news

ప్రముఖ సినీ నిర్మాత, దర్శకుడు తమ్మారెడ్డి భరద్వాజ, రాజకీయాలు మాట్లాడితే, ఎక్కువగా చంద్రబాబుని, తెలుగుదేశం ప్రభుత్వాన్ని టార్గెట్ చేస్తూ మాట్లాడుతారు. చాలా సార్లు యుట్యూబ్ వీడియోల్లో కూడా చంద్రబాబుని తిడుతూ ఉండటం చూసాం. అయితే నిన్న ఒక టీవీ ఛానల్ కు బ్రేక్ చేసిన సెన్సేషనల్ స్టొరీలో, తమ్మారెడ్డి భరద్వాజ టిడిపి నేతలు, ఎమ్మెల్యేల పేర్లు చెప్పి సంచలన వ్యాఖ్యలు చేశారు. శివాజీ ఆపరేషన్ గరుడ మర్చిపోక ముందే, ఇప్పుడు తమ్మారెడ్డి 'ఆపరేషన్ బీ' అనేది కేంద్ర ప్రభుత్వం మొదలు పెడుతుందని చెప్పి, అందరినీ ఆశ్చర్య పరిచారు.

కర్ణాటక ఉపఎన్నికల్లో బీజేపీ దారుణ పరాభవాన్ని మూటగట్టుకున్న తర్వాత... ఆ పార్టీ ఏపీపై మరింత తీవ్ర స్థాయిలో దాడికి తెగబడబోతోందనే వార్తలు తన వరకు వచ్చాయని ఆయన తెలిపారు. రానున్న 15 రోజుల్లో టీడీపీ సానుభూతిపరులైన ప్రముఖులు, తెలంగాణ, ఏపీలో టీడీపీకి అనుకూలంగా ఉన్న పారిశ్రామికవేత్తలు, ఈ పార్టీ ఎంపీలు, ఎమ్మెల్యేలపై ఈడీ, ఐటీ దాడులు జరగబోతున్నట్టు తన వద్ద సమాచారం ఉందని చెప్పారు. ప్రధాని కార్యాలయంలో ఉన్న ఒక కీలక అధికారి ఈ దాడులను పర్యవేక్షిస్తున్నారని తెలిపారు. దాడులు రేపట్నుంచి 15 రోజుల్లోగా జరగవచ్చని చెప్పారు.

ఏపీలోని దాదాపు 30 మంది ప్రముఖులపై ఐటీ దాడులకు స్కెచ్‌ వేశారని వారి పేర్లు కూడా చెప్పారు. ఐటీ టార్గెట్ లో ఏపీ మంత్రులు నారాయణ, గంటా శ్రీనివాసరావు, శిద్ధా రాఘవరావు ఉన్నట్టు సమాచారం ఉందని చెప్పారు. ఎంపీలు సీఎం రమేష్‌, మురళీ మోహన్‌ ను కూడా టార్గెట్ చేసారని చెప్పారు. ఎమ్మెల్యేలు బూరుగుపల్లి శేషారావు, ఆలపాటి రాజేంద్రప్రసాద్‌, కొమ్మాలపాటి శ్రీధర్‌, వల్లభనేని వంశీ, బోడే ప్రసాద్‌ కూడా ఈ లిస్టు లో ఉన్నారని చెప్పారు. కేఎల్‌ యూనివర్సిటీ అధినేతపై ఐటీ దాడులు జరిగే అవకాశం ఉందని, ఐటీ టార్గెట్‌లో విజయవాడలోని, డీవీ మేనర్‌, గేట్‌వే హోటళ్ల అధినేతలు కూడా ఉన్నట్టు తన వద్ద సమాచారం ఉందని చెప్పారు. దీని పై ఎటువంటి విచారణకైనా సిద్ధమని, తనను విచారిస్తే, ఈ విషయం ఎలా తెలిసిందో, దర్యాప్తు సంస్థలకి చెప్తానని చెప్పారు. చంద్రబాబుని విమర్శిస్తూనే ఉంటానని, కాని, ఒక రాజ్యాంగబద్ధంగా ఎన్నికైన ప్రభుత్వం పై, ఢిల్లీ వాళ్ళు కుట్రలు చేస్తా ఉంటే, ఆ కుట్రలు నాకు తెలిస్తే, ప్రజలకు చెప్పకుండా ఉండలేనని అన్నారు.

