news

సీబీఐ నెంబర్ 1, నెంబర్ 2 స్థానంలో ఉన్న అలోక్ వర్మ, రాకేష్ ఆస్థానాలను రాత్రికి రాత్రి సెలవు పై పంపి తాత్కాలిక సీబీఐ చీఫ్‌గా ఎం.నాగేశ్వరరావును కేంద్రం నియమించడం, అలాగే సీబీఐలో జరుగుతున్న రచ్చ పై ఆంధ్రప్రదేశ్ ముఖ్యమంత్రి చంద్రబాబు నాయుడు స్పందించారు. మోదీ ప్రభుత్వం సీబీఐని భ్రష్టు పట్టించిందన్నారు. రాఫెల్ స్కాంపై విచారణ చేస్తారనే భయంతోనే సీబీఐ డైరెక్టర్‌ను తొలగించారని చెప్పారు. ప్రధాని వద్ద పనిచేసే ఆస్థానాను కాపాడటం కోసమే డైరెక్టర్‌ను మార్చారన్నారు. సీవీసీ అనుమతులు లేకుండా సీబీఐ డైరెక్ట్‌ను ఎలా మారుస్తారని ప్రశ్నించారు. సీబీఐ డైరెక్టరుగా నియామకం జరిగిన తర్వాత రెండేళ్లు కొనసాగించాలని చెప్పారు.

సీబీఐలో రాజకీయ నాయకుల జోక్యం ఉండకూడదని మొదట నుంచి పోరాడుతున్నామని అని అన్నారు. డైరెక్టర్ వద్ద డాక్యుమెంట్ ఉంటే ఇబ్బందని ఆయన్ను అనధికారికంగా తప్పించారు. వచ్చే ఎన్నికల్లో గెలిచేందుకు బీజేపీ చాలా కుట్రాలు పన్నుతోందని అన్నారు. మరో పక్క, డీఎంకే అధ్యక్షుడు ఎం.స్టాలిన్ కు మోడీని తప్పుపట్టారు. మీడియాతో స్టాలిన్ మాట్లాడుతూ, నాగేశ్వరరావు పై సీబీఐ డైరెక్టర్ (అలోక్‌ వర్మ)కు చాలా ఫిర్యాదులు వెళ్లాయని, దీనిపై దర్యాప్తు ప్రారంభించాలని కూడా అలోక్‌వర్మ అనుకున్నారని చెప్పారు. ఈ క్రమంలో అలోక్‌వర్మను సెలవుపై పంపి నాగేశ్వరరావుకు సీబీఐ పగ్గాలు అప్పగించడం పలు అనుమానాలకు తావిస్తోందన్నారు. రాఫెల్‌పై విచారణ జరక్కుండా ఉండేందుకు తీసుకున్న చర్యగా ఈ నియామకాన్ని భావించవచ్చా? అని స్టాలిన్ విమర్శించారు.

పశ్చిమ్ బంగా ముఖ్యమంత్రి, తృణమూల్‌ కాంగ్రెస్‌ అధినేత్రి మమతా బెనర్జీ సీబీఐని బీబీఐ అంటూ కొత్త పేరు పెట్టారు. ‘సీబీఐ ఇప్పుడు అతి తెలివి బీబీఐ (భాజపా బ్యూరో ఆఫ్‌ ఇన్వెస్టిగేషన్‌) గా మారిపోయింది. చాలా దురదృష్టకరం’ అని ఆమె ట్వీట్‌ చేశారు. సీబీఐ కార్యాలయాల వేదికగా చోటు చేసుకుంటున్న కీలక పరిణామాలపై దిల్లీ ముఖ్యమంత్రి అరవింద్ కేజ్రీవాల్‌ పలు ఆరోపణలు గుప్పించారు. ‘సీబీఐ డైరెక్టర్ ని సెలవుల మీద ఎందుకు పంపారు? లోక్‌పాల్‌ చట్టం ద్వారా నియమించిన దర్యాప్తు సంస్థ అధికారి పై మోదీ ప్రభుత్వం ఏ చట్టం ప్రకారం చర్యలకు ఆదేశించింది? ఆయన సర్కారు ఏ విషయాన్ని దాచడానికి ప్రయత్నిస్తోంది?’ అని ఆయన ట్విటర్‌ ద్వారా స్పందిస్తూ ప్రశ్నించారు.

