news

రాష్ట్రంలో రూ.1000 కోట్లతో చిత్తూరు, పశ్చిమగోదావరి జిల్లాలతో సహా మరో రెండు చోట్ల హింద్‌వేర్‌ తయారీ ప్లాంట్లను స్థాపిస్తామంటూ ఆ సంస్థ ఎండీ సందీప్‌ సొమానీ వెల్లడించారు. ఈడీబీ సీఈవో కృష్ణ కిశోర్‌తో కలసి సీఎం చంద్రబాబుతో బుధవారం భేటీ అయ్యారు. శానిటరీవేర్‌ తయారీకి సంబంధించిన ప్లాంట్లను చిత్తూరు, పశ్చిమగోదావరి జిల్లాలలో ఏర్పాటు చేయాలని నిర్ణయించామని చెప్పారు. మరో రెండుచోట్ల కూడా ప్లాంట్లను ఏర్పాటు చేసేందుకు అధ్యయనం చేస్తున్నామని వివరించారు. చిత్తూరు జిల్లా శ్రీకాళహస్తి, పశ్చిమ గోదావరి జిల్లాలో రూ.1500 కోట్లతో ఫైబర్‌ బోర్డు, సిరామిక్‌ యూనిట్లు నెలకొల్పుతామని ప్రకటించారు. ఈ కార్యక్రమంలో రాష్ట్ర ఆర్థికాభివృద్ధి సంస్థ (ఈడీబీ) ముఖ్య కార్యనిర్వాహణాధికారి కృష్ణకిశోర్‌, రాష్ట్ర ప్రణాళికా మండలి ఉపాధ్యక్షుడు కుటుంబరావు, ముఖ్యమంత్రి ముఖ్య కార్యదర్శి సాయిప్రసాద్‌, అదనపు కార్యదర్శి రాజమౌళి తదితరులు పాల్గొన్నారు.

మరో పక్క, రూ.2500 కోట్లతో కృష్ణపట్నంలో పెట్రో కెమికల్‌ కాంప్లెక్స్‌ ఏర్పాటు కానుంది. దక్షిణ కొరియాకు చెందిన దిగ్గజ సంస్థ తన వ్యాపార విస్తరణలో భాగంగా దీనిని ఏర్పాటు చేయనుంది. విశాఖలో ఇప్పటికే ఒక యూనిట్‌ కలిగిన ఎల్‌జీ కెమ్‌ కృష్ణపట్నంలో ఏబీఎస్‌ ప్లాస్టిక్‌ మెటీరియల్‌ ప్లాంట్‌ను నిర్మించనుంది. సంస్థ భారత్‌ హెడ్‌, మేనేజింగ్‌ డైరెక్టరు హావార్డ్‌ చుంగ్‌, ఎల్‌జీ పాలిమర్స్‌ డైరెక్టరు యంగ్‌ మొజుంగ్‌ తదితరులు బుధవారం రాత్రి ముఖ్యమంత్రి చంద్రబాబును ఉండవల్లిలో కలిశారు.

ఈ సందర్భంగా వ్యాపార విస్తరణ ప్రణాళికలను వారు ముఖ్యమంత్రివద్ద ఉంచారు. స్పందించిన సీఎం... ఎల్‌జీ కెమ్‌కు ప్రభుత్వం తరఫున పూర్తి సహకారం అందిస్తామని హామీ ఇచ్చారు. కాగా, శ్రీసిటీ సహా ఇతర ప్రాంతాల్లో పెట్టుబడులు పెట్టేందుకు మిత్సుబిషీ పరిశీలిస్తోంది. ప్రత్యేక బృందం మరో రెండురోజులపాటు రాష్ట్రంలో పర్యటిస్తుందని అధికార వర్గాలు తెలిపాయి. అలాగే, జిప్‌ తయారీ రంగంలో జపాన్‌ దిగ్గజ సంస్థ వైకేకే రూ.వెయ్యి కోట్లతో పరిశ్రమను స్థాపించేందుకు ఆసక్తి ప్రదర్శిస్తోంది. ఈ సంస్థ ప్రతినిధులు కూడా సీఎంతో భేటీ అయ్యారు.

