news

బీజేపీ, వైసీపీ, టీఆర్ఎస్, జనసేన తీరును ఏపీ ముఖ్యమంత్రి చంద్రబాబు ఎండగట్టారు. ఆ నాలుగు పార్టీలు టీడీపీనే టార్గెట్ చేశాయన్నారు. తెలుగు రాష్ట్రాల్లో తెలుగుదేశం పార్టీ లేకుండా చెయ్యాలనే టార్గెట్ పెట్టుకున్నారని అన్నారు. తితలీతో ప్రజలు ఇబ్బందులు పడుతుంటే.. ఒక్క బీజేపీ నేత పరామర్శించడానికి రాలేదని మండిపడ్డారు. పైగా పక్క రాష్ట్రం తాజా మాజీ మంత్రి కేటీఆర్.. పవన్‌కల్యాణ్‌ను అభినందించారని, రాజమండ్రిలో కవాతు బాగా చేసి, చంద్రబాబుని బాగా తిట్టారని ప్రశంసించారని, ఇదేమి రాజకీయం అని అన్నారు.

మరో పక్క జనసేన కవాతు, టీవీల్లో లైవ్ వెయ్యాలి అంటూ, రాం మాధవ్ ఫోన్లు కూడా చేసారని, టిడిపి నాయకులు చెప్పటంతో చంద్రబాబు ఆశ్చర్యపోయారు. వీళ్ళందరూ కలిసి, ఏం సాధిస్తారు ? మన పై ఇంత కక్ష చూపించే బదులు, ప్రజలకు చెయ్యాల్సినవి చెయ్యచ్చు కదా, ఎక్కడ కేటీఆర్, ఎక్కడ రాం మాధవ్, ఎక్కడ పవన్, అందరూ కలిసి మన పై దాడి చేస్తున్నారని అన్నారు. తితలీ తుఫానుతో ప్రజలు ఇబ్బందులు పడుతుంటే కేటీఆర్ కనీసం సానుభూతి కూడా ప్రకటించలేదన్నారు. వీళ్లంతా కలిసి పని చేస్తున్నారని చెప్పడానికి ఇవే రుజువులు అని పేర్కొన్నారు.

బీజేపీ, వైసీపీ, టీఆర్ఎస్, జనసేన పార్టీలు టీడీపీనే టార్గెట్ చేస్తున్నాయని.. అదంతా మనకే లాభమని వివరించారు. వాళ్లే తిట్టే తిట్లే మనకు ప్రజా దీవెనలన్నారు. ప్రజాభిమానమే తెలుగుదేశానికి నైతిక బలంగా అభివర్ణించారు. ఇందుకోసం తానొక్కడినే కష్టపడితో కుదరదని, పార్టీ మొత్తం కష్టపడితే ప్రభుత్వంపై ప్రజల్లో సంతృప్తి బాగా పెరుగుతుందని సూచించారు. తితలీ బాధితులకు ప్రభుత్వం చేసిన సాయాన్ని ప్రజలు ఎంతో అభిమానిస్తున్నారని గుర్తుచేశారు. ప్రజాభిమానం ప్రభుత్వంపై ఉందన్నారు. అది ఓర్వలేకే ప్రత్యర్థి పార్టీలు అక్కసు వెళ్లగక్కుతున్నాయని తెలిపారు. ప్రజలకు మనలను దూరం చేయాలని విపక్షాలు కుట్రలు చేస్తుంటే.. ప్రజలు మనస్ఫూర్తిగా సంతృప్తి వ్యక్తం చేస్తున్నారన్నారు.

రాష్ట్ర ప్రజల సంక్షేమం కోసం తాము పోరాడుతుంటే.. ప్రతిపక్షాలు తెదేపాపై పోరాడుతున్నాయని ఆ పార్టీ అధినేత, ఏపీ సీఎం చంద్రబాబునాయుడు విమర్శించారు. తెదేపా ఎంపీలు, ఎమ్మెల్యేలు, ఎమ్మెల్సీలు, ముఖ్య నేతలతో సీఎం టెలీకాన్ఫరెన్స్‌ నిర్వహించారు. రాష్ట్ర ప్రజలు తెదేపాపై చూపుతున్న అభిమానాన్ని ఓర్వలేక నాలుగు పార్టీలు ఏకమై అక్కసు పెంచుకున్నాయని సీఎం ఆరోపించారు. బీజేపీ, వైసీపీ, తెరాస, జనసేన పార్టీలు టిడిపినే లక్ష్యంగా చేసుకున్నాయని దుయ్యబట్టారు. తాను బాధితుల్ని పరామర్శిస్తుంటే.. వైసీపీ ప్రజలను రెచ్చగొట్టి అడ్డంకులు పెడుతున్నారని ధ్వజమెత్తారు. ఇక పవన్‌కల్యాణ్ ఒడ్డున ఉండి గడ్డలు వేస్తున్నాడని ఆరోపించారు.