ప్రముఖ కేంద్ర దర్యాప్తు సంస్థ సీబీఐ(సెంట్రల్ బ్యూరో ఆఫ్ ఇన్వెస్టిగేషన్)లో ఉన్నతాధికారుల లంచాల బాగోతం యావత్ దేశాన్ని షాక్‌కు గురి చేసింది. సీబీఐ డైరెక్టర్ అలోక్‌వర్మ, స్పెషల్ డైరెక్టర్ రాకేశ్‌ ఆస్థానాలను కేంద్రం సెలవులపై పంపి, అలోక్‌ వర్మ స్థానంలో సీబీఐ డైరెక్టర్ గా‌ బాధ్యతలను జాయింట్ డైరెక్టర్ మన్నెం నాగేశ్వరరావుకు అప్పగించడం వంటి కీలక పరిణామాలు చోటు చేసుకున్న నేపథ్యంలో ప్రధానమంత్రి నరేంద్ర మోదీ పై ప్రతిపక్ష పార్టీల నేతలు విమర్శల దాడి చేస్తున్నారు. పశ్చిమ్ బంగా ముఖ్యమంత్రి, తృణమూల్‌ కాంగ్రెస్‌ అధినేత్రి మమతా బెనర్జీ సీబీఐని బీబీఐ అంటూ కొత్త పేరు పెట్టారు. ‘సీబీఐ ఇప్పుడు అతి తెలివి బీబీఐ (భాజపా బ్యూరో ఆఫ్‌ ఇన్వెస్టిగేషన్‌) గా మారిపోయింది. చాలా దురదృష్టకరం’ అని ఆమె ట్వీట్‌ చేశారు.

సీబీఐ కార్యాలయాల వేదికగా చోటు చేసుకుంటున్న కీలక పరిణామాలపై దిల్లీ ముఖ్యమంత్రి అరవింద్ కేజ్రీవాల్‌ పలు ఆరోపణలు గుప్పించారు. ‘సీబీఐ డైరెక్టర్ ని సెలవుల మీద ఎందుకు పంపారు? లోక్‌పాల్‌ చట్టం ద్వారా నియమించిన దర్యాప్తు సంస్థ అధికారి పై మోదీ ప్రభుత్వం ఏ చట్టం ప్రకారం చర్యలకు ఆదేశించింది? ఆయన సర్కారు ఏ విషయాన్ని దాచడానికి ప్రయత్నిస్తోంది?’ అని ఆయన ట్విటర్‌ ద్వారా స్పందిస్తూ ప్రశ్నించారు. ‘అలోక్‌ వర్మను పదవి నుంచి తప్పించడానికి రఫేల్‌ ఒప్పందానికి మధ్య ఏదైనా సంబంధం ఉందా? ఆయన రఫేల్‌ ఒప్పందంపై విచారణ జరిపే యోచనలో ఉన్నారా? మోదీకి ఇబ్బంది కలిగించిన విషయం ఏమిటి?’ అని ఆయన మరో ట్వీట్‌లో నిలదీశారు.

ఈ విషయంపై ఇప్పటికే కేంద్ర ప్రభుత్వంపై ఆరోపణలు చేసిన సీపీఎం జాతీయ ప్రధాన కార్యదర్శి సీతారాం ఏచూరీ.. కేంద్ర ప్రభుత్వ చర్య చట్టానికి వ్యతిరేకమని, తమ అవినీతిని కప్పిపుచ్చుకోవడానికే ఇటువంటి వాటికి పాల్పడుతోందని మరోసారి ఆరోపించారు. ‘తమకు అనుకూలంగా వ్యవహరించి, అవినీతికి పాల్పడిన ఓ సీబీఐ అధికారిని రక్షించేందుకే.. మరో సీబీఐ అధికారిని మోదీ ప్రభుత్వం చట్ట వ్యతిరేకంగా తొలగించింది. భాజపా అగ్ర నేతలతో ఆయనకు నేరుగా ఉన్న సంబంధాలను కప్పిపుచ్చడానికే ఈ విధంగా తీవ్ర ప్రయత్నాలు చేస్తోంది’ అని ఆయన ఆరోపణలు చేశారు. అవినీతిపరుల ఇళ్ల పై దాడులు చేయాల్సిన సీబీఐ తన ప్రధాన కార్యాలయంలో తానే సోదాలు చేసుకుంది. తాను మునగడమే కాదు.. దేశ అత్యున్నత గూఢచార సంస్థ రీసర్చ్‌ అండ్‌ అనాలసిస్‌ వింగ్‌ (రా)ను, ఎన్‌ఫోర్స్‌మెంట్‌ డైరెక్టరేట్‌ (ఈడీ)ని కూడా తనతోపాటు కట్టగట్టి లంచాల పంకిలంలో నిలువునా ముంచింది. దేశ అత్యున్నత దర్యాప్తు సంస్థలన్నీ విశ్వసనీయత సంక్షోభంలో చిక్కుకున్నాయి.

