డీయేతో టీడీపీ కలిసున్నప్పుడే దాడులు చేసి ఉండవచ్చని... విడిపోయిన తర్వాతే ఎందుకు చేయాలని ప్రశ్నించారు. ఇదంతా అవకాశవాదమే అని చెప్పారు. దక్షిణాదిలో పాతుకుపోవడం అంత ఈజీ కాదనే విషయం కర్ణాటక ఉపఎన్నికల్లో బీజేపీకి తెలిసిపోయిందని... అందుకే 'ఆపరేషన్ బి'ని ప్రారంభించారని అన్నారు. కాంగ్రెస్ ను ఇంత వరకు విమర్శించామని... కానీ, బీజేపీ ఇంకా దుర్మార్గంగా వ్యవహరిస్తోందని మండిపడ్డారు. దేశంలోని కీలక వ్యవస్థలను కూడా తమ లబ్ధి కోసం నాశనం చేస్తున్నారని అన్నారు.