వారు తమపై ఎంతగా గురి పెడితే తమకు అంత లాభమని.. వారి తిట్లే తమకు ప్రజా దీవెనలని చంద్రబాబు వ్యాఖ్యానించారు. ఓటర్ల నమోదు, కౌన్సిల్‌ ఎన్నికలు, బూత్‌ కన్వీనర్ల శిక్షణ, గ్రామ వికాసం పురోగతిపై నేతలతో సీఎం చర్చించారు. శ్రీకాకుళం జిల్లాలో తుపాను బీభత్సం సృష్టించినా.. కేంద్రం నుంచి ఒక్క భాజపా నేత కూడా రాలేదని, ఎలాంటి సాయం అందించలేదన్నారు. రాజమహేంద్రవరంలో పవన్‌ కవాతును ప్రశంసించిన కేటీఆర్‌.. తిత్లీ తుపాను బాధితులపై కనీసం సానుభూతి కూడా ప్రకటించకపోవటం బాధాకరమన్నారు.

వైకాపా అధ్యక్షుడు జగన్‌ పాదయాత్రకు ప్రజల్లో స్పందన లేదని, ఆయన ఫ్యాక్షన్‌ మనస్తత్వమే దానికి కారణమన్నారు. జగన్‌ చిత్తశుద్ధితో పాదయాత్ర చేయట్లేదనే విషయాన్ని ప్రజలు గమనిస్తున్నారని, మరో నాలుగేళ్లు ఆయన పాదయాత్ర చేసిన ఫలితం రాదని చంద్రబాబు ఎద్దేవా చేశారు. ప్రతిపక్ష పార్టీలు ఎన్ని అడ్డంకులు సృష్టించినా ప్రజాభిమానం తమపై ఉందని, అదే తమ నైతిక బలమని పేర్కొన్నారు. తాను ఒక్కడినే కష్టపడితే చాలదని.. పార్టీ సభ్యులంతా కష్టించి పనిచేయాలని నేతలకు చంద్రబాబు సూచించారు.

ద‌ళారీల్లేరు. పైర‌వీలు అస‌లే లేవు. సిఫార‌సులు ఊసే లేదు. లంచం మాటే లేదు. అంతా ఆన్‌లైన్‌. అందుకే ల‌క్ష్యం ల‌క్ష‌లు దాటింది. 3 ల‌క్ష‌ల మందికి పైగా ముఖ్య‌మంత్రి యువ‌నేస్తాల‌య్యారు. వీరంతా నిరుద్యోగ‌భృతి అందుకుంటూనే, వివిధ రంగాల‌లో నైపుణ్యం సాధించి..ఉద్యోగులై ఆంధ్ర‌ప్ర‌దేశ్ అభివృద్ధిలో కీల‌క భాగ‌స్వాములు కానున్నారు. ముఖ్య‌మంత్రి యువ‌నేస్తం ప‌థ‌కం అమ‌లుకు కోసం మంత్రి నారా లోకేష్ రూపొందించిన అత్యంత ప‌క‌డ్బందీ పార‌ద‌ర్శ‌క వ్య‌వ‌స్థ ఇస్తున్న స‌త్ఫ‌లితాలు ఇవి. ప‌థ‌కం ప్రారంభించిన 36 రోజుల్లో 3 ల‌క్ష‌ల 20 మందికి పైగా యువ‌త ఈ ప‌థ‌కానికి ఎంపిక‌య్యారు. ఇది దేశంలో ఏ రాష్ట్రమూ సాధించ‌ని రికార్డు. ఇప్ప‌టివ‌ర‌కూ అర్హుల సంఖ్య 3 లక్షల 20 మందిగా న‌మోద‌య్యారు. ముఖ్య‌మంత్రి యువ‌నేస్తం ప‌థ‌కం వెబ్‌సైట్‌ని 5 వారాల‌ క్రితం ముఖ్య‌మంత్రి చంద్ర‌బాబునాయుడు ఆవిష్క‌రించారు. ఇప్ప‌టివ‌ర‌కూ 3 లక్ష‌ల 20 మంది యువ‌త ప‌థ‌కానికి అర్హ‌త సాధించారు. స్వచ్ఛందంగా భృతి వదులుకున్న వారు 10,378 కాగా..వీరుకూడా పొర‌పాటున ఈ ఆప్ష‌న్ ఎంచుకున్నారేమోన‌ని 1100 నుంచి ఫోన్ చేసి ఆరాతీసి..పొర‌పాటున అని చెబితే వారినీ అర్హుల జాబితాకు మార్చుతున్నారు.