కేంద్రం సహకరించకపోయినా, చంద్రబాబు ఎన్నో తిప్పలుపడి, రాష్ట్రానికి పెట్టుబడులు తెస్తున్నారు. తాజాగా, రాష్ట్రంలో రూ.17వేల కోట్ల పెట్టుబడితో ఉక్కు పరిశ్రమను స్థాపించేందుకు అంతర్జాతీయ కంపెనీ ముందుకొచ్చింది. ఈ మేరకు రాష్ట్ర ఆర్థికాభివృద్ధి మండలి, సీఎం చంద్రబాబుతో ఆ సంస్థ ముఖ్య ప్రతినిధులు సమావేశం అయ్యారు. విభజన చట్టంలో ఇచ్చిన హామీ మేరకు కడపలో ఉక్కు పరిశ్రమను స్థాపించాల్సి ఉంది. కానీ, కేంద్రం ఆ హామీని నెరవేర్చడం లేదు. కడపలో అవకాశాలు పుష్కలంగా ఉన్నాయని అధ్యయన సంస్థ మెకన్సీ నివేదిక కూడా ఇచ్చింది. రాష్ట్ర ప్రభుత్వం 2200 ఎకరాలను కేటాయించింది. కడప, కర్నూలు, అనంతపురం జిల్లాల్లోని ఇనుప ఖనిజం నిల్వలనూ రిజర్వు చేసి ఉంచింది.

ఇటీవలే టీడీపీ ఎంపీ సీఎం రమేశ్‌ ఆమరణ దీక్షకూ దిగారు. అయినా మోదీ సర్కారులో కదలిక లేకపోవడంతో రాష్ట్ర ఖనిజాభిృద్ధి సంస్థ, ప్రైవేట్‌ సంస్థల కలయికలో జాయింట్‌ వెంచర్‌పై కడపలో ఉక్కు పరిశ్రమను స్థాపించేందుకు రాష్ట్ర ప్రభుత్వం ప్రయత్నాలు మొదలుపెట్టింది. ఇది తెలుసుకొన్న ఒక అంతర్జాతీయ కంపెనీ స్టీల్‌ప్లాంట్‌ ఏర్పాటుకు ఆసక్తి కనబరిచింది. ఈడీబీ సీఈవో జాస్తి కృష్ణకిశోర్‌ను సంప్రదించింది. అయితే తమ సంస్థ పేరును ఎక్కడా వెల్లడించవద్దంటూ ఆ కంపెనీ యాజమాన్యం షరతు పెట్టింది. రాష్ట్రంలో పెట్టుబడులు పెట్టేంతవరకూ సంస్థ పేరును పొక్కనీయబోమంటూ ఆ కంపెనీ యాజమాన్యానికి రాష్ట్ర ప్రభుత్వం హామీ ఇచ్చింది.

ఈ నేపథ్యంలోనే సీఎం చంద్రబాబుతో ఆ కంపెనీ ప్రతినిధులు భేటీ అయ్యారు. వనరులపై సంతృప్తిని వ్యక్తం చేశారు. కడపసహా ఇతర ప్రాంతాల్లోనూ ప్లాంటు ఏర్పాటుకు గల అవకాశాలపై అన్వేషణ చేస్తామని వెల్లడించారు. దీనికి రాష్ట్ర ప్రభుత్వం సూత్రప్రాయంగా అంగీకరించింది. భారీస్థాయిలో ఇనుప ఖనిజం నిక్షేపాలున్న కడపలోనే స్టీల్‌ ప్లాంటును స్థాపించేందుకు అవకాశాలు అధికంగా ఉన్నాయని ఈడీబీ వర్గాలు వెల్లడిస్తున్నాయి. రాయలసీమ యువతకు వేలాదిగా ఉద్యోగ, ఉపాధి అవకాశాలు దక్కుతాయని చెబుతున్నాయి.

