news

బ్యాడ్మింటన్‌ప్రపంచ ఛాంపియన్‌షిప్‌ లో రజతం కైవశం చేసుకున్న సింధును అభినందించారు సీఎం చంద్రబాబు. ఫైనల్లో స్పెయిన్‌ క్రీడాకారిణి కరోలినా మారిన్‌ లో ఓడినా అద్భుత ప్రతిభ చూపిందని సింధును ప్రశంసలతో ముంచెత్తారు. ప్రపంచ బ్యాడ్మింటన్ ఛాంపియన్ షిప్ లో రజతం గెలిచి సింధు భారత షట్లర్ల ఘనతను చాటిందని ప్రశంసించారు. భారత అగ్రశ్రేణి బ్యాడ్మింటన్‌ క్రీడాకారిణే కాదు ప్రపంచశ్రేణి క్రీడాకారిణిగా సింధు రాణించడం గర్వకారణమని అన్నారు.ప్రపంచ ఛాంపియన్‌షిప్‌ లో అద్భుత ఫామ్‌ ప్రదర్శించి తెలుగు జాతికి మణిమకుఠంగా సింధు నిలిచిందని కీర్తించిన సీఎం చంద్రబాబు.. ప్రపంచ ఛాంపియన్‌షిప్‌ నాలుగు పతకాలు గెలిచి బ్యాడ్మింటన్‌ ప్రపంచ ఛాంపియన్‌షిప్‌ లో సింధు సువర్ణాధ్యాయం సృష్టించిందని అన్నారు.

వరుసగా రెండుసార్లు ఫైనల్‌ చేరుకొని సింధు చరిత్రకు శ్రీకారం చుట్టిందన్నఅయన ఫైనల్ లో కరోలినా మారిన్‌( స్పెయిన్‌), సెమీస్‌లో యమగూచి(జపాన్‌)వంటి ప్రపంచ దిగ్గజ షట్లర్‌ లను వరుసగా జరిగిన మెగా టోర్నీల్లో ఆడి సింధు అసమాన్య ప్రతిభ చూపిందన్న సీఎం చంద్రబాబు. ఇదే విషయం పై చంద్రబాబు ట్వీట్కూడా చేసారు "Congratulating athlete @Pvsindhu1 for winning silver medal after an incredible badminton face off at World Badminton Championships 2018. Millions of citizens drew inspiration from her as she made India proud yet again on an international platform. "

ఆదివారం జరిగిన ప్రపంచ బ్యాడ్మింటన్‌ ఛాంపియన్‌షిప్‌ ఫైనల్లో కరోలినా మారిన్‌ చేతిలో 21-19, 21-10 తేడాతో సింధు ఓడిపోయింది. దీంతో ప్రపంచ ఛాంపియన్‌ షిప్‌లో రెండోసారి కూడా రజతంతో సరిపెట్టుకోవాల్సి వచ్చింది. ఈ విజయంతో ప్రపంచ ఛాంపియన్‌షిప్‌లో మరోసారి సింధుపై మారిన్‌ విజయం సాధించినట్లైంది. 2014, 2015ల్లో స్వర్ణం గెలిచిన మారిన్‌, తాజా విజయంతో మూడోసారి కూడా పసిడి పతకాన్ని తన ఖాతాలో వేసుకుంది.

కొండలతో నిండిన బెజవాడ నగరంలో మరో సొరంగ మార్గం ఏర్పాటు దిశగా అడుగులు పడుతున్నాయి. ఈ చిన్న నగరంలో ఎటు నుంచి ఎటు ప్రయాణించాలన్నా కొండల చుట్టూ తిరిగివెళ్లాల్సిందే. అత్యంత తక్కువ దూరం ఉన్న గుణదల - బెంజ్‌సర్కిల్‌ మధ్య ప్రయాణానికి సైతం పెరిగిన ట్రాఫిక్‌ కారణంగా గంటకు పైగా సమయం వెచ్చించాల్సివస్తోంది. రామవరప్పాడు నుంచి బస్టాండుకు వెళ్లాలన్నా అంతే. పాతబస్తీలో మాదిరి కొండల మధ్య మరో సొరంగ మార్గాన్ని ఏర్పాటు చేస్తే మరి కొన్ని ప్రాంతాల మధ్య ప్రయాణ దూరాన్ని తగ్గించవచ్చునని భావించిన వీఎంసీ ఆ దిశగా ప్రణాళికలను రచిస్తోంది. రూ.200 కోట్ల అంచనాలతో వీఎంసీ ఆహ్వానించిన ఆర్‌ఎఫ్‌పీలకు జాతీయ, అంతర్జాతీయ సంస్థల నుంచి అంచనాలకు మించిన స్పందన వస్తోంది.