కేంద్రం పగ బట్టేసింది. గ్యాప్ కూడా ఇవ్వకుండా, మన రాష్ట్రం పై విరుచుకుపడుతుంది. ఇప్పటికే విజయవాడలో ఐటి దాడులు చేసిన ఐటి అధికారులు, కొన్ని రోజుల క్రిందట సియం రమేష్ పై దాడులు చేసారు. మొత్తం వాతావరణం అంతా టెన్షన్ లో దింపుతున్నారు. ఆపరేషన్ గరుడలో చెప్పిన ప్రతి ఒక్కటి పొల్లు పోకుండా, షడ్యుల్ ప్రకారం జరుగుతుంది. ఎన్డీఏ నుంచి బయటకు వచ్చిన తరువాత, మోడీ పై చంద్రబాబు చేస్తున్న రాజకీయ పోరాటంతో, గుజరాత్ బ్రదర్స్ మోడీ, షాలు చంద్రబాబు పై కక్ష పెంచుకున్నారు. గత మూడు నాలుగు నెలలుగా చంద్రబాబు అంతు చూస్తాం, చంద్రబాబుని జైల్లో పెడతాం, చంద్రబాబుని పదవిలో నుంచి దించేస్తాం అంటూ బహిరంగంగానే బీజేపీ నేతలు మాట్లాడటం చూసాం. దానికి తగ్గట్టుగానే కోర్ట్ ల్లో కేసులు వేసినా, ఏమి లాభం లేకపోవటంతో, ఇప్పుడు తమ చేతుల్లో ఉన్న ఐటి, ఈడీ, సిబిఐ లకు ఢిల్లీ పెద్దలు పని చెప్పారు.

చంద్రబాబు, లోకేష్ మీద డైరెక్ట్ గా దాడి చేస్తే, అది దేశ వ్యాప్తంగా సంచలనం అయ్యి, అన్ని విపక్షాలు మరింత బలంగా ఏకం అయ్యే అవకాసం ఉండటంతో, తెలుగుదేశం పార్టీలో ఆర్ధికంగా బలంగా ఉన్న నేతల పై, తెలుగుదేశం పార్టీకి సానుకూలంగా ఉన్న వ్యాపార వేత్తల పై, దాడులకు ఢిల్లీ నేతలు సిద్ధం అయ్యారు. ఇందులో భాగంగా, ఇప్పటికే విజయవాడ, గుంటూరులో దాడి చేసిన ఐటి అధికారులు, ఇప్పుడు వైజాగ్ పై దాడికి రెడీ అయ్యారు. ఇందులో భాగంగా విశాఖకు భారీగా ఐటీ ఉన్నతాధికారులు చేరుకున్నారు. రేపు విశాఖలో భారీగా ఐటీ దాడులు జరిగే అవకాశం ఉందనే సమాచారం వస్తుంది. నగరంలో పలు హోటళ్లలో ఐటీ అధికారులు బస చేసారు.

తెలంగాణ, ఒడిశా, చెన్నై, బెంగళూరు నుంచి వచ్చిన అధికారులు, దాదపు 200 మంది ఉన్నారని తెలుస్తుంది. వివిధ మార్గాల నుంచి సాయంత్రం 5 గంటల ప్రాంతంలో విశాఖకు ఐటీ అధికారులు చేరుకున్నారు. ప్రధానంగా తెలుగుదేశం మంత్రి టార్గెట్ గా ఈ దాడులు చేస్తామని ఐటి అధికారులు లీకులు ఇస్తున్నారు. మొన్న చనిపోయిన మూర్తి వ్యాపార సంస్థల పై కూడా దాడులు చేసే అవకాసం ఉన్నట్టు తెలుస్తుంది. అలాగే విజయవాడలో చేసినట్టు, తెలుగుదేశం పార్టీకి సానుకూలంగా ఉన్న వ్యాపార వర్గాల పై కూడా దాడులు చేస్తారని సమాచారం. మొత్తంగా, నవ్యాంధ్రకు ఆయువపట్టు లాంటి వైజాగ్ లో, ఇప్పుడిప్పుడే ఫిన్టెక్ హబ్ గా, ఐటి హబ్ గా రూపాంతరం చెందుతున్న వైజాగ్ పై తప్పుడు ముద్ర వేసేందుకు, ఇలా దాడులు చేపిస్తున్నారు.