news

కాంగ్రెస్ పార్టీకి చేతకానిది, మమతాకి చేతకానిది, చంద్రబాబు రెండు సార్లు ఢిల్లీ వెళ్లి సెట్ చేసారు. మమత, కమ్యూనిస్ట్ లు, ఆప్, ఎన్సీపీ, ఫరుఖ్ అబ్దుల్లా, కాంగ్రెస్, ఇలా అందరూ చంద్రబాబు వెంటే ఉన్నారు. దేశంలో వ్యవస్థలు నాశనం అవుతుంటే, అన్ని విపక్షాలని కలుపుకు వెళ్ళాల్సిన కాంగ్రెస్ వదిలేయటంతో, మోడీ-షా ని ఎదుర్కోవటానికి చంద్రబాబు రంగంలోకి దిగారు. ఈ రోజు చంద్రబాబు హస్తినలో బిజీబిజీగా గడుపుతున్నారు. మహాకూటమి ఏర్పాటు దిశగా చంద్రబాబు చర్చలు చేపట్టారు. పర్యటనలో భాగంగా శరద్‌పవార్, ఫరూక్ అబ్దుల్లాతో చంద్రబాబు భేటీ అయ్యారు. పలు అంశాలపై మంతనాలు నిర్వహించారు. అనంతరం ఫరూక్ అబ్దుల్లా మాట్లాడారు. సీబీఐ, ఆర్బీఐలలో ఏం జరుగుతోందో చర్చించామని తెలిపారు.

అలాగే సాధారణ ఎన్నికలు, దేశంలో జరుగుతున్న పరిణామాలపై కూడా చర్చించామన్నారు. కేంద్ర వ్యవస్థల నిర్వీర్యం వంటి అంశాలు కూడా చర్చకు వచ్చామని తెలిపారు. శరద్‌పవర్‌ మాట్లాడుతూ.. సేవ్ కంట్రీ, సేవ్ డెమోక్రసీ అనే నినాదంతో ముందుకెళ్తున్నామన్నారు. దేశం క్లిష్ట పరిస్థితులల్లో ఉందని, ప్రజాస్వామ్యం ప్రమాదంలో పడిందని ఆవేదన వ్యక్తం చేశారు. అందుకోసమే ప్రజాస్వామ్య పరిరక్షణకు కలిసి పనిచేయాలని నిర్ణయం తీసుకున్నామని వెల్లడించారు. చంద్రబాబు మాట్లాడుతూ.. శరద్‌పవార్, ఫరూక్ అబ్దుల్లా దేశంలోనే సీనియర్‌ నేతలు అని చెప్పారు. దేశంలో పరిస్థితి రోజు రోజుకు దిగజారిపోతుందని వ్యాఖ్యానించారు. వ్యవస్థలు నిర్వీర్యం అవుతున్నాయని తెలిపారు. సీనియర్‌ నాయకులుగా మేమంతా ఆందోళన చెందుతున్నామని స్పష్టం చేశారు. అందరం కలిసి భవిష్యత్‌ కార్యాచరణ నిర్ణయిస్తామని పేర్కొన్నారు. భవిష్యత్‌ తరాలు, దేశాన్ని రక్షించడానికి పూనుకోవాలనుకున్నామని వివరించారు.

కాంగ్రెస్‌ అధ్యక్షుడు రాహుల్‌ గాంధీతో దిల్లీలో భేటీ అయ్యారు. భాజపాయేతర పార్టీలను ఏకతాటిపైకి తేవడమే లక్ష్యంగా రాహుల్‌తో సమావేశమయ్యారు. రాహుల్‌ నివాసానికి వెళ్లిన చంద్రబాబు ఆయనకు వీణను బహూకరించారు. దేశంలో భాజపాయేతర పార్టీలతో కూటమి ఏర్పాటుపైనే ప్రధానంగా రాహుల్‌తో చర్చించారు. రాహుల్‌తో భేటీలో సీఎం చంద్రబాబు వెంట ఎంపీలు సీఎం రమేశ్‌, గల్లా జయదేవ్‌, కనకమేడల రవీంద్రకుమార్‌, మంత్రులు కళా వెంకట్రావు, యనమల రామకృష్ణుడు, మాజీ ఎంపీ కంభంపాటి రామ్మోహన్‌ రావు ఉన్నారు.