వివిధ స‌మ‌స్య‌ల‌పై ద‌ర‌ఖాస్తుదారుల నుంచి ఇప్ప‌టివ‌ర‌కూ వ‌చ్చిన ఫిర్యాదుల్లో 1,24,324 ప‌రిష్క‌రించ‌గా, 35,767 పెండింగ్‌లో ఉన్నాయి. ఇవి కూడా అతిత్వ‌ర‌లో ప‌రిష్క‌రించి వారికి భృతిని అంద‌జేయ‌నున్నారు. ఇప్పటి వరకూ 1,70,413 మంది ఖాతాల్లో నిరుద్యోగ‌భృతి జ‌మ అయ్యింది. వీరంద‌రికీ న‌వంబ‌ర్ 1 నుంచి భృతి ఖాతాల‌కు నేరుగా జ‌మ చేయ‌నున్నారు. ద‌ర‌ఖాస్తుకు చివ‌రి గ‌డువు లేదు.యువ‌నేస్తం ప‌థ‌కానికి ఆన్లైన్‌లో ద‌ర‌ఖాస్తు చేసుకునేందుకు ఎటువంటి గ‌డువు లేదు. అయితే ప్ర‌తీనెలా 25వ తేదీ మాత్రం ఆ నెల‌కు సంబంధించిన ల‌బ్ధిదారుల ఎంపిక‌కు క‌టాఫ్‌గా నిర్ణ‌యించారు. అలా చేయ‌డం వ‌ల్ల 25వ తేదీలోగా వ‌చ్చేఅర్హుల‌కు త‌రువాతి నెల 1వ తేదీ నుంచి భృతి నేరుగా ఖాతాలో జ‌మ‌చేయ‌నున్నారు. అంత‌కుమించి ఈ ప‌థ‌కానికి ద‌ర‌ఖాస్తు చేసే చివ‌రి తేదీ అంటూ ఏదీ లేద‌ని ఉన్న‌తాధికారులు స్ప‌ష్టం చేశారు. ముఖ్యమంత్రి యువ‌నేస్తం ప‌థ‌కం ప్రారంభానికి ముందే యువత చాల సులభంగా ఈ కార్యక్రమానికి దరఖాస్తు చేసుకునే విధంగా వెబ్‌సైట్‌ని రూపొందించారు.

వెబ్‌సైట్ లాంచ్ అయిన త‌రువాత‌..భూమి నిబంధ‌న‌, పాత పీఎఫ్ అక్కౌంట్లు క‌లిగి ఉండ‌టం,బ్యాంకు అక్కౌంట్లు మ‌నుగ‌డ‌లో లేక‌పోవ‌డం, డిగ్రీల స‌ర్టిఫికెట్ల‌ను త్వ‌ర‌గా నిర్ధారించ‌క‌పోవ‌డం వంటి స‌మ‌స్య‌లు ఎదుర‌య్యాయి.వీటినీ ప‌రిష్క‌రించారు. స‌మ‌స్య ఏదైనా ప‌రిష్కారమే ల‌క్ష్యంగా ప‌థ‌కాన్ని నిరంత‌రం ప‌ర్య‌వేక్షిస్తూ..ఇత‌ర రాష్ట్రాలకు ఆద‌ర్శంగా ఆంధ్ర‌ప్ర‌దేశ్ నిలుస్తోంది. ముఖ్య‌మంత్రి యువ‌నేస్తం ప‌థ‌కానికి ఇప్ప‌టివ‌ర‌కూ వ‌చ్చిన ద‌ర‌ఖాస్తుల్లో అర్హులలో అత్య‌ధిక‌శాతం పురుషులే ఉండ‌టంతో..మ‌హిళ‌ల్లో అవ‌గాహ‌న పెంచాల‌ని నిర్ణ‌యించుకున్నారు. నిరుద్యోగ‌భృతి అంటే నెల‌నెలా రూ.1000 చెల్లింపు ఒక్క‌టే కాద‌ని, నైపుణ్యశిక్ష‌ణ ఇచ్చి ఉద్యోగాలు సాధించేలా తీర్చిదిద్ద‌డం కూడా ఇందులో భాగమ‌నే విష‌యంపై పెద్ద ఎత్తున ప్ర‌చారం చేయ‌నున్నారు. దీనికోసం సాధికారమిత్ర‌లు ఇంటింటికీ తిరిగి ప్ర‌చారం చేయ‌నున్నారు.అలాగే దరఖాస్తు చేసుకునేందుకు సహకారం ఇవ్వనున్నారు.