5 ఏళ్ళు పాలించమంటే, 4 ఏళ్ళకే చాప చుట్టేసి, ఎందుకు చుట్టేసారో ప్రజలకు సరైన వివరణ ఇవ్వకుండా, ముందస్తు ఎన్నికలు అన్నాడు కేసీఆర్. సరే, ఈ 4 ఏళ్ళలో తాను ఏమి చేసాడో చెప్తున్నాడా అంటే, అదేమీ లేకుండా, కేవలం చంద్రబాబు మీద పడి ఏడుస్తున్నాడు. అదేంటి చంద్రబాబు 0.01% ఓట్లు ఉన్నాడు అని కేసీఆర్ అన్నాడు కదా, మరి చంద్రబాబు మీద పడి ఏడవటం ఎందుకు అంటే, ఒక్కడి దగ్గర సమాధానం లేదు. కేసీఆర్ పరిపాలనలో చెప్పుకోవటానికి ఏమి లేదు. ప్రతిపక్షంలో ఉన్న కాంగ్రెస్ ని అంటే పెద్దగా ఉపయోగం ఉండదు. అదే చంద్రబాబుని బూచిగా చూపిస్తే, ఓట్లు రాలతాయని కేసీఆర్ దిక్కుమాలని ఆలోచన. అందుకే అసెంబ్లీ ఎన్నికల ప్రచారంలో కూటమి భాగస్వామ్య పక్షాలు కాంగ్రెస్‌, టీడీపీ, టీజేఎస్‌, సీపీఐతోపాటు ఏపీ సీఎం చంద్రబాబును ప్రధానంగా టార్గెట్‌ చేయాలని కేసీఆర్ నిర్ణయం తీసుకున్నారు.

చంద్రబాబుపై తాము చేస్తున్న రాజకీయ విమర్శలు తెలంగాణలోని సీమాంధ్ర ఓటర్లను ప్రభావితం చేసే అంశాన్ని బేరీజు వేసుకున్న తర్వాత కేసిఆర్ ఈ నిర్ణయం తీసుకున్నారని తెరాస నేతలు చెప్తున్నారు. ఇటీవల కేసీఆర్‌, మంత్రులు కేటీఆర్‌, హరీశ్‌రావు తదితరులు కాంగ్రెస్‌, టీడీపీపైనే కాకుండా, చంద్రబాబుపైనా తీవ్ర విమర్శలు చేస్తున్న విషయం తెలిసిందే. దీనిపై రాజకీయ ప్రత్యర్థుల నుంచి ప్రతి విమర్శలు వస్తున్నాయి. అదే సమయంలో.. చంద్రబాబును విమర్శిస్తే.. తెలంగాణలోని సీమాంధ్ర ఓటర్లు టీఆర్‌ఎ్‌సకి దూరమవుతారనే ప్రచారం జరుగుతోంది. దీని పై పార్టీ కేసిఆర్ క్షేత్రస్థాయిలో సర్వేలు చేయించడంతో పాటు, జగన్, పవన్ నుంచి కూడా హామీ పొందినట్టు తెలుస్తుంది.

రాష్ట్రంలో సీమాంధ్ర ఓటర్లు అధికంగా ఉండే ప్రాంతాల నుంచి కేసీఆర్‌ స్వయంగా ఫీడ్‌బ్యాక్‌ తీసుకున్నారు. స్థానికంగా పార్టీ అభ్యర్థులు, ఇతర ముఖ్య నేతలతో మాట్లాడి వారి మనోగతాన్ని తెలుసుకున్నారు. అంతే కాదు, జగన్, పవన్ కూడా పూర్తి సహకారం అందిస్తారని చెప్పారని, ఇవన్నీ చుసిన తరువాత , చంద్రబాబును విమర్శిస్తే సీమాంధ్ర ఓటర్లు గంపగుత్తగా టీఆర్‌ఎ్‌సకి దూరం కాబోరనే అభిప్రాయానికి టీఆర్‌ఎస్‌ అధిష్ఠానం వచ్చిందని సమాచారం. ఈ నేపథ్యంలోనే, గత రెండు, మూడు రోజులుగా చంద్ర బాబుపై విరుచుకుపడటాన్ని టీఆర్‌ఎస్‌ నేతలు తిరిగి కొనసాగిస్తున్నారు. రాబోయే రోజుల్లో ఈ విమర్శల తీవ్రత మరింత పెరిగే అవకాశం ఉంది. చూద్దాం, కేసీఆర్ సరైన నిర్ణయం తీసుకున్నాడో, లేక తెలంగాణా ప్రజలు సరైన నిర్ణయం తీసుకొంటారో.