తెలంగాణలో పార్టీల బలాబలాలపై ఏఐసీసీ పలు సర్వేలు చేయించింది. దీనికి సంబంధించి కీలకమైన సమాచారం పార్టీ అధినేత రాహుల్ గాంధీ వద్ద ఉన్నట్లు పార్టీ వర్గాలు చెబుతున్నాయి. కాంగ్రెస్ నిర్వహించిన సర్వేలో షాకింగ్ రిజల్ట్స్ వచ్చినట్లు తెలుస్తోంది. ఇటీవల ఐఏసీసీ దూతలు.. కాంగ్రెస్‌తో పాటు టీడీపీ బలంగా ఉన్న నియోజకవర్గాలపై అంతర్గత సర్వే నిర్వహించారు. 35 నియోజకవర్గాల్లో గెలుపు నల్లేరుమీద నడకే అని సర్వేలో తేలినట్లు సమాచారం. ఈ స్థానాల్లో కాంగ్రెస్, టీడీపీ నుంచి ఎవరు పోటీ చేసినా గెలుస్తారని సర్వేలో వెల్లడైనట్లు సమాచారం. 35 నియోజకవర్గాల్లో ఎక్కువగా టీడీపీ బలంగా ఉందని సర్వేలో తేలినట్లు పార్టీ వర్గాలు చెబుతున్నాయి.

గత ఎన్నికల్లో టీడీపీ నుంచి గెలిచిన వారు పార్టీ మారినప్పటికీ.. ఆయా నియోజకవర్గాల్లో టీడీపీ బలంగా ఉనట్లు సమాచారం. అదేవిధంగా పలు నియోజకవర్గాల్లో టీఆర్ఎస్‌పై తీవ్ర వ్యతిరేకత ఉందని నివేదికలో వెల్లడైనట్లు పార్టీ వర్గాలు చెబుతున్నాయి. టీడీపీ బలంగా ఉన్న నియోజకవర్గాల జాబితాను పార్టీ నాయకులు ప్రత్యేకంగా రాహుల్ గాంధీకి అందజేశారు. సర్వే నివేదిక, మహాకూటమి పొత్తులు, తాజా పరిస్థితిపై చర్చించేందుకు టీపీసీసీ చీఫ్‌ ఉత్తమ్‌ను ఢిల్లీకి రావాల్సిందిగా పార్టీ అధినేత రాహుల్ గాంధీ ఆదేశించారు. ఈ నేపథ్యంలో ఉత్తమ్ ఢిల్లీకి వెళ్లారు. సర్వేలో తేలిన 35 సీట్లలో గెలుపు ఖాయం కాబట్టి.. మరో 25 స్థానాలపై దృష్టి సారిస్తే అధికారం ఖాయం అని కాంగ్రెస్ వర్గాలు ధీమా వ్యక్తం చేస్తున్నాయి.

కాంగ్రెస్ సర్వేలో టీడీపీ బలంగా ఉందని తేలిన నియోజకవర్గాలు ఇవే... దేవరకద్ర, మక్తల్, వనపర్తి, జడ్చర్ల, షాద్‌నగర్, పటాన్‌చెరు, జహీరాబాద్, నిజామాబాద్ రూరల్, బోధన్, ఆర్మూర్, సిర్పూర్, ఖానాపూర్, జగిత్యాల, పెద్దపల్లి, నర్సంపేట్, ములుగు, వరంగల్ తూర్పు, భూపాలపల్లి, ఖమ్మం, కొత్తగూడెం, సత్తుపల్లి, మిర్యాలగూడ, హుజూర్‌నగర్, తుంగతుర్తి, ఆలేరు, ఉప్పల్, ఎల్‌బీ నగర్, రాజేంద్రనగర్, శేరిలింగంపల్లి, కూకట్‌పల్లి, కుత్బుల్లాపూర్, ముషీరాబాద్, సనత్‌నగర్, ఖైరతాబాద్, జూబ్లీహిల్స్ నియోజకవర్గాల్లో టీడీపీ బలంగా ఉన్నట్లు సర్వేలో తేలింది.