60వ దశకంలో కేఎల్‌ రావు జలవనరుల శాఖ మంత్రి(ఇండిపెండెంట్లీ ఇన్‌చార్జి)గా ఉన్న సమయంలో ఏర్పాటుచేసిన సొరంగ మార్గం నేటికీ లక్షలాదిమంది ప్రయాణికులకు ఉపయోగపడుతోంది. అదే తరహాలో నగరంలో కొండల మధ్య నుంచి దాదాపు రెండు కిలోమీటర్ల మేర సొరంగాన్ని ఏర్పాటుచేయడానికి అధికారులు రంగం సిద్ధం చేస్తున్నారు. దీని కోసం జూన్‌ 6న ఆర్‌ఎఫ్‌పీలను ఆహ్వానిస్తున్నట్టు వీఎంసీ ప్రకటించగా.. ఢిల్లీ నుంచి రెండు అంతర్జాతీయ సంస్థలు, కోల్‌కతా వంటి నగరాలతో పాటు స్వీడన్‌ వంటి ఇతర దేశాల నుంచి పలు అంతర్జాతీయ సంస్థలు డీపీఆర్‌లు సిద్ధం చేయడానికి పోటీ పడుతున్నాయి.

ప్రస్తుత అంచనాల ప్రకారం గుణదల, క్రీస్తురాజపురం, మొగల్రాజపురం, లయోలా కళాశాల, 65వ నెంబరు జాతీయ రహదారి మీదుగా ప్రయాణించే వాహనాలు, పాదచారుల కోసం గుణదల కొండ కిందగా జాతీయ రహదారి వైపునకు గానీ మొగల్రాజపురం వైపునకు గానీ ఏర్పాటుచేయాలని వీఎంసీ భావిస్తోంది. లేకపోతే విద్యాధరపురం కొండకు ప్రస్తుత సొరంగ మార్గం కాకుండా మరో మార్గానికి సన్నాహాలు చేసే అవకాశముంది. విజయవాడలో నిర్మితమై ఉన్న 1264 కిలోమీటర్ల రోడ్లపై నిత్యం 250కి పైగా ప్రైవేటు బస్సులు (పర్మిట్‌ ఉన్నవి) హైదరాబాద్‌, చెన్నై, విశాఖపట్టణం వంటి ఇతర ప్రాంతాలకు నడుస్తుంటాయి. వాటితోపాటు 8లక్షల ద్విచక్ర వాహనాలు, 36వేల ఆటోలు, 50వేలకు పైగా కార్లు, 30వేలకు పైగా లారీలు నగరంలో ప్రయాణిస్తున్నాయి. ఇతర ప్రాంతాల నుంచి వచ్చే వాహనాలకు లెక్కేలేదు.

ఏడాదిన్నర పసి బాలుడుకు అరుదైన చర్మ వ్యాధి సోకింది... రెక్కాడితే కానీ డొక్కాడని బడుగు జీవికి కుమారుడుగా జన్మించడం ఆ బిడ్డడి తప్పయింది... తన పాలనలో ఎవరికి ఏ కష్టమొచ్చినా తెలిసినంతనే ఆదుకునే మానవత్వం ఉన్న మన ముఖ్యమంత్రిగా చంద్రబాబు ఉండటం ఆ బిడ్డడికి అదృష్టమైంది. కుప్పం నియోజకవర్గంలోని రామకుప్పం మండలం బండారుపల్లికి చెందిన అరుణ, ఏకాంబరం దంపతుల ఏడాదిన్నర కుమారుడికి వ్యాధి సోకి చర్మంపై మచ్చలు ఏర్పడ్డాయి. వ్యవసాయ చేసుకుంటూ జీవనం సాగిస్తున్న ఏకాంబరానికి దిక్కుతోచలేదు. రైతుకు తన కుమారుడికి చికిత్స చేయించడం కష్టమయింది. .తనకున్న శక్తి మేరకు స్థానికంగా చికిత్స చేసినా కుమారుడి చర్మవ్యాధి తగ్గలేదు...మరింత మెరుగైన ఆధునిక విదేశీ వైద్యం చేస్తేగానీ తగ్గదన్నారు డాక్టర్లు...ఖర్చు కూడా పెద్దమొత్తం అవుతుందనడంతో ఆ తల్లిదండ్రులకు దిక్కుతోచలేదు...

దిక్కులేని వారికి ఆ దేవుడే దిక్కన్నట్లు... ప్రత్యక్ష దైవమైన ముఖ్యమంత్రి చంద్రబాబు స్మురణకు వచ్చాడు...గతంలో ఎంతోమంది ముఖ్యమంత్రి చంద్రబాబుకు విన్నవించుకుంటే మానవతా దృక్పథంతో ఆదుకున్న సంఘటనలు గుర్తు చేసుకున్నారు ఆ తల్లిదండ్రులు...దూరాభారమైనా కుప్పం నుంచి బిడ్డని చంకన వేసుకుని ఆ తల్లిదండ్రులు ఉండవల్లిలోని నివాసంలో ముఖ్యమంత్రి చంద్రబాబును కలిసి కొడుకుకు వచ్చిన కష్టాన్ని చెప్పుకున్నారు...తక్షణం ముఖ్యమంత్రి చంద్రబాబు ఆ పసిబిడ్డడి వైద్య చికిత్సకు రూ. లక్ష మంజూరు చేయాలని అధికారులకు ఆదేశించారు. ఆదుకునే హస్తం ఆపదలో ఉన్న పేదలకు అండగా నిలబడే నేస్తంగా ముఖ్యమంత్రి చంద్రబాబు నిలిచారని బిడ్డను తీసుకుని అరుణ, ఏకాంబరం దంపతులు సంతోషంతో ఇంటి ముఖం పట్టారు.