జగన్ పై కోడి కత్తి దాడి కేసులో ప్రజలందరూ లేవనెత్తిన ప్రశ్నలే, ఈ రోజు కోర్ట్ కూడా అడిగి, మరో ట్విస్ట్ ఇచ్చింది. జగన్ పై కోడి కత్తి దాడి జరిగింది విశాఖ ఎయిర్ పోర్ట్ లో అని అందరికీ తెలిసిందే. అది కేంద్రం ప్రభుత్వ ఆధీనంలో ఉంటుంది. ఇదే విషయం కోర్ట్ కూడా అనుమానం వ్యక్తం చేసింది. ఇలాంటి చోట జగన్ పై దాడి కేసులో హత్యా యత్నం జరిగిందన్నప్పుడు గాయపడిన వ్యక్తిని విమానం ఎందుకు ఎక్కనిచ్చారు? వైజాగ్ నుంచి హైదరాబాద్ ఎలా వెళ్ళనిచ్చారు ? గాయమైన వ్యక్తిని ఎవరి ఆదేశాల ప్రకారం ఫ్లిట్ ఎక్కించారు అని కోర్ట్ ప్రశ్నించింది.

ఈ విషయంలో నిబంధనలు ఏమి చెప్తున్నాయో చెప్పాలని, దీని పై పూర్తి నివేదిక ఇవ్వాలని కోర్ట్ కోరింది. ఈ ప్రశ్నలకు సమాధానం, కేంద్ర ప్రభుత్వం కాని, CISF కాని, ఎయిర్ పోర్ట్ అథారటీ కాని చెప్పాల్సి ఉంటుంది. ఇలాంటి అనుమానాలే ముఖ్యమంత్రి చంద్రబాబు లేవనేట్టితే, చంద్రబాబు హేళన చేస్తున్నారని జగన్, పవన్, బీజేపీ విమర్శలు చేసాయి. ఇప్పుడు కోర్ట్ కూడా అదే విషయం అడిగింది. మరో పక్క, వాదనలు విన్న కోర్టు 161 సీఆర్పీసీ కింద, జగన్ మోహన్ రెడ్డి, పోలీసుల విచారణకు ఎందుకు సహకరించలేదని ప్రశ్నించింది.

ఏపీ పోలీసుల దర్యాప్తుపై తమకు విశ్వాసం లేదని, థర్డ్ పార్టీ ద్వారా కేసు దర్యాప్తు ప్రారంభించాలని జగన్ తరపు న్యాయవాది తెలియజేశారు. ఈ కేసుకు సంబంధించి ఇప్పటి వరకు జరిగిన సిట్ నివేదికను వచ్చే మంగళవారానికి సీల్డ్ కవర్‌లో కోర్టుకు అందించాలని ఆదేశిస్తూ తదుపరి విచారణను వాయిదా వేసింది. శుక్రవారం పిటిషన్‌పై హైకోర్టులో విచారణకు రాగా జగన్ తరపు న్యాయవాది సివి.మోహన్‌రెడ్డి తన వాదనలు వినిపించారు. జగన్‌పై కత్తితో దాడికి పాల్పడిన జె.శ్రీనివాస్‌కు విశాఖ మూడో మెట్రో పాలిటన్‌ న్యాయస్థానం రిమాండ్‌ పొడిగించింది. ఈ నెల 23 వరకు రిమాండ్‌ పొడిగిస్తూ న్యాయమూర్తి ఉత్తర్వులు జారీచేశారు.