ఆంధ్రప్రదేశ్ లో కాంగ్రెస్ పరిస్థితి ఏంటో అందరికీ తెలిసిందే. మన రాష్ట్రానికి చేసిన అన్యాయానికి, అడ్రస్ లేకుండా పోయారు. 130 ఏళ్ళ పార్టీకి, సున్నా సీట్లు ఇచ్చారు ఆంధ్రులు. అయితే, ఇప్పటికీ పరిస్థితిలో పెద్దగా మార్పు లేదు. నరేంద్ర మోడీ చేసిన అన్యాయానికి, కొంత మంది కాంగ్రేసే నయం అంటున్నా, చెప్పోకోదగ్గ స్థాయిలో ఏమి పుంజుకోలేదు. అయితే, ఇప్పుడు ఇలాంటి పార్టీలో టికెట్ కోసం, ఏకంగా ఆత్మహత్య చేసుకున్నాడు ఒకతను. నెల్లూరు రూరల్ కాంగ్రెస్ టిక్కెట్ కోసం పీసీసీ సభ్యుడు శివాచారి ఆత్మహత్యాయత్నం చేశారు. కాంగ్రెస్‌ సమన్వయ కమిటీ సమావేశంలో ఈ ఘటన జరిగింది. శివాచారి ఆత్మహత్యాయత్నాన్ని కాంగ్రెస్ కార్యకర్తలు అడ్డుకున్నారు. పూర్తి వివరాల్లోకి వెళితే... గురువారం విజయవాడలో కాంగ్రెస్ పార్టీ విస్తృతస్థాయి సమావేశం జరిగింది.

నెల్లూరు జిల్లాకు చెందిన శివాచారి సమావేశం మధ్యలో అరుపులు, కేకేలతో సభ మధ్యలోకి దూసుకు వచ్చి.. తనకు అన్యాయం చేస్తున్నారని, మాజీ కేంద్రమంత్రి పనబాక లక్ష్మీ, ఆమె భర్త తనను పార్టీలో పాల్గొనకుండా అడ్డుకుంటున్నారని ఆరోపించారు. పార్టీలో తనకు అన్యాయం జరిగితే ఆత్మహత్య చేసుకుంటానని బెదిరించారు. తనతోపాటు పురుగులమందు డబ్బా తీసుకువచ్చారు. దీంతో అప్రమత్తమైన నేతలు, కార్యకర్తలు శివాచారి చేతిలో ఉన్న డబ్బాను తీసుకుని సర్దిచెప్పే ప్రయత్నం చేశారు. రెండు దశాబ్దాలు కాంగ్రెస్ పార్టీలో ఉంటూ ఎంతో సేవ చేశానని, నెల్లూరు జల్లా అధ్యక్ష పదవి కోసం ప్రయత్నిస్తున్న తనను పనబాక దంపతులు అడ్డుతగులుతున్నారని ఆవేదన వ్యక్తం చేశారు.

దీనిపై పూర్తి స్థాయిలో విచారణ జరిపి న్యాయం చేస్తామని, పదవి కూడా ఇస్తామని కాంగ్రెస్ నేతలు చెప్పడంతో వివాదం సద్దుమణిగింది. తనకు కనుక అన్యాయం జరిగితే నెల్లూరు జిల్లా కాంగ్రెస్ పార్టీ కార్యాలయం ముందే ఆత్మహత్య చేసుకుంటానని శివాచారి స్పష్టం చేశారు. అయితే ఈ చర్య పై అందరూ ఆశ్చర్యపోతున్నారు. అసలు కాంగ్రెస్ పార్టీకే అడ్రస్ లేకపోతే , ఇక ఇలాంటి వారు టికెట్ ల కోసం చచ్చిపోవటం ఏంటో అర్ధంకాక ప్రజలు జుట్టు పీక్కుంటున్నారు.