2019 ఎన్నికలు కొత్త ఎత్తులకు, పొత్తులకు వేదికగా నిలుస్తున్నాయి. ఏ పార్టీకి వ్యతిరేకంగా టీడీపీ ఆవిర్భవించిందో అదే పార్టీతో కలిసి నడవబోతోంది. ఇప్పటి వరకు నీరూనిప్పులా ఉన్న కాంగ్రెస్, టీడీపీలు ఒకే వేదికను పంచుకోబోతున్నాయి. అయితే ఈ రెండు పార్టీలకు ఏకం చేసిన ఘనత ప్రధాని మోదీకి, టీఆర్‌ఎస్ అధినేత కేసీఆర్‌కు దక్కుతుంది. ఏపీ ప్రత్యేక హోదా ఇస్తామని ప్రకటించిన మోదీ తర్వాత యూ టర్న్ తీసుకున్నారు. ఇలాంటి పరిణామాల నేపథ్యంలోనే ఎన్‌డీఏ నుంచి టీడీపీ బయటకు వచ్చింది. ఎన్‌డీఏ నుంచి టీడీపీ వైదొలగిన వెంటనే ఏపీ కేబినేట్‌లో మంత్రులుగా ఉన్న ఇద్దరు బీజేపీ మంత్రులు రాజీనామా చేశారు. ఆ తర్వాత టీడీపీ అవినీతి వ్యతిరేకంగా బీజేపీ ప్రచారం చేయడం మొదలు పెట్టింది. దీంతో ఈ రెండు పార్టీల మధ్య పచ్చగడ్డి వేస్తే భగ్గుమంటోంది.

ఇది ఇలావుంటే కేంద్ర రాజకీయాల్లో సీఎం చంద్రబాబు మరోసారి కీలక పాత్ర పోషించబోతున్నారు. ఎన్‌డీఏ వ్యతిరేక పక్షాలను ఏకం చేసేందుకు ఆయన సిద్ధమవుతున్నారు. బుధవారం టీడీపీ సభ్యత్వ నమోదు కార్యక్రమంలో పాల్గొన్న చంద్రబాబు పలు కీలక నిర్ణయాలు తీసుకున్నారు. ఢిల్లీలో మనం యాక్టివ్‌ కావాలని, బీజేపీ వ్యతిరేక పార్టీలను ఏకతాటిపైకి తీసుకు వస్తామని చెప్పారు. ఢిల్లీలో రాహుల్‌తో మాట్లాడి అందరిని ఒకే వేదికపైకి తీసుకు వస్తానని స్పష్టం చేశారు. తనకు ప్రధాని పదవిపై కోరికలేదని, దేశంలో ప్రజాస్వామ్యం ప్రమాదంలో పడిందని, దేశ రాజకీయాల్లో అందరికంటే ముందున్న వ్యక్తిని తానేనంటూ ప్రకటించారు. ప్రధాని పదవి చేపట్టాలని 1995లోనే తనపై ఒత్తిడి వచ్చిందని, రెండు సార్లు ప్రధాని పదవి చేపట్టే అవకాశం వచ్చినా తిరస్కరించానని చెప్పారు. ఏఐసీసీ అధ్యక్షుడు రాహుల్‌గాంధీతో మాట్లాడి అందరినీ ఒకతాటిపైకి తీసుకువస్తానని చెప్పారు. అందరితో కలిసి జాతీయస్థాయిలో ఒక ప్రత్యామ్నాయ రాజకీయ శక్తిగా ఎదుగుతామని స్పష్టం చేశారు.

‘‘బీజేపీ విధానాల వల్ల దేశం ప్రమాదంలో పడింది. దేశాన్ని ప్రమాదం నుంచి బయటపడేసేందుకే... నేను బాధ్యత తీసుకున్నాను. 40ఏళ్లుగా ప్రజాస్వామ్య విలువలు చూశాను. మోదీ, అమిత్‌షా ఎన్ని దాడులు చేసినా భయపడేది లేదు. టీడీపీ దేశానికి ఎన్నోసార్లు దశదిశ చూపింది. ఇప్పుడు మరోసారి దేశరాజకీయాల్లో కీలకపాత్ర షోషించాల్సిన సమయం వచ్చింది’’ అని చంద్రబాబు చెప్పారు. ఆయన ప్రకటించినట్లే చంద్రబాబు.. ఈ రోజు రాహుల్‌గాంధీతో భేటీ అయ్యారు. వారం వ్యవధిలోనే ఆయన రెండు సార్లు ఢిల్లీ పర్యటిస్తున్నారు. ఈ నెల 27న ఢిల్లీలో పర్యటించి పలు పార్టీల నేతలను కలిశారు. చంద్రబాబు కలిసిన వారిలో నేషనల్ కాన్ఫరెన్స్ నేత ఫరూక్ అబ్దుల్లా, మాయావతిని కలిశారు.